ཀུན་ཏུ་བཟང་པོ་ཀློང་དྲུག་པའི་རྒྱུད
༄༡
༡༡༡
ཀུན་ཏུ་བཟང་པོ་ཀློང་དྲུག་པའི་རྒྱུད་ཅེས་བྱ་བ་བཞུགས
༡༡༢
རྒྱ་གར་སྐད་དུ
བོད་སྐད་དུ
ཀུན་ཏུ་བཟང་པོ་ཀློང་དྲུག་པའི་རྒྱུད་ཅེས་བྱ་བ
བཅོམ་ལྡན་འདས་དཔལ་ཀུན་ཏུ་བཟང་པོ་རྡོ་རྗེ་བདེ་བ་ཆེན་པོ་ལ་ཕྱག་འཚལ་ལོ
འདི་སྐད་བདག་གིས་བསྟན་པའི་དུས་གཅིག་ན
བཅོམ་ལྡན་འདས་དཔལ་ཀུན་ཏུ་བཟང་པོ་ཡེ་ཅི་བཞིན་པའི་མངའ་བདག
༡༡༣
སངས་རྒྱས་ཀུན་གྱི་རང་བཞིན་དུ་ཡེ་ནས་རང་ཤར་བ་ཡིན་ཏེ
ང་ནི་སྣང་བ་ཐམས་ཅད་ཀྱི་བདག་ཉིད་དུ་རང་བྱུང་བས
འདི་དག་གི་དོན་ངས་བསྟན་གྱིས
སྟོང་པ་ཉིད་ཀྱི་འཁོར་རྣམས་ཉོན་ཅིག་མི་མཛད་པ་ཡི་མཛད་པ་ལས
སངས་རྒྱས་ཀུན་གྱི་སྐུར་གསལ་བས
ངས་ནི་རྟོག་པ་མེད་པ་རྙེད
སྣང་བ་འདི་ལ་སུས་སྤྱོད་པ
བླ་ན་མེད་པའི་ཞིང་ཁམས་རྫོགས
དེ་ཕྱིར་ངས་བསྟན་ལུང་འདི་ཉོན
དེ་སྐད་ཅེས་མི་གནས་པའི་ཡུལ་ལ་རང་རིག་པའི་སྟོན་པས་གཟིགས་ནས
༡༡༤
མཁའ་རྣམ་པར་དག་པའི་ནམ་མཁའ་ནས
སྙིང་པོ་བཅུད་ཀྱི་རྒྱལ་པོ་འདི
དུས་གསུམ་མཉམ་པ་ཉིད་དུ་གསུངས་སོ
གསུང་ངོ
གསུང་བར་འགྱུར་རོ
འདི་སྐད་བདག་གིས་ཐོས་པའི་དུས་གཅིག་ན
ཆོས་ཉིད་རྣམ་པར་དག་པ་རྒྱན་མ་བཀོད་པར་སྣང་བའི་ཕོ་བྲང་ན
བཅོམ་ལྡན་འདས་དཔལ་ཀུན་ཏུ་བཟང་པོ་རྒྱུད་ཐམས་ཅད་ཀྱི་མངའ་བདག་གིས
བསྟན་པ་རིན་པོ་ཆེའི་འདུལ་སྟངས་ལ་གཟིགས་ཏེ
འགྲོ་བ་རྣམ་པར་དག་པའི་གཟུགས་རྣམས་མི་གནས་པའི་མྱ་ངན་ལས་འདས་པའི་ལམ་དུ་གཟུང་པའི་ཕྱིར
རྡོ་རྗེ་སྙིང་པོ་རྒྱན་གྱི་དཀྱིལ་འཁོར་ཞེས་བྱ་བ་ཉིད་ཀྱི་ཐུགས་ལས་རྣམ་པར་སྤྲོས་ནས
ལྗགས་ཀྱི་དབང་པོ་ལས་གསུང་གི་འོད་ཟེར་དཔག་ཏུ་མེད་པ་རང་བྱུང་བའི་ཚེ
སངས་རྒྱས་ཐམས་ཅད་ཀྱི་སྐུའི་མཛད་པ་དང
གསུང་གི་མཛད་པ་དང
ཐུགས་ཀྱི་མཛད་པ་དང
ཡོན་ཏན་གྱི་མཛད་པ་དང
ཕྲིན་ལས་ཀྱི་མཛད་པ་རྣམས་དང
༡༡༥
དུས་གསུམ་མཉམ་པ་ཉིད་དུ་བཞུགས་སོ
དེ་ནས་བྱང་ཆུབ་སེམས་དཔའ་འོད་ཟེར་ཀུན་འདུས་ཀྱིས
སྟོན་པ་ཀུན་ཏུ་བཟང་པོ་ལ་འདི་སྐད་ཅེས་གསོལ་ཏོ
ཀྱེ་ཀུན་ཏུ་བཟང་པོ
སངས་རྒྱས་ཐམས་ཅད་ཀྱི་མཛད་པ་མེད་པའི་ཚེ
སྟོན་པ་ཉིད་ཅི་སྐད་བྱ་བར་བཞུགས
བསྟན་པའི་འདུལ་སྟངས་ནི་གང་ལགས
བདག་ལ་བསྟན་དུ་གསོལ
དེ་ནས་སྟོན་པས་བཀའ་སྩལ་པ
ཀྱེ་མ་འོད་ཟེར་ཀུན་འདུས་ཁྱོད་ཉོན་ཅིག
སངས་རྒྱས་ཐམས་ཅད་ཀྱི་མཛད་པ་མི་སྣང་བའི་ཚེ
ངའི་སྐུ་ནི་ཕུང་པོ་ཐམས་ཅད་བསྡུས་པ་ཞེས་བྱ་བ་མི་སྣང་མི་འབྱེད
མི་ལེན
མི་འདོར
མི་རྟོག
མི་འཛིན
མི་གནས
མི་འགྱུར
མི་མངོན
མི་གསལ
མི་མཛད
མི་གཏོང
མི་སེམས
མི་རིག
མི་འདུག
མི་གཏོད་པའི་སྣང་བ་རང་ཤར་ནས
སྟོང་པས་ཡུལ་གྱི་སྤྲོས་པ་མེད
༡༡༦
གསལ་བས་ཡོད་མེད་མཐའ་ལས་འདས
དྲན་པས་མི་བརྗེད་གཟུངས་དང་ལྡན
སྣང་བ་མངོན་སུམ་ཉིད་ཀྱི་ལམ
མཚོན་ཚིག་དུ་མའི་སྤྲོས་དང་བྲལ
སྔགས་ལས་མ་བསྐྱེད་ཡེ་རྫོགས་ཉིད
རྒྱུ་མ་དང་རྐྱེན་དང་ཡོངས་སུ་བྲལ
ལྟ་སྒོམ་དྲི་མ་ཀུན་ལས་འདས
མཐའ་མེད་དབུས་སུ་དམིགས་པ་མེད
སྣང་བ་མེད་ཅིང་ཡུལ་ཡང་མེད
ལྷ་མེད་སྔགས་ཀྱང་ཡོད་པ་མིན
ཆོས་མེད་བཏགས་པ་ཀུན་ལས་འདས
དགྲ་མེད་བཤེས་ཀྱང་ཡོད་མ་ཡིན
ལུས་མེད་དབང་པོ་སྣང་བ་མེད
ཆོས་ནི་བསམ་པས་མི་སྣང་སྟེ
གང་མེད་གང་དུ་འཛིན་པ་མེད
ང་མེད་ང་ཡི་འཁོར་ཡང་མེད
དབྱིངས་མེད་རིག་པའི་སྐུ་ཡང་མེད
དགེ་མེད་སྡིག་པའི་རྣམ་སྨིན་མེད
སྲོག་མེད་བཅད་པའི་དམིགས་པ་མེད
ཚོགས་མེད་བསགས་པའི་ཡུལ་ཡང་མེད
སངས་རྒྱས་མེད་ཅིང་སེམས་ཅན་མེད
༡༡༧
གནས་མེད་སྟོན་པ་ཉིད་ཀྱང་མེད
ཐབས་མེད་ཉན་པའི་འཁོར་ཡང་མེད
ཡུལ་མེད་དུས་གསུམ་ཉིད་ཀྱང་མེད
དུས་གསུམ་ཚོགས་པ་ཡོད་པ་མིན
དེ་ཕྱིར་ཅིར་ཡང་མེད་པ་ནི
ང་ནི་མ་ཕྱིས་མི་འབྱེད་སྣང
ས་ལས་འདས་པ་ང་ཡི་ཡུལ
མཛད་དང་སྤྱོད་པར་མ་ཕྱེ་བས
དུས་གསུམ་མཉམ་པ་ཉིད་དུ་སྟེ
ང་ཡི་ཡུལ་མེད་གཞི་བསམ་བྲལ
ཉག་གཅིག་ཆ་ཕྲའི་སྙིང་པོར་གནས
སྟོང་པ་ཆེན་པོའི་ཡེ་གདངས་ལས
སྣང་བ་མེད་པའི་ཕྱོགས་ནས་ནི
དྲི་མ་མེད་པའི་རིག་པ་ཉིད
བརྫུན་མེད་བདེན་པའི་མངོན་སུམ་པ
འདི་ཉིད་སུས་མཐོང་ང་ཡི་སྲས
ང་ཡི་སྣང་བ་དེ་ལྟར་ན
འདི་ཀུན་རིག་པའི་རང་གདངས་ཡིན
འདུས་པའི་སྣང་བ་ཀློང་གཅིག་ཏུ
ངེས་པའི་ལུང་ཆེན་འདི་ལ་སྤྱོད
དེ་ནས་བྱང་ཆུབ་སེམས་དཔའ་འོད་ཟེར་ཀུན་ནས་འདུས་པས་འདི་སྐད་ཅེས་གསོལ་ཏོ
༡༡༨
ཀྱེ་སྟོན་པ་ཀུན་ཏུ་བཟང་པོ་སྟོན་པ་ཉིད་ཀྱི་སྣང་བ་ཇི་ལྟ་བུ་ལགས
སེམས་ཅན་ཀུན་སྣང་བ་དང
ཁྱད་པར་མཆིས་སམ་མ་མཆིས
བདག་ལ་བསྟན་དུ་གསོལ
ཞེས་ཞུས་སོ
དེ་ནས་སྟོན་པ་ཀུན་ཏུ་བཟང་པོས་བཀའ་སྩལ་པ
བྱང་ཆུབ་སེམས་དཔའ་འོད་ཟེར་ཀུན་འདུས་ཁྱོད་ཉོན་ཅིག
ངས་བསྟན་པའི་འདུལ་སྟངས་ཀྱིས
བསྟན་པའི་དགོངས་པ་ལས་ལངས་ལ
ཁྱོད་ལ་འདི་ལྟ་བུའི་དོན་ངོ་མཚར་ཆེ་བ་ཤིན་ཏུ་གསང་བ་ཆེན་པོ
རང་བཞིན་རྫོགས་པ་ཆེན་པོའི་དོན་མ་ནོར་བར་མཚོན་པའི་ཚིག་གིས་གཏན་ལ་ཕབ་ནས་བསྟན་ན
སངས་རྒྱས་ཐམས་ཅད་ཀྱི་སྐུ་གསུང་ཐུགས་ཀུན་ཏུ་བཟང་པོ་རང་བཞིན་རྣམ་པར་དག་པའི་སྣང་བ་ཡིན་ཏེ
རིགས་དྲུག་གི་འགྲོ་བ་རྣམས་ལ་དུས་གསུམ་མཉམ་པ་ཉིད་དུ་བསྟན་པ་སྟེ
འདི་ནི་ངའི་སྣང་བ་དང་ཁྱད་པར་མེད་པར
ཡུལ་ཅན་དུ་མའི་ཀློང་གཅིག་ཏུ་དྲིལ་བ་ཞེས་བྱ་བ་ཆོས་ཐམས་ཅད་ངན་པའི་རྣམ་རྟོག་དང་བྲལ་ཏེ
༡༡༩
ང་ཉིད་སྤྲོས་བྲལ་ཀུན་ཏུ་བཟང་པོའི་ཀློང་དུ་ཐིམ་པའོ
ཡང་ཀློང་ནི་རྒྱ་མཚོ་ལྟ་བུའི་ངའི་སྣང་བ་རང་ཤར་ནས
དཀྱིལ་འཁོར་ཐམས་ཅད་ཀྱི་ཀློང་ཡེ་ནས་རང་ལ་འདུས་པས
ཕྱག་རྒྱ་ཆེན་པོའི་ཀློང་མི་གནས་པ་གཅིག་ཏུ་འཁྱིལ་བའོ
སེམས་དཔའ་ཆེན་པོ་ངའི་སྣང་བ་ནི་མི་སྣང་བའི་སྣང་བ་སྟེ
ཡོད་ཐོས་སྣང་གྲགས་ཐམས་ཅད་ལ་ཁྱབ་ཅིང་འཇུག་ནུས་པ་ཡིན་པས
སྙིང་པོ་གསང་བའི་ཀློང་ཞེས་བྱ་སྟེ
སྐུ་ཀུན་ཏུ་བཟང་པོ་རང་བྱུང
ངའི་སྣང་བ་ནི་ཅིར་ཡང་མེད་པ་ལས
ཅིར་ཡང་ཤར་ནས་ཁྱབ་པ་རང་དག་གི་སྙིང་པོ་འདུས་པའི་ཀློང་ཞེས་བྱ་སྟེ
གསུང་ཀུན་ཏུ་བཟང་པོ་རང་བྱུང
ངའི་སྣང་བ་འདི་ལྟར་སྨྲ་བསམ་ཀུན་གྱི་བདག་ཉིད་དུ་རང་ཤར་ནས
དྲན་པ་རང་སྟོང་ཉིད་ཀྱི་སྙིང་པོ་འདུས་པའི་ཀློང་ཞེས་བྱ་སྟེ
ཐུགས་ཀུན་ཏུ་བཟང་པོ་རང་བྱུང་བའོ
ཀྱེ་སེམས་དཔའི་ཆེན་པོ
སངས་རྒྱས་ཐམས་ཅད་དུས་གསུམ་མཉམ་པ་ཉིད་དུ་རིག་པའི་སྐྱེས་བུ་ང
ཀུན་ཏུ་བཟང་པོའི་ཀློང་གཅིག་ཏུ་འཁྱིལ་པ་ཞེས་བྱ་སྟེ
དེ་བཞིན་ཉིད་དེ་མ་བཅོས་པ་ནམ་མཁའ་སྤྲིན་གྱིས་མ་བསྒྲིབས་བཞིན
༡༢༠
ཡེ་གདངས་ཡེ་ནས་གསལ་བ་ཆེ
དེ་ལྟར་ནམ་མཁའ་དངས་པ་ལས
ཉི་མའི་སྙིང་པོ་རང་སྣང་ལྟར
ངོ་བོ་དྲི་མ་མེད་པའི་སྐུ
གཅིག་བསྡུས་སྙིང་པོ་ངེས་པ་ནི
ང་ཡི་དཀྱིལ་འཁོར་ཉིད་ཡིན་ནོ
ཆོས་ཅན་རྣམས་ནི་བསྡུས་པ་ལས
ཆོས་ཉིད་རྣམས་ཀྱི་གྲངས་མཐའ་ཟད
འདི་ནི་ཀུན་བཟང་ང་ཡི་སེམས
རྟོག་པ་མེད་པའི་སངས་རྒྱས་ངས
དྲི་མ་ཕྲ་བའི་ཞེན་གྲོལ་བས
མ་བསྒྲིབས་འོད་རྣམས་མངོན་དུ་སྣང
ཆོས་ཀྱིས་ཆོས་རྣམས་མི་མཐོང་བས
ང་ལ་མཐོང་བའི་ཡུལ་མེད་དོ
ཀྱེ་སེམས་དཔའ་ཆེན་པོ
དངོས་པོ་ཐམས་ཅད་ཀུན་ཏུ་བཟང་པོའི་རོལ་པ་ཡིན་ནོ
སྣང་བ་ཐམས་ཅད་ནི་ཀུན་ཏུ་བཟང་པོའི་མཛད་པ་ཡིན་ནོ
སྟོང་པ་ཐམས་ཅད་ནི་ཀུན་ཏུ་བཟང་པོའི་ཡུལ་ཡིན་ནོ
དེའི་ཕྱིར་ན་སངས་རྒྱས་ཀུན་ཏུ་བཟང་ཕོངས་ཕྱོགས་ཐམས་ཅད་དུ
མཛད་པ་མེད་པའི་ཕྲིན་ལས་ཀྱིས་འགྲོ་བ་རྣམས་གཉིས་སུ་མེད་པར་བྱས་ནས
༡༢༡
ལུང་ཉེད་ཟད་པ་ཞེས་བའི་བསམ་གཏན་ཐོབ་སྟེ
དེ་ནས་མི་སྣང་བའི་ནམ་མཁའ་དང་གཉིས་སུ་མེད་པར་གྱུར་པའོ
སེམས་དཔའ་ཆེན་པོ་ང་ཀུན་ཏུ་བཟང་པོའི་མཛད་པ་འདི་ལྟར་སྐུ་གསུང་ཐུགས་ཀྱི་བདག་ཉིད་པ་ཞེས་བྱ་སྟེ
རྒྱུ་རྣམ་པར་དག་པའི་སངས་རྒྱས་ཀྱིས
འབྲས་བུ་ཡེ་རྫོགས་ཆེན་པོ་ཞེས་བྱ་བའི་ལྟ་བ་ཐོབ་སྟེ
དེའི་ཚེ་ང་ནི་བྱེད་པ་པོ་མེད་པར་རང་བྱུང་ནས
སྐུའི་ཡེ་ཤེས་དང་གསུང་གི་རོལ་པ་དང
ཐུགས་ཀྱི་མཛད་པ་རྒྱ་ཆེན་པོར་སྣང་སྟེ
ཡེ་མི་འགྱུར་བའི་སྣང་བ་དེ
ཆོས་ཟད་པའི་དུས་གྱི་མཐའི་སྤྲོས་པ་རང་དེངས
ནམ་མཁའི་ཡིད་ཅན་དུ་རང་བྱུང་རིག་པའི་སྙིང་པོ་སྲ་བའི་རང
སྣང་ལ་དབང་དུས་གཅིག་ཏུ་ཐོབ་ནས
ཀུན་ཏུ་བཟང་པོའི་དཀྱིལ་འཁོར་ཐམས་ཅད་ཀྱི་མངའ་བདག་ཆེན་པོ་ཞེས་བྱ་བར་གྱུར་ཏོ
འོད་ཟེར་ཀུན་འདུས་ཀྱིས་འདི་སྐད་ཅེས་གསོལ་ཏོ
༡༢༢
ཀྱེ་སྟོན་པ་ཀུན་ཏུ་བཟང་པོ
དུས་གསུམ་མཉམ་པ་ཉིད་ཅེས་བགྱི་བ་གང་ལ་གསུངས་པ་ལགས
འདི་བདག་ལ་གསུང་དུ་གསོལ
དེ་ནས་སྟོན་པ་ཀུན་ཏུ་བཟང་པོས་བཀའ་སྩལ་པ
ཀྱེ་མ་བྱང་ཆུབ་སེམས་དཔའ་སེམས་དཔའ་ཆེན་པོ་འོད་ཟེར་ཀུན་འདུས
ཁྱོད་ཉོན་ཅིག
སྐྱེས་བུ་གང་གིས་འདས་པའི་རྗེས་མ་བཟུང
མ་འོངས་པའི་སྔོན་མ་བསླངས
ད་ལྟའི་ཤེས་པ་རང་སོ་ལ་བཞག་ན
ཤེས་པ་ཐམས་ཅད་སྔ་ཕྱི་མེད་པར་འདྲེས་ནས
གཅིག་འདུས་ངོ་བོ་རྩེ་གཅིག་ཅེས་བྱ་སྟེ
དུས་གསུམ་མཉམ་པ་ཉིད་དུ་རྟོགས་པའི་རྣལ་འབྱོར་རོ
ཡར་འདས་པའི་བག་ཆགས་རྣམས་ཀྱི་རྗེས་སུ་མ་འབྲངས
ཕྱིས་འབྱུང་བག་ཆགས་རྣམས་ཀྱི་སྔོན་མ་བསུ
ད་ལྟར་གྱི་བག་ཆགས་རྣམས་རྒྱུད་ལ་མ་བརྟེན་པ་ནི
དུས་གསུམ་མཉམ་པ་ཉིད་དུ་རིག་པའི་རྣལ་འབྱོར་པ་ཞེས་བྱའོ
དྲན་པ་རང་ཟད་ཀྱི་ཐབས་ཀྱིས་འཁོར་འདས་གཉིས་མེད་དུ་བསྲེ་བ་སྟེ
འདས་པའི་དྲན་པ་རྣམས་མཚམས་བཅད་པ་དང
༡༢༣
མ་འོངས་པའི་དྲན་པ་རྣམས་མགོ་མནན་པ་དང
ད་ལྟར་གྱི་དྲན་པ་རྣམས་རང་ཡལ་དུ་བཏང་བ་ནི
དུས་གསུམ་མཉམ་པ་ཉིད་དུ་རིག་པའི་རྣལ་འབྱོར་པ་ཞེས་བྱའོ
ཡང་འདས་པའི་སེམས་ལ་ཕུགས་མི་གཏད
མ་འོངས་པའི་སེམས་ལ་རྒྱབ་མི་གཏད
ད་ལྟར་གྱི་སེམས་ལ་བློ་མི་གཏད་པ་ནི
དུས་གསུམ་མཉམ་པ་ཉིད་དུ་རྟོགས་པའི་རྣལ་འབྱོར་པ་ཡིན་ནོ
འདས་པའི་མ་རིག་པ་ལ་གཟེད་མ་བསྐུར
མ་འོངས་པའི་མ་རིག་ལ་གཡབ་མ་འདོར
ད་ལྟར་གྱི་མ་རིག་པ་ཕང་དུ་མ་བླངས་ན
དུས་གསུམ་མཉམ་པ་ཉིད་དུ་རིག་པའི་རྣལ་འབྱོར་པ་ཡིན་ནོ
འདས་པའི་ཞེ་སྡང་ལ་ཞེ་མ་ཆགས
མ་འོངས་པའི་ཞེ་སྡང་ལ་ལྕགས་ཀྱུས་མ་བཟུང
ད་ལྟར་གྱི་ཞེ་སྡང་ལ་ངར་མ་བླུད་པ་ནི་དུས་གསུམ་མཉམ་པ་ཉིད་དུ
རྟོགས་པའི་རྣལ་འབྱོར་པ་ཞེས་བྱའོ
འདས་པའི་གཏི་མུག་གི་སྤྲིན་མ་བསྡུ
༡༢༤
མ་འོངས་པའི་གཏི་མུག་གིས་བཅད
ད་ལྟར་གྱི་གཏི་མུག་གི་ཆར་པ་མ་ཕབ་ན
དུས་གསུམ་མཉམ་པ་ཉིད་དུ་རྟོགས་པའི་རྣལ་འབྱོར་པ་ཞེས་བྱའོ
འདས་པའི་ང་རྒྱལ་ལ་ལེན་མ་གདབ
མ་འོངས་པའི་ང་རྒྱལ་ལ་ཁུངས་མ་གདབ
ད་ལྟར་གྱི་ང་རྒྱལ་ལ་ཐོག་མ་གཏད་པ་ནི
དུས་གསུམ་མཉམ་པ་ཉིད་དུ་རྟོགས་པའི་རྣལ་འབྱོར་པ་ཞེས་བྱའོ
འདས་པའི་འདོད་ཆགས་ཉིད་སུན་ཕྱུང
མ་འོངས་པའི་འདོད་ཆགས་རྣམས་ཞེ་བཅད
ད་ལྟར་གྱི་འདོད་ཆགས་རྣམས་ཡུལ་ཕྱུང་བ་ནི
དུས་གསུམ་མཉམ་པ་ཉིད་ཀྱི་རྣལ་འབྱོར་པ་ཡིན་ནོ
འདས་པའི་ཕྲག་དོག་ལ་དམ་དུ་མ་བཟུང
མ་འོངས་པའི་ཕྲག་དོག་ལ་སེམས་མ་བསྡུ
ད་ལྟར་གྱི་ཕྲག་དོག་ལ་སེམས་མ་བཅུག་པ་ནི
༡༢༥
དུས་གསུམ་མཉམ་པ་ཉིད་དུ་རྟོགས་པའི་རྣལ་འབྱོར་པས
འཁོར་འདས་གཉིས་མེད་དུ་རྟོགས་པའི་རྣལ་འབྱོར་པ་ཆེན་པོ་ཞེས་བྱའོ
སེམས་དཔའ་ཆེན་པོ་མྱ་ངན་ལས་འདས་པའི་ཟང་ཐལ་དུ་རྟོགས་པའི་རྣལ་འབྱོར་པ་ནི
ང་ཀུན་ཏུ་བཟང་པོ་ཆོས་ཐམས་ཅད་ཀྱི་བྱུང་ཁུངས་སུ་བྱུང་བ་སྟེ
འདས་པའི་སྐུ་གསུམ་ལ་སྣ་གཏད
མ་འོངས་པའི་སྐུ་གསུམ་ལ་རྒྱབ་བརྟེན
ད་ལྟར་གྱི་སྐུ་གསུམ་ལ་ལོངས་སྤྱོད་པ་ནི
སངས་རྒྱས་རྣམས་ཀྱི་འབྲས་བུ་མངོན་དུ་བྱས་པ་སྟེ
དུས་གསུམ་མཉམ་པ་ཉིད་དུ་ཡེ་ནས་གནས་པ་ཞེས་བྱའོ
འདས་པའི་ཡེ་ཤེས་ལྔ་ལ་གཞི་བཅའ
མ་འོངས་པའི་ཡེ་ཤེས་ལྔ་ལ་རྩེ་མོ་གཏད
ད་ལྟར་གྱི་ཡེ་ཤེས་ལྔ་ལམ་དུ་བྱེད་པ་ནི
གསལ་བས་གསལ་བའི་འོད་དུ་འདུས་པ་ཞེས་བྱ་བ་སྟེ
དུས་གསུམ་མཉམ་པ་ཉིད་དུ་རིག་པའི་རྣལ་འབྱོར་རོ
འདས་པའི་རིག་པ་ལ་ཡིད་ཆེས་བྱ
མ་འོངས་པའི་རིག་པ་ལ་ཚད་བཟུང
༡༢༦
ད་ལྟར་གྱི་རིག་པ་ལ་མངོན་སུམ་དུ་བྱེད་པ་ནི
མ་ཡིས་བུ་བཟུང་བ་ཞེས་བྱ་སྟེ
དུས་གསུམ་མཉམ་པ་ཉིད་དུ་རིག་པའི་རྣལ་འབྱོར་རོ
འདས་པའི་ཐིག་ལེ་ལ་ཆ་བཟུང
མ་འོངས་པའི་ཐིག་ལེ་ལ་བློ་གཏད
ད་ལྟར་གྱི་ཐིག་ལེ་རྣམས་གཅིག་ཏུ་བསྡུ་བ་ནི་ཉག་གཅིག་གི་རྩ་བ་བཅད་པ་ཞེས་བྱ་སྟེ
དུས་གསུམ་མཉམ་པ་ཉིད་དུ་རིག་པའི་རྣལ་འབྱོར་པ་ཞེས་བྱ་བ་ཡིན་ནོ
འདས་པའི་དབྱིངས་དང་མཚམས་སྦྱར
མ་འོངས་པའི་དབྱིངས་དང་རྒྱ་བསྐྱེད
ད་ལྟར་གྱི་དབྱིངས་དང་ས་གཅིག་ལ་གནས་པ་ནི
རིག་པ་ཁྱིམ་དུ་ཚུད་པ་ཞེས་བྱ་སྟེ
དུས་གསུམ་མཉམ་པ་ཉིད་དུ་ཡེ་ནས་འབྲེལ་བར་གནས་པ་ཞེས་བྱའོ
འདས་པའི་སྒྲོན་མ་རྣམས་ལ་སྣག་གཏད
མ་འོངས་པའི་སྒྲོན་མ་རྣམས་ལམ་དུ་བཟུང
ད་ལྟར་གྱི་སྒྲོན་མ་རྣམས་ལ་གསལ་གདབ་པ་ནི
སྟོང་པ་ཆོས་འབྱུང་གི་སྒྲོན་མ་རང་དག་གི་བལྟ་བ་སྟེ
༡༢༧
དུས་གསུམ་མཉམ་པ་ཉིད་དུ་ཡེ་ནས་སྣང་བ་ཡིན་ནོ
འདས་པའི་འོད་རྣམས་ལ་ལམ་བཏོད
མ་འོངས་པའི་འོད་རྣམས་ལ་སེམས་བཞག
ད་ལྟར་གྱི་འོད་རྣམས་ལ་བློ་ཕབ་པ་ནི
སྣང་བ་ཐམས་ཅད་རང་རྒྱས་ཐབས་པ་ཞེས་བྱ་སྟེ
དུས་གསུམ་མཉམ་པ་ཉིད་དུ་ཡེ་ནས་འདུ་འབྲལ་མེད་པའོ
དེ་ནས་འོད་ཟེར་ཀུན་འདུས་བྱང་ཆུབ་སེམས་དཔས་གསོལ་པ
ཀྱེ་བཅོམ་ལྡན་དཔལ་ཀུན་ཏུ་བཟང་པོ
དུས་གསུམ་མཉམ་པ་ཉིད་ཅེས་བགྱི་བའི་དུས་ཅི་ལ་གསུང
གསུམ་ཞེས་པ་ནི་གང་རྣམས་ལགས
མཉམ་པ་ཅེས་ཅི་ལ་གསུང
ཉིད་ཅེས་གང་ལགས
འདི་དག་རྣམས་ཀྱི་དོན་བདག་གས་མ་འཚལ་ན
སྟོན་པས་དོན་འདི་དག་བདག་ལ་གསུང་བར་ཞུ
ཞེས་གསོལ་པས
སྟོན་པ་ཀུན་ཏུ་བཟང་པོས་ཞལ་འཛུམ་པ་མཛད་དེ
འདི་དག་བཀའ་སྩལ་ཏོ
ཀྱེ་མ་ཀྱེ་མ་བྱང་ཆུབ་སེམས་དཔའ་ཆེན་པོ་འོད་ཟེར་ཀུན་འདུས
ངས་སྔོན་ཡུལ་དབྱིངས་ཤིན་ཏུ་གསལ་བ་ཞེས་བྱ་བར
སངས་རྒྱས་རྣམས་ཀྱི་རྣམ་པར་བརྒྱན་པའི་ས་བྱ་བར
༡༢༨
འཁོར་གྱི་བྱང་ཆུབ་སེམས་དཔའ་རྣམས་ལ་འདི་སྐད་དུ་ལུང་བསྟན་པ་ཡིན་ནོ
ཀྱེ་འཁོར་གྱི་བྱང་ཆུབ་སེམས་དཔའ་རྣམས་ཉོན་ཅིག
སྣང་བ་ཐམས་ཅད་རང་དབང་དུ་གྱུར་ནས
རིག་པ་མངོན་སུམ་དུ་བསྟན་པའི་ཚེ
དགོངས་པ་བདེན་པ་མཐོང་བའི་དུས་ཞེས་བྱའོ
སྣང་བ་ཐམས་ཅད་རང་ཐད་དུ་ཤར་ཏེ
ཉམས་ཀྱི་ས་བོན་འཕེལ་བའི་ཚེ
རིག་པ་ཉིད་སྲང་ལ་འདེབས་པའི་དུས་ཞེས་བྱའོ
སྐྱེས་བུ་འབྱུང་བའི་སྟོབས་ཟད་ནས
ཤེས་པ་རྣམས་ཁ་ནང་དུ་བལྟས་པའི་ཚེ
རིག་པ་བྱུང་ས་འདེབས་པའི་དུས་སོ
ཆོས་ཉིད་རྐྱེན་དང་བྲལ་ནས་སྣང་བ་ཐམས་ཅད་བདེ་བར་བརྡལ་བའི་ཚེ
ཆོས་ཉིད་མ་བུ་མཉམ་པའི་དུས་ཞེས་བྱའོ
སངས་རྒྱས་རྣམས་ཀྱི་བདེན་པའི་འོད་ཟེར་གྱིས
རང་གི་ལུས་གང་ཞིང་རྒྱས་ནས་སྐུ་མངོན་པར་བྱང་ཆུབ་པའི་ཚེ
བརྟན་པ་རང་ཐོབ་ཀྱི་དུས་ཞེས་བྱའོ
ཀྱེ་མ་ཀྱེ་མ་འཁོར་གྱིས་བྱང་ཆུབ་སེམས་དཔའ་རྣམས་ཉོན་ཅིག
ལྟ་བ་སྟོང་པས་སེམས་པ་རང་གསལ་གྱིས་ངག་རྒྱས
༡༢༩
སྤྱོད་པ་རྒྱས་འདེབས་ཀྱི་ལུས་རྒྱས་པ་ནི
འབྲས་བུ་རང་ལུས་ཀྱི་དུས་གསུམ་ཞེས་བྱའོ
ཆོས་སྐུ་སྤྲོས་དང་བྲལ་བའི་རྩི་ཐོབ
ལོངས་སྐུ་ཚིག་དང་བྲལ་བའི་བར་བཟུང
སྤྲུལ་སྐུ་མཚན་དང་བྲལ་བའི་རྩ་བ་བཅད་པ་ནི
དྲོད་རྟགས་མཐར་ཕྱིན་གྱི་སྐུ་གསུམ་ཡེ་རྫོགས་ཀྱི་དུས་གསུམ་ཞེས་བྱའོ
སྒྲིབ་གཡོགས་འབྱུང་རྐྱེན་དང་བྲལ་བའི་ནམ་མཁར་ཐོག་འཕང
མི་འགྱུར་ལུ་གུ་རྒྱུད་ཀྱི་གཟེར་གདབ་ནས
རྒྱ་མཚོ་སྣང་བྱེད་ཀྱི་ལྕགས་ཀྱུས་དེ་ཉིད་རང་བཟུང་བ་ནི
གོམས་པ་རང་ཤུགས་ཀྱི་དུས་གསུམ་ཞེས་བྱའོ
ཨེ་མ་ཧོ
འཁོར་གྱི་བྱང་ཆུབ་སེམས་དཔའ་རྣམས་ཉོན་ཅིག
ཆོས་ཉིད་མ་བཅོས་པའི་ཀློང་དུ
སངས་རྒྱས་ཐམས་ཅད་ཀྱི་མཛད་སྤྱོད་དུ་སྣང་བ་ནི
འཁོར་འདས་གཉིས་སུ་མེད་པའི་སྣང་བ་ཆེན་པོ་ཞེས་བྱའོ
དབྱིངས་རིག་གོམས་པའི་གནད་ཀྱིས་ཡུལ་དུ་མའི་ཤེས་པ་རང་འགགས་ནས
༡༣༠
འབྲས་བུ་ཡེ་དག་ཆེན་པོའི་དགོངས་པ་རང་བྱུང་བའི་ཚེ
ཉམས་བླང་གདིང་དུ་ཚུད་པས
ལྷ་སྒོམ་སྤྱོད་པ་རྣམས་གཉིས་སུ་མེད་པར་འདྲེས་པས
རང་གནས་ཡོངས་འདྲེས་ཀྱི་མཉམ་པ་ཆེན་པོ་ཞེས་བྱའོ
ཀྱེ་འཁོར་གྱི་བྱང་ཆུབ་སེམས་དཔའ་རྣམས་ཉོན་ཅིག
དྲི་མ་རང་སར་དག་པའི་ཆོས་སྐུ་ལས
རང་རིག་རྣལ་དུ་བབས་པས་ཉིད་ཅེས་བྱ
དྲན་པ་རང་རིག་དག་པའི་དགོངས་པ་ལས
འཛིན་པ་ངང་གིས་ནུབ་པས་ཉིད་ཅེས་བྱ
ཕྲ་རགས་འབྱུང་བ་ཟད་པའི་འོད་ལྔ་ལས
བདག་འཛིན་ལུས་དང་བྲལ་བས་ཉིད་ཅེས་བྱ
སྟོང་པ་ཡེ་ནས་ཁྱབ་པའི་ཆོས་ཉིད་ལ
དབྱིངས་རིག་ཟད་པར་ཕྱིན་པས་ཉིད་ཅེས་བྱ
ཕྱི་ནང་འབྱུང་བ་ཟད་པའི་རང་ལུས་ལ
ལྔ་ལྔ་ཟུང་དུ་འཇུག་པ་ཉིད་ཅེས་བྱ
མ་རིག་ཡེ་ནས་གནས་ལུགས་ཀ་དག་ལས
སྣང་བ་རང་སར་གྲོལ་བ་ཉིད་ཅེས་བྱ
དེ་ལྟར་སྐྱེས་པས་རང་གི་རྒྱུད་ཀྱང་དག
འཛིན་པ་གཟུང་བ་ཕྲ་བའི་ལས་ཉིད་དོ
ཞེས་ཀུན་ཏུ་བཟང་པོ་ཀློང་དྲུག་པ་ཞེས་བྱ་བའི་རྒྱུད
༡༣༡
རང་བཞིན་རྫོགས་པ་ཆེན་པོའི་དོན་བསྟན་པ་ལས
ཆོས་ཐམས་ཅད་དུས་གསུམ་མཉམ་པ་ཉིད་དུ་བསྟན་པའི་ཀློང་ཞེས་བྱ་སྟེ་དང་པོ་རྫོགས་སོ
ལྷའི་སྐྱེ་གནས་དག་པར་བྱེད་པ་ཆོས་ཉིད་རྩོལ་བ་དང་བྲལ་བའི་སྐབས་ཏེ་དང་པོའོ
༄༢
དེ་ནས་སྟོན་པ་ཀུན་ཏུ་བཟང་པོས་ཆོས་ཐམས་ཅད་མཉམ་པ་ཉིད
གཉིས་སུ་མེད་པའི་ཏིང་ངེ་འཛིན་གཉིས་མེད་རྡོ་རྗེའི་སྙིང་པོ་ཞེས་བྱ་བ་ལ་སྙོམས་པར་ཞུགས་སོ
དེ་ནས་བྱང་ཆུབ་སེམས་དཔའ་ཆེན་པོ་འོད་ཟེར་ཀུན་འདུས་ཀྱིས་འཁོར་ཏེ་རྣམས་ལ་བོས་ནས
བཅོམ་ལྡན་འདས་ནི་ཏིང་ངེ་འཛིན་ལ་བཞུགས་ནས
སེམས་ཅན་གྱི་དོན་ཅང་མི་མཛད་པར་སྣང་བས
བདག་ཅག་རྣམས་ཀྱིས་སྟོན་པ་ཉིད་མཉམ་པར་བཞག་པ་ལས་བཞེངས་པའི་ཚིག་རྣམས་ཀྱིས་རབ་ཏུ་བསྐུལ་ལོ
ཞེས་བཅོམ་ལྡན་འདས་ཀྱི་འཁོར་རྣམས་ལ་ཚིག་དེ་སྐད་དུ་བརྗོད་པས
འཁོར་དེ་དག་གི་ནང་ནས་བྱང་ཆུབ་སེམས་དཔའ་ཆེན་པོ་གློག་གི་འོད་ཟེར་ཀུན་ནས་སྤྲིན་དང་བྲལ་བ་ཞེས་བྱ་བས་འདི་སྐད་དུ་ཚིག་ཏུ་བརྗོད་དོ
ཀྱེ་སྟོན་པའི་འཁོར་དུ་འདུས་པའི་སྲས་དང་བྱང་ཆུབ་སེམས་དཔའ་དང
༡༣༢
ལྷ་དང་མི་རྣམས་ཉོན་ཅིག
སྟོན་པ་ནི་ཏིང་ངེ་འཛིན་ལས་བཞེངས་པ་དང
བཞུགས་པ་མི་མངའ་བའོ
དེ་ཅིའི་ཕྱིར་ཞེ་ན
ཆོས་ཐམས་ཅད་མཉམ་པ་ཉིད་ཡེ་ནས་རྡུལ་དང་བྲལ་བར་མཁྱེན་པའོ
དེ་ནས་འོད་ཟེར་ཀུན་འདུས་ཀྱིས་གསོལ་པ
བྱང་ཆུབ་སེམས་དཔའ་མཉམ་པ་ཉིད་ཅེས་བྱ་བ་དེའི་དོན་ཅི་ཞིག
གློག་གི་འོད་ཟེར་ཀུན་ནས་སྤྲིན་དང་བྲལ་བས་སྨྲས་པ
ཆོས་ཐམས་ཅད་མཉམ་པ་ཉིད་ཡེ་ནས་རྡུལ་དང་བྲལ་བ་ཞེས་བྱ་བ་ནི་མཐའ་ཐམས་ཅད་དང་བྲལ་ཞིང
རྣམ་པར་རྟོག་པའི་དྲི་མ་མེད་པའོ
ཡང་གསོལ་པ
དེ་ཉིད་གང
སྨྲས་པ
དེ་ནི་བརྗོད་པ་ཐམས་ཅད་ཉེ་བར་ཞི་སྟེ
བློ་གང་ཡང་མི་འཇུག་པའོ
གསོལ་པ
དེ་ཅི་ལྟ་བུ
སྨྲས་པ
དེ་ཉག་གཅིག་སྤྲོས་པ་ཐམས་ཅད་དང་བྲལ་བའོ
གསོལ་པ
དེ་དེ་བཞིན་ནོ
དེ་ལྟར་ཆོས་ཐམས་ཅད་དལ་ཡང་ཀུན་ཏུ་བཟང་པོས་བསྟན་པ་ཡིན
ཁྱོད་ཀྱིས་ཀྱང་དེ་ལྟར་གོ་བ་ནི་ཤིན་ཏུ་ལེགས་སོ་ཞེས་སྨྲས་སོ
དེ་དག་གིས་གླེང་བསླང་བ་སྟོན་པ་ཀུན་ཏུ་བཟང་པོས་མི་རྟོག་པའི་ངང་ལ་གནས་ནས
༡༣༣
བྱང་ཆུབ་སེམས་དཔའ་སེམས་དཔའ་ཆེན་པོ་གློག་གི་འོད་ཟེར་ཀུན་ནས་སྤྲིན་དང་བྲལ་བ་ལ་ལེགས་སོ་ཞེས་བྱ་བ་གནང་སྟེ
འདི་སྐད་དུ་གསུངས་སོ
ཀྱེ་བྱང་ཆུབ་སེམས་དཔའ་སེམས་དཔའ་ཆེན་པོ་འོད་ཟེར་ཀུན་ནས་འདུས་པས་ཀྱང
ཆོས་ཐམས་ཅད་ཀྱི་དོན་དེ་ལྟར་ཁོང་དུ་ཆུད་པས་མི་སྐྱེ་བ་མངོན་པར་གཟིགས་པ་ཞེས་བྱ་བའི་ཆོས་ཉིད་རྙེད་པ་ཡིན་ནོ
དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཁྱོད་ཀྱིས་ཀྱང་གོ
ཞིང་ཤེས་ནས་རྟོགས་པ་དེ་ཤིན་ཏུ་ལེགས་སོ
ངས་ཁྱོད་ལ་སྣང་བ་རྣམ་པར་དག་པའི་ཆོས་ཀྱི་ཚིག་སྤྲོ་ཡིས
བྱང་ཆུབ་སེམས་དཔའ་ཁྱོད་ཉོན་ཅིག
རྒྱུད་དག་པའི་རྡོ་རྗེ་འཆང་ཆེན་པོས་ཞིང་ཁམས་ཉི་མ་སྟོང་གིས་རབ་ཏུ་བརྒྱན་པའི་ཚད་ཅེས་བྱ་བ་ན་ཡོད་པའི་དུས་ནས་ལུང་བསྟན་པ
མི་གནས་པའི་ཡེ་ཤེས་ཆེན་པོ་ཡེ་ནས་རྣམ་པར་དག་པའི་ཚེ
འཁོར་འདས་སྣོད་བཅུད་དུ་སྣང་བ་ཐམས་ཅད་ཏིལ་གྱི་འབྲས་བུ་གཅིག་གི་ནང་དུ་མཉམ་པར་བཞག་ན
༡༣༤
འཁོར་འདས་དུས་གཅིག་ལ་གསལ་བའི་ཏིང་ངེ་འཛིན་ལ་མཉམ་པར་བཞག་པ་ཡིན་ནོ
ཡང་དེ་ལ་དབུགས་ཕྱུང་ནས་སྐུ་རྡོ་རྗེ་ཆེན་པོ་ལ་ལོངས་སྤྱོད་པ་ཡིན་ནོ
དེ་ལ་ལོངས་སྤྱོད་པས་སྙིང་པོ་འོད་ཟེར་གྱིས་བརྒྱན་པའི་ཞིང་ཁམས་སྟོང་མཐོང་བར་འགྱུར་རོ་ཞེས་ལུང་བསྟན་པས
ངས་སྙིང་པོ་ཡུལ་ཐམས་ཅད་སྡུད་པ་ཞེས་བྱ་བའི་ཆོས་ཉིད་ཀྱི་རོ་མྱངས་པས་ལུས་ངག་ཐམས་ཅད་རྡོ་རྗེ་ལྟར་ཅིས་ཀྱང་མི་ཤིགས་པའི་རྡོ
རྗེའི་ཏིང་ངེ་འཛིན་ཐོབ་བོ
དེ་བཞིན་དུ་ཁྱོད་ཀྱིས་ཀྱང་སེམས་རྣམ་པར་དག་པའི་འོད་གསལ་ཆེན་པོའི་དོན་ཉམས་སུ་མ་ལོངས་ན
སྐུ་རྡོ་རྗེ་སྙིང་པོ་ལ་ལྟོས་ཤིག
དེ་བལྟས་པས་འཇིགས་པ་མེད་པའི་གདིང་ཐོབ་ནས
སྣང་བ་ཐམས་ཅད་སྐུ་གསུམ་གྱི་བདག་ཉིད་དུ་རང་ཤར་ཏེ
ཆོས་དང་ཆོས་མ་ཡིན་པ་གང་དུ་ཡང་མ་གྲུབ་པའི་རྟོགས་པ་ཁོང་དུ་ཆུད་པར་འགྱུར་རོ
བྱང་ཆུབ་སེམས་དཔའ་ཁྱོད་ཀྱིས་ཐམས་ཅད་མཉམ་པར་བཞག་པ་གཏད་པའི་ཚད་མ་རྙེད་ན
བཞག་པའི་ས་ལྔ་ལ་གོམས་པར་བྱའོ
༡༣༥
སྣང་བ་ཐམས་ཅད་སྒྱུ་མ་ལྟ་བུར་སེམས་རྣམ་པར་སྦྱོང་བས་མི་རྟག་པ་རྒྱུད་ལ་བརྟན་པའི་ས་ལ་གོམས་པར་བྱས་ན
འཁྲུལ་པའི་སྣང་བ་ཐམས་ཅད་ཀྱིས་གནོད་པས་སྐྱེས་བུའི་སེམས་ལ་གཡེང་བར་མི་ནུས་པ་ནི་སེམས་རྣམ་པར་སྦྱོང་བ་ལ་མཁས་པའི་རྣལ་འབྱོར་པ་ཞེས་བྱའོ
འབྱུང་བ་ཐམས་ཅད་འདུས་པའི་གནས་སུ
སེམས་རྣམ་པར་ཞི་བར་བྱེད་པའི་སྦྱོར་བརྒྱུད་ལ་བརྟེན་པའི་སྐྱེས་བུ་ནི་ཞི་གནས་ལ་བཀོད་པའི་གནས་ཞེས་བྱའོ
རྣམ་པར་ཤེས་པ་ཐམས་ཅད་འདུས་པའི་ས
ཡིད་འབྱུང་གི་རྟོག་པ་དང་བྲལ་བའི་སྣང་བ
སེམས་རང་བཞིན་གྱིས་རྣལ་དུ་ཕེབས་པའི་རྣལ་འབྱོར་པས
སེམས་ཉིད་རང་གནས་སུ་རྣལ་དུ་ཕེབས་པའི་གནས་ཞེས་བྱའོ
གཞི་ཐམས་ཅད་གཅིག་ཏུ་གྱུར་པའི་གནས་སུ་སྒྲའི་དོན་གྱི་སེམས་རབ་ཏུ་གནས་པར་བྱེད་པའི་སྦྱོར་བའི་སྐྱེས་བུའི་སྣང་བ་རང་བཅད་ནས
སེམས་རང་དལ་དུ་འདུག་པའི་ས་ཞེས་བྱའོ
ཡེ་ཤེས་ཀྱི་རོལ་པ་ཤར་བའི་དུས་ན
༡༣༦
སངས་རྒྱས་ཀུན་གྱི་མཛད་པར་རྣམ་པར་རོལ་པའི་ས་ནི་སེམས་རྣམ་པར་བཞག་པའི་དཔུང་བསྐྱེད་པའི་ས་ཡིན་ནོ
བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་གིས
བཞག་པའི་ཐབས་ལ་མཁས་པར་བྱ་བའི་ཕྱིར
གཞག་ཐབས་ཆེན་པོ་ལྔ་ལ་མཁས་པར་བྱའོ
སེམས་ཀྱི་སྣང་བ་རྣམ་པར་སྣང་བའི་དུས་ན
སེམས་རྣམ་པར་སྦྱང་བ་དང
རྣམ་པར་འདུལ་བ་དང
རྣམ་པར་མི་རྟོག་པ་སྟེ་སེམས་ཀྱི་ལས་ཐམས་ཅད་རྣལ་དུ་དབབ་པའི་ཐབས་ལ་མཁས་པར་བྱའོ
ཡེ་ཤེས་ཀྱི་སྣང་བ་རྣམ་པར་སྣང་བའི་དུས་ན
ཡེ་ཤེས་རྣམས་ཀྱི་ངོ་བོ་དང
རང་གི་མཚན་ཉིད་ལྔ་དང
ཡེ་ཤེས་ཀྱི་ལྡོག་པ་དང
ལོག་པའི་དུས་དང
དེ་ཉིད་ལོག་པའི་ཚད་ཀྱི་ཐབས་ལ་མཁས་པར་བྱའོ
དེའི་ཆོས་ཉིད་ཀྱི་སྣང་བ་རང་སྣང་གི་དུས་ན
ཆོས་ཉིད་རྣམ་པར་དག་པའི་ཡུལ་དང
༡༣༧
ས་དང་ལམ་དང་ཆོས་ཉིད་རང་གི་ངོ་བོ་དང
ཆོས་ཉིད་ཀྱི་ཚད་དང
སྣང་བ་དང
ཅི་ལྟར་ཤར་བའི་ཡུལ་དང
ཆོས་ཉིད་ཀྱི་ལྡོག་པའི་ཐབས་ལ་མཁས་པ་ཞེས་བྱའོ
དབྱིངས་ཀྱི་སྣང་བ་རང་སྣང་བའི་དུས་ན
རང་གི་མཚན་ཉིད་རྣམ་པར་དག་པའི་དབྱིངས་རང་གི་ངོ་བོ་དང
དེའི་སྣང་བའི་དུས་དང
སྣང་བ་ཅི་ལྟར་ཚད་ལ་དབབ་པ་དང
དབྱིངས་རྣམས་ཀྱི་མཐའ་གང་ཡིན་པ་དང་དེ་དག་གི་ཐབས་ལ་མཁས་པར་བྱའོ
རིག་པའི་སྣང་བ་རང་སྣང་བའི་དུས་ན
འཁོར་འདས་རུ་ཤན་འབྱེད་པའི་ལུས་ངག་གི་སྤྱོད་པ་སྔོན་དུ་བྱ་བས་རིག་པ་འཁོར་བ་དང་འབྲེལ་པ་བཅད་པ་དང
ལུས་ངག་རྣལ་དུ་དབབ་པ
རིག་པ་རང་གི་ངལ་བསོ་བའི་ས་ལ་སློབ་པ་དང
དེ་ཉིད་མངོན་སུམ་དུ་རིག་པའི་རྣལ་འབྱོར་གྱིས
སྣང་བ་རྣམས་ལ་འདྲིས་པར་བྱ་བའི་ཐབས་ལ་མཁས་པར་བྱའོ
༡༣༨
དབྱིངས་རིག་གཉིས་སུ་མེད་པའི་དུས་ན
དབྱིངས་དང་རིག་པ་ཚད་ལ་དབབ་པ་དང
སྣང་བ་ཐམས་ཅད་ཅི་ཡང་མ་ཡིན་པར་ཆོས་ཉིད་ཟད་པའི་ཐབས་ལ་མཁས་པར་བྱའོ
བྱང་ཆུབ་སེམས་དཔའ་ཆེན་པོ་གློག་གི་འོད་ཟེར་ཀུན་ནས་སྤྲིན་དང་བྲལ་བ་དེའི་དོན་རྣམས་ལ་ཡིད་ཆེས་མ་སྐྱེས་ནས
བཞག་པའི་ཚད་ལྔ་མཁས་པར་བྱའོ
སྣང་བ་ཐམས་ཅད་ཀྱི་ཚད་ནི
རང་གི་ལུས་རྣམས་ཀྱི་རྡོས་པ་མི་སྣང་བས་བཟུང་ངོ
ཡེ་ཤེས་རྣམས་ཀྱི་ཚད་ནི
ཐིག་ལེ་ཕྱི་ནང་དུ་སྣང་བ་དང་འབྲེལ་བས་བཟུང་ངོ
འོད་ཀྱི་ཚད་ནི་སྣང་བ་ཐམས་ཅད་སྐུ་དང་གཉིས་སུ་མེད་པས་བཟུང་ངོ
རིག་པའི་ཚད་ནི་འགྲོ་འོང་མེད་པའི་ཡེ་ཤེས་རང་བཞག་ཏུ་གནས་བས་བཟུང་ངོ
ཆོས་ཉིད་ཟད་པའི་ཚད་ནི
སྣང་བ་ཐམས་ཅད་གང་གི་ངོ་བོར་ཡང་མ་གྲུབ་པས་བཟུང་ངོ
དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་གློག་གི་འོད་ཟེར་འོད་ཀུན་ནས་སྤྲིན་དང་བྲལ་བས
༡༣༩
སྟོན་པ་ཀུན་ཏུ་བཟང་པོ་ལ་འདི་སྐད་ཅེས་གསོལ་ཏོ
ཀྱེ་ཀྱེ་སྟོན་པ་ཀུན་ཏུ་བཟང
དེ་ལྟར་བཞག་པའི་དོན་རྣམས་ཀྱིས
བདག་གིས་སྐྱེ་མེད་མིག་ཀྱང་ཐོབ
ཤེས་རབ་རྣམས་ཀྱི་ལུས་ཟུངས་རྫོགས
སྐུ་གསུམ་འབྲས་བུ་ཅེར་བཞག་རྙེད
བཞག་པ་ལྔ་དོན་དེ་ལྟར་ན
སེམས་ཅན་རྣམས་ཀྱི་རང་སྣང་ཡུལ
མ་བཙལ་བཞག་པའི་དོན་དེ་གང
སྟོན་པ་ཉིད་ཀྱིས་བདག་ལ་གསུང
ཀུན་བཟང་སྟོན་པས་བཀའ་སྩལ་པ
ཀྱེ་མ་བྱང་ཆུབ་སེམས་ཆེན་པོ
ང་ཡིས་བསྟན་གྱིས་ལེགས་པར་ཉོན
སེམས་ཅན་ཀུན་གྱི་རང་སྣང་ཆེ
གཞན་ནས་བཙལ་བའི་གནས་མེད་དེ
རང་གི་མཐུ་ཡིས་རང་རིག་ལས
སྟོང་གསུམ་འཇིག་རྟེན་གང་ནས་ཀྱང
དེ་ཉིད་བཙལ་ཡང་རྙེད་གནས་མེད
འཇིག་རྟེན་ཀུན་གྱི་སྤྱོད་ཡུལ་ནི
དེ་ཉིད་སྣང་བའི་རང་བཞིན་ལ
སུས་ཀྱང་མཐོང་བ་མེད་པ་ཡི
སྣང་བ་རང་རིག་བདེ་བའི་ཞིང
༡༤༠
འདི་ལ་གོམས་པའི་རྣལ་འབྱོར་པ
ཀུན་ཏུ་བཟང་པོ་ང་ཡི་སྐུ
སྐལ་དང་ལྡན་པ་དེ་ཡིས་མཐོང
རང་རིག་སྐལ་མཉམ་སྟོང་ཉིད་གྲོགས
འདི་ལ་གོམས་པའི་སྐལ་པ་ཅན
རྟོག་པ་མེད་པའི་སྐུ་བཟུང་སྟེ
ང་ཡི་ཐུགས་རྗེའི་འོད་ལ་ཞུགས
འདི་དང་ང་ཉིད་སྐལ་བ་མཉམ
ང་ཡི་དཀྱིལ་དང་འཁོར་ཡང་ཡིན
ནོར་བུ་རིན་ཆེན་པོ་འོད་འབར་བའི
སངས་རྒྱས་རྣམས་ཀྱི་གསང་ཆེན་འདི
དུས་གསུམ་སུས་ཀྱང་མཐོང་མེད་ང་ཡིས་བསྟན
ང་ནི་ཀུན་བཟང་རྟོག་མེད་ལ
ཐུགས་རྗེའི་སྣང་མཐའ་མ་འགགས་པས
སེམས་ཅན་རྣམས་ཀྱི་རེ་གནས་ས
མ་བཙལ་བཞག་པའི་རིན་པོ་ཆེ
ཀུན་གྱི་སྤྱོད་ཡུལ་མིན་པས་ན
འདི་ཉིད་རྟོགས་པའི་རྣལ་འབྱོར་པ
མི་ཡི་ནང་ན་རྒྱལ་བའི་སྐུ
དབང་ཕྱུག་ཡིན་གྱིས་གུས་ཕྱག་འཚོལ
ཀུན་ཏུ་བཟང་པོ་ང་ཡི་སེམས
སུ་ཡིས་རིག་ཅིང་རྟོགས་པ་དེ
སངས་རྒྱས་སྟོང་དང་སྐལ་བ་མཉམ
སྐལ་ལྡན་སྐྱེས་བུ་བློ་རྩལ་ཅན
མི་གཡོ་མཉམ་གཞག་རྗེས་སུ་འཛིན
དཀྱིལ་འཁོར་འདུས་པའི་མངའ་བདག་གོ
༡༤༡
འདི་ལྟ་སུ་ཡིས་རིག་ཅིང་ཤེས
མ་བཙལ་བཞག་པས་དོན་དང་འཕྲད
འདི་འཕྲད་རྣལ་འབྱོར་སྐལ་ལྡན་དུ
བསྐལ་པ་བརྒྱ་ཕྲག་བྱེ་བར་འགྱུར
དེ་ཕྱིར་འདི་ལ་འདྲིས་པར་གཅེས
རྟག་ཏུ་འདི་ལ་གོམས་སྤྱོད་ན
རྡོ་རྗེ་སེམས་དཔའ་ཉིད་དང་མཉམ
དེ་ཉིད་ཀློང་དུ་གྱུར་བར་བྱའོ
དེ་ནས་གློག་གི་འོད་ཟེར་ནི
ཀུན་ནས་སྤྲིན་དང་བྲལ་བ་ཡིས
སྟོན་པ་ཀུན་ཏུ་བཟང་པོ་ལ
ཚིག་ནི་འདི་སྐད་ཉིད་དུ་གསོལ
ཀྱེ་ཀྱེ་སྟོན་པ་ཀུན་ཏུ་བཟང
མ་འོངས་སེམས་ཅན་ཀུན་རྒྱུད་ལ
རྟོགས་པའི་ཡེ་ཤེས་ཅི་ལྟར་གནས
འདི་ཀུན་བདག་གིས་མ་འཚལ་ན
སྟོན་པ་ཐུགས་རྗེ་ཆེན་པོས་གསུང
ཀུན་ཏུ་བཟང་པོ་སྟོན་པ་ཡིས
ཞལ་ནས་གསུང་པ་ཅང་མེད་པར
ཚིག་གི་རྒྱལ་པོ་འདི་དག་ཀུན
མ་གསུངས་འཁོར་གྱི་བློ་ལ་སྣང
རྙོག་པ་མེད་དང་རང་སེམས་དང
རྟོག་པ་མེད་པའི་རང་རིག་གཉིས
འདྲའོ་འདྲའོ་ནོར་ར་རེ
མ་བསྒྲིབས་གཏིང་གསལ་སྣང་བ་དང
༡༤༢
འགྲོ་བའི་བསམ་རྒྱུད་ཞེན་པ་གཉིས
འདྲའོ་འདྲའོ་ནོར་ར་རེ
མ་བཙལ་བཞག་པའི་བསྒོམ་པ་དང
རྩ་རླུང་སེམས་ཀྱི་ངལ་བསོ་གཉིས
འདྲའོ་འདྲའོ་ནོར་ར་རེ
དྲན་མེད་རིག་པ་ཡུལ་སྣང་དང
དྲན་བསམ་འགྲོ་དྲུག་འཁྲུལ་པ་གཉིས
འདྲའོ་འདྲའོ་ནོར་ར་རེ
ཆོས་ཉིད་དག་པའི་བར་དོ་དང
ཡི་དམ་ལྷ་ཡི་སྒྱུ་ལུས་གཉིས
འདྲའོ་འདྲའོ་ནོར་ར་རེ
རང་བཞིན་སྤྲུལ་སྐུའི་ཞིང་ཁམས་དང
ཐེག་པ་བགྲང་བའི་སངས་རྒྱས་གཉིས
འདྲའོ་འདྲའོ་ནོར་ར་རེ
སྐུ་གསུམ་འབྲས་བུའི་མཐར་ཐུག་དང
སྣ་ཚོགས་མ་ངེས་ལྷུན་གྲུབ་གཉིས
འདྲའོ་འདྲའོ་ནོར་ར་རེ
ཐེག་པ་རྣམས་ཀྱི་ཡིད་དཔྱོད་དང
རིག་པ་མངོན་སུམ་བལྟ་བ་གཉིས
ལྟ་བའི་ཕྱོགས་ནས་འདྲ་འདྲ་ལ
༡༤༣
འདྲའོ་འདྲའོ་ནོར་ར་རེ
རྩོལ་མེད་རིག་སྐུ་ཡུལ་སྣང་དང
མཚན་མ་སྒོམ་པའི་གཟུགས་བརྙན་གཉིས
འདྲའོ་འདྲའོ་ནོར་ར་རེ
རིག་པའི་མཛད་སྤྱོད་རོལ་པ་དང
འགྲོ་དྲུག་འཁྲུལ་པའི་སྣང་བ་གཉིས
འདྲའོ་འདྲའོ་ནོར་ར་རེ
རང་བཞིན་རྣམ་དག་ཐིག་ལེ་དང
རླུང་བཟུང་མཚན་བཅས་ཐིག་ལེ་གཉིས
འདྲའོ་འདྲའོ་ནོར་ར་རེ
ཆོས་སྐུ་རྣམ་དག་སྣང་བ་དང
མྱ་ངན་འདས་པའི་གྲོང་ཁྱེར་གཉིས
འདྲའོ་འདྲའོ་ནོར་ར་རེ
རང་རིག་བསམ་པ་བྲལ་བ་དང
སེམས་ཀྱི་བྱུང་ཚོར་སྣ་ཚོགས་གཉིས
འདྲའོ་འདྲའོ་ནོར་ར་རེ
ཤེས་རབ་རང་རྩལ་རྫོགས་པ་དང
ཡིད་ཀྱི་དྲན་པ་ཕྱིར་ཤོར་གཉིས
འདྲའོ་འདྲའོ་ནོར་ར་རེ
གསང་ཆེན་ངེས་པའི་བདེན་ཚིག་དང
ལྡེམ་དགོངས་བཅུག་པའི་འགལ་ཚིག་གཉིས
༡༤༤
འདྲའོ་འདྲའོ་ནོར་ར་རེ
ངེས་པའི་བཅུ་གསུམ་མན་ངག་དང
མཚན་མ་དཔེ་ཡི་བསླུ་བྲིང་གཉིས
འདྲའོ་འདྲའོ་ནོར་ར་རེ
གལ་ཏེ་གསང་པའི་བདེན་པའི་ཚིག
ཉིད་ཀྱི་ཞལ་རྣམས་མ་གསུངས་པར
རྨི་ལམ་ལྟ་བུའི་མཚན་ཉིད་དུ
འཁོར་གྱི་བྱང་སེམས་རྣམས་ལ་ནི
ཤེས་རབ་རྟོག་དཔྱོད་བློ་ལ་སྣང
དེ་ལྟར་རང་རང་རྒྱུད་གྲོལ་ནས
ཤིན་ཏུ་ངོ་མཚར་ཉིད་གྱུར་ནས
འདི་སྐད་ཚིག་ནི་ཡང་གསོལ་ཏོ
ཀྱེ་མ་སྟོན་པ་ཀུན་ཏུ་བཟང
ཉིད་ཀྱི་ཞལ་ནས་མ་གསུངས་པར
བདེན་གཉིས་འདྲ་གཞིའི་ཚིག་རྣམས་ནི
བདག་ཅག་རྣམས་ཀྱི་བློ་ལ་ཡང
རྨི་ལམ་ལྟ་བུའི་ཚུལ་དུའོ
འདི་དག་རྣམས་ནི་ཅི་ལྟར་ལགས
སྟོན་པ་ཉིད་ཀྱིས་བདག་ལ་གསུང
དེ་ནས་སྟོན་པ་ཀུན་ཏུ་བཟང
རང་བཞིན་ཉིད་ཀྱི་ཡུལ་དག་ནས
གློག་གི་འོད་ཟེར་སྤྲིན་བྲལ་ལ
འདི་སྐད་ཅེས་ནི་བཀའ་སྩལ་ཏོ
ཀྱེ་མ་བྱང་ཆུབ་སེམས་དཔའ་སེམས་དཔའ་ཆེན་པོ
གློག་གི་འོད་ཟེར་སྤྲིན་བྲལ་བ
ང་ཡིས་བསྟན་གྱིས་ལེགས་པར་ཉོན
དེ་ལྟར་རྨི་ལམ་ལྟ་བུའི་ཚིག
༡༤༥
ངས་ནི་ཚིག་ཏུ་མ་བརྗོད་པར
ཁྱོད་ལ་སོགས་པའི་འཁོར་རྣམས་ཀྱི
བློ་ཡི་གཏིང་དུ་ཡིད་ཆེས་པ
ངས་ནི་བཤད་པ་མ་ཡིན་ཏེ
ང་ལ་དེ་ཡི་བར་དག་ཏུ
སངས་རྒྱས་སྟོང་ཕྲག་དྲུག་ཁྲི་ཡིས
ལུང་རྣམས་གཅིག་ཏུ་དྲིལ་ནས་བསྟན
དེ་ཚིག་ཁྱོད་ཀྱིས་ཐོས་པ་ལེགས
དེ་ཀུན་སངས་རྒྱས་དེ་དག་དང
སྐལ་པ་མཉམ་པར་འགྱུར་བའོ
མི་རྟོག་ཡེ་ཤེས་ལས་བྱུང་བ
མ་བཙལ་བཞག་པའི་མན་ངག་གིས
ཡེ་ཡོད་དང་པོའི་སངས་རྒྱས་རྙེད
འདི་ཚེ་ང་ནི་སྣང་བ་དག
དག་པའི་རྟགས་ནི་ཆོས་རྣམས་ཟད
འདི་ཉིད་ཟད་པས་འཁོར་བ་སྟོངས
འཁོར་བ་ཉིད་ནི་སྟོང་པའི་རྟགས
རིགས་དྲུག་གཟུགས་རྣམས་མི་སྣང་ངོ
དེ་ལྟར་མི་སྣང་འོད་ཀྱི་སྐུ
འགྲོ་དང་འོང་དང་འདུག་པ་དང
ཇི་ལྟར་ཇི་བཞིན་སྒྲ་རིགས་པ
འདི་ནི་བདེན་པ་གོམས་པའོ
བདེན་གོམས་རྣལ་འབྱོར་སྐལ་ལྡན་པ
སུས་མ་རྙེད་པའི་དོན་རྙེད་དེ
༡༤༦
འདི་ལ་རིན་ཐང་དཔག་ཏུ་མེད
དཔག་མེད་ནོར་དང་འཕྲད་པའི་མིས
སུས་མ་མཐོང་བའི་སྣང་བ་མཐོང
འདི་མཐོང་རང་ཉིད་རིན་རེ་ཆེ
དེ་ལྟར་སེམས་ལ་ལྟང་ཆེ་བ
ཆོས་ཅན་དུ་མ་བུའི་ཕྱག་མས་བཏབ
ཆོས་ཅན་དུ་མ་བུར་སུས་ཆོད་པ
འདིས་ནི་རང་རིག་སྤར་གྱིས་ཟིན
འདི་ལྟར་ཟིན་པའི་སྐྱེས་བུ་ཡིས
སངས་རྒྱས་པས་ཀྱང་སྔར་སངས་རྒྱས
བདེན་པ་ཡི་ནི་དཀྱིལ་འཁོར་ལ
སུ་ཡིས་བལྟ་བར་ནུས་པ་དེ
རིགས་རྣམས་ཀུན་གྱི་གཙོ་བོར་འགྱུར
དཔལ་ལྡན་ཚོགས་ཀྱི་བདག་པོ་ཞེས
ཧེ་རུ་ཀ་ཡི་དབང་རྣམས་རྫོགས
ཁྱད་པར་ཅན་ཞེས་འཁོར་ལོས་སྒྱུར
མི་དེ་ངན་སོང་གསུམ་འདས་ཞེས
འདས་པའི་སངས་རྒྱས་ཐམས་ཅད་ཀྱིས
འདི་ལ་ལུང་རྣམས་སྟོན་པར་འགྱུར
ཀྱེ་མ་བྱང་ཆུབ་སེམས་དཔའ་ཉོན
རྣལ་འབྱོར་སྐལ་དང་གང་ལྡན་པ
ཁྱད་པར་འདི་རྟོགས་ཉིད་དུ་ཤེས
སྒྲ་བཞི་གོམས་པའི་རྣལ་འབྱོར་པས
༡༤༧
ལུས་ཀྱི་རྟགས་རྣམས་མངོན་དུ་འབྱིན
གང་གིས་འོད་ལ་འདྲིས་པ་ཡི
ས་རྡོ་ཇི་བྲག་རང་སར་འགགས
ཐིག་ལེ་དག་ནང་བ་ལ་སུས་གོམས་པ
ཉག་གཅིག་དགོངས་པ་རྩད་ཀྱང་ཆོད
སྐུ་ལ་གོམ་པའི་རྣལ་འབྱོར་པས
རིགས་དྲུག་གཟུགས་ཀྱང་ལོངས་སྐུར་གསལ
རིག་པ་ཉིད་ལ་སུས་གོམས་པ
འདིས་ནི་ཆོས་རྣམས་ཟད་པར་འགྱུར
སྙིང་པོ་ཡང་ནས་ཡང་བསྡུས་པ
ངེས་པ་འདི་ལ་གང་གོམས་པ
ཆོས་ཀུན་བསླབ་པ་མེད་པར་ཤེས
དེ་བཞིན་མ་བསྒོམས་ཏིང་འཛིན་ཐོབ
དེ་ལས་གྲུབ་པའི་མཐའ་མེད་པས
ལུང་དང་རིག་པ་དུས་གཅིག་རྫོགས
སྔགས་དང་ཕྱག་རྒྱ་དཀྱིལ་འཁོར་དང
མཆོད་དང་དབང་དང་དམ་ཚིག་ནི
མ་བཙལ་བཞག་པའི་ཚུལ་དུ་ཐོབ
འདས་དང་མ་འོངས་ད་ལྟ་རྣམས
སྐད་ཅིག་ཆ་ལ་དུས་གསུམ་རྫོགས
ས་དང་ལམ་དང་ཚོགས་རྣམས་ནི
བགྲོད་ཅིང་སྦྱང་དང་བསག་མེད་པར
༡༤༨
སྐལ་ལྡན་སེམས་ལ་དུས་གཅིག་རྫོགས
གཞི་དང་ལམ་དང་འབྲས་བུ་ནི
ཅི་ལྟར་གནས་པའི་ཚུལ་དུ་སྣང
ངོ་བོ་རང་བཞིན་ཐུགས་རྗེ་ནི
རྟོག་མེད་རང་སངས་ཉིད་དུ་གནས
ཆོས་སྐུ་ལོངས་སྐུ་སྤྲུལ་པའི་སྐུ
མ་བསྐྱེད་རྫོགས་པའི་ཚུལ་དུ་ཐོབ
ལྟ་དང་སྒོམ་དང་སྤྱོད་པ་དང
མ་བསྟན་འཁོར་བའི་ཚུལ་དུ་རྫོགས
སངས་རྒྱས་ཆོས་དང་དགེ་འདུན་ནི
ཡེ་རྫོགས་རང་གི་ལུས་ལ་གནས
སྣང་དང་སྟོང་དང་དབྱེར་མེད་ནི
མ་བྱས་ཡེ་རྫོགས་ཉིད་དུ་གནས
ས་དང་ཆུ་དང་མེ་དང་རླུང
ནམ་མཁའ་ཡེ་རྫོགས་ཚུལ་དུ་གནས
དམིགས་པ་དག་པའི་རྣལ་འབྱོར་པས
དྲི་མ་མེད་པའི་ཕྱོགས་ནས་ནི
གཟུང་འཛིན་མེད་པའི་ལྟ་བ་མཐོང
དཔེ་བྲལ་ཡེ་ཤེས་གཞི་དག་ལས
ཉན་ཐོས་རང་སངས་རྒྱས་རྣམས་ཀྱིས
འདི་ཀུན་རིག་པར་རབ་ཏུ་དཀའ
གལ་ཏེ་འདི་ཉིད་སུས་རིག་པ
སྟོང་གསུམ་ཀུན་ཀྱང་ཏིལ་འབྲུར་ཚུད
རྒྱ་མཚོ་ཆེན་པོ་ཧུ་བས་ཀྱིས་བཏབ
དེས་ནི་རི་རབ་སྲང་ལ་གཞལ
ཁམས་གསུམ་པོ་ནི་གཏིང་ནས་བཟློག
༡༤༩
སྲིད་པ་གསུམ་ཀ་གདར་ཤ་བཅད
སེམས་ཅན་མ་ལུས་སྲོག་བཅད་ནས
སངས་རྒྱས་རྣམས་དང་དབྱེར་མི་ཕྱེད
ཀུན་ཏུ་བཟང་པོ་བྱང་ཆུབ་སེམས
མི་སྣང་མི་འབྱུང་རང་རིག་གསལ
གླེང་བྲལ་འདི་ལ་འདྲིས་པའི་མི
བརྗོད་མེད་རང་དག་རྙེད་པའོ
འདི་ཉིད་ཡོན་ཏན་དཔག་ཏུ་མེད
དཔག་མེད་སངས་རྒྱས་རྣམས་དང་མཉམ
མཉམ་ཉིད་ཤེས་པ་ཀུན་གྱི་རྗེ
རང་རིག་མཉམ་པའི་རྒྱལ་པོ་ལ
བླ་མའི་ལུང་གིས་གསལ་གདབ་པ
འདི་ནི་གསེར་འགྱུར་རྩི་བཞིན་དུ
བརྗོད་དུ་མེད་པའི་ཀློང་ཞེས་བྱ
གཅིག་ཤེས་བྱ་བ་སུས་ཤེས་པ
དེས་ནི་གཉིས་ཀྱི་གྲངས་ཟད་པར
ཀུན་བཟང་ང་ཡི་སེམས་ལ་ཤར
དེ་ལ་ཤར་ནས་ཡོངས་ཀྱིས་མེད
ནུབ་མེད་སྙིང་པོའི་དོན་འདི་ལ
དག་པས་ཞུགས་པའི་ལུང་རབ་ཅན
འདི་ཀུན་ས་སྟེ་མི་འགྱུར་རྫོགས
འགྲོ་བའི་མགོན་པོ་དྲི་མེད་ངས
མཛད་པ་མེད་པའི་ཐུགས་རྗེ་ཡེས
ཟིན་པ་མེད་པའི་ལས་རྣམས་བྱས
༡༥༠
ཆགས་དང་བྲལ་བའི་ཡིད་ཀྱིས་ནི
སྔར་མ་མཐོང་བའི་ཡུལ་མཐོང་ནས
བླ་མའི་གདམས་པའི་རྩད་རྣམས་ནི
དུས་ནི་སྐད་ཅིག་མཐའ་ལ་ཆོད
ཀྱེ་མ་ཡང་ཉོན་སེམས་དཔའ་ཆེ
ཀུན་བཟང་ང་ལ་ལྟ་བ་མེད
ལྟ་བ་མེད་ཕྱིར་སྣང་བ་ཟད
དེ་བཞིན་སྒོམ་པ་ཉིད་ཀྱང་མེད
སྒོམ་པ་མེད་ཕྱིར་དྲན་པ་འགགས
སྤྱོད་པ་ཞེས་ནི་བརྗོད་དུ་མེད
སྤྱོད་པ་མེད་ཕྱིར་ལུས་འབྱུང་ཟད
ཟད་པ་འདི་ལ་མཐའ་བརྟེན་ནས
མི་དེ་མི་ཡི་སྣང་བ་མེད
ལྷ་དང་སྲིད་པའི་བདག་པོ་ཀུན
འདི་ལ་སྐྲག་ཅིང་སྡངས་ནས་ནི
འཇིག་རྟེན་མཐུན་པའི་གཟུགས་བཟུང་ནས
འཕགས་པའི་བདེན་པ་ཉིད་དང་བྲལ
འཁོར་བའི་དཔུང་ལ་མངོན་པར་ཞེན
འདི་ཀུན་རང་གི་ལས་སྤྱོད་ཕྱིར
སྔགས་ལ་འཇུག་པའི་ཡན་ལག་གིས
ཐུགས་རྗེ་ལྡན་པས་སེམས་གཟུང་བྱ
དེ་ནས་རིག་སྣང་ཡུལ་འདི་བསྟན
༡༥༡
འདི་ལ་འདྲིས་པ་སྐལ་བ་ཆེ
དེ་ཡི་ཕྱིར་ན་ཀུན་བཟང་ངས
འདི་ཀུན་རིག་པའི་སྐྱེས་བུ་ནི
འཕགས་པ་རྣམས་དང་རྫུ་འཕྲུལ་མཉམ
སངས་རྒྱས་རྣམས་ཀྱིས་གསུངས་པའོ
ངས་ནི་འདི་ཀུན་ཡང་ཕྱེ་བར
ཚིག་གིས་རྣམ་པར་མཚོན་ནས་ནི
ཡང་དག་གསང་བའི་དོན་རྣམས་སུ
གཞུང་དུ་རྣམ་པར་བཀོད་ནས་བསྟན
འདི་ལ་འབྲས་བུ་སུས་འདྲིས་པ
རྣལ་འབྱོར་རྣམས་ཀྱི་རྣལ་འབྱོར་རོ
ཞེས་ཀུན་ཏུ་བཟང་པོ་ཀློང་དྲུག་པ་གསང་བའི་རྒྱུད་ཆེན་པོ་ལས
ཆོས་ཉིད་ཐམས་ཅད་གཏན་ལ་ཕབ་པའི་ཀློང་ཞེས་བྱ་སྟེ་གཉིས་པའོ་རྫོགས་སོ
ལྷ་མིན་རྣམས་གནས་སུ་དག་པར་བྱེད་པའི་སྐབས་ཏེ་གཉིས་པའོ
༄༣
དེ་ནས་ཡང་སྟོན་པ་ཀུན་ཏུ་བཟང་པོ་ཉིད
ཆོས་ཉིད་སྒྱུ་མ་རབ་ཏུ་སྣང་བ་ཞེས་བྱ་བའི་ཏིང་ངེ་འཛིན་ལ
སྙོམ་པར་ཞུགས་ཏེ
ཞལ་འཛུམ་པ་མཛད་པས
ཞལ་གྱི་སྒོ་ལ་སོགས་པ་ནས་འོད་ཟེར་སྟོང་ཕྲག་དཔག་ཏུ་མེད་པ་འཕྲོས་ནས
སངས་རྒྱས་དང་བྱང་ཆུབ་སེམས་དཔའ་དང་ཉན་ཐོས་དང་རང་སངས་རྒྱས་དང
༡༥༢
ལྷ་དང་མི་དང་ལྷ་མ་ཡིན་དང
མཁའ་འགྲོ་མ་ལ་སོགས་པ་རྣམས་ཀྱི
ཡིད་ཀྱི་རྟོག་པ་རྣམ་པར་སྦྱངས་སོ
དེ་ནས་འཁོར་དེ་དག་གི་ནང་ནས
བྱང་ཆུབ་སེམས་དཔའ་སེམས་དཔའ་ཆེན་པོ
འོད་ཟེར་ཀུན་འདུས་མཐའ་ཡས་པ་ཞེས་བྱ་བ་ལངས་ཏེ
བླ་གོས་ཕྲག་པ་ལ་གཟར་ཏེ
སྟོན་པ་ཀུན་ཏུ་བཟང་པོ་ལ་མ་ཆགས་པའི་མཆོད་པ་རྣམས་ཀྱིས་མཆོད་མ་གླེངས་པའི་ཚིག་འདི་སྐད་ཅེས་གསོལ་ཏོ
ཀྱེ་སྟོན་པ་ཀུན་ཏུ་བཟང་པོ་ལགས
འགྲོ་བ་རིགས་དྲུག་གིས་བསྡུས་པའི་སེམས་ཅན་རྣམས་ལ
སེམས་ཉིད་ཅེས་པ་ཅི་ལྟ་བུ་ལགས
འདི་བདག་གིས་མ་འཚལ་ན
སྟོན་པས་གསུང་དུ་གསོལ
དེ་ནས་སྟོན་པ་ཀུན་ཏུ་བཟང་པོ་ཏིང་ངེ་འཛིན་ལས་བཞེངས་ནས
འཁོར་རྣམས་ཀྱི་ནང་དུ་འདི་སྐད་དུ་བསྒྲགས་སོ
ཀྱེ་འོད་ཟེར་ཀུན་ནས་མཐའ་ཡས་པའི་བྱང་ཆུབ་སེམས་དཔའ
འཁོར་འདི་དག་གི་ནང་དུ་ངས་སེང་གེའི་སྒྲ་བསྒྲགས་གིས
ཁྱོད་ལ་སོགས་པ་དབང་པོ་རབ་ཏུ་དང་བས་ཉོན་ཅིག
རིགས་དྲུག་གི་སེམས་ཅན་ལ་སོགས་པ་འདི་དག་རྣམས་ནི་སེམས་ཀྱིས་བསྡུས་པས་ན
༡༥༣
སེམས་ཅན་ཞེས་ཚིག་ཐམས་ཅད་དུ་འབྱུང་བའོ
བྱང་ཆུབ་སེམས་དཔའ་ཁྱོད་སེམས་ལ་རྣམ་པར་དང་ན་འདི་ལྟར་ཡིད་ལ་ཟུང་ཞིག
མཉམ་པར་གནས་པའི་སེམས་ཉིད་ལ
ཁྱབ་གདལ་ཆེན་པོའི་ཡུལ་སྣང་བས
གཉིས་མེད་སྣང་བ་ཡེ་འབྲེལ་ཞེས
ཀུན་ཏུ་བཟང་པོ་ང་ཡིས་བསྟན
མཚན་མ་མེད་པའི་སེམས་ཉིད་ལ
ཆོས་རྣམས་གྲངས་སུ་སྣང་བ་ནི
རང་གྲོལ་གཉིས་མེད་ཅེས་བྱའོ
ཀུན་ཏུ་བཟང་པོ་ང་ཡིས་བསྟན
བརྗོད་དུ་མེད་པའི་སེམས་ཉིད་ལ
གླིང་གཞི་བྲལ་བའི་ཚིག་སྣང་བ
སྨྲ་བསམ་ཡུལ་ལས་འདས་པ་ཞེས
ཀུན་ཏུ་བཟང་པོ་ང་ཡིས་བསྟན
བཙལ་དུ་མེད་པའི་སེམས་ཉིད་ལས
རང་བྱུང་ཆེན་པོ་རང་སྣང་བ
རང་བྱུང་ཡེ་ཤེས་ཆེན་པོ་ཞེས
ཀུན་ཏུ་བཟང་པོ་ང་ཡིས་བསྟན
དྲི་མ་མེད་པའི་སེམས་ཉིད་ལ
ཡུལ་རྐྱེན་བྲལ་བའི་སྣང་བ་ནི
རང་དག་ཆེན་པོའི་དགོངས་པ་ཞེས
ཀུན་ཏུ་བཟང་པོ་ང་ཡིས་བསྟན
རྟོག་པ་མེད་པའི་སེམས་ཉིད་ལ
མ་བཟུང་འགག་མེད་རང་ཤར་བ
༡༥༤
རང་རིག་གསལ་བའི་རང་ངོ་ཤེས
ཀུན་ཏུ་བཟང་པོ་ང་ཡིས་བསྟན
བསམ་པ་མེད་པའི་སེམས་ཉིད་ལ
རང་གནས་ལྷུན་འབྱམས་སྣང་བ་ནི
སྒྲ་བཞི་རང་ལོག་དགོངས་པ་ཞེས
ཀུན་ཏུ་བཟང་པོ་ང་ཡིས་བསྟན
དྲན་པ་མེད་པའི་སེམས་ཉིད་འདི
འགྱུ་བྱེད་རང་དག་སྣང་བ་ནི
འཛིན་པ་རང་གྲོལ་བསམ་གཏན་ཞེས
ཀུན་ཏུ་བཟང་པོ་ང་ཡིས་བསྟན
བྱུང་ཚོར་མེད་པའི་སེམས་ཉིད་ལ
མ་བསམས་ལྷག་མཐོང་སྣང་བ་ནི
འགྲོ་འོང་ཟད་པའི་དགོངས་པ་ཞེས
ཀུན་ཏུ་བཟང་པོ་ང་ཡིས་བསྟན
གཟུང་བ་མེད་པའི་སེམས་ཉིད་ལ
མ་འགགས་རིག་པ་སྣང་བ་ནི
རོལ་པ་ཆེན་པོའི་ཏིང་འཛིན་ཞེས
ཀུན་ཏུ་བཟང་པོ་ང་ཡིས་བསྟན
འཛིན་པ་མེད་པའི་སེམས་ཉིད་ལ
རང་ཤར་ཆེན་པོའི་སྣང་བ་ནི
མ་འགགས་མི་རྟོག་དགོངས་པ་ཞེས
ཀུན་ཏུ་བཟང་པོ་ང་ཡིས་བསྟན
གཟུང་དུ་མེད་པའི་སེམས་ཉིད་ལ
བདག་རྟོག་བྲལ་བའི་སྣང་བ་ནི
རང་བཞག་ཆེན་པོའི་དགོངས་པ་ཞེས
ཀུན་ཏུ་བཟང་པོ་ང་ཡིས་བསྟན
རྟག་ཆད་མེད་པའི་སེམས་ཉིད་ལ
བཟང་ངན་མེད་པའི་སྣང་བ་ནི
༡༥༥
སྤང་བླང་བྲལ་བའི་དགོངས་པ་ཞེས
ཀུན་ཏུ་བཟང་པོ་ང་ཡིས་བསྟན
བླང་དོར་མེད་པའི་སེམས་ཉིད་ལ
ཕྱོགས་མེད་རང་གྲོལ་སྣང་བ་ནི
ཁྱབ་གདལ་ཆེན་པོའི་དགོངས་པ་ཞེས
ཀུན་ཏུ་བཟང་པོ་ང་ཡིས་བསྟན
བྱིང་རྒོད་མེད་པའི་སེམས་ཉིད་ལ
བཏང་སྙོམས་ཆེན་པོའི་བསྒོམ་པ་ནི
ཚོགས་དྲུག་ལྷུག་པའི་དགོངས་པ་ཞེས
ཀུན་ཏུ་བཟང་པོ་ང་ཡིས་བསྟན
ཡ་ང་མེད་པའི་སེམས་ཉིད་ལ
རེ་དོགས་བྲལ་བའི་སྣང་བ་ནི
ཡེ་བཞག་གདིང་ལྡན་དགོངས་པ་ཞེས
ཀུན་ཏུ་བཟང་པོ་ང་ཡིས་བསྟན
སྣང་ཆ་མེད་པའི་སེམས་ཉིད་ལ
ཉག་གཅིག་ཆ་ཕྲའི་སྣང་བ་ནི
སྤྲོས་བྲལ་ཆེན་པོའི་དགོངས་པ་ཞེས
ཀུན་ཏུ་བཟང་པོ་ང་ཡིས་བསྟན
དེ་ལྟར་རང་དངས་དགོངས་པ་རུ
སེམས་ཀྱང་གཏན་ལ་ཕབ་པ་ཡིས
རྣལ་འབྱོར་སེམས་ལ་རང་དབང་ཐོབ
དྲི་མས་བཅིངས་པ་ལས་གྲོལ་བའོ
དེ་ནས་བྱང་ཆུབ་སེམས་དཔའ་ནི
འོད་ཟེར་ཀུན་ཏུ་མཐའ་ཡས་པས
སྟོན་པ་ཀུན་ཏུ་བཟང་པོ་ལ
འདི་སྐད་ཚིག་གིས་ཡང་ཞུས་སོ
ཀྱེ་ཀྱེ་སྟོན་པ་ཀུན་ཏུ་བཟང
མེད་པའི་སེམས་ཉིད་དེ་ལྟར་ན
༡༥༦
ཡོད་པའི་སེམས་ཉིད་ཅི་ལྟར་ལགས
འདི་དག་བདག་ལ་བཀའ་སྩོལ་ཅིག
སྟོན་པས་གསུངས་པ་སེམས་དཔའ་ཆེ
ང་ཡིས་བསྟན་གྱིས་ང་ལ་ཉོན
ཡོད་པ་རྣམས་ནི་འདི་ལྟ་སྟེ
སྐྱེ་བ་ཡོད་པའི་སེམས་ཉིད་ལ
འགྲོ་དྲུག་སྣང་བ་རང་ཤར་བས
ཐ་དད་གཟུགས་རྣམས་འཛིན་པར་ནི
སྣང་བ་གཟུགས་སུ་སྨིན་པར་རྫོགས
འགག་པ་ཡོད་པའི་སེམས་ཉིད་ལ
མི་རྟག་རྒྱུ་རུ་རང་ཤར་བས
རང་བཞིན་མེད་པའི་སྣང་བར་ནི
དཔེར་ན་རྨི་ལམ་བཞིན་དུ་རྫོགས
སྤྲོས་པ་ཡོད་པའི་སེམས་ཉིད་ལ
སྣ་ཚོགས་སྣང་བ་རང་ཤར་བས
སྒོ་ལྔ་སོ་སོར་སྣང་བ་ནི
རང་ས་བཟུང་བའི་ཆ་ནས་རྫོགས
བསྟན་དུ་ཡོད་པའི་སེམས་ཉིད་ལ
སྒྲ་ཚིག་མིང་རྣམས་རང་ཤར་བས
ཐ་སྙད་བློ་རྣམས་རང་དག་པར
བླ་མའི་མན་ངག་གསང་བ་རྫོགས
མཐོང་དུ་ཡོད་པའི་སེམས་ཉིད་ལ
འབྱུང་རྐྱེན་དུ་མ་རང་ཤར་བས
སྣང་བའི་ཡུལ་ལ་མངོན་དུ་ནི
མ་འདྲེས་རང་སལ་ཉིད་དུ་རྫོགས
རྒྱུན་དུ་ཡོད་པའི་སེམས་ཉིད་ལ
སྣང་བའི་ཕུང་པོ་སོ་སོར་ཤར
༡༥༧
ཟུང་འཇུག་ཆེན་པོར་རང་འབྲེལ་པར
མི་བརྗེད་གཟུངས་དང་ལྡན་པར་རྫོགས
ཡུལ་དུ་ཡོད་པའི་སེམས་ཉིད་ལ
སྣང་བ་རྣམས་ནི་རང་ཤར་བས
བདག་འཛིན་གཉིས་པོ་རང་དག་པར
ཡུལ་དྲུག་རྣམས་ནི་སོ་སོར་རྫོགས
བརྗོད་དུ་ཡོད་པའི་སེམས་ཉིད་ལ
རྒྱུད་དང་ལུང་དང་མན་ངག་ནི
གཅིག་ལ་གཅིག་བརྟེན་གཅིག་པར་ནི
གྲུབ་པའི་མཐའ་དང་བཅས་པར་རྫོགས
བསྒོམ་དུ་ཡོད་པའི་སེམས་ཉིད་ལ
ཞི་གནས་ལྷག་མཐོང་རང་ཤར་བས
མཉམ་པར་བཞག་དང་རྗེས་སུ་ནི
མི་གཡོ་བསམ་གཏན་ཆེན་པོར་རྫོགས
བལྟ་རུ་ཡོད་པའི་སེམས་ཉིད་ལ
སྣང་སྲིད་གཅིག་པར་རང་ཤར་བས
ཁམས་གསུམ་རང་སར་གྲོལ་བ་ནི
ཨ་ཏི་རང་བཞིན་ཆེན་པོར་རྫོགས
སྤྱོད་དུ་ཡོད་པའི་སེམས་ཉིད་ལ
བྱ་བྱེད་རྣམས་ནི་རང་ཤར་བས
སྣང་བ་རང་འཛིན་ཆ་ནས་ནི
སེམས་ཉིད་བརྟུལ་ཤུགས་སྣ་ཚོགས་རྫོགས
ཐོབ་ཏུ་ཡོད་པའི་སེམས་ཉིད་ལ
རེ་བ་ཉིད་དག་རང་སྣང་བས
རྩོལ་བསྒྲུབ་རྣམས་དང་བྲལ་བར་ནི
སྐུ་གསུམ་རང་ལ་ལོག་པར་རྫོགས
༡༥༨
བགྲང་དུ་ཡོད་པའི་སེམས་ཉིད་ལ
ཐེག་པ་སོ་སོར་རང་ཤར་བས
འདོད་རྒྱལ་ཡིད་དཔྱོད་མིན་པར་ནི
སྙིང་པོ་ཡང་གསང་ཆེན་པོར་རྫོགས
དམིགས་སུ་ཡོད་པའི་སེམས་ཉིད་ལ
སྣང་བ་སྣ་ཚོགས་རང་ཤར་ཏེ
མིང་དང་ཁ་དོག་སོ་སོར་ནི
གཟུགས་སྐུ་རྣམ་པ་གཉིས་སུ་རྫོགས
དཔག་ཏུ་ཡོད་པའི་སེམས་ཉིད་ལ
སྣང་བའི་ཡུལ་ལ་རང་ཤར་ཏེ
གཏད་པའི་ས་ཉིད་རང་སྣང་བར
དམིགས་པའི་རྟེན་དང་བཅས་པར་རྫོགས
བསྒྲག་ཏུ་ཡོད་པའི་སེམས་ཉིད་ལ
ངོ་མཚར་ཚིག་ཀུན་རང་ཤར་བས
བརྗོད་བྱ་ཀུན་གྱི་གཞི་མར་ནི
སྟོན་པའི་ཚིག་དང་བཅས་པར་རྫོགས
བཞག་ཏུ་ཡོད་པའི་སེམས་ཉིད་ལ
སྣང་བ་རང་བཞག་གཞིར་ཤར་བས
ཅོག་བཞག་ཆེན་པོའོ་ལྟ་བ་ནི
བཙལ་བ་མེད་པའི་ཚུལ་དུ་རྫོགས
བསྒྱུར་དུ་ཡོད་པའི་སེམས་ཉིད་ལ
ཉོན་མོངས་རྣམས་ནི་རང་ཤར་བས
དུག་ལས་སྨན་དུ་བསྒྱུར་བ་བཞིན
སྐུ་དང་ཡེ་ཤེས་ཉིད་དུ་རྫོགས
དག་ཏུ་ཡོད་པའི་སེམས་ཉིད་ལ
སྒོ་ལྔའི་ཡུལ་རྣམས་རང་དག་པར
མ་རྙོགས་ཆུ་ཉིད་རང་དངས་བཞིན
༡༥༩
སྣང་བ་རྣམས་ནི་རང་སར་རྫོགས
གྲོལ་དུ་ཡོད་པའི་སེམས་ཉིད་ལ
འདི་ལྟར་སྣང་བའི་ཡུལ་དག་ལ
སྤྲུལ་གྱི་མདུད་པ་རང་གྲོལ་བཞིན
རང་གི་འདུག་སར་གྲོལ་ཏེ་རྫོགས
གཞལ་དུ་ཡོད་པའི་སེམས་ཉིད་ལ
རང་སྣང་དག་པའི་ཚད་རྣམས་ནི
བྲེ་སྲང་ཚད་ལ་ཕབ་པ་བཞིན
ཉམས་མྱོང་གོང་ནས་གོང་དུ་རྫོགས
དེ་ལྟར་ཡོད་པའི་སེམས་ཉིད་ནི
སྣང་བ་ཀུན་གྱི་བདག་པོར་འབྱུང
དེ་ཀུན་འབྱུང་བའི་སེམས་རྣམས་ཀྱི
དྲི་མ་ཐམས་ཅད་རང་དག་པའོ
དེ་ནས་བྱང་ཆུབ་སེམས་དཔའི་ནི
འོད་ཟེར་ཀུན་ཏུ་མཐའ་ཡས་པས
སྟོན་པ་ཀུན་ཏུ་བཟང་པོ་ལ
འདི་སྐད་ཚིག་གིས་རབ་ཞུས་པ
ཀྱེ་ཀྱེ་སྟོན་པ་ཀུན་ཏུ་བཟང
ཡོད་པའི་སེམས་ཉིད་དེ་ལྟར་ན
སྣང་བའི་སེམས་ཉིད་ཅི་ལྟར་ལགས
སྟོན་པ་ཐུགས་རྗེ་ཆེ་མངའ་བས
རིམ་པ་བདག་ལ་ཕྱེ་ལ་གསུང
སྟོན་པས་གསུངས་པ་སེམས་དཔའ་ཆེ
སེམས་ཞེས་འཛིན་པའི་རྣལ་འབྱོར་པས
འདི་ལྟར་ཉིད་དུ་རྣམ་པར་བཤད
ཚོགས་དྲུག་སྣང་བའི་སེམས་ཉིད་ལ
རྟོག་ཚོགས་རྣམས་ནི་རང་སར་དག
སྒྲ་ཚིག་སྣང་བའི་སེམས་ཉིད་ལ
༡༦༠
ཐ་སྙད་མིང་རྣམས་རང་སར་དག
རགས་པར་སྣང་བའི་སེམས་ཉིད་ལ
འབྱུང་བཞིའི་རྐྱེན་རྣམས་རང་སར་དག
གཟུང་འཛིན་སྣང་བའི་སེམས་ཉིད་ལ
བཅིངས་པའི་བདག་འཛིན་རང་སར་དག
ཡོད་པར་སྣང་བའི་སེམས་ཉིད་ལ
དངོས་པོ་རྣམས་ནི་རང་སར་དག
མེད་པར་སྣང་བའི་སེམས་ཉིད་ལ
སྟོང་པ་ཉིད་རྣམས་རང་སར་དག
ཡོད་མེད་སྣང་བའི་སེམས་ཉིད་ལ
གྲུབ་པའི་མཐའ་གཉིས་རང་སར་དག
ཆོས་སྐུ་སྣང་བའི་སེམས་ཉིད་ལ
རང་གི་མཚན་ཉིད་རང་སར་དག
ཆོས་མེད་སྣང་བའི་སེམས་ཉིད་ལ
འཁྲུལ་པ་རྣམས་ནི་རང་སར་དག
གཉེན་པོར་སྣང་བའི་སེམས་ཉིད་ལ
དྲི་མ་རྣམས་ནི་རང་སར་དག
བབས་སུ་གྲུབ་པའི་སེམས་ཉིད་ལ
གཞི་བཞག་ཆེན་པོ་རང་སར་དག
ཐོག་བབས་ཆེན་པོའི་སེམས་ཉིད་ལ
སྣང་བ་ཐད་ཀར་རང་སར་དག
ཡིན་པར་སྣང་བའི་སེམས་ཉིད་ལ
རྫུན་གྱི་ཚིག་རྣམས་རང་སར་དག
མིན་པར་སྣང་བའི་སེམས་ཉིད་ལ
མ་བྱིན་ལེན་པ་རང་སར་དག
ཡིན་དང་མིན་པའི་སེམས་ཉིད་ལ
༡༦༡
མི་ཚངས་སྤྱོད་པ་རང་སར་དག
འཆལ་པ་མེད་སྣང་སེམས་ཅན་ལ
དག་འཁྱལ་རྣམས་ནི་རང་སར་དག
ཡུལ་ལ་སྣང་བའི་སེམས་ཉིད་ལ
ཕྲ་མའི་ཚིག་རྣམས་རང་སར་དག
འགྱུ་བར་སྣང་བའི་སེམས་ཉིད་ལ
འདོད་ལོག་རྣམས་ནི་རང་སར་དག
ཀ་ནས་དག་པའི་སེམས་ཉིད་ལ
སྲོག་གཅོད་པ་ཡང་རང་སར་དག
རྐྱེན་དུ་སྣང་བའི་སེམས་ཉིད་ལ
བརྣབ་སེམས་རྣམས་ནི་རང་སར་དག
འབྲས་བུར་སྣང་བའི་སེམས་ཉིད་ལ
གནོད་སེམས་རྣམས་ནི་རང་སར་དག
སྒྲ་རུ་སྣང་བའི་སེམས་ཉིད་ལ
གྲགས་པ་རྣམས་ནི་རང་སར་དག
གཟུགས་སུ་སྣང་བའི་སེམས་ཉིད་ལ
འཛིན་པའི་ཆ་རྣམས་རང་སར་དག
དྲི་རུ་སྣང་བའི་སེམས་ཉིད་ལ
ཤེས་པའི་ཆ་རྣམས་རང་སར་དག
རོ་རུ་སྣང་བའི་སེམས་ཉིད་ལ
མྱོང་བྱེད་ཤེས་པ་རང་སར་དག
རེག་ཏུ་སྣང་བའི་སེམས་ཉིད་ལ
རེག་བྱའི་ཤེས་པ་རང་སར་དག
ཆོས་སུ་སྣང་བའི་སེམས་ཉིད་ལ
སྤྱི་དང་ངར་འཛིན་རང་སར་དག
བདག་ཏུ་སྣང་བའི་སེམས་ཉིད་ལ
ཞེན་པའི་བློ་རྣམས་རང་སར་དག
༡༦༢
བདག་མེད་སྣང་བའི་སེམས་ཉིད་ལ
ཆ་དང་བྲལ་བ་རང་སར་དག
ཟག་བཅས་སྣང་བའི་སེམས་ཉིད་ལ
བསྐྱེད་པའི་འབྱུང་བ་རང་སར་དག
ཟག་མེད་སྣང་བའི་སེམས་ཉིད་ལ
འཁྲུལ་རྐྱེན་དྲི་མ་རང་སར་དག
དམིགས་པར་སྣང་བའི་སེམས་ཉིད་ལ
དམིགས་མེད་ཆ་རྣམས་རང་སར་དག
བློ་ཚོགས་སྣང་བའི་སེམས་ཉིད་ལ
ཚོར་བ་རྣམས་ནི་རང་སར་དག
ཡིད་དུ་སྣང་བའི་སེམས་ཉིད་ལ
སྤྱོད་བྱེད་ཆ་རྣམས་རང་སར་དག
གཟུགས་སུ་སྣང་བའི་སེམས་ཉིད་ལ
འབྱུང་བ་འདུས་པ་རང་སར་དག
རྣམ་ཤེས་སྣང་བའི་སེམས་ཉིད་ལ
རྒྱུ་རྐྱེན་རྣམས་ནི་རང་སར་དག
ཚེ་རབ་སྣང་བའི་སེམས་ཉིད་ལ
ཉམས་མྱོང་རྣམས་ནི་རང་སར་དག
འདུ་ཤེས་སྣང་བའི་སེམས་ཉིད་ལ
གཟུང་འཛིན་ཆ་རྣམས་རང་སར་དག
འདུ་བྱེད་སྣང་བའི་སེམས་ཉིད་ལ
ཉོན་མོངས་གྲངས་རྣམས་རང་སར་དག
རྟོག་འཛིན་སྣང་བའི་སེམས་ཉིད་ལ
དྲན་པའི་གཟུང་རྣམས་རང་སར་དག
ཅེས་སྟོན་པ་ཉིད་ཀྱིས་གསུངས་པས
བྱང་ཆུབ་སེམས་དཔའ་སེམས་དཔའ་ཆེན་པོ་འོད་ཟེར་ཀུན་ཏུ་མཐའ་ཡས་པ་ལ་སོགས་པའི་འཁོར་དེ་དག་གིས་སེམས་ལ་ཅི་ལྟ་བ་བཞིན་དུ་དབང་ཐོབ་ནས
༡༦༣
རྡོ་རྗེ་འཆང་ཆེན་པོའི་ལྟ་སྟངས་དང་ལྡན་པར་གྱུར་ཏོ
དེ་ནས་ཡང་འོད་ཟེར་ཀུན་ཏུ་མཐའ་ཡས་བའི་བྱང་ཆུབ་སེམས་དཔའ་སེམས་དཔའ་ཆེན་པོས
སྟོན་པ་ཀུན་ཏུ་བཟང་པོ་ལ་འདི་སྐད་ཅེས་ཞུས་སོ
ཀྱེ་སྟོན་པ་ཀུན་ཏུ་བཟང་པོ་སེམས་སུ་སྣང་བ་དེ་དག་རྣམས་ཀྱི་དོན་ཅི་ལྟ་བུ་ལགས
འདི་དག་བདག་གིས་མ་འཚལ་ན
གསུང་གི་མངའ་བདག་ཆེན་པོས་གསུང་དུ་གསོལ
ཞེས་ཞུས་པ་དང
དེ་ནས་སྟོན་པ་ཀུན་ཏུ་བཟང་པོས་བཀའ་སྩལ་པ
ཀྱེ་བྱང་ཆུབ་སེམས་དཔའ་སེམས་དཔའ་ཆེན་པོ་ཉོན་ཅིག
སེམས་ཀྱི་བྱེ་བྲག་བསམ་གྱིས་མི་ཁྱབ་ཀྱང་འདི་དག་གི་དོན་རྣམས་ནི་འདི་ལྟར་ཤེས་པར་བྱའོ
རིག་པ་དང་རིག་པ་ལས་བྱུང་བའི་སེམས་ཉིད་དང
རང་གི་མཚན་ཉིད་འཛིན་པའི་སེམས་རྣམས་སོ
ཡང་གསོལ་པ
ཀྱེ་སྟོན་པ་ཀུན་ཏུ་བཟང་པོ་རིག་པ་དང་རིག་པ་ལས་བྱུང་བའི་སེམས་ཉིད་དེ་གང་ལགས
རང་གི་མཚན་ཉིད་འཛིན་པའི་སེམས་དེ་གང་ལགས
འདི་ཀུན་བདག་ལ་གསུང་བར་ཞུ
༡༦༤
ཞེས་གསོལ་པས
སྟོན་པས་གསུངས་པ
ཀྱེ་སེམས་དཔའ་ཆེན་པོ
རིག་པ་དང་རིག་པ་ལས་བྱུང་བའི་སེམས་ཉིད་ནི
དྲི་མ་དང་རྣམ་པར་རྟོག་པ་ཐམས་ཅད་ལས་འདས་པ་སྟེ
མདོར་ན་མྱ་ངན་ལས་འདས་པའི་རྒྱུ་དང་འབྲས་བུ་ཐམས་ཅད་དེ
རིག་པའི་རང་སྣང་མཐོང་བའི་སྐྱེས་བུ་རྣམས་ཀྱི་སྤྱོད་ཡུལ་ལོ
རང་གི་མཚན་ཉིད་འཛིན་པའི་སེམས་ནི
འདི་ལྟར་རྟག་པར་སྣང་བ་རྣམས་དང
ཡོད་པར་སྣང་བ་དང
དེ་བཞིན་དུ་མེད་པར་སྣང་བ་ཐམས་ཅད་དང
སྣང་བ་དང
གྲགས་པ་དང
ལྟ་བ་དང
སྒོམ་པ་དང
སྤྱོད་པར་སྣང་བ་ཐམས་ཅད་དང
འཛིན་པ་དང
རྟོག་པ་དང
ཉོན་མོངས་པ་རྣམས་ཏེ
བསམ་པའི་ཡུལ་དུ་སྣང་ཚད་ཐམས་ཅད་ཡིན་ནོ
མདོར་ན་འཁོར་བའི་ཆོས་ཐམས་ཅད་ནི
རང་གི་མཚན་ཉིད་འཛིན་པའི་སེམས་ཏེ
འགྲོ་བ་རིགས་དྲུག་རང་ཀ་མའི་སྣང་བ་ཐམས་ཅད་དོ
ཀྱེ་སེམས་དཔའི་ཆེན་པོ
སེམས་དང་ཡེ་ཤེས་རང་གི་ངོ་བོ་མ་ཕྱེད་ན
ཉི་མ་སྤྲིན་ཕུང་གིས་བསྒྲིབས་པ་དང་འདྲ་སྟེ
ཕྱིར་སྣང་བའི་དོན་བྱེད་མི་ནུས་སོ
དེའི་ཕྱིར་ན་སེམས་ལ་མཁས་པའི་རྣལ་འབྱོར་པ་རྣམས་ཀྱིས་ཕྱི་རོལ་གྱི་ཡུལ་བདག་མེད་དུ་རྟོགས
༡༦༥
ཡེ་ཤེས་ལ་མཁས་པའི་རྣལ་འབྱོར་པ་རྣམས་ཀྱིས
རིག་པ་ཉིད་ཀྱིས་ཡེ་ཤེས་ལ་དབང་བསྒྱུར་ནུས་པའོ
ཡང་གསོལ་པ
ཀྱེ་སྟོན་པ་ཀུན་ཏུ་བཟང་པོ
སེམས་ཀྱི་གནས་གང་ལགས
ཡེ་ཤེས་ཀྱི་གནས་གང་ལགས
བསྟན་ཏུ་གསོལ
ཞེས་ཞུས་སོ
ཡང་བཀའ་སྩལ་པ
ཀྱེ་སེམས་དཔའ་ཆེན་པོ་སེམས་ཀྱི་གནས་ནི་ཀུན་གཞི་ཡིན་ནོ
དེ་ཅིའི་ཕྱིར་ཞེ་ན
ཀུན་གཞིས་ནི་བསམ་པའི་ཡུལ་ཐམས་ཅད་སྡུད་ཅིང་སེམས་སུ་འདུ་ཤེས་པའི་ཕྱིར་རོ
ཡེ་ཤེས་ཀྱི་གནས་ནི་ཆོས་ཀྱི་སྐུ་ཡིན་ནོ
དེ་ཅིའི་ཕྱིར་ཞེན་ན
ཆོས་ཀྱི་སྐུ་ནི་དྲང་རྟོག་ཐམས་ཅད་མི་མངའ་ཞིང
ཡུལ་ཅན་ཐ་དད་དུ་འཛིན་པའི་ཤེས་པ་མེད་པའི་ཕྱིར་རོ
བྱང་ཆུབ་སེམས་དཔའ་སེམས་དཔའ་ཆེན་པོ་འོད་ཟེར་ཀུན་ཏུ་མཐའ་ཡས་པ
དེའི་ཕྱིར་ན་ཀུན་གཞི་དང་ཆོས་སྐུ་མ་ཕྱེད་ན
གཟུགས་གཅིག་ལ་ཐ་དད་དུ་འཛིན་པ་དང་འདྲ་སྟེ
དོན་སོ་སོར་སྣང་བར་མི་ནུས་སོ
འདི་ལྟར་སྣང་བ་དང
མི་སྣང་བ་དང
ཡོད་པ་དང་མེད་པ་དང
ཐམས་ཅད་ལ་སེམས་ཀྱིས་མ་ཁྱབ་པ་གང་ཡང་མེད་དོ
༡༦༦
དེ་ལྟར་ཆོས་ཉིད་གདལ་བ་ཆེན་པོ་ལ
ཆོས་ཅན་ཐ་དད་དུ་སྣང་བ་ཐམས་ཅད་གཅིག་ཏུ་འདུས་ཏེ
གནས་མི་འགྱུར་བར་རང་འདུག
ལམ་མི་འགྱུར་བར་རང་བྱུང
ཡུལ་མི་འགྱུར་བར་རང་བརྡལ
སྣང་བ་མི་འགྱུར་བ་རང་བརྡལ་བ་ནི
ཀུན་ཏུ་བཟང་པོ་ངའི་མཛད་སྤྱོད་ཡིན་ནོ
ཀྱེ་སེམས་དཔའ་ཆེན་པོ
ཆོས་སྐུ་ནམ་མཁའ་ལྟ་བུ་ལ
ལོངས་སྐུ་སྐར་མའི་ཚོགས་ལྟ་བུ་རང་ཤར་ནས
སྤྲུལ་སྐུ་སྤྲིན་ཕུང་ལྟ་བུར་རང་འདུས་ནས
སེམས་ཅན་ཀུན་གྱི་དོན་མ་འགགས་པར་བྱེད་པ་ནི
སངས་རྒྱས་རྣམས་ཀྱི་མཛད་སྤྱོད་དང
སེམས་ཅན་ཀུན་གྱི་རང་སྤྱོད་གཉིས
འདྲ་གཞི་གཅིག་ལ་ཁྱད་པར་ཆེ
དེ་ལྟར་ཀུན་བཟང་ང་ཡིས་བསྟན
འདི་ལ་འདྲིས་པ་སུ་ཡིན་པ
ཀུན་བཟང་ང་དང་སྐལ་བ་མཉམ
ཞེས་ཀུན་ཏུ་བཟང་པོ་ཀློང་དྲུག་པའི་རྒྱུད་གསང་བ་ཆེན་པོ་ལས
སྣ་ཚོགས་སྤྲོས་པ་སེམས་སུ་གཏན་ལ་ཕབ་པའི་ཀློང་ཞེས་བྱ་བ་སྟེ་གསུམ་པ་རྫོགས་སོ
མིའི་སྐྱེ་གནས་རྣམ་པར་དག་པའི་སྐབས་ཞེས་བྱ་སྟེ་གསུམ་པའོ
༄༤
དེ་ནས་སྟོན་པ་ཀུན་ཏུ་བཟང་པོ་ཉིད
སངས་རྒྱས་ཐམས་ཅད་ཀྱི་སྣང་བ་རྗེས་སུ་དྲན་པ་སེམས་ཀྱི་རྡུལ་རྣམ་པར་དང་པ་ཞེས་བྱ་བའི་དགོངས་པ་ལས་ལངས་ནས
༡༦༧
མི་སྣང་བར་སེང་གེ་རྣམ་པར་བརྩེ་བ་ཞེས་བྱ་བའི་ཚིག་འཁོར་གྱི་ནང་དུ་འདི་སྐད་དུ་གསུངས་པའོ
འཁོར་བའི་ཐོག་མང་ཡིན་ཏེ
མི་ཟད་པ་རྒྱུན་གྱི་ཤེས་པ་རང་འཛིན་དུ་གནས་པའོ
དེའི་ཕྱིར་ན་འཁོར་བ་རྣམས་ཀྱི་ཐ་མར་ཀྱང་བ་རང་བྱུང་བ་ཡིན་པས
ཟད་པ་ཤེས་པའི་དོན་ཉག་གཅིག་ཏུ་གོ་བའི་རྣལ་འབྱོར་པ་ཞེས་བྱའོ
ཀྱེ་ངའི་འཁོར་དུ་འདུས་པའི་སངས་རྒྱས་དང་བྱང་ཆུབ་སེམས་དཔའ་དང
ཉན་ཐོས་དང
རང་སངས་རྒྱས་དང
ལྷ་དང
མི་དང
ལྷ་མ་ཡིན་ལ་སོགས་པ་རྣམས་ཀྱིས
འཁོར་བ་ཉིད་ཐོག་མཐའ་བཅད་པ་ལ་མཁས་པར་བྱའོ
ཞེས་ཚིག་ཏུ་བསྒྲགས་པས
འཁོར་དེ་དག་གི་ནང་ནས
བྱང་ཆུབ་སེམས་དཔའ་སེམས་དཔའ་ཆེན་པོ་ཉི་མ་འདུས་པའི་འོད་ཟེར་ཞེས་བྱ་བས་འདི་སྐད་ཅེས་སྟོན་པ་ཀུན་ཏུ་བཟང་པོ་ལ་གསོལ་ཏོ
ཀྱེ་ཀྱེ་སྟོན་པ་ཀུན་ཏུ་བཟང་པོ
སངས་རྒྱས་ཐམས་ཅད་ཀྱིས་འཁོར་བ་ཐོག་མཐའ་བཅད་པའི་ལུས་སུ་ཡོད་ལགས་སམ
སྟོན་པ་ཉིད་ཀྱིས་འཁོར་བ་ཐོག་མཐའ་བཅད་པ་ལགས་སམ
༡༦༨
འདི་སྟོན་པ་ལ་བདག་ཉན་པར་འཚལ་ལོ
དེ་ནས་སྟོན་པ་ཀུན་ཏུ་བཟང་པོས་བཀའ་སྩལ་པ
ཀྱེ་བྱང་ཆུབ་སེམས་དཔའ་སེམས་དཔའ་ཆེན་པོ་ཉི་མ་འདུས་པའི་འོད་ཟེར་ཁྱོད་ཉོན་ཅིག
འཁོར་བ་ཐོག་མཐའ་བཅད་པ་ཞེས་བྱ་བ་ནི
ངས་ཅི་ལྟར་བཅད་པ་དེ་བཞིན་དུ
སངས་རྒྱས་ཐམས་ཅད་ཀྱིས་ཀྱང་བཅད་པ་ཡིན་ནོ
སངས་རྒྱས་ཐམས་ཅད་ཀྱིས་བཅད་པ་བཞིན་དུ
ངས་ཀྱང་བཅད་པ་སྟེ
ཐ་དད་པ་ནི་མ་ཡིན་ནོ
དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཁྱོད་ཀྱིས་ཀྱང
རིག་པར་གྱིས་ཤིག
ང་ཀུན་ཏུ་བཟང་པོ་སྤྲོས་པ་ཐམས་ཅད་ཉེ་བར་ཞི་ནས
འགྲན་ཟླ་མེད་པར་སངས་རྒྱས་པའི་ཚེ
ཆོས་ཐམས་ཅད་ཀྱི་མིག་རྡུལ་དང་བྲལ་བ་རྙེད་དེ
ཞིང་ཁམས་ཀུན་ཏུ་མཐའ་ཡས་པ་མཐོང་ནས
སྣང་བ་ཕྱི་ནང་གཉིས་སུ་མེད་པར་འདྲེས་པའི་ཚེ
ཀློང་རྣམ་པར་དག་པའི་དགོངས་པ་ཐོབ་སྟེ
དེའི་ཚེ་འཁོར་བ་ཉིད་ཐོག་མཐའ་ཆོད་པ་ཞེས་བྱའོ
དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཉི་མ་འདུས་པའི་འོད་ཟེར་གྱིས
འདི་སྐད་ཅེས་སྟོན་པ་ཀུན་ཏུ་བཟང་པོ་ལ་གསོལ་པ
༡༦༩
ཀྱེ་སྟོན་པ་ཀུན་ཏུ་བཟང་པོ་ཐོག་མར་སྟོན་པ་ཉིད་མེད་པའི་སྔོན་རོལ་ན
འདི་ལྟར་སེམས་ཅན་སེམས་ཅན་ཞེས་ཀྱང་མ་གྲུབ
སངས་རྒྱས་སངས་རྒྱས་ཞེས་ཀྱང་བྱ་བར་མ་གྲུབ་པའི་སྔོན་རོལ་ན
གཞི་འདི་ཅི་ལྟར་གནས་པ་ལགས
འདི་བདག་གིས་མ་འཚལ་ན་སྟོན་པས་བསྟན་དུ་གསོལ
ཞེས་ཞུས་སོ
དེ་ནས་སྟོན་པས་བཀའ་སྩལ་པ
ཀྱེ་མ་བྱང་ཆུབ་སེམས་དཔའ་སེམས་དཔའ་ཆེན་པོ་ང་ཡིས་བསྟན་གྱིས་ང་ལ་ཉོན
ཐོག་མ་བབས་ཀྱིས་གྲུབ་པའི་གཞི
ཡོད་པ་གཅིག་ལས་མེད་པ་ལ
འཁྲུལ་པར་སྣང་བའི་ཕྱོགས་དག་ནས
རྟོག་ཚོགས་དག་ནི་གཏན་ཕབ་ན
རིམ་པ་བདུན་གྱི་ཚུལ་དུ་སྣང
རིམ་པ་བདུན་གྱི་སྣང་བ་ཡང
ངོ་བོ་གཅིག་གི་སྣང་ཚུལ་ལས
གཅིག་མ་ཤེས་པས་དེ་ལྟར་སྣང
འོན་ཀྱང་དེ་དོན་འདི་ལྟ་སྟེ
ལྷུན་གྲུབ་ཉིད་དུ་གནས་པ་ལ
༡༧༠
སྣ་ཚོགས་བསྡུས་པའི་སྙིང་པོར་སྣང
ངེས་པ་མེད་པར་གནས་པ་ལ
འགྱུ་བྱེད་ཡིད་བཅས་རྣམ་པར་སྣང
ངེས་པར་རང་ངོར་གནས་པ་ལ
དྲན་བྱེད་འཕོ་བ་མེད་པར་སྣང
བསྒྱུར་དུ་བཏུབ་པར་སྣང་བ་ལ
འབད་དེ་བློ་ཡི་སྣང་བར་སྣང
ཅི་ཡི་ངོ་བོར་གནས་པ་ལ
གང་སྣང་རང་གི་ངོ་བོར་སྣང
ཁྲོ་བོ་དག་ཏུ་གནས་པ་ལ
སྣ་ཚོགས་སོ་སོར་ཚུལ་དུ་སྣང
ཀ་ནས་དག་པར་གནས་པ་ལ
དྲི་མ་ཡེ་ནས་མེད་པར་སྣང
འདི་ཀུན་བློ་ཡི་རིམ་པ་ལས
རང་ངོ་ཀ་ནས་དག་པའོ
དེ་ཀུན་བརྗོད་པའི་ཐ་སྙད་ཙམ
ཡང་ན་ཡོད་པ་མེད་སྣང་བས
དོན་གྱིས་འཁྲུལ་པའི་བློ་རིམ་ཕྱི
དེས་ནི་འདི་ལྟར་སྣང་བའོ
ཉི་མ་འདུས་པའི་འོད་ཟེར་གྱིས
སྟོན་པ་ཉིད་ལ་ཡང་གསོལ་པ
ཀྱེ་ཀྱེ་སྟོན་པ་ཀུན་ཏུ་བཟང
ལྷུན་གྲུབ་ཞེས་པའི་གནས་ལུགས་ཏེ
ངེས་པར་ཁོ་ནར་གཞི་ལགས་སམ
༡༧༡
འོན་ཏེ་སྣང་ཚུལ་ཉིད་ཀྱི་གཞི
འདི་ལ་བརྟེན་པས་དོན་རྙེད་དམ
ཡང་ན་འདི་ཉིད་ཤེས་བྱ་སྟེ
དང་དུ་བླངས་མ་ལགས་སམ
འདི་ཀུན་བདག་ལ་སྟོན་པས་གསུང
སྟོན་པས་གསུངས་པ་སེམས་དཔའ་ཆེ
ངས་བསྟན་ཁྱོད་ཀྱིས་ལེགས་པར་ཟུང
དེ་ཉིད་དོན་ཡང་འདི་ལྟ་སྟེ
འདི་ཉིད་ཤེས་པར་བྱ་བ་ལས
དང་དུ་བླང་བ་མ་ཡིན་ནོ
སྣང་བ་ཉིད་ཀྱི་ཚུལ་ཙམ་ལས
འདི་ལ་བརྟེན་པ་མ་ཡིན་ནོ
དེ་ལྟར་གནས་པའི་གཞི་དེ་ལ
ལྷུན་གྲུབ་མཚོན་པའི་བདག་ཉིད་དོ
དེ་ནས་སེམས་དཔས་ཡང་གསོལ་པ
ཀྱེ་མ་སྟོན་པ་ཀུན་ཏུ་བཟང
ལྷུན་གྲུབ་སྣ་ཚོགས་གཞི་དེ་ནི
ཡང་དག་གཞི་ཉིད་མ་ལགས་ཏེ
གལ་ཏེ་ཡིན་ན་འདི་ལྟར་འགྱུར
འདི་དག་སེམས་ཅན་འབད་པས་ནི
གྲོལ་བ་ཉིད་དུ་མི་འགྱུར་ཏེ
མ་རིག་ཉིད་ཀྱིས་སྦགས་པའི་ཕྱིར
རིག་པ་ཡོད་པས་གྲོལ་གསུངས་ན
༡༧༢
འབྲས་བུ་གཉིས་གྲོལ་མི་འགྱུར་རམ
དཔེར་ན་སོལ་བ་ནག་པོ་ལ
བྱི་དོར་དག་གིས་དཀར་པོ་ཡི
མདོག་འགྱུར་བ་ནི་མི་ནུས་བཞིན
རྒྱུ་དང་འབྲས་བུ་ཐ་དད་པས
ཡང་ན་ལྷུན་གྲུབ་མ་ལགས་སོ
དེ་བཞིན་རྒྱུ་དང་འབྲས་གཅིག་ན
འབད་པ་རྣམས་ལ་དགོས་མེད་འགྱུར
དེ་ཕྱིར་ལྷུན་གྲུབ་ཅེས་པའི་གཞི
དོན་དེ་བཏུབ་པ་ལགས་མ་ལགས
ཀུན་ཏུ་བཟང་པོས་བདག་ལ་གསུང
སྟོན་པས་གསུངས་པ་སེམས་དཔའ་ཆེ
ཅི་ལྟར་ཁྱོད་ཀྱིས་གོ་བ་བཞིན
འདི་ཉིད་ཤེས་བྱའི་ཆོས་ཅན་ལས
ཡང་དག་ངོ་བོ་མ་ཡིན་ནོ
ཉེ་མ་འདུས་པའི་བྱང་ཆུབ་སེམས
སྟོན་པ་ཉིད་ལ་འདི་སྐད་གསོལ
ཀྱེ་ཀྱེ་སྟོན་པ་ཀུན་ཏུ་བཟང
སྟོན་པ་ཉིད་ཀྱི་སྔར་གསུངས་པའི
མ་ངེས་གནས་པའི་གཞི་གསུངས་པ
འདི་ཡང་གཞི་ཉིད་མི་བཏུབ་པར
བདག་གིས་བློ་རིམ་འདི་ལྟར་གོ
༡༧༣
འབྲས་བུ་རེས་འཇོག་ཅན་ཉིད་དམ
ཡང་ན་ལྡོག་བཅས་ཉིད་དུ་འགྱུར
མ་ངེས་ངེས་པ་ཅན་འགྱུར་ཞིང
མ་ངེས་པ་ནི་ངེས་ཅན་འགྱུར
རང་གིས་མ་ངེས་རང་ཡོད་པས
ངེས་པ་ཡིས་ནི་ལས་མཐའ་བཞིན
འདི་ཀུན་ཤེས་བྱ་མ་ལགས་སམ
སྟོན་པས་གསུངས་པ་དེ་བཞིན་ནོ
ཡང་གསོལ་ཉི་མ་འདུས་པ་ཡིས
ཀྱེ་ཀྱེ་སྟོན་པ་ཀུན་ཏུ་བཟང
ཉིད་ཀྱིས་གོང་དུ་གསུངས་པ་ཡི
ངེས་པའི་གཞི་ཞེས་གསུངས་པ་ལ
འདི་ཡང་ཡང་དག་སྙིང་པོ་མིན
དཔེར་ན་མིག་སེར་ཅན་དག་ལ
དུད་ལ་སེར་པོ་སྣང་བ་བཞིན
རང་ས་ལྡོག་པའི་ཁྱད་ཀྱིས་ནི
རང་གཞན་གཉིས་མེད་ངེས་མཐའ་བྲལ
༡༧༤
དེ་ཕྱིར་དེ་ཡང་ཡང་དག་མིན
ཡང་ན་རྒྱུར་ངེས་འབྲས་ངེས་པར
བདག་རྟག་པ་དང་ཁྱད་མེད་འགྱུར
འདི་ཡང་ཤེས་བྱ་མ་ལགས་སམ
གསུངས་པ་དེ་ཡང་གོང་དང་མཚུངས
དེ་ནས་འདི་སྐད་ཡང་གསོལ་པ
བསྒྱུར་ཏུ་བཏུབ་ཅེས་སྔར་གསུངས་པ
རང་གི་གནས་ལུགས་བསྒྱུར་བཏུབ་ན
འདི་ཡང་ངེས་པ་མེད་པར་མཚུངས
འབྲས་བུ་ཉིད་ནི་རྒྱུར་ལྡོག་ཕྱིར
འབད་པ་རྣམས་ལ་དགོས་མེད་པར
ཡང་དང་ཡང་དུ་ལྡོག་པས་ནས
སེམས་པོ་རྣམས་ནི་རིག་བཅས་སུ
འགྲོ་བར་བཏུབ་པ་མ་ཡིན་བཞིན
འདི་ཡང་ཤེས་བྱ་མ་ལགས་སམ
གསུངས་པ་དེ་ཡང་དེ་བཞིན་ནོ
བྱང་ཆུབ་སེམས་དཔས་ཡང་གསོལ་པ
སྟོན་པས་གོང་དུ་ཁྲ་བོ་གསུངས
༡༧༥
འདི་ཡང་ཕྱོགས་དང་མི་འཐད་པས
རྒྱུ་གཅིག་འབྲས་བུ་ཐ་དད་པར
གང་གིས་ངོ་བོ་འདི་སྣང་བས
འབྲས་བུ་ཐ་དད་དོན་དེ་མཚུངས
མང་བའི་སྒྲ་ཡིས་ཉམས་པའི་ཕྱིར
འདི་ཡང་ཤེས་བྱ་མ་ལགས་སམ
གསུངས་པ་དེ་ཡང་དེ་བཞིན་ནོ
ཡང་གསོལ་སྟོན་པ་ཀུན་ཏུ་བཟང
ཁས་ལེན་རྣམས་དང་ལྡན་པར་ནི
སྟོན་པ་ཉིད་ཀྱིས་སྔར་གསུངས་པས
འདི་ཀུན་ཕྱོགས་ཀྱི་འཕེན་པ་ཙམ
ཐམས་ཅད་ཡིན་ངོར་བསྒྲུབ་པའི་ཕྱིར
ཐུག་པ་མེད་པའི་སྐྱོན་འགྱུར་བས
འདི་ཡང་ཤེས་བྱ་མ་ལགས་སམ
སྟོན་པས་གསུངས་པ་སྔར་དང་མཚུངས
དེ་ནས་བྱང་ཆུབ་སེམས་སྤའི་ཡང
ཉི་མ་འདུས་པའི་འོད་ཟེར་གྱིས
སྟོན་པ་ཀུན་ཏུ་བཟང་པོ་ལ
ཚིག་ནི་འདི་སྐད་རབ་ཏུ་གསོལ
ཀྱེ་ཀྱེ་སྟོན་པ་ཀུན་ཏུ་བཟང
སྟོན་པ་ཉིད་ཀྱིས་སྔར་གསུངས་པའི
ཀ་ནས་དག་པའི་གཞི་ཞེས་གསུངས
༡༧༦
དེ་ཡི་མཚན་ཉིད་བཞུགས་ཚུལ་གང
བདག་ལ་གསུངས་ཤིག་ཀུན་ཏུ་བཟང
དེ་ནས་སྟོན་པས་བཀའ་སྩལ་པ
ཀྱེ་ཧོ་སེམས་དཔའ་ཆེན་པོ་ཉོན
ངས་བསྟན་ཚིག་ལ་འཁྲུལ་མེད་པས
ཁྱོད་ཀྱིས་འདི་དག་ལེགས་པར་ཟུང
སྤྲོས་བྲལ་ཆོས་ཉིད་ཀ་དག་ནི
རང་ངོ་རྣམ་དག་སྙིང་པོའི་གཞི
དེ་ལ་ཚིག་དང་ཡི་གེ་བྲལ
བརྗོད་པས་གཏན་ལ་དབབ་ཏུ་མེད
སྒྲོ་འདོགས་ཐ་སྙད་ཀུན་བྲལ་ཏེ
གཟུང་དང་འཛིན་པའི་རྣམ་རྟོག་མེད
སངས་རྒྱས་མེད་ཅིང་སེམས་ཅན་མེད
ཆོས་མེད་ཆོས་ཀྱི་འདུ་ཤེས་མེད
གང་མེད་ཅི་མེད་ཅི་ཡང་མེད
དེ་ལྟར་མེད་པའི་སྙིང་པོ་ལ
རེ་ཞིག་ཚིག་གིས་གཏན་ཕབ་ནས
ངོ་བོ་ཉིད་ལ་ཀ་དག་པས
རང་བཞིན་དུ་ནི་ལྷུན་གྲུབ་པོ
མཚོན་བྱ་ཉིད་ལ་དེ་ལྟར་རོ
སྟོན་པ་ཀུན་ཏུ་བཟང་པོ་ལ
བྱང་ཆུབ་སེམས་དཔས་ཡང་གསོལ་པ
ངོ་བོ་ཉིད་ལ་ཀ་དག་པས
༡༧༧
སེམས་ཅན་འཁོར་བ་འདི་མི་རིགས
མ་རིག་དྲི་མ་ཡེ་ཟད་ཕྱིར
སྟོན་པས་གསུངས་པ་སེམས་དཔའ་ཆེ
རང་བཞིན་ལྷུན་གྱིས་གྲུབ་པའི་ཕྱིར
དེ་ཡང་མ་འགགས་རོལ་པར་སྣང
སེམས་དཔའ་ཉིད་ཀྱིས་ཡང་གསོལ་པ
རང་བཞིན་ཉིད་ལ་ལྷུང་གྲུབ་ན
སེམས་ཅན་འདི་དག་རང་གྲོལ་རིགས
ཡེ་ནས་ལྷུན་གྱིས་གྲུབ་པའི་ཕྱིར
གསུངས་པ་སེམས་ཅན་འདི་དག་ནི
ངོ་བོ་ཀ་ནས་དག་པའི་ཕྱིར
གྲོལ་བ་རྣམས་ཀྱང་རོལ་པར་སྣང
བྱང་ཆུབ་སེམས་དཔས་ཡང་གསོལ་པ
ངོ་བོ་ཉིད་ནི་ཀ་དག་པས
ལྷུན་གྲུབ་ལ་ཡང་དགོས་མེད་འགྱུར
ཡང་ན་ལྷུན་གྱིས་གྲུབ་པའི་ཕྱིར
ཀ་ནས་དག་པ་མིན་པར་འགྱུར
སྟོན་པས་གསུངས་པ་འདུག་ཚུལ་ལོ
གང་གིས་བརྗོད་པའི་ཚིག་མེད་པས
བརྗོད་པའི་སྒྲ་ཚིག་རང་བྲལ་བས
ཅི་ཡི་ངོ་བོར་གྲུབ་མེད་ཕྱིར
ཚིག་གིས་འདི་ལ་གནོད་པ་བྲལ
༡༧༨
སེམས་ཅན་བདག་འཛིན་བློ་ཡུལ་ལ
སྣ་ཚོགས་དྲན་བསམ་མ་འགགས་པས
ཚིག་གནོད་ངོ་བོ་ཁྱད་པར་མེད
དོན་དམ་ཀུན་རྫོབ་ཐ་དད་ཕྱིར
དེ་ནས་ཉི་མ་འདུས་པ་ཡི
འོད་ཟེར་གྱིས་ནི་ཡང་གསོལ་པ
ཀྱེ་ཀྱེ་སྟོན་པ་ཀུན་ཏུ་བཟང
གཞི་དེའི་མཚོན་ཚིག་དེ་ལྟར་ན
དེ་ཉིད་བཞུགས་ཚུལ་ཅི་ལྟར་ལགས
འདི་ཉིད་བདག་གིས་མ་འཚལ་གསུངས
ཀུན་ཏུ་བཟང་པོས་བཀའ་སྩལ་ལ
ཀྱེ་མ་བྱང་ཆུབ་སེམས་དཔའ་ཆེ
འདི་ལྟར་ཉིད་ནི་ཡང་ཟུང་ཞིག
ཡེ་ཤེས་ཉིད་ནི་རྣམ་གསུམ་གྱིས
གཞི་ཡི་ཁྱད་པར་ཚིག་ཏུ་བསྟན
ངོ་བོ་ཀ་དག་ཡེ་ཤེས་ཀྱིས
མ་རིག་པ་ཡི་དྲི་མ་བྲལ
རང་བཞིན་ལྷུན་གྲུབ་ཡེ་ཤེས་ཀྱི
འཁྲུལ་པའི་ཚིག་གིས་གནོད་པ་བྲལ
ཐུགས་རྗེ་ཀུན་ཁྱབ་ཡེ་ཤེས་ཀྱིས
ཐམས་ཅད་དབྱིངས་རིག་འབྲེལ་པར་སྣང
དེ་ཡང་ཡེ་ཤེས་ཚིག་མཚོན་ཙམ
དེ་ལྟར་ཆོས་ཉིད་ཀ་དག་ལ
ཡེ་ཤེས་མེད་ཅིང་སྐུ་ཡང་མེད
༡༧༩
འོད་མེད་ཁ་དོག་རྣམས་དང་བྲལ
གང་གི་ངོ་བོར་གྲུབ་མེད་པས
མ་རིག་པ་དང་ཉོན་མོངས་ཀྱང
སྨོས་ཅི་དགོས་ཏེ་ཡོད་པ་མིན
རང་བཞིན་གྱི་ནི་སྣང་བ་ལ
མཚན་མར་འཛིན་པ་ཡེ་མེད་དེ
ཁ་དོག་མ་ཡིན་རང་གསལ་བས
ཤེས་ཤིང་སྙིང་པོ་ཆ་རྣམས་ཚང
འཛིན་པའི་མེད་ཕྱིར་གཟུང་ཡུལ་གང་མེད་ཕྱིར
རྣམ་པར་རྟོག་པའི་འཛིན་ཆ་མེད
འོད་ལས་འདས་པའི་ཡེ་གདངས་སུ
ཡེ་ཉིད་ནས་ནི་ཁྱབ་པར་གནས
སྐུ་ལས་འདས་པའི་ངང་གདངས་སུ
རྣམ་དག་ཕྱག་རྒྱ་ཆེན་པོར་གནས
འོན་ཏེ་རང་བཞིན་སྣང་བ་ལ
མཚན་མར་དམིགས་པ་དཀར་ཡོན་ཏན
དོན་གྱི་ཆ་ལ་འདི་ལྟར་གནས
རང་གདངས་བསྐྱེད་པའི་དཀར་པོའི་ཆ
གཏིང་གསལ་ཆེན་པོ་ཉིད་དུ་གནས
༡༨༠
གཏིང་གསལ་ངོ་བོའི་བཀྲག་བསྐྱེད་པ
སྣང་བ་རང་ཟད་སེར་པོའི་ཆ
མི་མངོན་གཏིང་ནས་རང་ངོ་གསལ
རང་ངོ་ཆགས་མེད་མདངས་བསྐྱེད་པ
རང་གིས་བཅིངས་པ་བྲལ་བ་ཡིས
ཆགས་པ་རང་ཟད་དམར་པོའི་ཆ
གཏིང་གསལ་མ་འདྲེས་ཆེན་པོར་གནས
མ་འདྲེས་སོ་སོའི་མཚན་འཛིན་པ
བྱ་བཙལ་བསྐྱོད་པ་རང་བྲལ་བར
མཛད་པ་མེད་པར་ལྗང་གུར་ནི
ཐོག་མ་རྣམས་ཀྱི་ཟེར་དུ་ཡང
མི་མངོན་གཏིང་ནས་གསལ་བའི་ཚེ
གཏིང་གསལ་ཁྱབ་པའི་འབྲེལ་བྱེད་པ
འགྱུར་མེད་རྫོགས་པའི་མཐིང་གར་ནི
ཡེ་རྫོགས་བྱས་པ་མེད་པར་གནས
དེ་ལྟར་དེ་ཡི་རང་བཞིན་ལ
སྐུ་ནི་སྣང་བ་མཚན་ཉིད་བྲལ
ཡེ་ནས་རང་དག་ཆེན་པོ་ལ
རྫོགས་པ་རྣམས་ཀྱི་རྩེ་མོར་གནས
༡༨༡
འདི་དག་དབང་པོར་སྣང་བ་མེད
ཇོས་བཅས་མཚན་མ་རང་དག་ཕྱིར
གཏིང་གསལ་ཆེན་པོའི་གཞི་མར་གནས
ཁྱབ་དང་ཁྱབ་པ་ཉིད་ཀྱིས་སྟོང
ཕྱང་ནས་ཆད་པ་མེད་པར་སྣང
གསལ་བྱེད་སྣང་བའི་ཆ་མ་འགགས
སྙིང་པོ་ཐམས་ཅད་བཅུད་འདུས་པས
དྲི་མ་མེད་ཅིང་རང་སར་དག
སངས་རྒྱས་རྣམས་ཀྱི་གསང་ཆེན་དུ
རང་བཞིན་གྱི་ནི་ཆ་ལ་བཞུགས
ཐུགས་རྗེའི་སྣང་ཆ་སྣ་ཚོགས་འཆར
སྟོང་ཆ་འགག་པ་མེད་པ་ལས
ཤེས་བྱའི་ཡེ་ཤེས་རྣམ་གཉིས་སུ
སྣང་བའི་ཆ་ལས་སྣང་བ་གསལ
མེད་པའི་སྣང་བ་རང་དག་ལས
རང་བཞིན་ཤུགས་ཀྱི་ཐུགས་རྗེ་ནི
མཛད་པའི་རྩོལ་བ་ཡེ་མེད་པས
མ་བྱས་སྣང་བའི་ཚུལ་དག་ཏུ
༡༨༢
ཡེ་ནས་དབྱེ་བ་མེད་པར་སྣང
ཉི་མ་ལ་ནི་འོད་བཞིན་དུ
རང་གིས་བྱས་པ་མ་ཡིན་ཏེ
རང་གིས་རང་བཞིན་དེ་ལྟར་སྣང
ཤེས་བྱའི་ཡེ་ཤེས་གཉིས་མེད་ན
བེམས་པོ་རྣམས་དང་ཁྱད་ཅི་ཡོད
ཡང་ན་སྟོང་པ་ཕྱང་ཆད་དུ
འདི་སྙིད་འགྱུར་བ་ཁོ་ནའོ
ཤེས་བྱ་ཇི་ལྟ་ཉིད་མཁྱེན་པའི
ཐུགས་རྗེའི་ཆ་ཡི་ཡེ་ཤེས་ཀྱིས
རང་གི་དངོས་པོ་གནས་ལུགས་མཁྱེན
ཡེ་ཤེས་དེ་ཡི་ཆ་མེད་ན
འབྱུང་བཞིའི་གཟུགས་དང་ཁྱད་ཅི་ཡོད
ཤེས་བྱ་ཇི་སྙེད་མཁྱེན་པ་ཡི
ཐུགས་རྗེ་ཡི་ནི་ཡེ་ཤེས་ཀྱིས
གདུལ་བྱ་རྣམས་ཀྱི་བསམ་པ་མཁྱེན
འདི་མེད་ནམ་མཁའ་ཉིད་དང་མཚུངས
དེ་ཕྱིར་ཐམས་ཅད་མཁྱེན་པ་ཡིས
ཡེ་ཤེས་ཐུགས་རྗེའི་ཆ་ལས་སྣང
༡༨༣
འདི་ཀུན་དྲན་པོས་བཟུང་བ་མིན
རང་བཞིན་དུ་ནི་གནས་པ་ལས
གཟུང་འཛིན་རགས་པར་མི་གནས་སོ
གཏིང་གསལ་ཕྲ་བའི་ཆར་སྣང་བའོ
འདི་ནི་སེམས་ཅན་རྣམས་ཀྱི་ལམ
གོང་དུ་ས་བོན་བཞིན་དུ་འཕེལ
འདི་ཡི་སྣང་བ་མ་འགགས་པར
རང་མཐུན་སྨན་གྱི་ནུས་པ་བཞིན
རིགས་དྲུག་རྣམས་ལ་མཐུན་པར་སྣང
དེ་ཡི་ཕྱིར་ན་ཐུགས་རྗེའོ
དེ་ཕྱིར་རང་གཤིས་འདུག་ཚུལ་ལོ
ངོ་བོ་ཉིད་དང་རང་བཞིན་དང
ཐུགས་རྗེ་ཡི་ནི་སྣང་བ་ཡང
བློ་ཅན་རྣམས་ལ་སྣང་བའོ
ངོ་བོ་གང་དུ་མ་གྲུབ་པས
རང་བཞིན་སྣང་ཆ་གསལ་བར་སྣང
ཐུགས་རྗེའི་ཆ་ལ་ཡེ་ཤེས་གཉིས
བྱ་དང་བྱེད་པ་མེད་པར་ཤར
ཤར་སྣང་བློ་རིམ་གཉིས་ཀྱི་ཕྱིར
ཡེ་ཤེས་མཛད་པ་གཉིས་ལྟ་བུ
༡༨༤
རྩོལ་བསྒྲུབ་རྣམས་དང་བྲལ་བར་སྣང
སངས་རྒྱས་རྣམས་ཀྱི་ཡེ་ཤེས་ནི
གཞི་ནས་འདི་ལྟང་སྣང་བ་དག
དེ་ལྟར་དངོས་པོའི་འདུག་ཚུལ་ལ
ངོ་བོའི་ཆ་ནས་ཕར་བལྟས་པས
དགེ་དང་མི་དགེ་བ་ཡང་མེད
སྲོག་མེད་གཅོད་པའི་འདུ་ཤེས་བྲལ
གང་གི་ངོ་བོར་གྲུབ་པ་མེད
མི་མཛད་སྣང་བའི་བདག་པོར་གནས
དེ་ལྟར་གནས་པའི་ངོ་བོ་ལ
ལྟ་དང་སྒོམ་དང་སྐྱོད་པས་ཀྱང
དེ་ཡི་ཕྱོགས་ཆ་མཐོང་བ་མེད
སྔགས་དང་ཏིང་འཛིན་བསམ་གཏན་གྱིས
དེ་ཡིས་གྲྭ་ལ་རེག་མི་འགྱུར
སྦྱིན་དང་ཚུལ་ཁྲིམས་བཟོད་པ་དང
བརྩོན་འགྲུས་བསམ་གཏན་ཤེས་རབ་ཀྱིས
འདི་ལ་ཕན་དང་གནོད་པ་བྲལ
རྒྱུད་དང་ལུང་དང་མན་ངག་གིས
འདི་ལ་དགོས་པ་རྡུལ་ཆ་མེད
དབང་དང་དམ་ཚིག་སྡོམ་པས་ཀྱང
འདི་ལ་ཕན་པར་གནོད་མ་བསྐྱལ
དུས་གསུམ་བཞུགས་པའི་སངས་རྒྱས་ཀྱིས
འདི་ཉིད་སུས་ཀྱང་མཐོང་བ་མེད
དེ་ཡི་ཕྱིར་ན་དངོས་གཞི་འདི
ཚིག་གིས་གཏན་ལ་དབབ་པ་དཀའ
༡༨༥
བརྗོད་པས་ཐོག་ཏུ་ཕེབ་པ་མེད
བསམ་པས་འདི་རྗེས་མི་ཆོད་དེ
མངོན་སུམ་ཐབས་ལ་གང་གོམས་པ
འདི་ནི་སྐྱེས་བུས་མངའ་འཕངས་བཞིན
སླར་ལ་ལྡོག་པ་མ་ཡིན་ནོ
ཞེས་ཀུན་ཏུ་བཟང་པོ་ཀློང་དྲུག་པའི་རྒྱུད་གསང་བ་ཆེན་པོ་ལས་གཞི
དངོས་པོའི་གནས་ལུགས་གཏན་ལ་ཕབ་པ་ཞེས་བྱ་སྟེ་བཞི་པ་རྫོགས་སོ
༄༥
བྱོལ་སོང་གི་སྐྱེ་གནས་རྣམ་པར་དག་པའི་སྐབས་དེ་བཞི་པའི
དེ་ནས་སྟོན་པ་ཀུན་ཏུ་བཟང་པོས་ཆོས་ཉིད་མཉམ་པ་ཆེན་པོའི་རྒྱན
རྣམ་པར་རོལ་པ་ཞེས་བྱ་བའི་དགོངས་པ་ལ་འབྱོལ་ཉོག་ཏུ་གནས་པར་གྱུར་ཏོ
དེ་ཡིས་ཀྱང་སངས་རྒྱས་ཀྱི་མཛད་པས་འཇིག་རྟེན་གྱི་ཁམས་ཐམས་ཅད
ཏིལ་གྱི་གང་བུ་བཞིན་དུ
སངས་རྒྱས་ཐམས་ཅད་ཀྱི་མཛད་པ་རང་ཤར་རང་སྣང
རང་གྲོལ་རང་རིག་རང་ཐོབ་ནས
ལྷ་དང་མི་ལ་སོགས་པ་རྣམས་ཀྱིས་ཀྱང
སྟོང་པ་ཉིད་ཀྱི་རང་ཤུགས་ཀྱི་སྤྱོད་པ་ལ་གནས་ནས
ཤེས་པ་རྣམས་ཅི་མི་སྙམ་པའི་ཀློང་དུ་རང་དག་རང་སངས་རང་རྙེད་ནས་དྲན་པའི་རྒྱུན་རྣམས་དུས་གཅིག་ལ་ཆད་དོ
༡༨༦
བསམ་པ་ཐམས་ཅད་ཀྱང་རང་བཞིན་གྱིས་རྣམ་པར་དག་ནས་དགོངས་པ་རྣམས་ཅིག་ཆར་སྐད་ཅིག་མ་དང་དང
རིམ་གྱིས་དང
ཐར་ཆགས་སེམས་དང
ཐོད་རྒལ་དང
ཡེ་དག་དང
ཡེ་གནས་དང
ཡེ་རྫོགས་དང
ཡེ་བྱུང་དང
ཡེ་བཀོད་ཆེན་པོར་རང་གྲོལ་ནས
རང་ལ་རང་ངོ་མཚར་ནས
རང་ལ་རང་ཁྱད་ཡིད་ཆེས
རང་ལ་རང་སྟོབས་སྐྱེས་ནས
དེ་དག་ཐམས་ཅད་ཀྱིས་སྟོན་པ་ཀུན་ཏུ་བཟང་པོ་ལ་མགྲིན་གཅིག་ཏུ་ཐལ་མོ
སྦྱར་ནས་འདི་སྐད་ཞུས་སོ
ཀྱེ་སྟོན་པ་ཀུན་ཏུ་བཟང་པོ་འདི་ལྟར་སྟོན་པས་སེམས་ཅན་ཐམས་ཅད་ལ་བྱིན་བརླབས་མཛད་ཅིང
མྱ་ངན་ལས་འདས་པའི་དབྱིངས་ལ་བཀོད་པ་ཤིན་ཏུ་ངོ་མཚར་ལགས་སོ
བདག་ཅག་ནི་མི་སྐྱེ་བའི་ཆོས་ཉིད་ལ་རང་བཞིན་གྱིས་བཟོད་པ་ཐོབ་ནས
༡༨༧
སངས་རྒྱས་ཐམས་ཅད་དང་སྐལ་པ་མཉམ་པར་གྱུར་པས་མཆོག་ཏུ་དགའ་མགུ་ཡི་རང་ངོ
ཞེས་གསོལ་ནས་ཐུགས་ཀྱི་དགོངས་པ་དབྱེར་མི་ཕྱེད་པར་གྱུར་ཏོ
དེ་ནས་འཁོར་དེ་དག་རྣམས་ཀྱི་ནང་ནས་བྱང་ཆུབ་སེམས་དཔའ་སེམས་དཔའ་ཆེན་པོ་གླང་པོ་ཆེའི་འོད་ཟེར་རབ་ཏུ་སྣང་བྱེད་ཅེས་བྱ་བས
ལངས་ཏེ
བླ་གོས་གྱོན་ནས་སྟོན་པ་ལ་འདི་སྐད་ཅེས་གསོལ་ཏོ
ཀྱེ་སྟོན་པ་ཀུན་ཏུ་བཟང་པོ་སངས་རྒྱས་ཀུན་གྱི་སྙིང་པོ་ཇི་ལྟ་བུ་ལགས་སངས་རྒྱས་ཀྱི་ལམ་གང་ཡིན
འབྲས་བུ་ཞེས་པ་གང་ལ་བགྱི་བ་ལགས
འདི་ཀུན་མ་འཚལ་བས་བསྟན་དུ་གསོལ
ཞེས་ཞུ་བ་ཉིད་རབ་ཏུ་ཞུས་སོ
དེ་ནས་སྟོན་པ་ཀུན་ཏུ་བཟང་པོས་དགོངས་པ་དེ་དག་ལས་བཞེངས་ནས
ཞལ་འཛུམ་པ་མཛད་ནས་འོད་ཟེར་བསམ་གྱིས་མི་ཁྱབ་པར་སྣང་བར་བྱས་ནས
བྱང་ཆུབ་སེམས་དཔའ་སེམས་དཔའ་ཆེན་པོ་གླང་པོ་ཆེའི་འོད་ཟེར་ཀུན་ཏུ་སྣང་བར་བྱེད་པ་ལ་འདི་སྐད་དུ་བཀའ་སྩལ་ཏོ
ཀྱེ་ཀྱེ་དད་པས་རབ་ཏུ་འདུས་པའི་སེམས་དཔའ་ཆེ
ངས་བསྟན་མི་འགྱུར་དངས་པའི་སེམས་ཀྱིས་ཟུང
༡༨༨
འདས་དང་མ་འོངས་ད་ལྟར་བཞུགས་པ་ཡི
སངས་རྒྱས་ཀུན་གྱི་སྙིང་པོ་གསང་མཆོག་བླ་མེད་པ
འདི་ལྟར་ཡོད་ཅེས་བརྗོད་པའི་སྒྲ་དང་བྲལ་བས་ན
འོན་ཀྱང་ཚིག་ཙམ་ཕྱོགས་ཀྱིས་མཚོན་པ་ནི
བྱང་ཆུབ་སེམས་དཔའ་ཁྱོད་ལ་བདག་གིས་སྤྲོ་ཡིས་ཟུང
ཡང་དག་སྙིང་པོ་བཅུད་བསྡུས་སྒྲོན་མར་བྱུང
ཉག་གཅིག་སྤྲོས་བྲལ་རྙོག་པ་རང་དངས་པའི
དབྱིངས་ཀྱིས་ནང་ནས་སྟོང་ཉིད་རང་གསལ་སྙིང་པོ་ནི
མཐའ་མེད་རྡུལ་དང་བྲལ་བའི་རང་རིག་འོད་པོ་ཆེ
སྒྲ་ཚིག་མིང་གིས་བློ་གཏིང་ཡིད་ཆེས་བྱས་ནས་ནི
རེ་དོགས་གཡངས་ཆོད་པའི་སྙིང་པོ་གསང་ཆེན་པས
འདི་ནི་སངས་རྒྱས་ཀུན་གྱི་སྙིང་པོ་གསང་བ་མཆོག་ཡིན་ཏེ
དགོངས་དོན་མན་ངག་རྣམས་ཀྱིས་དེ་ཡི་ཕྱོགས་བརྟགས་ནས
ལྟ་བའི་སྙིང་པོ་སྒྲོན་མ་རིན་པོ་ཆེ་འདི་ནི
རྒྱ་མ་ཆད་ཅིང་ཕྱོགས་སུ་ལྷུང་བ་མེད་པར་སྣང་བ་སྟེ
འདི་དང་སུ་འདྲིས་སྐྱེས་བུ་རྣམས་ནི་མྱ་ངན་འདའ་བའི་གཞི
དགོངས་དོན་སྙིང་པོ་རྣམས་ཀྱི་བཅུད་དུ་འདི་འགྲོ་བས
ཕྱིར་ཕྱིར་དཀོན་པའི་དོན་འདི་སྨྲ་བསམ་བརྗོད་པ་མེད་པའོ
༡༨༩
སྒོམ་པ་ཀུན་གྱི་སྙིང་པོ་ལུས་ཀྱི་གནད་གཅུད་པས
ཞི་བར་གནས་དང་ལྷག་མཐོང་ཡེ་ཟུང་འབྲེལ
འདི་ཉིད་མཉམ་པ་ཆེན་པོའི་དོན་བསྒོམ་རྣལ་འབྱོར་པ
མི་ཡི་ནང་དུ་གནས་པ་འཇིག་རྟེན་ཀུན་གྱི་གཙོ་བོ་སྟེ
ཡང་རབ་མཆོག་ཏུ་གྱུར་པ་ལྷ་མིའི་བཀུར་བསྟིའི་གནས
མཉམ་གཞག་གནད་གསུམ་ཟིན་པས་བདེ་བ་རང་ཆེ་སྟེ
བདེ་བ་ཉིད་ལས་མི་རྟོག་ཡེ་ཤེས་ཉམས་ཤར་བ
སྣང་བ་ཀུན་ཀྱང་བདེ་བའི་ཀློང་དུ་རྣམ་པར་རོལ་པའོ
དེ་ཕྱིར་ལས་ཀྱི་བདེ་བས་སྐུ་གསུམ་གནད་ནས་ཟིན་ཏེ་བདེ
ངག་གི་བདེ་བས་ཆོས་ཀུན་བརྗོད་མེད་རྟོགས་ཏེ་བདེ
སེམས་ཀྱི་བདེ་བས་འཁོར་འདས་གཉིས་མེད་འདྲེས་པས་བདེ
བདེ་བའི་སྙིང་པོ་འདི་ནི་སངས་རྒྱས་ཀུན་གྱི་ཡང་སྙིང་ངོ
བཅོས་པ་མེད་པའི་སྙིང་པོས་ཐམས་ཅད་རྣལ་དུ་ཕེབས
འགག་པ་མེད་པའི་སྙིང་པོས་རང་སྣང་ཐད་ཀར་གཅོད་པར་བྱེད
སྐྱེ་བ་མེད་པའི་སྙིང་པོས་འཁོར་བ་དོང་ནས་འདོན་པར་བྱེད
རང་བཞིན་གནས་པའི་སྙིང་པོས་ཐོག་མཐའི་རུ་ཤན་འབྱེད་པར་བྱེད
ཁྱབ་གདལ་ཆེན་པོའི་སྙིང་པོས་ཆོས་ཀྱི་དབྱིངས་རྣམས་སྡུད་པར་བྱེད
༡༩༠
ཡེ་དག་ཆེན་པོའི་སྙིང་པོས་ཆོས་ཀུན་ཆམ་ལ་འབེབས་པར་བྱེད
སྟོང་པ་ཆེན་པོའི་སྙིང་པོས་དངོས་རྣམས་ཟད་པར་བྱེད
རང་གསལ་ཆེན་པོའི་སྙིང་པོས་མུན་པའི་སྨག་རུམ་བཟློག་པར་བྱེད
ཡེ་རྫོགས་ཆེན་པོའི་སྙིང་པོས་མཐོ་དམན་ཐམས་ཅད་སྙོམས
རྟོག་མེད་ཡང་གསལ་སྙིང་པོས་འཁོར་བ་གཏིང་ནས་ཟློག་པར་བྱེད
གསང་བ་ཡང་ཏིག་སྙིང་པོས་སེམས་ཅན་གནས་རྣམས་སྟོང་པར་བྱེད
དབྱིངས་རིག་ཡོངས་རྫོགས་སྙིང་པོས་སྣང་བ་མངོན་དུ་ལྟ་བར་བྱེད
ལུ་གུ་རྒྱུད་ནི་རྟེན་མེད་མཁའ་ལ་སྣང་བས་ཆོས་ཀུན་ཚད་ལ་ཕེབས
སྙིང་པོ་ངེས་པའི་བཀའ་གསང་འདི་ལྟ་ཉག་གཅིག་རྩོལ་བསྒྲུབ་ཀུན་བྲལ་བའོ
གླང་པོ་འོད་ཟེར་རབ་ཏུ་སྣང་བྱེད་བྱང་ཆུབ་སེམས་དཔའ་ཉོན
སངས་རྒྱས་རྣམས་ཀྱི་ལམ་ནི་ལྔ་ལྔ་ཟུང་དང་ལྡན་པ་ཐམས་ཅད་ལ་ཡང་སྣང
ལམ་སྣང་ཡེ་ཤེས་ཅོག་བཞག་རྣལ་འབྱོར་རྩོལ་བསྒྲུབ་ཀུན་བྲལ་བ
༡༩༡
སངས་རྒྱས་གྱིས་ཉག་གཅིག་གཏིང་ཟབ་རྒྱ་ཆེ་ལམ་སྣང་བས
སྤྲོས་བཅས་སྡུག་བསྔལ་རྣམས་དང་ཡེ་ནས་བྲལ་བའི་ལམ་དུ་སུ་འཇུག་པ
འདི་ནི་འཇིག་རྟེན་ཡོངས་ཀྱི་སྤྱོད་པ་སྤངས་ཏེ་བདེ་བའི་ལམ་དང་ཉེ
སངས་རྒྱས་ཀུན་གྱི་གསང་ཆེན་ལམ་འདི་སུས་ཤེས་པ
དྲི་མ་ཟད་ཅིང་ཚད་མེད་གཞལ་དང་བྲལ་བའི་ལམ་གྱི་སྙིང་པོ་ནི
ཡེ་ལྔ་ཤེས་པ་ལྔ་དང་ཡུལ་ལང
རྟོག་པ་ལྔའི་བདག་ཉིད་དུ་སྣང
སེམས་ལྔ་ཆོས་ལྔ་འབྱུང་བ་ཆེན་པོ་ལྔ
༡༩༢
རང་བཞིན་དུའང་ཤར
མཛད་པའི་ཐུགས་རྗེ་ལྔ
དང་གཅོད་པའི་ཤེས་རབ་ལྔའི་སྣང་བ་ཉིད་དུའང་ཤར
སྙིང་པོ་ལྔ་དང་ཕྱག་རྒྱ་ལྔའི
བདག་ཉིད་དུ་ཡང་སྣང་བ་རྣམ་པར་རོལ
མ་ལྔ་བུ་ལྔ་སྣང་བ་ལྔ་སྟེ་ཐོག་མ་བབ་ཀྱི་ཡུལ་དུ་སྣང
རླུང་ལྔ་ས་ལྔ་ཆུ་ལྔའི་བདེ་བ་རྒྱས་པར་ལུས་ཀུན་ལའང་ཁྱབ
༡༩༣
མེ་ལྔ་ནམ་མཁའ་ལྔ་ཡི་རང་བཞིན་དུ་ཡང་ཁྱབ་པར་ཡེ་ནས་རྫོགས
སྒྲ་ལྔ་དྲི་ལྔ་གཟུགས་ལྔའི་ཡུལ་ཅན་དུ་ནི་རང་བྱུང་ངོ
མིང་ལྔ་ཚིག་ལྔ་ཐ་སྙད་ལྔ་ཡི་བདག་ཉིད་དུ་ནི་རང་བྱུང་ངོ
རོ་ལྔ་རིག་ལྔ་ཆོས་ལྔས་ལུས་སེམས་ཡེ་ནས་ཚིམས་པའི་རྒྱུ
༡༩༤
ལུང་ལྔ་རྟེན་ལྔ་མཁའ་ལྔའི་བྱུང་ཁུངས་ཉིད་དུ་ཡང་ཡེ་ནས་ཤར
ཡིད་ལྔ་དྲན་པ་ལྔ་ཡི་རྟེན་དུ་ལམ་ཉིད་ཡེ་ནས་འདུ་འབྲལ་མེད་སྣང་བ
བདག་ལྔ་གཞན་ལྔའི་ཆོས་ཅན་དུ་ནི་ཆེན་པོ་ཡེ་ནས་བྱུང
འདོད་ཆགས་ལྔ་དང་ཞེ་སྡང་ལྔ་སྟེ་གཏི་མུག་ལྔའི་ཆོ་འཕྲུལ་དུ་ནི་ཡེ་ནས་སྣང་བ་སྟེ
ང་རྒྱལ་ལྔ་དང་ཁོང་ཁྲོ་ལྔ་སྟེ་ཕྲག་དོག་ལྔ་ཡི་མཛད་པ་རྣམས་སུའང་སྣང
༡༩༥
གཟུང་བ་ལྔ་དང་འཛིན་པ་ལྔ་ཡི་ཆོས་ཉིད་དངས་པའི་ལམ་དུའང་ཤེར
ཡོད་པ་ལྔ་དང་མེད་པ་ལྔ་སྟེ་མུ་བཞིའི་གྲུབ་པ་རྣམས་སུ་ཡེ་ནས་སྣང་བའོ
དབྱིངས་ལྔ་རིག་པ་ལྔ་དང་ཁ་དོག་ལྔ་ཡི་སྣང་བའོ
དཀར་པོ་སེར་པོ་ལྔ་སྟེ་དམར་པོ་ལྔ་ཡི་སྣང་བ་ཡེ་ནས་རྫོགས
ལྗང་གུ་ལྔ་དང་མཐིང་ག་ལྔ་ཡི་ཡུལ་དུ་རང་རྫོགས་ཉིད་དུའོ
ཡེ་ཤེས་ལྔ་དང་སྐུ་རྣམ་སྣང་ལྔའི་བདག་ཉིད་ཆེན་པོར་ཡེ་ནས་རྣམ་པར་བཞུགས
༡༩༦
ཐིག་ལེ་ལྔ་དང་དངས་མ་ལྔ་ཡི་དཀྱིལ་འཁོར་དུ་ནི་ཡེ་ཉིད་ནས་ནི་མངའ་བདག་གོ
རྩལ་ཡོན་ཏན་ལྔ་ཡི་འབྲས་བུ་རུ་ནི་ཡེ་ནས་གདངས
ཡེ་གདངས་ལྔ་དང་ཟེར་གདངས་ལྔ་དང་ཁྱབ་བྱེད་ལྔ་ཡི་ཚུལ་དུ་གནས་ཏེ་རང་དག་གོ
གསལ་བ་ལྔ་དང་སྟོང་པ་ལྔ་སྟེ་འདེགས་སྟོབས་ལྔ་ནི་ཡེ་ཉིད་ནས་གྲོལ་བར་རོ
འཆར་བྱེད་ལྔ་དང་སྣང་ཚུལ་ལྔ་དང་ཤེས་པ་ལྔ་ཡི་ངོ་བོར་བཞུགས
དཔེ་ལྔ་རྟགས་ལྔ་དོན་ལྔས་མཚོན་པའི་ཚུལ་དུ་ཤར
དབང་ལྔ་དམ་ཚིག་ལྔ་སྟེ་ཕྱག་རྒྱ་ལྔ་ཡི་རྟེན་དུ་ཡེ་ནས་རྫོགས་པའོ
༡༩༧
མངོན་ཤེས་ལྔ་དང་གཟུགས་ལྔ་དང་ནི་དྲན་སྔགས་ཀྱི་གནས་པ་ལྔ་ཡི་ངོ་བོ་རྫོགས
དཀྱིལ་འཁོར་ལྔ་དང་རིགས་ལྔ་དང་ནི་བདག་པོ་ལྔ་ཡི་ལམ་དུ་རྣམ་པར་རང་དག་པའོ
རྟོགས་པ་ལྔ་དང་ཤེས་རབ་ལྔ་དང་ལྷ་དག་གིས་ནི་སྣང་བར་ཡེ་རྫོགས་པའོ
ཏིང་འཛིན་ལྔ་དང་རང་གནས་ལྔ་དང་མི་རྟོག་ལྔ་ནི་ཡང་དག་རྫོགས
ལྟ་བ་ལྔ་དང་བསྒོམ་པ་ལྔ་སྟེ་སྤྱོད་པ་ལྔ་ཡི་རྩལ་དུ་རྫོགས་པར་སྣང
སྙིང་པོ་ལྔ་དང་གདལ་བ་ལྔ་ནི་རང་དག་ཆེན་པོར་ཡེ་ནས་རྫོགས་པའོ
ཀྱེ་མ་བྱང་ཆུབ་སེམས་དཔའ་གླང་པོའི་འོད་ཟེར་ཀུན་ཏུ་སྣང་བྱེད་ཁྱོད་ཉོན་ཅིག
༡༩༨
དུས་གསུམ་བཞུགས་པའི་འབྲས་བུ་ངས་བསྟན་ཁྱོད་ཀྱིས་ལེགས་པར་ཟུང
ཆོས་སྐུ་སྟོང་གསལ་ཁྱབ་པའི་གདངས་ལ་སུས་གོམས་པས་ནི་རང་ལུས་གཅིག་ཏུ་གྲོལ
ལོངས་སྐུ་གསལ་སྣང་གཟུགས་སྐུར་ཤར་དེ་གང་གིས་མཐོང་བའི་མི
དཀྱིལ་འཁོར་ཀུན་གྱི་བདག་པོ་ཡིན་པས་ཀུན་ཏུ་བཟང་པོའི་ལྟ་བ་ཉིད་དུ་འདུག
སྤྲུལ་སྐུ་བདག་ཏུ་གཟུང་བ་མེད་པའི་ངང་དུ་སུས་འདྲིས་སེམས་ཉིད་མཐོང་བའི་སྐྱེས་བུ་ནི
འཁྲུལ་པ་ཡུལ་རྐྱེན་རྣམས་ཀྱི་ཕན་གནོད་དངོས་པོ་གང་ཡང་གྲུབ་པ་མེད་པ་ཡིས
སྐུ་གསུམ་ཕྱིར་མི་ལྡོག་པའི་ས་ལ་རྣལ་འབྱོར་བདེ་བ་སུས་རྙེད་རིག་པ་ཅན
འདི་ནི་སངས་རྒྱས་སྟོང་གི་བདེ་བ་འཛིན་པ་ཉིད་དུ་ཀུན་ཏུ་བཟང་པོ་ང་ཡི་སེམས་ཡིན་ནོ
སྐུ་ཡི་སྣང་བ་ལྷུག་པར་སུས་མཐོང་རྣལ་འབྱོར་ཀུན་གྱི་བརྟེན་པ་ཡིན་པར་ང་ཡིས་འདི་ཡང་བཀོད
གང་གིས་ཕྱིར་མི་ལྡོག་པའི་གདིངས་ཆེ་ན་ལོངས་བའི་ཚད་རྣམས་སུས་འཛིན་པ
བླ་མ་མཁས་པའི་ལྷ་དང་ངོ་སྤྲོད་དོན་འདི་བདེ་བའི་རང་བཞིན་རིན་པོ་ཆེ
དེ་ལ་དྲི་མ་མེད་ཅིང་གདགས་པའི་སྒྲ་རྣམས་ཀུན་གྱི་འདུ་ཤེས་ཉིད་དང་བྲལ
༡༩༩
དེ་རྟོགས་ཅོག་བཞག་ཐབས་བཞིའི་རྣལ་འབྱོར་གདིང་དུ་ཡང་དག་སྙིང་པོ་ཉིད་ཚུད་བའོ
དྲན་ཤེས་རྣམས་ནི་མྱ་ངན་འདས་པའི་ཚེ་ན་བརྗོད་པའི་མཐའ་ཀུན་རང་གིས་རང་ཟང་པའོ
ཕུང་པོ་ཁམས་དང་སྐྱེ་མཆེད་མྱ་ངན་འདས་པའི་ཚེ་ན་སྣང་སྲིད་ཐམས་ཅད་བདེ་བའི་ཞིང་དུ་སྣང
དབང་པོ་ཡུལ་རྣམས་མྱ་ངན་འདས་པའི་ཚེ་ན་ཕྱག་རྒྱ་མཆོག་གི་ལོངས་སྤྱོད་ཆེན་པོ་རང་སྣང་བའོ
སྒྲ་ཚིག་རྣམས་ནི་མྱ་ངན་འདས་པའི་དུས་ན་སྣང་བ་ཀུན་ལ་ཕ་རོལ་ཕྱིན་པའོ
ལྟ་དང་སྒོམ་དང་སྤྱོད་པ་མྱ་ངན་འདས་པའི་དུས་ན་རྩོལ་བཅས་དྲན་པ་རང་ཟང་ཡིན
ཆོས་དང་ཤེས་རབ་མྱ་ངན་འདས་པའི་དུས་ན་ལྷ་ཡི་སྐུ་རྣམས་མི་དམིགས་རྒྱ་ཡིས་ཐེབ་པ་རང་ཡང་ཤར
ཉམས་མྱོང་མྱ་ངན་འདས་ཉིད་ཟད་པའི་དུས་ན་བྱུང་ཚོར་རྣམས་ཀྱི་སྒོ་ཡང་རང་གིས་རང་འགགས་སོ
དྲོད་དང་རྟགས་ནི་རང་ཟད་མྱ་ངན་འདས་པའི་ཚེ་ན་ཉོན་མོངས་རྣམས་ནི་རང་གིས་རང་ཟད་སྟོང་པར་བྱས་པ་ཡིན
ཟད་པའི་ཆོས་འདི་སྤྱོད་པའི་གང་ཟག་བསྐྱེད་དང་རང་རྫོགས་པ
སྙིང་པོ་འདི་ལ་གནས་པའི་སྐྱེས་བུ་སྐལ་ཅན་སུས་མཐོང་བ
༢༠༠
འདི་ནི་དུས་གསུམ་སངས་རྒྱས་ཀུན་གྱི་འབྲས་བུ་ཀུན་ཏུ་བཟང་པོའི་ངོ་བོར
རང་འདུག་ཡིན
སངས་རྒྱས་རྣམས་ཀྱི་འབྲས་བུ་འདི་ལ་སུས་གོམས་དཔལ་ལྡན་རྡོ་རྗེ་འཛིན་པ་ཉིད་དུའང་འགྱུར
ཐོག་མའི་མགོན་པོ་དྲི་མེད་དག་པ་འོད་ཀྱི་དབུས་ནས་རང་བྱུང་རང་ཤར་བས
སངས་རྒྱས་ཀུན་གྱི་མཛད་པའི་བདག་ཉིད་དུ་ཡང་གསང་མཆོག་ཆེན་པོ་ཉིད་ཀྱི་སྐུ་ཐོབ་སྟེ
དེ་ལ་མི་ལྡོག་ཤེས་པའི་རྣལ་འབྱོར་བློ་རྩལ་སྟོབས་དང་ལྡན་པའི་སྐལ་བ་ཅན
འབྲས་བུ་ཀུན་གྱི་ཚད་དུ་ཕྱིན་པས་ཀུན་ཏུ་བཟང་པོ་ང་དང་སྐལ་པ་མཉམ་པའོ
ཞེས་ཀུན་ཏུ་བཟང་པོ་ཀློང་དྲུག་པ་གསང་བ་ཆེན་པོའི་རྒྱུད་ལས
སྙིང་པོ་ལམ་དང་བཅས་པ་འབྲས་བུ་རང་དྲིལ་བར་བསྟན་པའི་ཀློང་ཞེས་བྱ་སྟེ་ལྔ་པ་རྫོགས་སོ
ཡི་དྭགས་ཀྱི་སྐྱེ་གནས་དག་པར་བྱེད་པའི་སྐབས་ཏེ་ལྔ་པའོ
༄༦
དེ་ནས་སྟོན་པ་ཀུན་ཏུ་བཟང་པོས་རང་གིས་འཁོར་རྣམས་སྡུད་པའི་ཆེད་དུ་ཞལ་གྱི་སྒོ་རྣམས་ནས་འོད་ཟེར་ཁ་དོག་དུ་མ་བྱུང་སྟེ
སངས་རྒྱས་ཀྱི་ཞིང་ཁམས་རྣམས་སྣང་བར་བྱས་པ་ནི་འདི་ལྟ་སྟེ
འོད་ཟེར་དཀར་པོ་དང་རབ་ཏུ་དཀར་པོ་དང་ཤིན་ཏུ་དཀར་བར་སྣང་བ་དང
༢༠༡
མཆོག་ཏུ་དཀར་བ་སྣང་བ་དང
ཚད་མེད་པར་དཀར་བར་སྣང་བ་དང
དེ་བཞིན་དུ་དམར་པ་དང
རབ་ཏུ་དམར་པོ་དང
ཤིན་ཏུ་དམར་པོ་དང
མཆོག་ཏུ་དམར་པོ་དང
ཚད་མེད་པའི་དམར་པོའོ
ཡང་སེར་པོ་དང
རབ་ཏུ་སེར་པོ་དང
ཤིན་ཏུ་སེར་པོ་དང
མཆོག་ཏུ་སེར་པོ་དང
ཚད་མེད་པའི་སེར་པོའོ
མཐིང་ག་དང
རབ་ཏུ་མཐིང་ག་དང
ཤིན་ཏུ་མཐིང་ག་དང
མཆོག་ཏུ་མཐིང་ག་དང
ཚད་མེད་པའི་མཐིང་གའོ
དེ་བཞིན་ཏུ་ལྗང་གུ་དང
རབ་ཏུ་ལྗང་གུ་དང
ཤིན་ཏུ་ལྗང་གུ་དང
མཆོག་ཏུ་ལྗང་གུ་དང
ཚད་མེད་པའི་ལྗང་གུ་རྣམས་སྤྲས་སོ
གཞན་ཡང་ཤེལ་གྱི་ཁ་དོག་ལྟ་བུ་དང
དངུལ་གྱི་ཁ་དོག་ལྟ་བུ་དང
མུ་ཏིག་གི་ཁ་དོག་ལྟ་བུ་དང
བྱ་ངང་པའི་སྒོ་ངའི་ཁ་དོག་ལྟ་བུ་དང
རིན་པོ་ཆེ་མ་རྒད་ལྟ་བུ་དང
རིན་པོ་ཆེ་མཐོན་མཐིང་ལྟ་བུའི་ཁ་དོག་དང
རཀ་ཏ་དམར་པོ་ལྟ་བུའི་ཁ་དོག་དང
བུང་བའི་རྒྱབ་ལྟ་བུའི་ཁ་དོག་དང
བསེ་སྒོང་རྙིང་པ་ལྟ་བུའི་ཁ་དོག་དང
རྨ་བྱའི་མདོངས་ལྟ་བུའི་ཁ་དོག་དང
༢༠༢
ཕུག་རོན་གྱི་སྐེ་ལྟ་བུའི་ཁ་དོག་དང
རི་སྐེགས་ཀྱི་གཤོག་པ་ལྟ་བུའི་ཁ་དོག་དང
སེང་གེའི་དབྲལ་བ་ལྟ་བུའི་ཁ་དོག་དང
མཁའ་འགྲོའི་མིག་ལྟ་བུའི་ཁ་དོག་དང
བརྒྱ་བྱིན་གྱི་ལག་པ་ལྟ་བུའི་ཁ་དོག་དང
གསེར་གྱི་གཡའ་ལྟ་བུའི་ཁ་དོག་དང
དུག་གི་རླངས་པ་ལྟ་བུའི་ཁ་དོག་དང
འབྲིང་བྱའི་གཤོག་པ་ལྟ་བུའི་ཁ་དོག་ལ་སོགས་པ་རྣམས་སྤྲོས་སོ
དེ་ལྟར་འོད་དང་ཁ་དོག་དེ་དག་རྣམས་རྣམ་པར་སྤྲོས་པས་སངས་རྒྱས་ཀྱི་ཞིང་ཁམས་རྣམས་རས་ཏུ་སྣང་བར་བྱས་ཏེ
རྒྱན་དང་ཁ་དོག་དང་བཞུགས་ཚུལ་དང
སྐུའི་ངོ་བོ་ཐམས་ཅད་རང་གསལ་ཞིང་རང་དག་ཆེན་པོའི་བསམ་གཏན་དུ་བརྟན་པ་ཐོབ་སྟེ
སངས་རྒྱས་རྣམས་ཀྱི་རང་རང་གི་ཚོམ་བུ་དང་བཅས་པའི་ཞལ་རྣམས་དུས་གཅིག་ལ་མཐོང་ངོ
དེ་ནས་འཁོར་དེ་དག་གི་ནང་ནས་བྱང་ཆུབ་སེམས་དཔའ་སེམས་དཔའ་ཆེན་པོ
རང་གི་འོད་ཟེར་གྱིས་འཁོར་བ་ཐམས་ཅད་འཇིགས་པར་བྱེད་པ་ཞེས་བྱ་བསྟན་ལས་ལངས་ཏེ
༢༠༣
བླ་གོས་གཟར་ནས
སྟོན་པ་ཀུན་ཏུ་བཟང་པོ་ལ་འདི་སྐད་ཅེས་ཞུ་བ་ཞུས་སོ
ཀྱེ་ཀྱེ་སྟོན་པ་ཀུན་ཏུ་བཟང
ཉིད་ཀྱི་ཞལ་གྱི་དཀྱིལ་འཁོར་ནས
འོད་དང་ཁ་དོག་རྣམ་སྤྲོས་པས
སངས་རྒྱས་ཞིང་རྣམས་སྣང་བར་བྱས
དེ་ལྟར་སངས་རྒྱས་ཐམས་ཅད་ཀྱི
འཁོར་དང་བཅས་པའི་དཀྱིལ་འཁོར་ནི
དུས་གཅིག་ལ་ནི་སྣང་མཛད་པས
བདག་ཅག་རྣམས་ཀྱི་རྣམ་རྟོག་ཟང
ཉིད་དང་སྐལ་བ་མཉམ་གྱུར་ཀྱང
མ་འོངས་པ་ཡི་སེམས་ཅན་རྣམས
ཡང་དག་ལམ་ལ་འཛུད་པའི་ཕྱིར
ཉིད་ཀྱི་ཏིང་འཛིན་ཅི་ལྟ་བུ
དེ་ཡི་ཚད་རྣམས་གང་གིས་བཟུང
མ་འོངས་པ་ཡི་སེམས་ཅན་གྱིས
འདི་ལ་ཅི་ལྟར་བསླབ་པར་བགྱི
འདི་ཀུན་སེམས་ཅན་ཀུན་དོན་དུ
སྙིང་རྗེ་ཆེན་པོ་ཉིད་བཞེངས་ལ
བདག་གིས་ཞུས་པའི་དོན་འདི་གསུངས
དེ་ནས་སྟོན་པ་ཀུན་ཏུ་བཟང
སྙིང་རྗེ་ཆེན་པོའི་ཡིད་གཡོས་ནས
ཞལ་ནས་སྤྲོས་ཚིག་འདི་སྐད་གསུངས
ཀྱེ་མ་བྱང་ཆུབ་སེམས་དཔའ་ཆེ
རང་གི་འོད་ཟེར་འཁོར་བ་འཇིག
ཁྱོད་ཀྱིས་ཞུས་པ་དེ་ལེགས་སོ
ང་ཡི་ཚིག་ཏུ་འདི་སྐད་བརྗོད
༢༠༤
ཁྱོད་ཀྱིས་འདི་ཀུན་རབ་ཏུ་ཟུང
ཏིང་ངེ་འཛིན་ཞེས་ངས་བཤད་པས
དེ་ཀུན་དོན་ནི་འདི་ལྟར་སྣང
ང་ལ་ཏིང་འཛིན་གསུམ་ཡོད་དེ
རང་གནས་ཅོག་བཞག་བསམ་གཏན་ཀྱིས
དངོས་པོའི་གནས་ལུགས་མཉམ་པར་འཇོག
ཐོག་བབ་ཆེན་པོའི་ཏིང་འཛིན་གྱིས
རང་སྣང་ཐད་ཀའི་ཞེན་པ་བཟློག
རྒྱས་འདེབས་ཆེན་པོའི་ཏིང་འཛིན་གྱིས
སྣང་བ་ཐམས་ཅད་རང་སར་འཇོག
རང་གི་འོད་ཟེར་སྣང་བ་ཡིས
འཁོར་བ་འཇིག་པའི་བྱང་སེམས་ཀྱིས
སྟོན་པ་ཉིད་ལ་འདི་སྐད་གསོལ
ཀྱེ་ཀྱེ་སྟོན་པ་ཀུན་ཏུ་བཟང
རང་གནས་ཅོག་བཞག་ཏིང་འཛིན་ནི
སྟོན་པའི་ཐུགས་ལ་ཅི་ལྟར་ཤར
དེ་ཡི་དོན་ནི་གང་ཙམ་ཞིག
ཐོག་བབ་ཆེན་པོ་ཏིང་འཛིན་ནི
འདི་ནི་ནང་གི་དུས་སུ་སྐྱེ
འདི་དོན་བློ་ལ་ཅི་ལྟར་བསྒོམ
དེ་བཞིན་རྒྱས་འདེབས་ཏིང་འཛིན་ནི
འདི་ཉིད་ལམ་དུ་ཅི་ལྟར་བྱ
སྒོམ་པ་ཇི་ལྟར་བསྒོམ་པ་ལགས
འདི་ཀུན་བདག་གིས་མ་འཚལ་ན
སྟོན་པ་ཐུགས་རྗེ་ཆེན་པོས་གསུང
དེ་ནས་སྟོན་པས་བཀའ་སྩལ་པ
༢༠༥
བྱང་ཆུབ་སེམས་དཔའ་ཆེན་པོ་ཉོན
ངས་བསྟན་པ་ལ་ནོར་བ་མེད
ཁྱོད་ཀྱིས་ནོར་མེད་སེམས་ཀྱིས་ཟུང
རང་གནས་ཅོག་བཞག་ཏིང་འཛིན་ནི
ང་ཡི་སེམས་ལ་འདི་ལྟར་བས
ཕྱི་རབས་སངས་རྒྱས་འདོད་པས་ཀྱང
འདི་ལྟར་བློ་ལ་སྣང་བྱས་ལ
རྡོ་རྗེ་སེམས་དཔའི་རིགས་སུ་འགྱུར
ཏིང་འཛིན་དང་པོ་ཅོག་བཞག་གིས
སྐུ་གསུམ་རིམ་གྱིས་གོམས་པ་ཡིན
དངོས་པོ་གཤིས་ཀྱི་རྣལ་འབྱོར་ལ
དོན་འདི་མཆོག་ཏུ་ཉེ་བར་འགྱུར
སྐུ་གསུམ་གོམས་པའི་གཏིང་ཉམས་ནི
ཅིག་ཆར་སྐྱེ་བ་མ་ཡིན་ཏེ
འདི་ཀུན་རིམ་གྱིས་བློ་ཡུལ་ལོ
ཐོག་མར་སྤྲུལ་སྐུའི་ཏིང་འཛིན་ཐོབ
དེ་དུས་རང་གི་ཤེས་པ་ལ
སྔར་མ་མཐོང་བའི་ཆོས་རྣམས་ནི
བསམ་པ་མེད་པར་བློ་ལ་འཆར
རང་གིས་གདམས་པའི་ཐ་སྙད་ཚིག
མ་བཟུང་བཞིན་དུ་སེམས་ལ་བཀྲ
སྐྱེས་བུ་སྐལ་དང་ལྡན་པ་ལ
ཆོས་ཀྱི་རོ་ཡིས་སེམས་རྒྱས་པས
ལུས་ཀྱང་ཞག་ནི་དྲུབ་བདུན་དུ
ཡོད་པ་དག་ནི་མི་ཚོར་ཅིང
ས་ཡི་སྟེར་ལས་འཕགས་ནས་ནི
༢༠༦
བར་སྣང་དག་ལ་འགྲོ་བའི་ཉམས
རང་གི་སྤྱོད་ཡུལ་ཉིད་དུ་འབྱུང
རིག་པ་རྩོལ་མེད་མཁར་བཞག་ནས
རང་གི་སྤྲུལ་སྐུ་དེ་ལྟར་ཐོབ
དེ་འདས་རིག་པ་མ་འགྱུར་བས
ལོངས་སྤྱོད་རྫོགས་པའི་སྐུ་ཉིད་ཀྱང
རང་གི་ཤེས་པའི་རྒྱུད་དུ་ནི
རང་སྣང་རྩོལ་བ་ཀུན་བྲལ་བར
ཉམས་སུ་མྱོང་བ་འདི་ལྟར་འབྱུང
སྔར་མ་མཐོང་བའི་འོད་སྣང་ཡང
དུམ་བུ་དུམ་བུར་སུས་མཐོང་བ
འདི་ཡང་ལོངས་སྤྱོད་སྐུ་ལ་སྤྱོད
སྐལ་ལྡན་རྣལ་འབྱོར་རིགས་ལྡན་དེའི
ཤེས་པ་རང་ལ་ཉམས་རེགས་ལ་དྲན
བསམ་དབང་པོ་མ་འགགས་པར
ཡེད་རྟོག་གཞན་ལ་མི་འཇུག་ཅིང
རིག་པ་རང་དལ་བདེ་བདག་མེད
རང་གསལ་བློ་ལ་གོམས་པ་ཡིས
ནང་གསལ་འགྱུ་ཡིད་ཕྱིར་མི་འཆོར
དངོས་པོའི་རྗེས་སུ་སེམས་མི་འབྲེང
འཇིག་རྟེན་བྱ་བ་བློར་མི་སྣང
འདིས་ནི་ལོངས་སྤྱོད་རྫོགས་པ་ཐོབ
དེ་ནས་རིག་པ་ནམ་མཁའ་ལ
ཅོག་བཞག་ཆེན་པོའི་ལྟ་སྟངས་ཀྱིས
ཡེངས་པ་མེད་པར་ཉམ་གཞག་པས
ཡང་ནི་ཆོས་སྐུའི་ཏིང་འཛིན་སྣང
དེ་དུས་ཤེས་པ་གཏིང་ནས་གསལ
ལུ་གུ་རྒྱུད་ལ་མངོན་དུ་སྤྱོད
༢༠༧
སྣང་བ་འཕེལ་བའི་ཚད་ཡིན་ཏེ
ཤེས་པ་རྣོ་ལ་མྱུར་བ་ཡིས
སྔར་མ་མཐོང་བའི་སངས་རྒྱས་མཐོང
འདི་ཡིས་དེ་ཡི་མིང་རྣམས་ནི
བརྒྱ་སྟོང་བྱེ་བ་བློ་ལ་སྣང
ལུས་ཀྱིས་སྔར་མ་བྱས་པ་ཡི
ཤེས་པ་མེད་པའི་ཐོ་རྣམས་དང
སྒྱུ་རྩལ་རྣམས་དང་ཡི་གེ་དང
སྐད་དང་བརྡའ་དང་རྟེན་འབྲེལ་ནི
ཅི་ལྟར་སྔར་མ་མཐོང་བ་ཡི
འདི་ཀུན་ཉམས་སུ་མྱོང་བ་དང
ས་དང་ཆུ་དང་མེ་རླུང་གིས
སྒྲ་ཡང་འདི་ཡིས་བདེ་བར་ཐོས
མདོར་ན་མངོན་ཤེས་དྲུག་རྣམས་ཀྱང
སྐལ་དང་ལྡན་པ་འདིས་ཐོབ་སྟེ
རང་དང་ཕ་རོལ་དོན་རྣམས་ནི
སྐྱེས་བུ་འདི་ཡིས་བྱེད་པར་འགྱུར
ཀྱེ་མ་བྱང་ཆུབ་སེམས་དཔའ་ཆེ
སྐུ་གསུམ་རང་བྱུང་དགོངས་པ་ནི
མདོར་ན་འདི་ལྟར་ཉམས་ཚད་རྙེད
སྤྲུལ་པ་སྐུ་ཡི་རྣལ་འབྱོར་སྤྱོད
སྔར་རྙེད་སྙིང་རྗེ་ཆེན་པོ་ནི
རང་གི་རྒྱུད་ལ་མཆོག་ཏུ་སྐྱེ
འདི་དུས་སྤྲུལ་སྐུའི་ཏིང་འཛིན་ཐོབ
གསལ་ལ་མི་རྟོག་ཤེས་པའི་ཉམས
ལོངས་སྐུའི་ཏིང་ངེ་འཛིན་ཞེས་བྱ
ཟག་མེད་ཐིག་ལེ་སྟོང་པའི་སྐུ
རྩོལ་བ་མེད་པར་རང་ཤར་ཚེ
ཆོས་སྐུའི་ཏིང་ངེ་འཛིན་ཞེས་བྱ
༢༠༨
རྣལ་འབྱོར་ལྡན་པ་འདིས་ཐོབ་པོ
ཀྱེ་མ་བྱང་ཆུབ་སེམས་དཔའ་ཉོན
ཐོག་བབ་ཆེན་པོའི་ཏིང་འཛིན་ནི
གང་གིས་འདི་ལ་གོམས་སྤྱོད་ན
སྣང་བ་ཀུན་ལ་དབང་བསྒྱུར་ཐོབ
དེ་ཡི་རིམ་པའི་རྩལ་རྣམས་ནི
རྣམ་པར་བསྒོམ་པ་གང་འདོད་པ
འདི་ཀུན་བློ་ཡི་ཡུལ་དུ་བྱ
ཡུལ་རྐྱེན་རྟོག་པར་རང་ཤར་ཚེ
འདི་ཀུན་རང་བཞིན་མེད་ཤེས་ན
སྣང་བ་ཐམས་ཅད་སྒྱུ་མའམ
རྨི་ལམ་དང་ནི་གཟུགས་བརྙན་ལྟར
མི་རྟོག་གཟུགས་སྣང་ཆེན་པོའི་ཉམས
སུ་ཡི་རྒྱུད་ལ་ཤར་བ་དེ
སྣང་བ་རྣམས་ནི་ཐོག་བབས་སུ
སྣང་རྐྱེན་རྒྱུད་ལ་མི་འཆར་བར
ཕྱིར་མི་ལྡོག་པའི་ཏིང་འཛིན་ཐོབ
ཀྱེ་མ་རང་གི་འོད་ཟེར་གྱིས
འཁོར་བ་འཇིག་པའི་བྱང་ཆུབ་སེམས
རྒྱས་འདེབས་ཆེན་པོའི་ཏིང་འཛིན་ནི
སུ་ཞིག་བསྒོམ་པར་འདོད་པའི་མིས
མི་འགྱུར་བ་ཡི་གནད་གཟིར་ཕྱིར
ལུས་ཀྱི་འདུག་སྟངས་གཟིར་བྱས་ནས
ཤེས་པ་ནམ་མཁའ་མཐོངས་སུ་འཕངས
དེ་བཞིན་མིག་གིས་བར་སྣང་ལ
གླང་པོ་ཆེ་ཡི་ལྟ་སྟངས་ཀྱིས
དྲན་མེད་རྒྱས་འདེབས་ཆེན་པོར་བཞག
དེ་ལྟར་རིག་པ་ནམ་མཁར་གཏད
༢༠༩
འདི་དང་འབྲལ་བ་མེད་པར་ནི
རྣལ་འབྱོར་རྒྱུན་དུ་གང་བསྒོམ་པ
ཉིན་དུས་སྣང་བ་རྒྱས་འདེབས་སོ
མཚན་དུས་རང་རིག་གནས་ཁང་དུ
དུས་བཞི་མཉམ་པའི་ཚད་བཟུང་ཕྱིར
དབང་པོའི་སྒོ་རྣམས་རབ་བསྡུས་ནས
ཐིག་ལེ་སྟོང་པའི་སྒྲོན་མ་ལ
རྣལ་འབྱོར་ལྡན་པས་སེམས་བཞག་པས
ཐིག་ལེ་ཉིད་ནི་འཕེལ་བ་ན
ཤེས་པ་ཉིད་ཀྱང་འཕེལ་བར་གཏད
དེ་བཞིན་ཐིག་ལེ་ཕྲ་འགྱུར་ཚེ
ཐིག་ལེ་ཇེ་འཕྲ་ཇེ་འཕྲ་ལ
ཤེས་པ་ཇེ་ཕྲ་ཇེ་ཕྲར་བཞག
གཉིད་དང་རྨི་ལམ་གནད་ཀྱིས་ནི
སྔར་ཞེན་བག་ཆགས་རྩད་ནས་དབྱུང
འདི་ལྟར་མཚན་མོའི་དུས་རྣམས་སུ
རྣལ་འབྱོར་སྐལ་དང་ལྡན་པས་སྤྱོད
འདིས་ནི་སྣང་བ་རང་རྒྱས་ཐེབས
ཀྱེ་མ་བྱང་ཆུབ་སེམས་དཔའ་ཉོན
ང་ཡི་ཏིང་འཛིན་ཚད་རྣམས་ནི
སུས་ཀྱང་བཟུང་བར་མི་ནུས་ཏེ
༢༡༠
འོན་ཀྱང་ཚིག་གིས་འདི་ལྟར་སྤྲད
རང་གནས་ཆོག་བཞག་ཏིང་འཛིན་ཚད
འབྱུང་བའི་དགྲས་མི་གནོད་པས་བཟུང
དེ་བཞིན་ཐོག་བབ་ཏིང་འཛིན་ཚད
འདོད་ཆགས་ལ་སོགས་ཉོན་མོངས་རྣམས
རང་གི་རྒྱུད་ལ་གཏན་མི་སྐྱེ
མི་དགེའི་བསམ་པ་སྐྱེ་མི་སྲིད
འདིས་ནི་དེ་ཡི་ཚད་རྣམས་བཟུང
རྒྱས་འདེབས་ཆེན་པོའི་ཏིང་འཛིན་ཚད
རགས་པའི་སྣང་བ་འགགས་པས་བཟུང
ཀྱེ་མ་བྱང་ཆུབ་སེམས་དཔའ་ཉོན
ངས་བསྟན་ཁྱོད་ཀྱིས་ལེགས་པར་ཟུང
མ་འོངས་པ་ཡི་སེམས་ཅན་གྱིས
ཏིང་འཛིན་གསུམ་ལ་འདི་ལྟར་བསླབ
རང་གནས་ཅོག་བཞག་ཏིང་འཛིན་ནི
དབང་པོའི་སྒོ་རྣམས་མི་དགག་ཅིང
ལུས་ཀྱི་སྤྱོད་པ་སྤྱད་མི་བྱ
གཉིད་ཀྱང་སྤང་བར་མི་བྱ་སྟེ
སེམས་ཀྱིས་གུད་དུ་བཅད་པ་མིན
མདོར་ན་ལུས་ངག་རང་སོ་ལ
ཡིད་འབྱུང་ཆ་རྣམས་ཕྱིར་མ་ཤོར
དབང་པོའི་ཡུལ་རྣམས་དྲུག་ལ་ཡང
ཤེས་བཞིན་དཔྱོད་པའི་ཡིད་མ་འགྱུས
རང་སྣང་མི་རྟོག་ཆེན་པོ་ལ
གསལ་ལ་རྟོག་མེད་ཉམས་སྐྱེའོ
ཐོག་བབ་ཆེན་པོའི་ཏིང་འཛིན་ལ
༢༡༡
ལུས་ནི་ཐ་མལ་ལྟ་བུ་ལ
ངག་གི་སྨྲ་བརྗོད་ཚིག་རྣམས་བྲལ
སེམས་ནི་དམ་དུ་མ་བཅིངས་པའོ
སྣང་བ་རྒྱས་འདེབས་ཏིང་འཛིན་ནི
ལུས་དང་ཡུལ་དང་རིག་པ་ཡིས
རང་སྣང་དག་པའི་ཚད་རྣམས་བཟུང
དེ་ལྟར་རང་སྣང་ཚད་ཟིན་ན
འགྲོ་དྲུག་འཁྲུལ་པའི་སྣང་བ་འགགས
འདི་སྙིད་འགགས་པའི་དུས་ཀྱི་ཚེ
རིག་པ་སྲང་ལ་ཐེབས་པ་ཡིན
དེ་ལྟར་སྲང་ལ་ནམ་ཐེབ་ན
རང་གི་ལུས་ཀྱང་མི་སྣང་སྟེ
འབྱུང་བས་བསྐྱེད་པའི་ཤ་ཁྲག་ལུས
འབྱུང་བ་རང་སར་དག་པའི་ཕྱིར
འདི་ནི་ཡུལ་དུ་སྣང་བ་མེད
འཁྲུལ་པས་བཟུང་བའི་ཡིད་ཀྱི་ལུས
འགྱུ་བ་རང་སར་སངས་པའི་ཕྱིར
འདི་ཡང་མི་སྣང་རང་སར་ཡལ
རིག་པས་བཟུང་བའི་འོད་ཀྱི་ལུས
ཆུ་ཟླའི་དཀྱིལ་འཁོར་བཞིན་དུའོ
འདི་ཚེ་ཆོས་ཉིད་ཟད་དང་ཉེ
འདི་ལ་གང་གོམས་སངས་རྒྱས་ཞིང
དེ་ནས་ལུས་གསུམ་མཐའ་ཟད་ནས
བྱ་བྲལ་རྫོགས་པའི་ལུས་ཐོབ་སྟེ
ཚེ་འདིའི་ལུས་ཀྱི་མཐའ་རྣམས་དང
བྲལ་བ་ལ་ནི་ཉེ་བ་ཡིན
གཞི་ལ་གོམས་པའི་རྣལ་འབྱོར་པས
༢༡༢
རང་གི་གནས་ཀྱང་སྟོངས་པར་འགྱུར
ལམ་ལ་གོམས་པའི་རྣལ་འབྱོར་པས
འབྱུང་བ་རགས་པའི་དྲི་མ་ཟད
འབྲས་བུ་ལ་ནི་སུས་གོམས་པ
མི་ལྡོག་ས་ལ་འདི་ཡིས་ཕྱིན
ཀྱེ་མ་སེམས་དཔའ་ཆེན་པོ་ཉོན
དེ་ལྟར་ང་ཡི་ཏིང་འཛིན་ནི
འདི་ལ་གོམས་པ་སྐལ་བ་ལྡན
སྣང་བ་གསུམ་ལས་རྙེད་པ་ཐོབ
ཏིང་ངེ་འཛིན་འདི་སུས་གཟུང་བ
སྐུ་གསུམ་ལ་ཡང་མངོན་པར་གནས
འདི་ཉིད་སུ་ཡིས་བསླབ་པ་ལ
སྡེ་སྣོད་ཆོས་རྣམས་བློ་ལ་སྣང
འདི་གསུམ་གང་གིས་གོམས་པའི་མི
འཁྲུལ་པའི་ཞེན་ཡུལ་རྩད་ནས་ཆོད
འདི་ཉིད་ཉམས་མྱོང་ཤར་བའི་མི
མ་བཙལ་བཞག་པའི་བསམ་གཏན་ཐོབ
ཀྱེ་མ་བྱང་ཆུབ་སེམས་དཔའ་ཉོན
ད་ནི་ཏིང་འཛིན་རྣམ་གསུམ་གྱི
ཚད་ལ་གོམས་པའི་རྣལ་འབྱོར་པས
ལྡོག་པ་མེད་པའི་ལམ་ཞུགས་ནས
སྟོང་གསལ་ཆེན་པོའི་གནས་སུ་ཕྱིན
ལུ་གུ་རྒྱུད་ཀྱི་ལུས་བླངས་ཏེ
དྲན་བསམ་ཟད་པའི་རྩེར་ཕྱིན་ནས
སྔར་མ་མཐོང་བའི་ཡུལ་མཐོང་ནས
གསལ་བྱེད་དབྱིངས་ཀྱི་གོ་རར་ཚུད
ཚུད་པས་སྐུ་གསུམ་རང་ལུས་ཟད
དེ་ལྟར་ལུས་ཀྱི་མཐའ་ཟད་ནས
༢༡༣
ཉམས་སུ་སྐྱེ་བ་ཉིད་ཀྱང་མེད
འདི་ལ་ཅི་ཡང་ཡོད་པ་མིན
བརྗོད་པར་བྱ་བའི་ཚིག་ཀྱང་མེད
མེད་པ་ཡང་ནི་མ་ཡིན་ཏེ
ཡོན་ཏན་འཆར་ཚུལ་འགག་པ་མེད
འདི་ལ་གནས་པའི་ས་མེད་པས
བརྟེན་པར་བྱ་བའི་ཆོས་རྣམས་ཟད
འདི་ལ་དམིགས་པའི་རྒྱུ་མེད་པས
བཟུང་བའི་ཆོས་རྣམས་ཡེ་ནས་སྟོང
འཛིན་པའང་ནི་རང་སར་སྟོང
འདི་ལ་སྟོང་ཞེས་གདགས་སུ་མེད
དེ་བཞིན་གསལ་བའི་སྣང་བ་ཅི
གང་དུ་ཡོད་པར་མ་མྱོང་སྟེ
དེ་བཞིན་མེད་ཀྱང་མ་མྱོང་བས
ཡོད་མེད་མཐའ་ཡི་དྲི་མ་མེད
དྲི་མེད་དག་པའི་སྐུར་སྣང་ངོ
ཞེས་ཀུན་ཏུ་བཟང་པོ་ཀློང་དྲུག་པའི་རྒྱུད་གསང་བ་ཆེན་པོ་ལས
ཉམས་སུ་བླང་བའི་ཏིང་ངེ་འཛིན་གྱི་ཀློང་བསྟན་པ་སྟེ་དྲུག་པ་རྫོགས་སོ
དམྱལ་བའི་སྐྱེ་གནས་དག་པར་བྱེད་པའི་སྐབས་ཏེ་དྲུག་པའོ
དེ་ནས་སྟོན་པ་ཀུན་བཟང་གིས
ཚིག་གི་མཐའ་སྡུད་འདི་སྐད་གསུངས
ཨེ་མ་ངོ་མཚར་རྨད་དུ་བྱུང
ལྷ་རྣམས་འབྲོས་ཁུངས་བཅད་པའི་ཕྱིར
ང་ནི་ལྷ་ཡི་དབང་པོའོ
མི་རྣམས་འབྲོས་ཁུངས་བཅད་པའི་ཕྱིར
༢༡༤
ང་ནི་མི་ཡི་ཐུབ་པའོ
ལྷ་མིན་འབྲོས་ཁུངས་བཅད་པའི་ཕྱིར
ང་ནི་ལྷ་མིན་ཀུན་གྱི་གཙོ
བྱོལ་སོང་འབྲོས་ཁུངས་བཅད་པའི་ཕྱིར
ང་ནི་བྱོལ་སོང་རྣམས་ཀྱི་སྒྲོན
ཡི་དྭགས་བྲོས་ཁུངས་བཅད་པའི་ཕྱིར
ང་ནི་ཡི་དྭགས་ཀུན་གྱི་གཏེར
དམྱལ་བའི་འབྲོས་ཁུངས་བཅད་པའི་ཕྱིར
ང་ནི་དམྱལ་བའི་རྒྱལ་པོར་སྣང
དེ་ལྟར་སྟོན་པ་ཀུན་བཟང་གིས
རིགས་དྲུག་བྲོས་པའི་ཁུངས་བཅད་པས
འཁོར་གྱི་བྱང་ཆུབ་སེམས་དཔའ་རྣམས
དགའ་མགུ་ངང་པའི་སེམས་སྐྱེས་ནས
སྟོན་པ་ཉིད་ལ་རབ་བསྟོད་ནས
དེ་ལྟར་གསུངས་ལ་རྗེས་ཡི་རང
ཞེས་ཀུན་ཏུ་བཟང་པོ་ཀློང་དྲུག་པའི་རྒྱུད་ཅེས་བྱ་བ་ལས
འགྲོ་བ་རིགས་དྲུག་གི་སྐྱེ་གནས་དག་པར་བྱེད་པ
རང་བཞིན་རྫོགས་པ་ཆེན་པོ
འབུམ་འཕྲག་དྲུག་ཅུ་རྩ་བཞིའི་བཅུད་ཕྱུང་བ་རྫོགས་སོ
ཀུན་ཏུ་བཟང་པོ་ཀློང་དྲུག་པའི་རྒྱུད་ལ
འགྲེལ་པ་རིན་ཆེན་ཕྲེང་བ་ཞེས་བྱ་བ་བཞུགས་སོ
རྫོགས་སོ
ཀློང་ཆེན་དྲུག་གི་རྒྱུད་ལ་མ་བུ་ལྔ
དགེའོ་དགེའོ་དགེའོ