ཉི་མ་དང་ཟླ་བ་ཁ་སྦྱོར་བ་ཆེན་པོ་གསང་བའི་རྒྱུད
༄༡
༡༥༣
ཉི་མ་དང་ཟླ་བ་ཁ་སྦྱོར་བ་ཆེན་པོ་གསང་བའི་རྒྱུད་ཅེས་བྱ་བ་བཞུགས
༡༥༤
རྒྱ་གར་སྐད་དུ
བོད་སྐད་དུ
ཉི་མ་དང་ཟླ་བ་ཁ་སྦྱོར་བ་ཆེན་པོ་གསང་བའི་རྒྱུད་ཅེས་བྱ་བ
བཅོམ་ལྡན་འདས་མངོན་པར་བྱང་ཆུབ་པ་ཆེན་པོ་ཕྱག་འཚལ་ལོ
འདི་སྐད་བདག་གིས་བསྟན་པའི་དུས་གཅིག་ན
ཨེ་མ
ང་ནི་འཇིག་རྟེན་བསྒྲལ་བའི་ཕྱིར
སྐྱེ་བཞིའི་གཟུགས་སུ་སྤྲུལ་ནས་ནི
སེམས་ཅན་ཀུན་གྱི་དོན་བྱས་པས
སངས་རྒྱས་ད་ལྟ་རྣམས་ཀྱི་སྣང་བ་ཐོབ
སྐྱེ་གཉིས་པར་དུ་སངས་རྒྱས་པའི
༡༥༥
ངེས་པའི་འབྲས་བུ་སུས་འདོད་པ
ང་ཡིས་བསྟན་པའི་རྒྱུད་འདི་ཉོན
རྒྱུད་འདི་ལ་ནི་སུས་གང་གོམས་པ
བསྒོམ་པ་མེད་པར་སངས་རྒྱས་འཐོབ
སུས་ཀྱང་བསླབ་པ་མེད་པར་ན
བླ་མའི་མན་ངག་རྩད་རྣམས་ཆོད
དེ་ཕྱིར་འདི་ལ་གོམས་པར་གྱིས
དེ་སྐད་ཅེས་མི་གནས་པའི་རང་བཞིན་གྱི་གནས་ཆེན་པོ་ནས
མི་སྣང་བའི་སྟོན་པ་ཆེན་པོས་མི་འབྱེད་པའི་འཁོར་ལ་གསུངས་སོ
༡༥༦
གསུང་ངོ
གསུང་བར་འགྱུར་རོ
འདི་སྐད་བདག་གིས་ཐོས་པའི་དུས་གཅིག་ན
གང་གིས་ཀྱང་མ་བྱས་པའི་ཡོངས་སུ་བཀོད་པ་ཆེན་པོའི་གནས
རང་བཞིན་གྱིས་རྣམ་པར་དག་པ་ཁ་དོག་དང་གཟུགས་བརྙན་ཐམས་ཅད་དུས་གཅིག་ལ་གསལ་བ
བཀོད་པ་རྒྱ་ཆེ་ལ་དཀྱིལ་ཡངས་པ
ཁ་དོག་མ་འདྲེས་ཡོངས་སུ་རྫོགས་པ
ལྟེམ་བཞིན་པ
མེར་བཞིན་པ
འགུལ་བཞིན་པ
འཕྲིགས་བཞིན་པ
ཤིན་ཏུ་མཉམ་པ་ཆེན་པོ་ན
བཅོམ་ལྡན་འདས་མངོན་པར་བྱང་ཆུབ་ཆེན་པོ་སངས་རྒྱས་ཐམས་ཅད་ཀྱི་ལྟ་བ་དང
དགོངས་པ་མཛད་སྤྱོད་མི་ཟད་པ་རྒྱན་གྱི་འཁོར་ལོ་ཆེན་པོ་ཉིད
རིག་པ་རྡོ་རྗེ་ལུ་གུ་རྒྱུད་དང
རིག་པ་ཁྱབ་གདལ་ཆེན་པོའུ་སྐུ་དང
རིག་པ་མངོན་སུམ་དུ་སྣང་བྱེད་ཀྱི་སྐུ་དང
༡༥༧
མ་བཀོད་པའི་རང་བཞིན་གྱི
ཡེ་ཤེས་ཆེན་པོ་ལྔ་དང
ཆོས་ཐམས་ཅད་སྟོང་པ་ཉིད་དང
མཚན་མ་མེད་པ་དང
མི་དམིགས་པ་དང
རང་གིས་མཚན་ཉིད་བྲལ་བ་དང
མི་གནས་པའི་སྟོང་པ་ཆོས་ཉིད་ཆེན་པོ་དང
མི་འགྱུར་བ་ཆོས་སྐུའི་ཚུལ་འཛིན་པ་དང
ཀུན་ཏུ་གསལ་བ་ལོངས་སྤྱོད་རྫོགས་པའི་སྐུའི་ཚུལ་འཛིན་པ་དང
མཛད་པ་མ་ལུས་པ་སྤྲུལ་པ་སྐུའི་ཚུལ་འཛིན་པ་དང
རྣམ་པར་འཕྲུལ་པ་ཡང་མ་ཡིན་པའི་རིགས་ལས
དེ་བཞིན་གཤེགས་པ་རང་གི་མཚན་ཉིད་འཛིན་པའི་རིགས་དང
རྡོ་རྗེ་རིགས་ཀྱི་མཚན་ཉིད་འཛིན་པའི་ལྷ་མོ་དང
རིན་པོ་ཆེའི་རིགས་ཀྱི་མཚན་ཉིད་འཛིན་པའི་ལྷ་དང་ལྷ་མོ་དང
པད་མའི་རིགས་ཀྱི་མཚན་ཉིད་འཛིན་པའི་ལྷ་དང་ལྷ་མོ་དང
ལས་ཀྱི་རིགས་ཀྱི་མཚན་ཉིད་འཛིན་པའི་ལྷ་དང་ལྷ་མོ་དང
མི་མཛད་པའི་མཛད་པོ་ལས
༡༥༨
རྣམ་པར་སྣང་མཛད་ཆེན་པོའི་ཕྱག་རྒྱ་དང་བཅས་པ་དང
རྡོ་རྗེ་མི་བསྐྱོད་པ་རྡོ་རྗེའི་རིགས་ལས་བྱུང་ཆེན་པོ་སྐུ་ཕྱག་རྒྱ་དང་བཅས་པ་དང
རིན་ཆེན་འབྱུང་ལྡན་ཆེན་པོའི་སྐུ་ཕྱག་རྒྱ་དང་བཅས་པ་དང
སྣང་བ་མཐའ་ཡས་ཆེན་པོའི་སྐུ་ཕྱག་རྒྱ་དང་བཅས་པ་དང
དོན་ཡོད་གྲུབ་པའི་སྐུ་ཕྱག་རྒྱ་དང་བཅས་པ་དང
སེམས་དཔའ་ཆེན་པོ་རོལ་པའི་ལྟ་སྟངས་རྣམས་དང
སེམས་མ་ཆེན་མོ་སྒེག་མོའི་ཆ་ལུགས་རྣམས་དང
རང་བྱུང་གི་ཧེ་རུ་ཀ་ཆེན་པོ་ལྔ་དང
སྐུའི་ཕུང་པོ་དུམ་རྣམས་དང
འཇིག་རྟེན་ལས་འདས་པའི་ཐེག་པ་ཆེན་པོའི་ཡན་ལག་བསམ་གྱིས་མི་ཁྱབ་པ་རྣམས་དང
འདུལ་བའི་སྡེ་དང་སྟོང་མདོ་སྡེའི་སྡེ་དང
༡༥༩
མངོན་པའི་སྡེ་དང
རང་བཞིན་རྫོགས་པ་ཆེན་པོའི་རྣམ་གྲངས་རྣམས་ཏེ
གསུང་གི་ཕུང་པོ་བསམ་གྱིས་མི་ཁྱབ་པ་རྣམས་དང
སེམས་རྣམ་པར་སྦྱང་བ་དང
གསེར་གྱི་སྒྲོམ་བུ་ལྟ་བུའི་སེམས་དང
རྣམ་པར་གཞིལ་བ་དང
རྣམ་པར་བཏུལ་བ་དང་རྣལ་དུ་བབ་པ་དང
མི་གནས་པའི་རིག་པ་ཆེན་པོ་ལ་སོགས་པ་སྟེ
ཐུགས་རྣམས་དང
ནམ་མཁའ་ལ་དངོས་པོར་དབང་བསྐུར་བ་དང
ཆུ་ལ་སྲེག་བྱེད་དུ་དབང་བསྒྱུར་བ་དང
མེ་ལ་སྡུད་པར་བྱེད་པ་དབང་བསྒྱུར་བ་དང
ས་ལ་སྐྱོད་པར་བྱེད་པ་དབང་བསྒྱུར་བ་དང
རླུང་ལ་བརྟན་པར་བྱེད་པར་དབང་བསྒྱུར་བ་རྣམས་ཏེ་ཕྲིན་ལས་རྣམས་དང
མ་བཟླས་པར་རྟགས་རྣམས་རང་བྱུང་བ་དང
མ་བསྒྲུབས་པར་དངོས་གྲུབ་ཆེན་པོ་རང་བྱུང་བ་དང
མ་བསྐུར་མ་བཙལ་བཞག་པའི་དབང་རྣམས་རང་ཐོབ་པ་དང
༡༦༠
མ་བསླབས་པར་ཆོས་ཐམས་ཅད་ཀྱི་དོན་རང་ཤེས་པ་དང
མ་བསྒོམས་པར་སངས་རྒྱས་ཉིད་རང་གིས་རང་ཐོབ་པ་ལ་སོགས་ཏེ
ཡོན་ཏན་དཔག་ཏུ་མེད་པ་རྣམས་དང
མི་འབྱེད་པ་རྒྱུན་གྱི་ཏིང་ངེ་འཛིན་ལ་ཐབས་ཅིག་ཏུ་སྙོམས་པར་ཞུགས་སོ
དེ་ནས་མི་རྟོག་པའི་ཐུབ་པ་ཆེན་པོ་ཞེས་བྱ་བས
སྟོན་པ་རྡོ་རྗེ་འཆང་ཆེན་དེ་ལ
མ་ཆགས་པའི་མཆོད་པས་ནི་མཆོད
མ་བསྐུལ་བའི་དབྱངས་ཀྱིས་ནི་གདུངས
མི་གནས་པའི་བསམ་པས་ནི་བཟུང
མ་བཏིང་བའི་སྟན་ལས་ནི་ལངས
མ་བྱས་པའི་བླ་གོས་ནི་བཟར
མ་བསྒྲགས་པའི་གླུ་ཡིས་ནི་བསྐུལ
མ་མུན་པ་གསལ་བའི་དད་པ་མངོན་དུ་བླངས་ནས
འདི་སྐད་དུ་རྡོ་རྗེའི་གླུའི་ཚིག་རྣམས་ཀྱིས་སྟོན་པ་ལ་རབ་ཏུ་ཞུས་སོ
༡༦༡
ཨེ་མ་ཀེ་རི་ཀ་རི་མས་ཏ
བྷ་ལི་བྷ་ལི
ས་མི་ཏ་སུ་རུ་སུ་རུ
ཀུན་དྷ་ལི་མ་སུ་མ་སུ
ཨེ་ཀ་རས་སུ་ཏི་བྷས་ཏ་ཡེ
ཙ་ཀི་ར་བྷུ་ལི་ཏ་ལྕེ་ཡེ
ས་མུན་ཏ
ཙར་ཡ་སུ་གྷ་ཡེ
བྷི་ཏིང་ལ་ས་ན
བྷ་གྷུ་ལི་ཡེ
ས་ཏ་རི་དྷུ་ཀ་ནི
མ་ཏ་རི་བྷེ་ཏ་ན
པ་ར་ལི་ཧི་དྷི་ས་ན
མ་ཁར་ཏེ་ཀ་ལ་ན
ཙ་ར་དི་པ
སུར་ཡ་གྷ་ཏ་ར་ཨེ
པ་ཤ་ན
ར་ན་བྷི་ཏི་ས་གྷུ་ཏི་པ་ཡ
གྷུ་ར་གྷུ་ར་པ་ག
ཁ་ར་ན་ལམ
ན་ར་ན་ར
ཨི་ཐ་ར་པ་ཏྲ་ལམ
སིར་ན་སིར་ན
བྷེ་ས་བྷེ་ས
རས་སམ་ལམ
བུང་དྷ་བུང་དྷ
ཚི་ཤ་ས་གྷེ་ལམ
ས་ས་རི་རི
ལེ་ཁེ
ཨི་ཨི
མ་མ
རི་རི
ལ་དྷ་ཨ
ཨོམ་ཨ་ཧུམ
སྨས་ཏ་བྷ་ས་ལི
མ་སི་ཏ
སུ་རུ་སུ་རུ
ཀུན་དྷི་ལི་མ་སུ
ཨི་ཀ་རི་ལི་བྷ་ཏ་ཡེ
ཙ་ཀ་བྷུ་ལི་ཏ་ལྕ་ཡེ
ས་མུད་ཏ་ཙར་ཡ་སུ་གྷ་ཡེ
བྷི་ཏི་ས་ན་བྷ་གྷུ་ཡེ
ཀེ་རེ་དྷ་ཀ་ནི
དྷ་ཀ་མ་མན་སོ་རི
ཏ་ན་ས་ར
བྷ་ལི་དྷི
ས་ནི་ཁ་ར་ཏ་ཀེ་ལ་ན
སམ་བྷུད་ར་ཏ
ཨེ་ཀ་ཙ་ར་པ་ཏི
ཏ་བྷ་སུར་ཡ་གྷ་ཏ་ཨ
མ་ན་ས་པ་ར་བྷི་ཧོ
ཏི་གྷུ་རུ་ལ
མ་སྨིན་ས
གྷུ་ཏི་ལ
ཏ་ཡ་མ་གྷུ་ར་གྷུ་ར
༡༦༢
རླང་གྷ་ཁ་ས་ར་ན་ལམ
ན་ར་ན་ར་ལམ
ཨི་ཐ་པ་ཏ་ལམ
ཨི་ཐ་ར་ས་ཏ་མམ
བིར་ན་བྷེ་ས་ར་ལམ
ས་ཀེ་ལམ
ས་ས
རི་རི
ལི་ལི
ཨ་ཨ
མ་མ
ར་ར
ཞེས་པའི་རྡོ་རྗེའི་གླུ་ཡིས་ནི
སྟོན་པའི་ཐུགས་དཀྱིལ་རབ་ཏུ་བཟུང
མི་རྟོག་ཐུབ་པ་ཆེན་པོ་ཉོན
མ་བསམས་བཞག་པའི་རང་རིག་ནི
རྡོ་རྗེ་འཆང་གི་ལུང་ཆེན་ལས
འདི་ལ་སྤྱད་པས་དངོས་གྲུབ་ཐོབ
ཡེ་ཤེས་རྣམས་ཀྱི་འདུག་སྟངས་ལ
སྐྱེས་བུ་རྣམས་ཀྱི་དྲན་པ་རྙེད
ཕྱིན་ཅི་ལོག་ཏུ་མ་ཡིན་ཏེ
མི་ཕྱེད་རྡོ་རྗེའི་གཟུངས་ཡིན་ནོ
མི་འགྱུར་རང་སྣང་ཆེན་པོ་ལས
སྒྲ་ཡི་ཕུང་པོ་རྫོགས་པར་བཤད
དེ་ཡང་རྣལ་འབྱོར་ཐབས་ཀྱི་གཙོ
གྲགས་པ་མེད་པ་རྡོ་རྗེའི་གླུ
སངས་རྒྱས་ཀུན་གྱི་ཡིད་ཀྱང་ཚིམ
རྣལ་འབྱོར་པ་ཡི་ཉམས་ཀྱི་གྲོགས
མཁའ་འགྲོ་མ་ཡི་ཡིད་རྣམས་འཕྲོགས
རིགས་དྲུག་འཁོར་བའི་ཞེན་པ་བཟློག
༡༦༣
སྐལ་དང་ལྡན་པ་དང་འདུའི་གནས
སེམས་ཀྱི་རྒྱུད་ཀུན་རང་དབང་ཐོབ
རང་རིག་བདེ་བའི་གསལ་རྣམས་འདེགས
ཤེས་པ་གཅིག་པའི་ཡུལ་ཡང་བྱེད
ཡིད་ཅན་རྣམས་ཀྱི་སྐྱོན་རྣམས་སེལ
ལུས་ཅན་རྣམས་ཀྱི་སྒྲིབ་པ་སྦྱོང
དབང་དང་དམ་ཚིག་བདེ་བ་སྟེར
མ་རིག་པ་དག་གཅར་ལ་གནོན
ཐེག་པ་རྣམས་ཀྱི་ངལ་གསོའི་གནས
ལྟ་དང་སྒོམ་པ་འབྲེལ་པའི་ཚིག
སྙིང་པོ་རྣམས་ཀྱི་འདུལ་པའི་ཞིང
མི་བསྐྱོད་རྣམ་པར་རང་བསྐྱོད་ནས
རྡོ་རྗེ་སེམས་དཔའི་སྐུ་ཡང་འཛིན
དེ་ཕྱིར་རྡོ་རྗེའི་གླུ་བླངས་པ
ཐུབ་པ་ཆེན་པོ་ཁྱོད་ལེགས་སོ
ཞེས་སྟོན་པ་ཉིད་ཀྱིས་དེ་སྐད་ཅེས་གསུངས་སོ
དེ་ནས་ཐུབ་པ་ཆེན་པོས་འདི་སྐད་ཅེས་གསོལ་ཏོ
ཀྱེ་ཀྱེ་སྟོན་པ་རྡོ་རྗེ་འཆང
བདག་གིས་སྨྲས་བའི་གླ་ཚིག་འདི
༡༦༤
སྟོན་པ་ཉིད་ལ་མཆོད་ཕྱིར་བརྗོད
དེ་ལ་ཡོན་ཏན་དེ་ཙམ་ན
གླུ་ལ་དགོས་པའི་ཅི་ཞིག་མཆིས
ཡོན་ཏན་གད་ཙམ་ཡོད་པ་ལགས
བདག་གིས་འདི་དག་མ་འཚལ་ན
བཅོམ་ལྡན་ཉིད་ཀྱིས་བདག་ལ་གསུང
དེ་ནས་ཉིད་ཀྱིས་བཀའ་སྩལ་པ
ཉོན་ཅིག་ཐུབ་པ་རྟོག་པ་མེད
རྡོ་རྗེ་གསང་བའི་གླུ་འདི་ཡི
དགོས་པ་ངན་སོང་སྒོ་དགག་ཕྱིར
སངས་རྒྱས་ཉིད་ཀྱི་མཛད་སྤྱོད་ཡིན
རྣལ་འབྱོར་གང་ཞིག་སྐལ་ལྡན་པ
དུར་ཁྲོད་གནས་སུ་རྒྱུ་བའི་ཚེ
རྡོ་རྗེའི་གླུ་ནི་ཡང་ཡང་བླང
མི་རྟོག་བསམ་གཏན་གནས་པའི་གྲོགས
སྤྱོད་པ་ཀུན་གྱི་སྔོན་དུ་འགྲོ
དེ་ཕྱིར་རྡོ་རྗེའི་གླུ་ཉིད་བླངས
ཚོགས་པད་དབང་བསྐུར་དཀྱིལ་འཁོར་འཇུག
དེ་དུས་གླུ་ལ་བརྩོན་པར་བྱ
མི་རྟོག་རྒྱུད་ལ་བརྟེན་དུས་སུ
འདི་ཉིད་སྐབས་སུ་བླང་བར་བྱ
གླུ་ཡི་དོན་ནི་འདི་དག་གོ
མི་རྟོག་ཡེ་ཤེས་སྣ་འདྲེན་པས
རྡོ་རྗེ་ཉིད་ཀྱི་གླུས་ཀྱང་བསྐུལ
གང་ཞིག་བསམ་གཏན་མ་ཕེབས་པ
༡༦༥
འདིས་ནི་རྣལ་དུ་འབེབས་པ་ཡིན
གལ་ཏེ་རྣལ་འབྱོར་བྱིང་བའི་དུས
ཀིས་ནི་གསེང་ན་ཏིང་འཛིན་བཟང
རང་རིག་བདེ་བའི་རྒྱ་ཡིས་འདེབས
ཕྱག་རྒྱ་ཆེན་པོ་ཉིད་དང་སྦྱོར
བླ་མའི་མན་ངག་ལུང་ཀུན་འཇུག
སྟོང་པ་ཉིད་ཀྱང་རྒྱུད་ལ་བརྟེན
དམིགས་པ་རྣམས་ནི་རང་སར་གྲོལ
སེམས་ཀྱི་དངོས་པོ་སྤྱོད་པའོ
དེ་ཕྱིར་རྡོ་རྗེའི་གླུ་ལེན་ཅིང
རྟག་ཏུ་རྡོ་རྗེའི་གར་ཡང་བྱ
གླུ་གར་རྒྱུན་དུ་རྣལ་སུས་བརྟེན་པ
འདི་ནི་རྡོ་རྗེའི་རིགས་སུ་འགྱུར
ཞེས་ཉིད་ཀྱིས་གསུངས་སོ
དེ་ནས་མི་རྟོག་པའི་ཐུབ་པ་ཆེན་པོས
སྟོན་པ་རྡོ་རྗེ་འཆང་ལ་འདི་སྐད་ཅེས་གསོལ་ཏོ
ཀྱེ་ཀྱེ་སྟོན་པ་ཐུགས་རྗེ་ཅན
གསང་བའི་རྒྱུད་ནི་རྣམ་ཕྱེ་བ
སྔོན་བྱུང་སྟོན་པ་བྱོན་དུས་སུ
འདི་ཉིད་ཅི་ལྟར་བཤད་པ་ལགས
དེ་ནི་མ་འོངས་སེམས་ཅན་ལ
ཅི་ལྟར་རྒྱུད་ཉིད་བཤད་པར་བགྱི
འདི་དག་བདག་གིས་མ་འཚལ་ན
ཐུགས་རྗེ་ཆེན་པོས་བདག་ལ་གསུང
བཅོམ་ལྡན་འདས་ཀྱིས་བཀའ་སྩལ་པ
༡༦༦
གསང་བ་ཆེན་པོའི་རྒྱུད་རྣམས་ནི
ཕུན་སུམ་ཚོགས་པ་ལྔར་ལྡན་པས
ཐུན་མོང་ཉིད་དང་ཐུན་མོན་མིན
གླེང་གཞི་རྣམས་ཀྱི་ས་བོན་ནོ
རང་རིག་སྒྲིབ་པ་ཀུན་འདས་པ
གནས་ཀྱི་ཁྱད་པར་ཉིད་དུའོ
དེ་ཉིད་ཕྱི་དང་ནང་ཁྱད་ལས
ཅིཏ་ཏ་རིན་ཆེན་གཞལ་ཡས་ཁང
རང་རིག་ཡེ་ཤེས་སྔོན་བྱུང་བས
ཤེས་རབ་རང་བྱུང་སྟོན་པ་ཆི
སྐུ་དང་ཡེ་ཤེས་ཐིག་ལེ་རྣམས
མི་རྟོག་རྣམ་གྲངས་འཁོར་དུ་བྱུང
གདམས་པ་ཉམས་ལེན་བསྟན་པའི་ཚུལ
དེ་ཉིད་གོམ་པ་དུས་ཀྱང་ཡིན
དེ་ལྟར་གནས་པའི་རྒྱུད་དེ་ལ
བཤད་པའི་ཡན་ལག་བཞི་དག་ལས
ཁྱད་པར་དུ་ནི་ནང་ལྟར་བཤད
རྩ་བའི་དོན་གྱི་མཚན་ངོས་བཟུང
ཡོ་གའི་དོན་གྱིས་འཇུག་སྒོ་བསྟན
༡༦༧
དགོས་ཆེད་དོན་གྱིས་རང་སར་བཞག
ཚིག་གི་དོན་གྱིས་དཀྱུས་ཉིད་སྤྲད
ལོ་རྒྱས་དོན་གྱིས་ཡིད་རྣམས་ཚིམ
མི་རྟོག་ཐུབ་པས་ཡང་གསོལ་བ
མ་བཤད་སྐྱོན་ནི་ཅི་ལྟ་བུ
གཙོ་བོ་ཉིད་ཀྱིས་བདག་ལ་གསུངས
ཐུབ་པ་ཉིད་ནི་ཡང་ཉོན་ཅིག
ལོ་རྒྱུས་དོན་གྱིས་མ་བཤད་ན
གསང་ཆེན་ངེས་པའི་བཀའ་འདི་ལ
ཡིད་མི་ཆེས་པའི་སྐྱོན་དུ་འགྱུར
རྩ་བའི་དོན་གྱིས་མ་བཤད་ན
ཆོས་རྣམས་རིག་པར་མ་འདུས་པས
མཐའ་ཡས་པ་ཡི་སྐྱོན་དུ་འགྱུར
ཡོ་ག་དོན་གྱིས་མ་བཤད་ན
ཐེག་པའི་རུ་ཤན་མི་འབྱེད་པས
ཆེ་ཆུང་རིམ་པར་དོར་མེད་འགྱུར
དགོས་ཆེད་དོན་གྱིས་མ་བཤད་ན
རྫོགས་ཆེན་འབད་རྩོལ་མེད་པ་ལ
དོན་མེད་པ་ཡི་སྐྱོན་དུ་འགྱུར
ཚིག་གི་དོན་ཉིད་མ་བཤད་ན
རྒྱུད་རྣམས་རིམ་པར་གསལ་བའི་ཚིག
འབྲུ་མི་ཚོམས་པའི་སྐྱོན་དུ་འགྱུར
དེ་ལྟར་སྐྱོན་རྣམས་སྤངས་པས་ནི
ཡོན་ཏན་ཐམས་ཅད་རྫོགས་པར་འགྱུར
༡༦༨
ཡོན་ཏན་རྫོགས་པའི་རྒྱུད་ཆེན་འདི
སངས་རྒྱས་ཀུན་གྱིས་གསང་ཆེན་པས
འདི་ལ་སུས་གོམས་མཁས་པ་ཡིན
ཅི་ལྟར་རིག་པའི་རྣལ་འབྱོར་པས
རྒྱུད་ཀྱི་དོན་རྣམས་ཁོང་དུ་ཆུད
གདམས་ཡུལ་གང་ཟག་རྣམས་ལ་བསྟན
དབང་པོ་ཡིས་ནི་ངེས་ཕྱེ་ནས
དམིགས་པའི་དོན་དུ་སུས་འདྲིས་པ
འདིས་ནི་རྒྱུད་རྣམས་དུམ་བུར་འགྱུར
འདི་ལྟར་བཤད་ནས་དོན་རྣམས་འབྱུང
སྙིང་པོ་ཡང་ནས་ཡང་བསྡུས་པ
འབྲས་བུ་ངེས་པའི་རྒྱུད་དུའོ
ཐུབ་པ་ཡིས་ནི་ཡང་གསོལ་བ
ཀྱེ་མ་སངས་རྒྱས་བཅོམ་ལྡན་འདས
རྒྱུད་ཀྱི་རྒྱལ་པོ་འདི་དག་ནི
བཤད་པའི་རིམ་པ་དེ་ལྟར་ན
བསྒོམས་ན་ཅི་ལྟར་བསྒོམ་པ་ལགས
འོན་ཏེ་མ་བསྒོམས་གྲོལ་བ་ལགས
བཟུང་བའི་ཡོན་ཏན་ཅི་ལྟ་བུ
འདི་དག་བདག་གིས་མ་འཚལ་ཏོ
ཡང་དག་རྫོགས་པས་ཡང་གསུངས་བ
མི་རྟོག་ཐུབ་པ་ཆེན་པོ་ཉོན
གསང་བ་ཡང་ནས་ཡང་བསྡུས་པའི
༡༦༩
རྒྱུད་ཀུན་གྱི་ནི་རིམ་པ་ལ
ལ་ལར་བསྐོམ་པ་ཉིད་དུ་སྟེ
རྒྱུད་འདིར་ནི་བསྒོམ་པ་མ་ཡིན་ནོ
གོང་དུ་གོམས་པའི་ཐུགས་ཀྱིས་ནི
སྐྱེ་གཉིས་མཚམས་སུ་བདེ་བ་རྙེད
ཡང་ན་དབང་པོའི་བྱེ་ཕྲག་གིས
རབ་ནི་སྐྱེ་གཉིས་མི་དགོས་ཏེ
འབྲིང་ལ་སྐྱེ་གཉིས་མཚམས་སུའོ
ཐ་མ་རྣམས་ནི་དབུགས་དབྱུང་སྟེ
སྤྲུལ་པ་པོས་ནི་རང་རྒྱུད་གྲོལ
དེས་ན་སྐྱེ་གཉིས་མེད་པར་ཡང
ཐོག་མའི་གྲོལ་ས་གང་ཡིན་པར
རྣལ་འབྱོར་ལྡན་པ་དེ་ཉིད་དོ
ང་ཡི་རྒྱུད་འདི་སུས་བཟུང་བ
འཇིག་རྟེན་ཕན་པའི་འབྲས་བུ་དང
ངེས་པར་སྣང་བའི་ས་ཐོབ་སྟེ
སྐུ་གསུམ་ལ་ཡང་ལོངས་སྤྱོད་དོ
རྒྱུད་འདི་ཉིད་བཅངས་པ་ཙམ་གྱིས་ནི
མ་བསྒོམས་བསམ་གཏན་འབབ་པ་དང
མ་བསླབས་ཆོས་རྣམས་ཤེས་པ་དང
མ་བསྟན་མན་ངག་ཉིད་གོམས་དང
མ་བཤད་རྒྱུད་རྣམས་རང་ཤེས་དང
མ་བསྐྱེད་ལྷ་ཡང་མངོན་དུ་སྣང
༡༧༠
དེ་ཡི་ཕྱིར་ན་རྒྱུད་འདི་བརྟེན
རྣལ་འབྱོར་གང་ཞིག་སྐལ་ཆེ་བས
འདི་ཉིད་བཅངས་པས་དངོས་གྲུབ་ཐོབ
སངས་རྒྱས་མཛད་སྤྱོད་དང་དུ་ལོངས
ངན་སོང་གནས་རྣམས་དོང་སྤྲུགས་ཏེ
བདེ་བ་ཆེན་པོའི་ལམ་དུ་འཛུད
རང་སྣང་གོམས་པའི་གདིང་ཐོབ་ནས
དབྱིངས་སུ་འཕྱོ་བའི་འཇིགས་མེད་རྙེད
གསང་བ་གསང་མཆོག་བླ་ན་མེད
ངེས་པའི་སྙིང་པོ་ཡང་གསང་འདི
སུ་ལ་སྣང་བར་གྱུར་པ་དེ
དུས་གསུམ་བཞུགས་པའི་དབང་ཡང་ཐོབ
བརྗེད་འབྲལ་མེད་གཟུངས་འཐོབ་པོ
ཞེས་ཉི་ཟླ་ཁ་སྦྱོར་གསང་བའི་རྒྱུད་ཆེན་པོ་ལས
རྒྱུད་འབྱུང་བར་བྱེད་པའི་གླེང་གཞི་བཤད་ཐབས་དང་བཅས་པའི་ལེའུ་སྟེ་དང་པོའོ
༄༢
དེ་ནས་ཆོས་ཐམས་ཅད་རྨི་ལམ་དང་སྒྱུ་མ་ལྟ་བུའི་དོན་ཅི་ལྟར་གནས་པ་བརྡས་བསྐུལ་ཏེ
སྣང་བ་ཐམས་ཅད་གཏན་ལ་དབབ་པ་འདི་དག་བཀའ་སྩལ་པ
ཁམས་རྣམས་དང་ནི་ཕུང་པོ་དང
༡༧༡
སྐྱེ་མཆེད་རྣམས་དང་དབང་པོ་དང
ཡུལ་དང་ཡུལ་ཅན་ཤེས་པ་རྣམས
ཅི་ལྟར་གནས་པ་གཏན་ལ་དབབ
འདི་དག་ཤེས་པའི་རྣལ་འབྱོར་པས
སྣང་བ་ཐམས་ཅད་དབང་བསྒྱུར་ཐོབ
དེ་རྣམས་ཡུལ་རྣམས་སུས་འཛིན་པ
རྣལ་འབྱོར་ལྡན་པ་ཉིད་ཀྱིས་ནི
ཅི་ལྟར་འདི་དག་ཤེས་པར་བྱ
མི་རྟོག་ཐུབ་པས་ཡང་གསོལ་པ
ཀྱེ་བཅོམ་ལྡན་འདས་ཀྱིས་སྔར་གསུངས་པའི
ཁམས་ལྔ་རྣམས་ནི་གང་ལགས
ཕུང་པོ་ཞེས་ནི་ཅི་ལ་བགྱི
དབང་པོ་རྣམས་ནི་གང་ལགས
སྐྱེ་མཆེད་ཞེས་པ་ནི་ཅི
ཡུལ་རྣམས་ནི་གང་ལགས
ཡུལ་ཅན་ཞེས་བགྱི་བ་ནི་ཅི་ལགས
འདི་དག་རྣམས་ལ་བདག་ནི་ཐེ་ཚོམ་གྱུར
ཡིད་གཉིས་སུ་གྱུར་ལགས་པས
འདི་དག་གི་དོན་བདག་གིས་མ་འཚལ་ལགས་ན
བཅོམ་ལྡན་འདས་ཀྱིས་བསྟན་དུ་གསོལ
དེ་ནས་བཅོམ་ལྡན་འདས་ཀྱིས་བཀའ་སྩལ་པ
ཀྱེ་ཐུབ་པ་ཆེན་པོ་ཁྱོད་ཉོན་ཅིག
དེ་དག་གི་དོན་ངས་བསྟན་གྱིས
ཁམས་ནི་གཉིས་ཏེ་ཕྱི་ཡུལ་གྱིས་བསྡུས་པའི་ཁམས་དང
ནང་སེམས་ཀྱིས་བསྡུས་པའི་ཁམས་གཉིས་ཡིན་ནོ
༡༧༢
མི་རྟོག་ཐུབ་པས་ཡང་གསོལ་པ
ཀྱེ་ཀྱེ་བཅོམ་ལྡན་འདས་ཕྱི་ཡུལ་གྱིས་བསྡུས་པའི་ཁམས་གང་ལགས
ནང་སེམས་ཀྱི་བསྡུས་པའི་ཁམས་སུ་གང་རྣམས་འགྲོ་བ་གང་ལགས
བདག་ལ་དེ་རྣམས་ཀྱི་དོན་གསུངས་ཤིག
ཡང་བཀའ་སྩལ་པ
ཐུབ་པ་ཆེན་པོ་ཁྱོད་ཉོན་ཅིག
ཕྱི་ཡུལ་གྱི་བསྡུས་པའི་ཁམས་ནི
སའི་ཁམས་ཀྱིས་ལུས་ཀྱི་གཞི་སྐྱེད་པར་བྱེད་པས་ན་ཁམས་སོ
ཆུའི་ཁམས་ཀྱིས་མིང་དུ་འཛིན་པ་ཐམས་ཅད་སྡུད་པས་ན་ཁམས་སོ
མེ་ཡི་ཁམས་ཀྱིས་ཡུལ་རྣམས་སྨིན་པར་བྱེད་པས་ན་ཁམས་སོ
རླུང་གི་ཁམས་ཀྱིས་གཡོ་བའི་འཇིག་རྟེན་ཐམས་ཅད་བརྟེན་པས་ན་ཁམས་སོ
ནམ་མཁའི་ཁམས་ཀྱིས་དབང་པོ་རྣམས་འཛིན་པར་བྱེད་པས་ན་ཁམས་སོ
ནང་སེམས་ཀྱིས་བསྡུས་པའི་ཁམས་ལ་གཉིས་ཏེ
སེམས་སྡུད་པར་བྱེད་པའི་སྣོད་ཀྱི་ཁམས་དང
སེམས་ཉིད་ལས་བྱུང་བའི་ཁམས་ཉིད་དོ
སྣོད་ཀྱི་ཁམས་ནི་སེམས་དྲན་པ་གཞི་ཆེ་བ་ལས་བྱུང་བའི་གཟུགས་ཀྱི་ཁམས་དང
དྲན་པ་ལས་བྱུང་བའི་གཟུགས་མེད་པའི་ཁམས་དང
དྲན་པ་གུད་དུ་འཛིན་པ་ལས་བྱུང་བའི་འདོད་པའི་ཁམས་སོ
༡༧༣
སེམས་ཉིད་ལས་བྱུང་བའི་ཁམས་ནི
ཤེས་པ་རང་གསལ་གྱི་ཆ་ལས་བྱུང་བའི་མིག་གི་ཁམས་དང
ཤེས་པ་རྩེ་གཅིག་པ་ལས་བྱུང་བའི་རྣ་བའི་ཁམས་དང
ཤེས་པ་མཐའ་ཡས་པ་ལས་བྱུང་བའི་སྣའི་ཁམས་དང
ཤེས་པ་རྣམས་གཅིག་ཏུ་འདུས་པ་ལས་བྱུང་བའི་ལྕེའི་ཁམས་དང
ཤེས་པ་ཀུན་ཏུ་འཇུག་པ་ལས་བྱུང་བའི་ཡིད་ཀྱི་ཁམས་དང
ཤེས་པ་རྣམས་ཀྱི་རྟེན་བྱེད་པ་ལས་བྱུང་བའི་ལུས་ཀྱི་ཁམས་དང
མིང་དང་ཁ་དོག་འཛིན་པས་ན་མིག་གི་རྣམ་པར་ཤེས་པའི་ཁམས་དང
གྲུབ་པའི་ལས་འཛིན་པར་བྱེད་པའི་རྣ་བའི་རྣམ་པར་ཤེས་པའི་ཁམས་དང
གཞན་རྗེས་སུ་འཛིན་པར་བྱེད་པའི་སྣའི་རྣམ་པར་ཤེས་པའི་ཁམས་དང
དངོས་པོ་ཉམས་སུ་མྱོང་བར་བྱེད་པ་ལྕེའི་རྣམ་པར་ཤེས་པའི་ཁམས་དང
དངོས་པོ་དང་དངོས་པོ་མེད་པ་ཐམས་ཅད་ལ་ཁྱབ་པར་བྱེད་པའི་ཡིད་ཀྱི་རྣམ་པར་ཤེས་པའི་ཁམས་དང
ཐམས་ཅད་ཀྱི་དོན་སྡུད་པར་བྱེད་པས་ན་ལུས་ཀྱི་རྣམ་པར་ཤེས་པའི་ཁམས་དང
དངོས་པོ་རྣམས་ལ་ལོག་པར་རྟོག་པ་འཛིན་ཅིང་ཡུལ་བསྒྲུབས་པས་ན་མིག་གི་འདུས་ཏེ་རེག་པའི་ཁམས་དང
༡༧༤
སྣང་བའི་ཡིད་འཛིན་ཅིང་འཕྲོ་བ་སྒྲུབ་པར་བྱེད་པས་ན་རྣ་བའི་འདུས་ཏེ་རེག་པའི་ཁམས་དང
ཐོབ་པའི་ཤེས་པ་རྣམས་དུས་གཅིག་ཏུ་སྡུད་ཅིང་གཞན་གྱི་ཡིད་འཕྲོག་པར་བྱེད་པས་ན
སྣ་ཡི་འདུས་ཏེ་རེག་པའི་ཁམས་དང
གང་གི་དངོས་པོ་རྣམས་རྗེས་སུ་འཛིན་ཅིང་ཉེ་བར་ལེན་པས་ན
ལྕེའི་འདུས་ཏེ་རེག་པའི་ཁམས་དང
དྲན་པ་ཐམས་ཅད་གཅིག་ཏུ་སྡུད་ཅིང་ཡུལ་ཀུན་ལ་འཇུག་པས་ན
ཡིད་ཀྱི་འདུས་ཏེ་རེག་པའི་ཁམས་དང
རགས་པ་དུ་མ་རྣམས་འཛིན་ཅིང་འབྱུང་བ་རྣམས་འདུས་པས་ན
ལུས་ཀྱི་འདུས་ཏེ་རེག་པའི་ཁམས་སོ
དེའི་ཕྱིར་ན་ཁམས་དེ་དག་རྣམས་ཀྱང་ཡུལ་འཛིན་པར་བྱེད་པ་ཡིན་ནོ
དེ་ཡང་འཁྲུལ་པ་ཉིད་ནང་དུ་འཛིན་པར་བྱེད་པའི་ཆ་ལས་བྱུང་བའོ
ཕུང་པོ་རྣམས་ནི་འདི་ལྟ་སྟེ
རྟོག་པས་སྦག་པའི་ཕུང་པོ་དང
རྟོག་པ་རྣམས་རང་བཞིན་གྱིས་མེད་པའི་ཕུང་པོའོ
མི་རྟོག་ཐུབ་པས་ཡང་གསོལ་བ
ཀྱེ་བཅོམ་ལྡན་འདས
རྟོག་པས་སྦག་པ་ཞེས་བྱ་བའི་ཕུང་པོ་ནི་གང་ལགས
༡༧༥
རྟོག་པ་མེད་པའི་ཕུང་པོ་ནི་གང་ལགས
སྟོན་པ་ཉིད་ཀྱིས་བདག་ལ་གསུངས་ཤིག
དེ་ནས་ཉིད་ཀྱིས་ཡང་བཀའ་སྩལ་པ
ཀྱེ་ཐུབ་པ་ཆེན་པོ་རྟོག་པས་སྦག་པའི་ཕུང་པོ་ནི་འདི་ལྟ་སྟེ
དངོས་པོ་ཐམས་ཅད་གཅིག་ཏུ་འདུས་ཏེ་གྲུབ་པས་ན་གཟུགས་ཀྱི་ཕུང་པོ་དང
ཤེས་པ་ཐམས་ཅད་འདུས་པས་ནི་རྣམ་པར་ཤེས་པའི་ཕུང་པོ་དང
ཉམས་སུ་མྱོང་བ་ཐམས་ཅད་གཅིག་ཏུ་འདུས་པས་ན་ཚོར་བའི་ཕུང་པོ་དང
དབང་པོ་རྣམས་ཀྱི་འཛིན་པ་གཅིག་ཏུ་འདུས་པས་ན་འདུ་ཤེས་ཀྱི་ཕུང་པོ་དང
ཕྲ་བའི་ཉོན་མོངས་པ་རྣམས་འདུས་པས་ན་འདུ་བྱེད་ཀྱི་ཕུང་པོའོ
མི་རྟོག་པའི་ཕུང་པོ་ནི་འདི་ལྟ་སྟེ
བསམ་གཏན་ཐམས་ཅད་འདུས་པས་ཏིང་ངེ་འཛིན་གྱི་ཕུང་པོ་དང
རིག་པ་ཉིད་ཟག་པ་ཟད་པའི་ཕྱིར་རྣམ་པར་གྲོལ་བའི་ཡེ་ཤེས་ཀྱི་ཕུང་པོ་དང
དེ་ཉིད་ཀྱི་དོན་སྐྱེ་མེད་དུ་སྣང་བས་ཤེས་རབ་ཀྱི་ཕུང་པོ་དང
དྲི་མ་རྣམས་མངོན་དུ་དག་པའི་ཕྱིར་ཚུལ་ཁྲིམས་ཀྱི་ཕུང་པོ་དང
རྣམ་པར་རྟོག་པ་ཐམས་ཅད་ལས་འདས་པའི་ཕྱིར་རྣམ་པར་གྲོལ་བའི་ཡེ་ཤེས་མཐོང་བའི་ཕུང་པོའོ
༡༧༦
དབང་པོ་ལ་གཉིས་ཏེ
གཟུགས་ཀྱི་ཆ་ལས་བྱུང་བའི་དབང་པོ་དང
ཤེས་རབ་ཀྱི་ཆ་ལས་བྱུང་བའི་དབང་པོའོ
མི་རྟོག་ཐུབ་པས་ཡང་གསོལ་པ
ཀྱེ་ཀྱེ་བཅོམ་ལྡན་འདས་གཟུགས་ཀྱི་ཆ་ལས་བྱུང་བའི་དབང་པོ་རྣམས་གང་ལགས
ཤེས་རབ་ཀྱི་ཆ་ལས་བྱུང་བའི་དབང་པོའི་ཆ་ནི་གང་ལགས
བཅོམ་ལྡན་འདས་ཀྱིས་བདག་ལ་གསུང་དུ་གསོལ
བཅོམ་ལྡན་འདས་ཀྱིས་བཀའ་སྩལ་པ
ཀྱེ་མི་རྟོག་པའི་ཐུབ་པ་ཆེན་པོ་ཁྱོད་ཉོན་ཅིག
གཟུགས་ཀྱི་ཆ་ལས་བྱུང་བའི་དབང་པོ་ནི་དྲུག་སྟེ
རགས་པ་རྩ་བའི་ཆ་འཛིན་པ་མིག་གི་དབང་པོ་དང
བསྐྱོད་པ་རླུང་གི་ཆ་འཛིན་པ་རྣ་བའི་དབང་པོ་དང
སྡུད་པ་ཆུའི་ཆ་འཛིན་པ་སྣའི་དབང་པོ་དང
སྨིན་པ་མེའི་ཆ་འཛིན་པ་ལྕེའི་དབང་པོ་དང
ཁྱབ་པ་ནམ་མཁའི་ཆ་འཛིན་པ་ཡིད་ཀྱི་དབང་པོ་དང
འདུས་པ་སྣ་ཚོགས་པའི་ཆ་འཛིན་པ་ལུས་ཀྱི་དབང་པོའོ
ཤེས་རབ་ཀྱི་ཆ་ལས་བྱུང་བའི་དབང་པོ་ནི་དྲུག་སྟེ
༡༧༧
སེམས་རྣམ་པར་གདུང་བ་དད་པའི་དབང་པོ་དང
སེམས་རྣམ་པར་རྣོ་བ་བརྩོན་འགྲུས་ཀྱི་དབང་པོ་དང
བར་མ་ཆོད་པར་ཚིག་དོན་འཛིན་པ་དྲན་པའི་དབང་པོ་དང
ཆོས་ཉིད་སྟོང་པ་ཉིད་མངོན་སུམ་པ་ཉེ་བར་ལེན་པའི་དབང་པོ་དང
ལྟ་བའི་དོན་ཉེ་བར་ལེན་པ་ཤེས་རབ་ཀྱི་དབང་པོ་དང
མི་རྟོག་པའི་དོན་སྐྱེ་བར་བྱེད་པའི་སེམས་རྣམས་པར་ཞི་བའི་དབང་པོའོ
སྐྱེ་མཆེད་ལ་གཉིས་ཏེ
གཟུང་བའི་སྐྱེ་མཆེད་དང
འཛིན་པའི་སྐྱེ་མཆེད་དོ
མི་རྟོག་ཐུབ་པས་ཡང་གསོལ་པ
ཀྱེ་ཀྱེ་བཅོམ་ལྡན་འདས
བཟུང་བའི་སྐྱེ་མཆེད་ནི་གང་ལགས
འཛིན་པའི་སྐྱེ་མཆེད་ནི་གང་ལགས
འདི་དག་རྣམས་བདག་གིས་མ་འཚལ་ན
བཅོམ་ལྡན་འདས་ཀྱིས་བདག་ལ་གསུང་དུ་གསོལ
དེ་ནས་སྟོན་པས་བཀའ་སྩལ་པ
ཐུབ་པ་ཆེན་པོ་ལེགས་པར་ཉོན
གཟུགས་ལ་འདུ་ཤེས་སུ་སེམས་པ་དང
སྒྲ་ལ་འདུ་ཤེས་སུ་སེམས་པ་དང
དྲི་ལ་འདུ་ཤེས་སུ་སེམས་པ་དང
རོ་ལ་འདུ་ཤེས་སུ་སེམས་པ་དང
༡༧༨
ཆོས་ལ་འདུ་ཤེས་སུ་སེམས་པ་དང
རེག་ལ་འདུ་ཤེས་སུས་སེམས་པ་དང
མིག་གིས་གཟུང་བའི་ཆ་དང
རྣ་བས་གཟུང་བའི་ཆ་དང
སྣས་གཟུང་བའི་ཆ་དང
ལྕེས་གཟུང་བའི་ཆ་དང
ཡིད་ཀྱིས་གཟུང་བའི་ཆ་དང
ལུས་ཀྱིས་གཟུང་བའི་ཆ་སྟེ་བཅུ་གཉིས་སོ
འཛིན་པའི་སྐྱེ་མཆེད་བཅུ་གཉིས་ཏེ
མིང་རྣམས་དང
གཟུགས་དང
ཁ་དོག་རྣམས་དང
དབྱིབས་རྣམས་དང
ཚིག་ཏི་ཚོགས་འཛིན་པ་རྣམས་དང
ཐ་སྙད་ཀྱི་ཚོགས་དུ་མ་རྣམས་དང
བརྡའི་ཚོགས་རྣམས་དང
རྟེན་ཅིང་འབྲེལ་བར་འབྱུང་བ་རྣམས་དང
བདག་དང་བདག་མ་ཡིན་པ་རྣམས་དང
ཐམས་ཅད་ལ་འདུ་ཤེས་སུ་སེམས་པ་དང
ཉེ་བར་ལེན་པའི་རྒྱུ་དང
རྐྱེན་རྣམས་དང
འབྱུང་བ་རྣམས་སུ་འདུ་ཤེས་པའོ
ཡུལ་ནི་གཉིས་ཏེ
དངོས་པོའི་ཡུལ་དང
སྟོང་ཉིད་ཀྱི་ཡུལ་ལོ
མི་རྟོག་ཐུབ་པས་ཡང་གསོལ་པ
ཀྱེ་ཀྱེ་བཅོམ་ལྡན་འདས
དངོས་པོའི་ཡུལ་གང་ལགས
སྟོང་པའི་ཡུལ་རྣམས་གང་ལགས
༡༧༩
བདག་ལ་གསུང་དུ་གསོལ
དེ་ནས་བཅོམ་ལྡན་འདས་ཀྱིས་གསུངས་པ
ཀྱེ་མི་རྟོག་ཐུབ་པ་ཡང་ཉོན་ཅིག
དངོས་པོའི་ཡུལ་ནི་འདི་དག་གོ
གཟུགས་དང་སྒྲ་དང་དྲི་དང་རོ་དང་ཆོས་དང་རེག་ཏུ་སྣང་བ་དང
འབྱུང་བ་ཆེན་པོ་བཞིར་སྣང་བ་དང
འཇུག་པའི་རྐྱེན་ཐ་དད་དུ་སྣང་བ་རྣམས་སོ
སྟོང་པའི་ཡུལ་ནི་སྟོང་པ་ཉིད་ཐམས་ཅད་དང
མཐར་འཛིན་པའི་ཤེས་པ་ཐམས་ཅད་དང་བྲལ་བའོ
ཡུལ་མ་ཡིན་པ་ནི་གཉིས་ཏེ
མཐའ་ལས་འདས་པ་རྣམས་དང
ལྟ་བ་ལས་འདས་པའོ
མི་རྟོག་ཐུབ་པས་ཡང་གསོལ་པ
ཀྱེ་ཀྱེ་བཅོམ་ལྡན་འདས་མཐའ་ལས་འདས་པ་ཞེས་བགྱི་བ་ནི་གང་ལགས
བལྟ་བ་ལས་འདས་པའི་ཡུལ་མ་ཡིན་པ་ཞེས་བྱ་བ་ནི་གང་ལགས
བདག་ལ་གསུང་དུ་གསོལ
དེ་ནས་ཡང་སྟོན་པས་བཀའ་སྩལ་པ
ཀྱེ་ཀྱེ་མི་རྟོག་ཐུབ་པ་ཆེན་པོ་ཁྱོད་ཉོན་ཅིག
མཐའ་ལས་འདས་པ་ཞེས་བྱ་བ་ནི
དངོས་པོ་ལ་བདག་ཏུ་མི་འཛིན་པའོ
ཡང་གསོལ་བ
དངོས་པོ་བདག་ཏུ་མི་འཛིན་པ་དེ་གང་ལགས
བཀའ་སྩལ་པ
༡༨༠
ཆོས་ཐམས་ཅད་འདུས་མ་བྱས་པའོ
ཡང་གསོལ་པ
ཆོས་ཐམས་ཅད་འདུས་མ་བྱས་པ་ཞེས་བགྱི་བ་དེ་རང་གང་ལགས
བཀའ་སྩལ་པ
དེ་ནི་ཆོས་ཐམས་ཅད་ཉག་གཅིག་ཏུ་འདུ་ཤེས་པར་ཞེས་བྱའོ
ཡང་གསོལ་པ
གཅིག་ཏུ་འདུ་ཤེས་པ་དེ་གང་ལགས
བཀའ་སྩལ་པ
དེ་ནི་བྱུང་ཚོར་རྣམས་ཀྱི་སྒོ་འགག་པའོ
ཡང་གསོལ་པ
བྱུང་ཚོར་གྱི་སྒོ་འགག་པ་དེ་གང་ལགས
དེ་ནི་རང་བཞིན་གྱིས་འོད་གསལ་བའོ
ཡང་གསོལ་པ
རང་བཞིན་གྱིས་འོད་གསལ་བ་དེ་གང་ལགས
བཀའ་སྩལ་པ
དེ་ནི་ཡུལ་ཐམས་ཅད་རྣམ་པར་དག་པའོ
ཡང་གསོལ་པ
ཡུལ་ཐམས་ཅད་རྣམ་པར་དག་པ་ཞེས་བགྱི་བ་དེ་གང་ལགས
བཀའ་སྩལ་པ
དེ་ནི་ཆོས་ཐམས་ཅད་ཀྱིས་ཟད་པའི་མཚན་ཉིད་ཤེས་པའོ
ཡང་གསོལ་པ
ཀྱེ་ཀྱེ་བཅོམ་ལྡན་འདས་དེ་ལྟ་བས་ན
ལྟ་བ་ལས་འདས་པ་དེ་གང་ལགས
བཀའ་སྩལ་པ
ལྟ་བ་ལས་འདས་པ་ནི་བརྗོད་དུ་མེད་པ་ཞེས་བྱའོ
ཡང་གསོལ་པ
དེ་ཉིད་གང་ལགས
བཀའ་སྩལ་པ
དེ་ནི་རྐྱེན་ཐམས་ཅད་ལས་འདས་པའོ
ཡང་གསོལ་པ
རྐྱེན་ཐམས་ཅད་ལས་གྲོལ་བ་དེ་ཉིད་གང་ལགས
༡༨༡
བཀའ་སྩལ་པ
དེ་ནི་མཐའ་གང་དུ་ཡང་མི་འབྱེད་པའོ
ཡང་གསོལ་པ
མཐའ་གང་དུ་ཡང་མི་འབྱེད་པ་དེ་གང་ལགས
བཀའ་སྩལ་པ
དེ་ནི་རྩིས་གདབ་ཐམས་ཅད་ལས་འདས་པ་ཉིད་དོ
བྱ་བྱེད་འབད་རྩོལ་ལས་འདས་པ་ཉིད་དོ
ཕྱོགས་རིས་ཐམས་ཅད་ལས་ལས་འདས་ཏེ་ལྷུན་གྱིས་རྫོགས་པ་ཉིད་དོ
དེ་ནས་ཡང་མི་རྟོག་ཐུབ་པས་འདི་སྐད་ཅེས་གསོལ་ཏོ
ཀྱེ་ཀྱེ་བཅོམ་ལྡན་འདས་དེ་ལྟ་བས་ན
ཉོན་མོངས་པ་ཞེས་བགྱི་བ་རྣམས་ནི་གང་ལགས
དེ་དག་རྣམས་ཀྱི་དོན་མ་རྟོགས་པ་ནི་གང་ལགས
ལོག་པར་རྟོགས་པ་རྣམས་ནི་ཅི་ལྟར་ལགས
ཕྱོགས་རྟོགས་པ་ནི་གང་ལགས
འདི་དག་རྣམས་ནི་བདག་གིས་མ་འཚལ་ན
བཅོམ་ལྡན་འདས་ཀྱིས་གསུང་དང
སྟོན་པས་བཀའ་སྩལ་པ
ཨེ་མ་ཧོ
མི་རྟོག་པའི་ཐུབ་པ་ཆེན་པོ་ཁྱོད་ཉོན་ཅིག
ཉོན་མོངས་པ་ནི་དྲུག་སྟེ
མ་རིག་པ་ཞེས་བྱ་བ་ནི
གཞིའི་འཁྲུལ་རྟོག་གི་ཆ་འཛིན་པའོ
གཏི་མུག་ནི་ཤེས་རབ་ཀྱི་ཆ་ལས་འཁྲུལ་པའོ
ཞེ་སྡང་ནི་བསྐྱེད་པའི་རིམ་པའི་ཆ་ལས་འཁྲུལ་བའོ
༡༨༢
ང་རྒྱལ་ནི་ལྟ་བའི་ཆ་ལས་འཁྲུལ་པའོ
འདོད་ཆགས་ནི་སྣང་བའི་ཆ་ལས་འཁྲུལ་པའོ
ཕྲག་དོག་ནི་མི་རྟོག་པའི་ཆ་ལས་འཁྲུལ་པའོ
དེ་དག་ལ་སོགས་ཏེ་ཉོན་མོངས་པ་ནི
བསམ་པ་འཛིན་པའི་སེམས་དང
དྲན་པ་རྣམས་འཛིན་པའི་ཡིད་དང
མཚམས་སྦྱོར་བའི་བག་ཆགས་དང
ཐེ་ཚོམ་ཐམས་ཅད་ཀྱི་གཞིར་གྱུར་གའི་རྟོག་པ་དང
ཡུལ་དང་དངོས་པོར་འཛིན་པའི་ཆ་ལ་སོགས་ཏེ་དཔག་ཏུ་མེད་དོ
དེ་རྣམས་ཀྱི་དོན་མ་རྟོགས་པ་ནི
སོ་སོའི་སྐྱེ་བོ་ནས་ཨ་ནུ་མན་ཆད་དོ
ལོག་པར་རྟོགས་པ་ནི་མུ་སྟེགས་ཅན་རྣམས་ཏེ
མཐར་འཛིན་པའི་ལྟ་བ་དང
བདག་ཏུ་འཛིན་པའི་ཐམས་ཅད་དང
མདོར་ན་ཡིད་དཔྱོད་དུ་འཛིན་པའི་ལྟ་བ་རྣམས་དང
རྟག་ཆད་དུ་འཛིན་པའི་ལྟ་བ་རྣམས་དང
འདུ་ཤེས་ཅན་དུ་འཛིན་པའི་ལྟ་བ་ལ་སོགས་པ་རྣམས་སོ
ཕྱོགས་རྟོགས་པ་ནི་ཉན་ཐོས་དང་རང་སངས་རྒྱས་ལ་སོགས་ཏེ་ཐེག་པ་རིམ་པ་དགུའོ
མི་རྟོག་ཐུབ་པས་ཡང་གསོལ་པ
༡༨༣
ཀྱེ་ཀྱེ་རྡོ་རྗེ་འཆང་ཆེན་པོ
སྟོན་པ་ཉིད་ཀྱིས་གོང་དུ་བསྟན་པ་དེ་རྣམས་སྤང་ལགས་སམ
སྦྱང་ལགས་སམ
སྒྱུར་བ་ལགས་སམ
རང་ཞིར་བཏང་བ་ལགས་སམ
དེ་དག་རེ་རེ་ལ་ཡང་གཉེན་པོ་རེ་རེས་འདུལ་བ་ལགས་སམ
རང་ལུགས་སུ་འཇོག་པ་ལགས་སམ
དེ་ཉིད་རང་ཆོས་ཉིད་ལགས་སམ
དེ་དག་རྣམས་རང་གིས་རང་གྲོལ་བ་ལགས་སམ
འདི་དག་རྣམས་ཀྱི་དོན་བདག་གིས་མ་འཚལ་ལགས་སོ
སྟོན་པ་ཐུགས་རྗེ་ཆེན་པོ་ཉིད་ཀྱིས་གསུང་བར་ཞུ
དེ་ནས་རྡོ་རྗེ་འཆང་གིས་བཀའ་སྩལ་པ
ཀྱེ་མ་ཉོན་ཅིག་ཐུབ་པ་ཆེན་པོ་ཁྱོད
ངས་བསྟན་པ་ཡི་ཚིག་རྣམས་ནི
སེམས་ཅན་ཀུན་གྱི་རྒྱུད་ལ་གནས
དེ་རྣམས་ཀྱིས་ནི་འཁོར་བར་བཅིངས
བདེ་བ་ཆེན་པོ་ཉིད་བསྒྲིབས་པས
འདི་དག་རྣམས་ནི་སྤང་བ་མིན
དེ་བཞིན་ཉིད་དུ་མ་རྟོགས་ན
རྣལ་འབྱོར་ལུས་དང་གྲིབ་མ་བཞིན
དེ་ལས་དེ་ཉིད་རང་བྱུང་བས
སྤངས་པས་སྤང་བ་མ་ཡིན་ནོ
དེ་བཞིན་སྦྱངས་པས་ཀྱང་ནི་མིན
བསྒྱུར་བས་ཀྱང་ནི་མི་འགྱུར་རོ
༡༨༤
འགྱུར་མེད་སྙིང་པོ་མ་རྟོགས་པས
ཤེལ་གྱི་བྲག་གམ་གཡུ་རྡོ་བཞིན
སྦྱང་ཞིང་ཞི་བར་ནུས་པ་མིན
རང་བཞིན་གྱིས་ནི་གནས་དག་ཏུ
རྣལ་འབྱོར་ལྡན་པ་ཡིས་ནི་བརྟགས
དེ་བཞིན་ཞི་བ་ཉིད་ཀྱང་མིན
མངོན་སུམ་ལྷག་མཐོང་མ་ཤེས་པར
རི་རབ་རི་ཡི་རྒྱལ་པོ་བཞིན
སུས་ཀྱང་གཞིག་ནུས་པ་མིན
གཉེན་པོ་ཡིས་ནི་གྲོལ་བ་མིན
མ་བཙལ་རང་དག་མ་ཤེས་པར
རྙོག་མ་སངས་འདོད་ཆུ་རྙོག་བཞིན
ཕྱིར་ཕྱིར་སངས་པ་མ་ཡིན་ནོ
དེ་ཉིད་རང་ཡང་ཆོས་ཉིད་མིན
རང་སྣང་ལྷུག་པ་མ་ཤེས་པར
ཐ་མལ་བླུན་པོའི་སྣང་བ་བཞིན
མངོན་ཞེན་ཟློག་པ་མ་ཡིན་ནོ
ཀྱེ་མ་ཐུབ་པ་ཡང་ཉོན་ཅིག
འདི་དག་བློ་རིམ་རྣམ་གཉིས་ཏེ
འབད་བཅས་རྣམས་དང་འབད་མེད་དོ
འབད་བཅས་རྣམས་ནི་རང་སར་བཞག
སྣང་བ་གོམས་པའི་ཚད་རྣམས་ཀྱིས
༡༨༥
ཡེ་ཤེས་དག་པའི་སྣང་བ་ཉིད
ཕྱི་ནང་ཀུན་ལ་རང་ཤར་ཚེ
རྐྱེན་དེས་སྐྱེ་བ་མ་ཡིན་ནོ
སྲིད་དེ་དག་སྐྱེས་གྱུར་ཀྱང
རང་བཞག་རང་སངས་ཉིད་དུ་གྲོལ
དེ་ཕྱིར་རྣལ་འབྱོར་སྣང་བའོ
འབད་མེད་རྣམས་ནི་འདི་ལྟ་སྟེ
རང་གིས་རང་གྲོལ་རང་ཉིད་ལ
རང་གི་མར་ནི་རང་གྲོལ་བས
ལྕགས་ཀྱི་ལྕགས་རྣམས་གཤོག་པ་དང
རྡོ་ཡིས་རྡོ་རྣམས་གཅོག་པ་བཞིན
རང་གི་གཉེན་པོར་རང་ཉིད་ཆེ
རང་བཞིན་རྫོགས་ཆེན་རྟོགས་པ་ཆེ
འདི་ལྟར་གོམས་པ་གང་ཡིན་པས
མ་བཙལ་བཞག་པས་དོན་རྣམས་རྙེད
མ་བསྒོམས་པར་ནི་བདེ་ཆེན་རྒྱས
རང་བཞིན་ཉིད་དུ་མངོན་སུམ་རིག
འདི་ཉིད་སུ་དང་འཕྲད་པ་དེ
མཚམས་སྡིག་དང་ལྡན་པ་ཡང
འདི་ཉིད་གོམས་པས་གྲོལ་བ་ནི
ཐེ་ཚོམ་ཉིད་མེད་ན་ར་ཀན
དེ་ནས་ཡང་མི་རྟོག་པའི་ཐུབ་པ་ཆེན་པོས
༡༨༦
བཅོམ་ལྡན་འདས་པ་རབ་ཏུ་མཆོད་ཅིང་བསྟོད་ནས
འདི་སྐད་ཅེས་གསོལ་ཏོ
ཀྱེ་ཀྱེ་བཅོམ་ལྡན་རྡོ་རྗེ་འཆང་ཆེན་པོ་ལགས
དེ་དག་ནི་རང་བཞིན་གྱི་བར་དོ་ལ་ཉོན་མོངས་པ་རྣམས་ཀྱིས་བསྡུས་པའི་རྒྱུ་ལགས་ན
དེ་ཀུན་འཁོར་བའི་རྒྱུ་འབའ་ཞིག་ལགས་པས་རང་བཞིན་གྱི་བར་མ་དོ་འདི་ལ
མྱ་ངན་ལས་འདས་པའི་རྒྱུ་གནས་པ་ལགས་སམ
འོན་ཏེ་གོང་དུ་གསུངས་པ་དེ་དག་དང་རྒྱུ་གཅིག་པ་ལགས་སམ
ཡང་ན་གཏན་མེད་པ་ལགས
འདི་ལ་ཐེ་ཚོམ་མཆིས་ན་བདག་གི་ཐེ་ཚོམ་བསལ་དུ་གསོལ
ཞེས་ཞུས་སོ
སྟོན་པས་བཀའ་སྩལ་པ
ཀྱེ་ཐུབ་པ་ཆེན་པོ་ཁྱོད་ཉོན་ཅིག
རང་བཞིན་གནས་པའི་བར་དོའི་སེམས་ཅན་ལུས་ཀྱི་བསྡུས་པ་ཐམས་ཅད་ལ
མྱ་ངན་ལས་འདས་པའི་རྒྱུ་ནི་དུས་གསུམ་ན་བཞུགས་པའི་སངས་རྒྱས་ཐམས་ཅད་དང
ཁྱད་པར་མེད་པར་གནས་པ་ཡིན་ནོ
དེ་ཡང་སྐུ་རྣམས་ཀྱི་བདག་ཉིད་དང
ཡེ་ཤེས་དང
འོད་དང
ཐིག་ལེ་དང
རིག་པ་རང་གི་ངོ་བོར་གནས་པ་ཡིན་ནོ
དེ་ནས་མི་རྟོག་པའི་ཐུབ་པས་ཡང་གསོལ་པ
ཀྱེ་ཀྱེ་བཅོམ་ལྡན་རྡོ་རྗེ་འཆང་ཆེན་པོ་ལགས
༡༨༧
སྐུ་རྣམས་ཀྱི་བདག་ཉིད་ནི་གང་ལགས
ཡེ་ཤེས་ནི་ཅི་ལྟ་བུ་ལགས
འོད་ནི་གང་ལགས
ཐིག་ལེ་ནི་ཅི་ལྟ་བུ་ཞིག་མཆིས
རིག་པ་ཞེས་བགྱི་བ་ནི་ཅི་ལགས
འདི་ཀུན་བདག་གིས་མ་འཚལ་ན
བཅོམ་ལྡན་འདས་ཀྱིས་བདག་ལ་གསུང་བར་ཞུ་འཚལ
ཞེས་ཞུས་སོ
དེ་ནས་ཡང་སྟོན་པས་བཀའ་སྩལ་པ
ཀྱེ་མི་རྟོག་པའི་ཐུབ་པ་ཆེན་པོ་ཁྱོད་ཉོན་ཅིག
སྐུ་ནི་གཉིས་ཏེ
རིག་པ་ཡུལ་སྣང་གི་སྐུ་དང
དངས་མ་རྣམས་འདུས་པའི་སུའོ
ཡང་གསོལ་པ
ཀྱེ་སྟོན་པ་དྲུག་པ་རྡོ་རྗེ་འཆང་ཆེན་པོ་ལགས
རིག་པ་ཡུལ་སྣང་གི་སྐུ་གང་ལགས
དངས་མ་རྣམས་འདུས་པའི་སྐུ་ཅི་ལགས
འདི་དག་བདག་ལ་བསྟན་དུ་གསོལ
ཡང་བཀའ་སྩལ་པ
ཀྱེ་ཐུབ་པ་ཆེན་པོ་ཁྱོད་ཉོན་ཅིག
རིག་པ་ཡུལ་ལ་སྣང་བའི་སྐུ་ནི
དབང་པོ་རྣམས་རྣམ་པར་དག་པའི་སྐུ་ཆེན་པོ་དང
ཕུང་པོ་རྣམས་རྣམ་པར་དག་པའི་སྐུ་ཆེན་པོ་དང
ཁམས་དང
སྐྱེ་མཆེད་དང
ཡུལ་དང
ཡུལ་ཅན་དང་ཉོན་མོངས་པ་རྣམས་རྣམ་པར་དག་པའི་སྐུ་ཆེན་པོའོ
༡༨༨
དངས་མ་འདུས་པའི་སྐུ་ནི་འདི་ལྟ་སྟེ
རང་གི་མཚན་ཉིད་འཛིན་པའི་སྐུ་དང
ཡེ་ཅི་བཞིན་པའི་སྐུའོ
ཡང་གསོལ་པ
ཀྱེ་བཅོམ་ལྡན་འདས་རང་གི་མཚན་ཉིད་འཛིན་པའི་སྐུ་ནི་གང་ལགས
ཡེ་ཅི་བཞིན་པའི་སྐུ་ནི་ཅི་ལྟར་ལགས
བདག་ལ་གསུང་དུ་གསོལ
དེ་ནས་ཡང་བཀའ་སྩལ་པ
ཀྱེ་ཐུབ་པ་ཆེན་པོ་ཁྱོད་ཉོན་ཅིག
རང་གི་མཚན་ཉིད་འཛིན་པའི་སྐུ་ནི་འདི་ལྟ་སྟེ
རྣམ་པར་མི་འབྱེད་པའི་རོལ་པ་ཆེན་པོའི་སྐུ་དང
དམ་པ་སྤྱི་ཕུད་ཆེན་པོའི་སྐུ་དང
རིགས་རྗེས་སུ་འཛིན་པའི་སྐུའོ
ཡེ་ཅི་བཞིན་པའི་སྐུ་ནི་འདི་ལྟ་སྟེ
ཡེ་གནས་དང་པོའི་སྐུ་དང
ཡེ་ཐོག་མ་མི་འགྱུར་བའི་སྐུ་དང
འབྲས་བུ་རང་རྫོགས་པའི་སྐུའོ
ཡང་གསོལ་པ
ཀྱེ་ཀྱེ་བཅོམ་ལྡན་འདས
འབྲས་བུ་རང་རྫོགས་པའི་ཞེས་བགྱི་བའི་སྐུ་ནི་ཅི་ལྟ་བུ་ལགས
འདི་དག་རྣམས་ཕྱེ་ལ་གསུངས་ཤིག
དེ་ནས་ཡང་བཀའ་སྩལ་པ
ཀྱེ་ཐུབ་པ་ཆེན་པོ་ཉོན་ཅིག
༡༨༩
འབྲས་བུ་རང་རྫོགས་པའི་སྐུ་ཞེས་བྱ་བ་ནི་གསུམ་སྟེ
ཆོས་ཀྱི་སྐུ་སྤྲོས་པ་མེད་པ་ཆེན་པོ་དང
ལོངས་སྤྱོད་རྫོགས་པའི་སྐུ་འཛིན་པ་མེད་པ་ཆེན་པོ་དང
སྤྲུལ་པའི་སྐུ་བདག་མེད་པ་ཆེན་པོའོ
ཡང་གསོལ་པ
ཀྱེ་སྟོན་པ་ཆེན་པོ་ཆོས་ཀྱི་སྐུ་སྤྲོས་པ་མེད་པ་ནི་གང་ལགས
ལོངས་སྤྱོད་རྫོགས་པའི་སྐུ་ནི་གང་ལགས
སྤྲུལ་པའི་སྐུ་ཞེས་གང་ལགས
བཀའ་སྩལ་པ
ཀྱེ་ཐུབ་པ་ཆེན་པོ་ཉོན་ཅིག
ཆོས་ཀྱི་སྐུ་ནི་གསུམ་སྟེ
མི་འགྱུར་རང་དག་ངོ་བོའི་སྐུ་དང
ཁྱབ་གདལ་ཆེན་པོའི་རང་བཞིན་གྱི་སྐུ་དང
ཀུན་ཏུ་མ་འགགས་པ་ཐུགས་རྗེའི་སྐུའོ
ལོངས་སྤྱོད་རྫོགས་པའི་སྐུ་ནི་གསུམ་སྟེ
སྣ་ཚོགས་རང་གྲོལ་ལྷུན་གྲུབ་ཀྱི་སྐུ་དང
མཚན་ཉིད་འཛིན་པ་རིགས་ལྔའི་སྐུ་དང
རང་གསལ་མ་འདྲེས་པ་ཡོངས་སུ་རྫོགས་པའི་སྐུའོ
སྤྲུལ་པའི་སྐུ་ནི་གསུམ་སྟེ
མ་དག་པ་སྤྲུལ་པའི་སྐུ་དང
འགྲོ་བ་འདུལ་བའི་སྤྲུལ་པའི་སྐུ་དང
རང་བཞིན་སྤྲུལ་པའི་སྐུའོ
ཡེ་ཤེས་ནི་གཉིས་ཏེ
༡༩༠
གཞི་གནས་ཀྱི་ཡེ་ཤེས་དང
རང་གི་མཚན་ཉིད་འཛིན་པའི་ཡེ་ཤེས་སོ
ཡང་གསོལ་པ
ཀྱེ་ཀྱེ་བཅོམ་ལྡན་འདས་གཞི་གནས་ཀྱི་ཡེ་ཤེས་ལ་དུ་ཞིག་མཆིས
མཚན་ཉིད་འཛིན་པ་ནི་དུ་ལགས
དེ་ནས་ཡང་བཀའ་སྩལ་པ
ཐུབ་པ་ཆེན་པོ་ཁྱོད་ཉོན་ཅིག
གཞི་གནས་ཀྱི་ཡེ་ཤེས་ནི་གསུམ་སྟེ
ངོ་བོ་ཀ་དག་གི་ཡེ་ཤེས་དང
རང་བཞིན་ལྷུན་གྲུབ་ཀྱི་ཡེ་ཤེས་དང
ཐུགས་རྗེ་རང་སྣང་གི་ཡེ་ཤེས་སོ
མཚན་ཉིད་འཛིན་པའི་ཡེ་ཤེས་ནི་ལྔ་སྟེ
ཆོས་ཀྱི་དབྱིངས་ཀྱི་ཡེ་ཤེས་དང
མེ་ལོང་ལྟ་བུའི་ཡེ་ཤེས་དང
མཉམ་པ་ཉིད་ཀྱི་ཡེ་ཤེས་དང
སོ་སོར་རྟོག་པའི་ཡེ་ཤེས་དང
བྱ་བ་གྲུབ་པའི་ཡེ་ཤེས་སོ
འོད་ནི་གཉིས་ཏེ
རང་གསལ་ཁ་དོག་འཛིན་པའི་འོད་དང
མི་གནས་པའི་ཡེ་ཤེས་རང་སར་དག་པ་ཁ་དོག་ལས་འདས་པའི་འོད་དོ
ཡང་གསོལ་པ
རང་གསལ་སྣང་བ་ཁ་དོག་འཛིན་པའི་འོད་ནི་གང་ལགས
མི་གནས་པའི་ཡེ་ཤེས་རང་སར་དག་པ་ཁ་དོག་ལས་འདས་པའི་འོད་ནི་གང་ལགས
བཀའ་སྩལ་པ
རང་སྣང་གསལ་བའི་ཁ་དོག་འཛིན་པའི་འོད་ལྔ་སྟེ
༡༩༡
དཀར་པོ་དང
སེར་པོ་དང
དམར་པོ་དང
ལྗང་གུ་དང
མཐིང་གའོ
མི་གནས་པའི་ཡེ་ཤེས་རང་སར་དག་པ་ཁ་དོག་ལས་འདས་པའི་འོད་ནི
དྲི་མ་མེད་པའི་དཀར་པོ་རང་སར་དག་སྟེ་སྣང་བ་གང་དུ་ཡང་མི་འབྱེད
མ་བཙལ་བཞག་པའི་སེར་པོ་རང་སར་དག་སྟེ་ཡུལ་དུ་མར་མི་སྣང
ཆགས་པ་མེད་པའི་དམར་པོ་རང་སར་དག་སྟེ་ཤེས་པ་འདི་ཞེས་བྱ་བ་ནི་མི་སྣང
བྱ་བཙལ་བྲལ་བའི་ལྗང་གུ་རང་སར་དག་སྟེ་བྱ་བྱེད་ཐམས་ཅད་ལས་འདས
མི་འགྱུར་ཡངས་པའི་མཐིང་ག་རང་སར་དག་སྟེ་ཤེས་པ་ཅིའི་ངོ་བོར་ཡང་མ་གྲུབ་པར་གནས་སོ
ཐིག་ལེ་ནི་གསུམ་སྟེ
གཞི་འཛིན་པའི་ཐིག་ལེ་དང
སྣང་བ་ལམ་གྱི་ཐིག་ལ་དང
འབྲས་བུ་རང་སྨིན་པའི་ཐིག་ལེའོ
ཡང་གསོལ་པ
གཞི་འཛིན་པའི་ཐིག་ལེ་ནི་གང་ལགས
སྣང་བ་ལམ་གྱི་ཐིག་ལེ་ནི་གང་ལགས
འབྲས་བུ་རང་སྨིན་པའི་ཐིག་ལེ་ནི་གང་ལགས
འདི་རྣམས་བདག་ལ་གསུང་བར་ཞུ
ཡང་བཀའ་སྩལ་པ
གཞི་འཛིན་པའི་ཐིག་ལེ་ནི་གཉིས་ཏེ
རང་བཞིན་ཀྱི་ཐིག་ལེ་དང
༡༩༢
ཀུན་ཏུ་བཟང་པོའི་ཐིག་ལེའོ
སྣང་བ་ལམ་གྱི་ཐིག་ལེ་ནི་གཉིས་ཏེ
ཀུན་རྫོབ་རྒྱུའི་ཐིག་ལེ་དང
གནས་པ་དོན་དམ་གྱི་ཐིག་ལེའོ
ཡང་གསོལ་བ
ཀུན་རྫོབ་རྒྱུའི་ཐིག་ལེ་གང་ལགས
གནས་པ་དོན་དམ་གྱི་ཐིག་ལེ་གང་ལགས
བདག་ལ་བསྟན་དུ་གསོལ
ཡང་བཀའ་སྩལ་པ
ཀུན་རྫོབ་རྒྱུའི་ཐིག་ལེ་ནི
ལུས་ཅན་ཀུན་རྩའི་ནང་ན་གནས་ཏེ
ཕའི་རྒྱུ་དང་མའི་རྐྱེན་དུ་སྣང་བའོ
དེ་ཡང་འབྱུང་བའི་དངས་མ་འདུས་པ་ལས
མའི་ཐིག་ལེ་དམར་པོ་བྱུང
བྱང་ཆུབ་ཀྱི་སེམས་ཐམས་ཅད་ཀྱི་སྙིགས་མ་འདུས་པ་ལས
ཕའི་ཐིག་ལེ་དཀར་པོ་བྱུང་ངོ
དེའི་ཕྱིར་ན་འབྱུང་བ་འདུས་པ་ལས་གཟུགས་སུ་སྨིན
བྱང་ཆུབ་ཀྱི་སེམས་འདུས་པ་ལས་དྲན་བསམ་དང
བྱུང་ཚོར་དང
རིག་པ་བྱུང་ངོ
དེ་ཡང་རྫུས་སྐྱེས་དང
སྒོང་སྐྱེས་དང
དྲོད་སྐྱེས་རྣམས་ལ་ཡང
འབྱུང་བ་འདུས་པའི་ས་བོན་དང
བྱང་ཆུབ་སེམས་འདུས་པའི་ས་བོན་གཉིས་རང་ཆས་སུ་འཛོམ་པ་ལས་སྐྱེ་བ་ཉིད་ལེན་པའོ
༡༩༣
དེ་ལྟར་ལུས་ཅན་ཐམས་ཅད་ལ་ལུས་སྡུད་པར་བྱེད་པའི་ཐིག་ལེ་དཀར་དམར་གཉིས་ནི་རང་ཆས་སུ་གནས་པའོ
དེ་ཡང་སྐྱེ་པ་རྣམས་ཀྱི་འབྱུང་བའི་ས་བོན་ནི
འབྱུང་བའི་རང་རྒྱས་འཐུམས་ནས་མངོན་དུ་མི་སྣང
བུད་མེད་རྣམས་ལ་བྱང་ཆུབ་ཀྱི་ས་བོན་ནི་གཞི་མི་འགྱུར་བས་མངོན་དུ་མི་འབྱུང
དེའི་ཕྱིར་དུ་བུད་མེད་རྣམས་ཀྱིས་བདེ་བ་བསྒོམ་དུ་མི་རུང་གིས
ཐིག་ལེ་དང་རླུང་ཉིད་བསྒོམས་ཀྱང་མི་གྲོལ་བའི་ཕྱིར་རོ
དེ་ལྟར་ས་བོན་གཉིས་ཀྱིས་ཕུང་པོའི་རྟེན་བྱེད་པས་སྐྱེས་བུ་རྣམས་ཀྱི་ཚེའི་དུས་བྱེད་པ་ཡང་འདི་གཉིས་ཀྱིས་བྱེད་སྟེ
འབྱུང་བ་རང་རང་གི་དགྲས་ནི་གློ་བུར་དུ་འདུ་བྱེད་དོ
འབྱུང་བ་ཁད་ཀྱིས་སྟོབས་ཟད་པ་རྣམས་ནི
འདི་གཉིས་འཕོས་པར་བྱེད་པ་ཡིན་ནོ
གནས་པ་དོན་དམ་གྱི་ཐིག་ལེ་ནི་གཉིས་ཏེ
རང་གནས་རྒྱུའི་ཐིག་ལེ་དང
སྐྱེས་བུ་གོམས་པ་ལས་བྱུང་བའོ
རང་གནས་རྒྱུའི་ཐིག་ལེ་ནི
༡༩༤
ལུས་ཅན་རྣམས་ཀྱི་སྙིང་ན་འོད་ཀྱི་དངས་མ་འདུས་པའི་ཐིག་ལེ་ཚོན་སྣ་ལྔའི་གྲུ་གུ་བསྡོགས་པ་ལྟ་བུའམ
ཉའི་མིག་ལྟ་བུའམ
ཁྲ་ཚད་ན་ཉལ་བའི་མིག་ལྟ་བུའམ
མཁའ་འགྲོ་མ་ཡིད་འགྱུར་མའི་བུར་སྐབས་སུ་རྩ་རྣམས་ཀྱི་ནང་ནས་རྒྱུ་ཞིང་གནས་སོ
སྐྱེས་བུ་གོམས་པ་ལས་བྱུང་བ་ནི
དང་པོ་འོད་ཀྱི་སྣམ་བུར་སྣང་བ་དང
གཉིས་པ་འོད་ཀྱི་བྲེར་ཐག་ཏུ་གནས་པ་དང
གསུམ་པ་ཐིག་ལེ་ཁྱུད་དུ་འཆར་རོ
འབྲས་བུ་རང་སྨིན་པའི་ཐིག་ལེ་ནི་གསུམ་སྟེ
འོད་རྣམས་སྨིན་པའི་ཐིག་ལེ་དང
ཡེ་ཤེས་སྨིན་པའི་ཐིག་ལེ་དང
རིག་པ་སྨིན་པའི་ཐིག་ལེའོ
ཡང་གསོལ་པ
འོད་རྣམས་འདུས་ཤིང་སྨིན་པའི་ཐིག་ལེ་གང་ལགས
ཡེ་ཤེས་སྨིན་པའི་ཐིག་ལེ་གང་ལགས
རིག་པ་སྨིན་པའི་ཐིག་ལེ་གང་ལགས
བདག་ལ་གསུང་དང
ཡང་བཀའ་སྩལ་པ
ཀྱེ་ཐུབ་པ་ཆེན་པོ་ཁྱོད་ཉོན་ཅིག
འོད་རྣམས་སྨིན་པའི་ཐིག་ལེ་བསྒྲེངས་པར་གནས
ཤིན་ཏུ་གསལ་ལ་མ་འདྲེས་འཇའ་ཚོན་བཞིན
༡༩༥
འདི་ལ་གོམས་ན་སྣང་བ་ཡང་མཐོང་ངོ
ཡེ་ཤེས་སྨིན་པའི་ཐིག་ལེ་རྩིབས་ལ་གནས
ཁ་དོག་རང་གསལ་ཉི་མའི་དཀྱིལ་འཁོར་འདྲ
འདི་ལ་གོམས་པས་འདི་ལ་རང་སྣང་མཐོང
རིག་པ་སྨིན་པའི་ཐིག་ལེ་མུ་ཁྱུད་བཅས
རང་གསལ་ཟླུམ་པོ་འདི་ལ་གང་གོམས་པ
དག་པ་ཆེན་པོའི་སྣང་བ་མཐོང་བར་འགྱུར
དེ་དག་རྣམས་ཀྱི་ཐིག་ལེའི་ཕྱི་དབྱིབས་ཟླུམ
འདི་ལ་གོམས་ན་རྣལ་འབྱོར་འབྲས་བུ་ཐོབ
རིག་པ་ནི་གཉིས་ཏེ
གཞི་འཛིན་པའི་རིག་པ་དང
མཚན་ཉིད་འཛིན་པའི་རིག་པའོ
ཡང་གསོལ་བ
གཞི་འཛིན་པའི་རིག་པ་ནི་གང་ལགས
མཚན་ཉིད་འཛིན་པའི་རིག་པ་ནི་གང་ལགས
བདག་ལ་བསྟན་དུ་གསོལ
བཀའ་སྩལ་བ
གཞི་འཛིན་པའི་རིག་པ་ནི
རྡོ་རྗེ་ལུ་གུ་རྒྱུད་དུ་སྣང་བའི་རིག་པ་ཆེན་པོ་སྟེ
རྒྱང་ཞགས་ཆུའི་སྒྲོན་མ་ལས་རིག་པ་གཅེར་བུར་རང་ཐོན་པའོ
འདི་ནི་རྣལ་འབྱོར་པ་རྣམས་ཀྱི་ཉམས་བརྟན་པའི་ཡེ་ཤེས་སུ་སྣང་བའོ
མཚན་ཉིད་འཛིན་པའི་རིག་པ་ནི
༡༩༦
སེམས་ཅན་ཐམས་ཅད་ལ་རང་ཁྱབ་ཏུ་གནས་པའོ
དེ་ནས་ཡང་མི་རྟོག་ཐུབ་པས་འདི་སྐད་ཅེས་ཞུས་སོ
ཀྱེ་ཀྱེ་བཅོམ་ལྡན་འདས་དོན་དེ་རྣམས་ནི་བདག་ཅག་གིས་ལམ་དུ་བྱེད་ན
ཐབས་གང་གི་སྒོ་ནས་བྱེད་པ་ལགས
བདག་ལ་བསྟན་དུ་གསོལ
དེ་ནས་སྟོན་པས་གསུངས་པ
དེ་ཡི་དོན་རྟོགས་པར་བྱེད་པའི་ཐབས་ནི
རང་གི་ཤེས་རབ་དང
སྦྱོང་བའི་རྣམ་པ་རྣམས་དང
སྒོམ་པའི་རྣམ་པ་རྣམས་དང
ལྟ་བའི་རྣམ་པ་རྣམས་སོ
ཡང་གསོལ་བ
སྟོན་པ་ཆེན་པོ
ཤེས་རབ་ནི་གང་ལགས
སྤྱོད་པ་ནི་ཅི་ཙམ་ཞིག
སྒོམ་པ་ནི་གང་ལྟ་བུ
ལྟ་བ་ནི་ཅི་ལྟ་བུ་ལགས
བདག་ལ་གསུང་དང
བཀའ་སྩལ་པ
ཤེས་རབ་ནི་གསུམ་སྟེ
ཐོས་པའི་ཤེས་རབ་ཀྱིས་ཕྱི་ཡི་སྒྲོ་འདོགས་གཅོད་པ་དང
བསམ་པའི་ཤེས་རབ་ཀྱིས་ནང་གི་སྒྲོ་འདོགས་གཅོད་པ་དང
སྒོམ་པའི་ཤེས་རབ་ཀྱིས་གསང་བའི་སྒྲོ་འདོགས་གཅོད་པའོ
སྤྱོད་པ་ནི་གསུམ་སྟེ
འཁོར་འདས་རུ་ཤན་འབྱེད་པ་ལུས་ངག་གི་སྤྱོད་པ་དང
བརྟུལ་ཞུགས་ལམ་དུ་སློང་བར་བྱེད་པ་གྲངས་ཀྱི་སྤྱོད་པ་དང
སྣང་བ་རང་སར་གྲོལ་བ་རིག་པ་རྣལ་དུ་ཕེབས་པའི་སྤྱོད་པའོ
༡༩༧
ཡང་གསོལ་པ
བརྟུལ་ཞུགས་ལམ་དུ་སློང་བར་བྱེད་པ་དབང་པོའི་བྱེ་བྲག་གི་གྲངས་ཀྱི་སྤྱོད་པ་ཞེས་བགྱི་བ་འདི་གང་ལགས
འདི་བདག་ལ་གསུང་དང
སྟོན་པས་བཀའ་སྩལ་པ
ཀྱེ་ཀྱེ་ཐུབ་པ་ཆེན་པོ་ཉོན་ཅིག
ངས་བསྟན་ཁྱོད་ཀྱིས་ལེགས་པར་ཉོན
རྣལ་འབྱོར་དོན་ལ་སུས་སྦྱོར་བ
སྤྱོད་པ་འདི་ལ་གོམས་པར་བྱ
བུང་བ་ལྟ་བུའི་སྤྱོད་པ་ཡིས
ཆོས་རྣམས་ཀུན་གྱི་རོ་མྱང་བྱ
རི་དྭགས་ལྟ་བུའི་སྤྱོད་པ་ཡིས
འཁྲུལ་པའི་རྐྱེན་གྱུར་ཡུལ་རྣམས་སྤང
ལྐུགས་པ་ལྟ་བུའི་སྤྱོད་པ་ཡིས
འཁྲུལ་པའི་ངག་ནི་སྤང་བར་བྱ
ཐི་བྱ་ལྟ་བུའི་སྤྱོད་པ་ཡིས
གསང་བའི་སྔགས་ཀྱི་ཐེ་ཚོམ་བཅད
སྨྱོན་པ་ལྟ་བུའི་སྤྱོད་པ་ཡིས
གཅིག་ཏུ་གནས་པའི་ཡུལ་རྣམས་སྤང
སེང་གེ་ལྟ་བུའི་སྤྱོད་པ་ཡིས
འཇིགས་པའི་སེམས་སྤང་དུར་ཁྲོད་རྒྱུ
ཁྱི་ཕག་ལྟ་བུའི་སྤྱོད་པ་ཡིས
གཙང་དང་སྨེ་བའི་རྟོག་པ་སྤང
དོམ་བུ་ལྟ་བུའི་སྤྱོད་པ་ཡིས
དྲན་བསམ་ཐོག་ཁབ་ཉིད་དུ་སྤྱོད
བུ་ཆུང་ལྟ་བུའི་སྤྱོད་པ་ཡིས
འཁྲུལ་པའི་ཞེན་པ་རྒྱུད་རེངས་སྤང
ངང་མོ་ལྟ་བུའི་སྤྱོད་པ་ཡིས
༡༩༨
འཇིག་རྟེན་མཐུན་པའི་ཚིག་གིས་དྲང
གླང་ཆེན་ལྟ་བུའི་སྤྱོད་པ་ཡིས
འཁོར་བའི་གཡུལ་རྣམས་གཏིང་ནས་བཟློག
རི་སྐེགས་ལྟ་བུའི་སྤྱོད་པ་ཡིས
བུ་དང་དགྲ་ཡི་འདུ་ཤེས་སྤང
ཉ་མོ་ལྟ་བུའི་སྤྱོད་པ་ཡིས
འདོད་པས་ཆོག་ཤེས་དུས་ཚོད་བཅད
དྲེའུ་མོ་ལྟ་བུའི་སྤྱོད་པ་ཡིས
འཁོར་བའི་ས་བོན་སྤེལ་མི་བྱ
བྲམ་ཟེ་ལྟ་བུའི་སྤྱོད་པ་ཡིས
གཞན་གྱི་ལོངས་སྤྱོད་ཟས་རྣམས་སྤང
དཔའ་བོ་ལྟ་བུའི་སྤྱོད་པ་ཡིས
འཁོར་འདས་རྣམས་ཀྱི་རུ་ཤན་དབྱེ
ཆུ་མིག་ལྟ་བུའི་སྤྱོད་པ་ཡིས
དྲན་པའི་རྟེན་ཉིད་རང་སར་བཞག
ནམ་མཁའ་མདུད་སྐོར་སྤྱོད་པ་ཡིས
དངོས་པོ་རྣམས་ལ་ཟང་ཐལ་སྤྱོད
བར་སྣང་རླུང་འདྲའི་སྤྱོད་པ་ཡིས
གཟུང་དང་འཛིན་པའི་རྟོག་པ་སྤང
བྱ་ཁྱུང་ལྟ་བུའི་སྤྱོད་པ་ཡིས
གཡང་ས་རྣམས་ནི་རླབས་ཀྱིས་གཅད
རི་བོ་ལྟ་བུའི་སྤྱོད་པ་ཡིས
འགྱུར་མེད་རང་དག་སྟེང་དུ་སྤྱད
ཐེག་ཆེན་ལྟ་བུའི་སྤྱོད་པ་ཡིས
སྣང་བ་ཕྱིར་མི་ལྡོག་པར་སྤྱད
ཀྱེ་ཐུབ་པ་ཆེན་པོ་ཡང་ཉོན་ཅིག
སྒོམ་པ་ནི་གསུམ་སྟེ
ལྷ་ལ་སོགས་པ་སེམས་ཀྱིས་བསྒོམ་པ་དང
༡༩༩
ཐེག་པ་ཆེན་པོའི་བསམ་གཏན་དང
དུས་གསུམ་གྱི་སངས་རྒྱས་ཐམས་ཅད་ཀྱི་དགོངས་པ་ཉིད་ཡིན་ནོ
དེ་ནས་ཡང་གསོལ་པ
ཀྱེ་ཀྱེ་བཅོམ་ལྡན་འདས
ལྷ་ལ་སོགས་པ་སེམས་ཀྱིས་བསྒོམ་པ་ནི་གང་ལགས
ཐེག་པ་ཆེན་པོ་རྣམས་ཀྱི་སེམས་ཀྱི་བསམ་གཏན་ནི་གང་ལགས
སངས་རྒྱས་རྣམས་ཀྱི་དགོངས་པ་ནི་གང་ལགས
བདག་ལ་གསུང་དང
དེ་ནས་ཡང་བཀའ་སྩལ་པ
ཀྱེ་ཀྱེ
ཐུབ་པ་ཆེན་པོ་ཡང་ཉོན་ཅིག
ཡི་གེ་ཨ་ལ་སེམས་གཏད་པས
དངོས་པོའི་ཞེན་པ་རང་སར་འདོན
བསྐྱེད་པའི་ལྷ་ལ་སེམས་གཏད་པས
ལུས་ཀྱི་དྲི་མ་དག་པར་བྱེད
ངག་གི་རྡོ་རྗེའི་གླུ་ཡིས་ནི
དེ་ཡི་ཡིད་ནི་ཚིམ་པར་བྱེད
ཡི་གེ་ཧུམ་ལ་སེམས་གཏད་པས
དེ་ཡི་ངག་གི་དྲི་མ་དག
རམ་ལ་སེམས་ནི་སུས་འཛིན་པ
དེ་ཡིས་དངོས་པོ་ཐམས་ཅད་སྦྱང
ཡི་གེ་ཧ་ལ་སུ་གནས་པ
གཏི་མུག་ཐམས་ཅད་ཟད་པར་བྱེད
གང་ཞིག་ཕཏ་ལ་སེམས་གཏད་པ
དེ་ཡིས་ལུས་ངག་གནོད་པ་སྤངས
སྨིན་མཚམས་ཐིག་ལེ་གང་བསྒོམ་པ
འདིས་ནི་རླུང་ལ་གོམས་པར་འགྱུར
༢༠༠
བུ་ག་དགུ་ལ་སེམས་འཛིན་པ
དེས་ནི་དབང་པོའི་སྒོ་རྣམས་ཁེགས
སྣ་རྩེར་ཡིད་ནི་སུས་གོམས་པས
འབྱུང་བ་ཡས་པ་རང་སར་སྡུད
ལུས་རྟེན་རང་འོད་གང་བསྒོམ་པ
འདིས་ནི་བར་དོའི་ས་ལ་གོམས
ནམ་མཁར་སམས་ནི་སུས་འཕང་བ
དེ་ནི་སྟོང་པ་ཉིད་ལ་གོམས
གང་གིས་རྣ་བར་སེམས་གཟུང་བ
འདིས་ནི་སྒྲ་རྣམས་ཅི་དགར་སྤྱོད
གང་གིས་སྙིན་གར་སེམས་འཛིན་པ
འདིས་ནི་བསམ་པ་རང་སར་དག
སྟོང་པ་ཉིད་ལ་སུ་གནས་པ
འདིས་ནི་དངོས་པོའི་ཞེན་པ་འགག
སྟོང་ཉིད་ཧད་པོར་སུས་བསྒོམ་པ
དྲན་པ་རྣམས་ནི་ཅིག་ཆར་སྟོང
མི་རྟོག་སེམས་ལ་གང་བསྒོམ་པ
འདིས་ནི་འཁོར་བའི་ཞེན་པ་བཟློག
འབྱུང་བ་ལྔ་ལ་སེམས་བཟུང་ན
དེས་ནི་ལུས་ཀྱི་རྟག་རྣམས་འབྱུང
མི་རྟོག་ཡེ་ཤེས་གང་བསྒོམ་པ
འདིས་ནི་མཚན་མའི་ཞེན་པ་འགག
གཉིས་འཇུག་བདེ་བ་སུས་བསྒོམ་པ
འདིས་ནི་འདོད་ཡོན་ལམ་དུ་བྱེད
བར་སྣང་ལམ་དུ་སུས་བྱེད་པ
འདིས་ནི་སེམས་ལ་དབང་ཡང་ཐོབ
ཀྱེ་ཀྱེ་ཐུབ་པ་ཆེན་པོ་ཡང་ཉོན་ཅིག
༢༠༡
ཐེག་པ་ཆེན་པོའི་བསམ་གཏན་ནི
རང་བཞིན་ཤུགས་ཀྱི་བསམ་གཏན་གྱིས
མ་བཅོས་ལུས་ངག་རྣལ་དུ་ཕེབས
དམིགས་པ་རྒྱུད་བརྟན་བསམ་གཏན་གྱིས
འཕྲལ་བྱུང་ཉོན་མོངས་མགོ་རྣམས་གནོན
ས་ལ་གནས་པའི་བསམ་གཏན་གྱིས
རང་རང་རྒྱུད་ཀྱི་འཚོ་སྐྱོང་བྱེད
མི་རྟོག་ཐུབ་པ་ཡང་ཉོན་ཅིག
བདེར་གཤེགས་དགོངས་པ་རྣམ་གཉིས་ཏེ
མ་བཅོས་བཞག་པས་བྱུང་ཚོར་འགགས
མ་བསྒོམས་བལྟས་པས་དྲོད་ཚད་རྙེད
ཀྱེ་ཐུབ་པ་ཆེན་པོ་ལྟ་བ་ནི་གཉིས་ཏེ
ཕྱི་ཆོས་ཅན་རྣམས་ལ་བལྟས་པས
ཡུལ་སྣང་གཉིས་སུ་མེད་པར་བསྟན་པ་དང
ནང་ཆོས་ཉིད་ལ་བལྟས་པས
རྣལ་འབྱོར་པ་རྣམས་ཀྱི་སེམས་ལ་རང་དབང་དུ་འགྱུར་བའོ
མི་རྟོག་ཐུབ་པས་ཡང་གསོལ་པ
ཀྱེ་ཀྱེ་བཅོམ་ལྡན་རྡོ་རྗེ་འཆང
ཆོས་ཅན་ལྟ་བ་ཅི་ལྟ་བུ
དེ་བཞིན་ཆོས་ཉིད་ལྟ་བ་གང
འདི་དག་བདག་ལ་བསྟན་དུ་གསོལ
རྡོ་རྗེ་འཆང་གིས་བཀའ་སྩལ་པ
མི་རྟོག་ཐུབ་པ་ཡང་ཉོན་ཅིག
ཕྱི་ཡི་ལྟ་བ་འདི་ལྟ་སྟེ
དམིགས་པར་སྣང་བའི་ཡུལ་རྣམས་ལ
རང་བཞིན་མེད་པར་གང་གོམས་པ
འདི་ནི་སྣང་སྟོང་གཉིས་སུ་མེད
༢༠༢
ཚོགས་དྲུག་མ་འགགས་ལྷུག་པའོ
ནང་གི་ལྟ་བ་འདི་ལྟ་སྟེ
དབྱིངས་དང་རིག་པ་སུས་མཐོང་བ
འདི་ནི་སངས་རྒྱས་ས་ལ་གོམས
འདི་ལས་ཐབས་གཞན་གོང་ན་མེད
ཡིད་དཔྱོད་རྣམས་ལས་ཁྱད་པར་འཕགས
མི་རྟོག་ཐུབ་པས་ཡང་གསོལ་པ
ཀྱེ་ཀྱེ་བཅོམ་ལྡན་རྡོ་རྗེ་འཆང
དེ་ལྟར་ལྟ་དང་སྒོམ་པ་དང
དེ་བཞིན་དུ་ཡང་སྤྱོད་པ་ཡི
དོན་རྣམས་རྣམ་པར་བསྡུ་བའམ
ཡང་ན་དེ་རྣམས་འབྲས་བུ་གང
བཅོམ་ལྡན་འདས་ཀྱིས་བདག་ལ་གསུངས
དེ་ནས་སྟོན་པས་བཀའ་སྩལ་པ
ཀྱེ་མ་མི་རྟོག་ཐུབ་པ་ཁྱོད་ཉོན་ཅིག
དེ་དག་རྣམས་ནི་བསྡུས་པ་ཡིས
གཅིག་པར་གནས་པའི་ཐིག་ལེ་མཐོང
དེ་ཡང་གང་དང་གང་ཞེ་ན
བཞག་པ་རྣམས་ཀྱིས་རང་རྒྱས་ཐོབ
དགོངས་པ་རྣམས་ཀྱིས་དུས་ཚོད་བསྟན
ཟད་ལུགས་རྣམས་ཀྱིས་དག་པ་བསྟན
བསྟན་པའི་གདིངས་ནི་མི་ལྡོག་ཚད
དེ་ལྟར་དོན་རྣམས་བསྡུས་པའོ
དེ་ཡི་འབྲས་བུ་འདི་དག་ཡིན
དབྱིངས་ཀྱི་སྒྲོན་མ་སུས་མཐོང་བ
༢༠༣
ཆོས་ཀྱི་དབྱིངས་ལ་མངོན་དུ་སྤྱོད
ཐིག་ལེའི་སྒྲོན་མ་སུས་མཐོང་བ
རྩོལ་བཅས་རྣམས་ཀྱིས་རེག་ནས་ཐོབ
ཤེས་རབ་སྒྲོན་མ་སུས་མཐོང་བ
སྤྱི་དང་རང་གི་མཚན་ཉིད་རྟོགས
ཆུ་ཡི་སྒྲོན་མ་སུས་མཐོང་བ
དབང་པོ་རྣམས་ལ་དབང་བསྒྱུར་ཐོབ
ལུ་གུ་རྒྱུད་ལ་སུས་གོམས་པ
རིག་པ་རྣམས་ནི་སྲང་ལ་ཕེབས
དེ་ཡི་འབྲས་བུ་སྐུ་གསུམ་ས
འདི་ཉིད་རྣམས་ནི་རང་རིག་ལས
རང་བཞིན་གནས་པའི་བར་མ་དོར
འདི་རྣམས་གོམས་པའི་སྐྱེས་བུ་ནི
འབྱུང་བ་ཐམས་ཅད་རང་དེངས་སུ
འགྱུར་བ་འདི་ལ་ཐེ་ཚོམ་མེད
ངས་བསྟན་པ་ཡི་ཆོས་རྣམས་ནི
མདོ་ཀུན་ཀྱང་ནི་འདིར་འདུས་སོ
ཞེས་ཉི་ཟླ་ཁ་སྦྱོར་གསང་བའི་རྒྱུད་ཆེན་པོ་ལས
རང་བཞིན་གནས་པའི་བར་དོའི་སྣང་བ་བསྟན་པའི་ལེའུ་སྟེ་གཉིས་པའོ
༄༣
དེ་ནས་མི་རྟོག་ཐུབ་པས་ཡང་གསོལ་པ
ཀྱེ་ཀྱེ་བཅོམ་ལྡན་རྡོ་རྗེ་འཆང
༢༠༤
རང་བཞིན་བར་དོ་དེ་ལྟར་ན
འཆི་ཁའི་བར་དོ་ཅི་ལྟར་ལགས
སྐྱེས་བུ་རྣམས་ནི་འཆི་བའི་ཚེ
འཆི་བའི་རྟགས་ནི་ཅི་ལྟ་བུ
འཆི་བ་ལས་ནི་བཟློག་པ་ཡི
ཐབས་ནི་ཅི་ལྟ་བུ་ཞིག་མཆིས
སྐྱེས་བུ་འབྱུང་བའི་སྟོབས་ཟད་ནས
གང་ཞིག་ལམ་དུ་འཇུག་པའི་ཚེ
ཐབས་འདི་རྣམས་ནི་ཅི་ལྟར་འཆང
བདག་ལ་གསུང་དང་བཅོམ་ལྡན་འདས
དེ་ནས་སྟོན་པས་བཀའ་སྩལ་པ
མི་རྟོག་ཡེ་ཤེས་ཐུབ་པ་ཉོན
ཁྱོད་ཀྱིས་ཞུས་པ་དེ་ལེགས་སོ
གང་ཞིག་ལུས་ཅན་སྐྱེས་བུ་རྣམས
ཚེ་ནི་མི་རྟག་རྨི་ལམ་འདྲ
རྨི་ལམ་གྱིས་ནི་གྲུབ་པ་མེད
ཚེ་འདི་མི་རྟག་ཆུ་དྲག་འདྲ
འབབ་ཆུ་གཅིག་ཏུ་བསྡད་པ་མེད
ཚེ་འདི་མི་ཟིན་རླུང་དང་འདྲ
རླུང་གིས་སྐྱེས་བུ་གཟུང་བ་མེད
ཚེ་འདི་ཡུན་ཐུང་སྤྲུལ་པ་འདྲ
སྤྲུལ་པ་རྟག་ཏུ་གནས་པ་མེད
ཚེ་འདི་བདེན་མེད་སྒྱུ་མ་འདྲ
སྒྱུ་མས་བདེན་པའི་ས་བཟུང་མེད
ཚེ་འདི་མི་སྡོད་མགྲོན་པོ་འདྲ
མགྲོན་པོ་རྟག་ཏུ་བསྡད་པ་མེད
ཚེ་འདི་མ་ངེས་ཆར་སྤྲིན་འདྲ
སྤྲིན་གྱིས་དུས་ཚོད་གཟུང་བ་མེད
༢༠༥
དེ་ལྟར་སྐྱེས་བུའི་ཚེ་ཡི་ཚད
འདི་ལྟར་གཅིག་ཏུ་མ་ངེས་ཏེ
གློ་བུར་བ་དང་ཐོག་བབས་སུ
དུས་ཚོད་འདི་འདྲ་གཟུང་བ་མེད
འོན་ཀྱང་ལུས་ཀྱི་འབྱུང་བ་དང
འཆི་བདག་གི་ནི་ལྡང་དུས་ཀྱིས
འཆི་ཁའི་བར་དོའི་རྟགས་འདི་ལྟར
དབེན་སྐྱེས་པའི་གནས་སམ་ལུང་སྟོང་དུ
འཆི་བའི་དུས་ཚོད་གཟུང་བ་དེས
འདི་དག་རྟགས་ནི་སུ་ལ་བྱུང
ལུས་ཅན་ཚེ་ཡི་འདུ་བྱེད་བྱེད
ཡན་ལག་སེན་མོའི་བཀྲག་མེད་ན
ཟླ་བ་དགུ་ན་གདོན་མི་ཟ
སྐྱེས་བུའི་མིག་སྤྲིན་ཡལ་བ་ན
དེ་བཞིན་ཟླ་བ་ལྔ་ནའོ
འཆི་བདག་གཤིན་རྗེ་ཉིད་ལངས་ན
ཞག་ནི་ཉི་ཤུ་གཅིག་ནས་འཆི
དེ་ལ་ཅིས་ཀྱང་ཕན་པ་མེད
རྐང་པའི་ལོང་བུ་ཕྱིར་ཐོན་ན
དེ་བཞིན་ཟླ་བ་གཅིག་ནའོ
གལ་ཏེ་གཞན་གྱི་ལུས་བརྟག་ན
སྐྱེས་བུ་ནད་ཀྱིས་བཏབ་པའི་ཚེ
སོ་ཡི་རྩ་བར་དྲེག་པ་ཆགས
ཞག་དགུ་ན་ནི་དེ་ཡང་འཆི
དེ་བཞིན་སྣ་ཞོམ་ཞག་ལྔ་ནས
༢༠༦
དེ་བཞིན་དུ་ཡང་འཆི་བའོ
ཡན་ལག་ཡང་ཡང་རྐྱང་སྐུམ་བྱེད
དེ་ནི་ཉི་མ་བདུན་འདས་ནས
མིག་ནི་འབྲུ་ཚུགས་བལྟ་བ་ན
ཞག་གསུམ་ནས་ནི་ཏྲོ་ཏའོ
ངག་གི་ཚིག་རྣམས་རབ་འཁྲུལ་ན
དེ་ནི་ཟླ་བ་ཕྱེད་ནའོ
འགྲམ་ཕ་ཡི་ནི་རྒྱུད་ཆད་ན
དེ་བཞིན་ཞག་ནི་བཅུ་དགུ་ན
སྐྱེས་བུའི་ཚེ་ཡི་འདུ་བྱེད་བྱེད
དབུགས་ནི་བརྩེགས་མར་ཡང་རྒོད་ན
དེ་ཡང་ཟླ་པ་དྲུག་ནའོ
སྣ་ཡི་མ་སི་ཀ་ཆད་ན
ཞག་བདུན་ན་ནི་འགུམ་པར་འགྱུར
མིག་གི་བ་ར་ན་ཆད་ན
ཞག་ལྔ་དག་ན་དེ་ཡང་འགུམ
འགྲམ་པ་གཡོན་གྱི་ཤ་ཤོར་ན
ཞག་གཅིག་ན་ནི་དེ་ཡང་འགུམ
སྟེང་འོག་སོ་ནི་འཐམ་གྱུར་ན
ཞག་གསུམ་གྱིས་ནི་གདོན་མི་ཟ
ལྕེ་ལ་ནག་པོའི་ཐིག་བྱུང་ན
ཞག་གཉིས་ཀྱིས་ནི་དེ་ཡང་འགུམ
རྣ་བ་མགོ་ལ་འབྱར་གྱུར་ན
དེ་ནི་དེ་ནུབ་ནམ་ཕྱེད་དོ
བྲང་གི་ལྷེན་སྣ་ཞོམ་པ་ན
ཟླ་བ་ཕྱེད་ན་གདོན་མི་ཟ
གཉིད་ལོག་རྩ་ནི་མེད་པ་ན
དེ་ཡང་ཟླ་བ་ཕྱེད་ནའོ
གལ་ཏེ་རང་གི་དོན་བྱེད་ན
ནམ་མཁའི་ཁམས་ཀྱི་གཟུགས་བརྙན་ནི
མི་རྟག་གྱུར་ཏེ་ཡལ་བ་ན
༢༠༧
ཟླ་གསུགས་མེད་དེ་འཆི་བ་ཡིན
ཡན་ལག་བཞི་ཆད་ཟླ་བཞིའོ
དེ་སྟེར་མགོ་ཆད་ཟླ་གསུམ་ནའོ
སྟོད་སྨད་བྱེ་ན་ཟླ་གཉིས་ནའོ
ཐུམ་པོར་དྲིལ་ན་ཟླ་གཅིག་ནའོ
དེ་ཡི་དུས་ཚོད་ཤེས་པར་བྱ
གནམ་ས་གཉིས་ཀྱི་འབྲེལ་ཐག་ནི
གལ་ཏེ་ཆད་པར་གྱུར་པ་ན
ཞག་ནི་བཅུ་དགུ་ལས་མི་ཐུབ
རི་རབ་ཀྱི་ནི་ལོགས་དག་ནས
སེང་གེ་??་ན
བཅུ་དྲུག་ཞག་གིས་གདོན་མི་ཟ
གལ་ཏེ་རི་དང་ཐད་མཚམས་སུ
དཔག་བསམ་ལྗོན་ཤིང་སྐེད་ཆག་ན
འདི་དག་ཀྱང་ནི་མཁས་པས་བརྟགས
རྒྱ་མཚོ་ཆུ་ཡི་སྤྲིས་ཡལ་ན
འདི་ཡང་རིམ་པ་མཁས་པས་དབྱེ
ས་ཡི་གྲོང་ཁྱེར་དག་ཏུ་ནི
དགེ་སྦྱོང་དུ་བ་ཉིད་ཆད་ན
ཞག་ནི་དགུ་ནས་དེ་བཞིན་འགུམ
རི་རབ་རི་ཡི་རྩེ་མོ་ན
མི་འགྱུར་པ་ཡི་ཉི་ནུབ་ན
ཞག་ནི་གསུམ་ནས་དེ་ཡང་འཆི
ཆོག་རྣམས་ནི་རབ་སྤངས་ནས
རང་གི་སྙིང་པོའི་དོན་ལ་བརྟགས
རི་རབ་དག་གི་ཁོང་སེང་ནས
མཁའ་འགྲོ་མ་ཡི་སྒྲ་ཆད་ན
བཅུ་གསུམ་ཉིད་དམ་ལྔ་ནའོ
གལ་ཏེ་དཔག་བསམ་ལྗོན་ཤིང་ལས
༢༠༨
འཆི་བདག་གི་ནི་བདུད་ལངས་ན
ཞག་བདུན་གྱིས་ནི་གདོན་མི་ཟ
དེ་ནི་ཕན་པར་མི་འགྱུར་གྱིས
སྟོང་པ་ཉིད་ལ་གོམས་པ་གཅེས
སྟོང་པ་གསལ་བའི་སྙིང་པོ་ཅན
གསལ་བ་རིག་པའི་སྙིང་པོ་ཅན
རིག་པ་འོད་ཀྱི་ཁང་པ་ཅན
སྒྲོན་མ་བཞི་ལ་གོམས་པ་གཅེས
དེ་ལྟར་འཆི་བའི་རྟགས་དེ་རྣམས
ལུས་ཅན་རྣམས་ལ་རིམ་པ་བཞིན
རིམ་གྱིས་དེ་དག་ལུས་ལ་འབྱུང
དེ་དག་སུ་ལ་བྱུང་བ་ནི
གདོན་མི་ཟ་བར་འཆི་བ་ཡིན
འདི་ནི་གོམས་ཤིང་བལྟ་བ་གཅེས
འབྱུང་བའི་དུས་རྣམས་མོད་ལ་ཡང
སུ་ཡིས་ཤེས་པ་ཆོ་གས་བཟློག
དེས་ན་ཡང་ནི་བལྟས་ཡང་བྱ
མི་རྟོག་ཐུབ་པ་ཡང་ཉོན་ཅིག
དེ་ལྟར་འཆི་བའི་རྟགས་བྱུང་ན
འཆི་བ་བསླུ་བའི་ཆོ་ག་བཤད
སྐྱེས་བུ་ལྡོག་པའི་ལས་རྩོམ་པས
རང་གི་བླ་མ་དགེ་འདུན་དང
ཚོགས་བསགས་ཞིང་ནི་ཁྱད་པར་ལ
ཡོན་དང་སྟོན་མོས་མཉེས་བྱས་ལ
ཆོ་ག་འདི་དག་བརྩམ་པར་བྱ
འབྱུང་བའི་དགྲ་རྣམས་ཆ་མཉམ་ཕྱིར
ཏ་ལ་དག་གི་ལོ་མ་ལ
འབྱུང་བ་ལྔ་ཡི་འཁོར་ལོ་ནི
༢༠༩
རྩིབས་བཞི་མུ་ཁྱུད་བཅས་པ་ལ
ས་ཆུ་ཀེ་རླུང་ནམ་མཁའ་ལ
འཁོར་ལོ་དག་ནི་ལྔ་བྱས་ལ
ཁ་དོག་ལྔ་ནི་འབྱུང་བསད་བྱེ
ལྟེ་བ་རྩིབས་དང་ལྔ་རྣམས་ལ
རང་རང་གིས་ནི་ཡི་གེ་ལྔ
མུ་ཁྱུད་ཨ་ལིའི་ཚོགས་ཀྱིས་བསྐོར
དེ་ལྟར་འཁོར་ལོ་ལྔ་བྲིས་ཏེ
མཆོད་དང་བསྟོད་དང་སྡིག་པ་བཤགས
སོ་སོར་ཅི་འདོད་གསོལ་བ་གདབ
ལྟེ་བར་འབྱུང་བའི་ལྷ་བསམས་ལ
ཡི་གེ་གྲངས་ནི་བརྗོད་ལ་བསྟིམ
དེ་ནས་ཁམ་ཕོར་ཁ་སྦྱོར་དུ
འཁོར་ལོ་དེ་ཀུན་བཅུག་ནས་ནི
ཚོན་སྐུད་ལྔ་ཡིས་རྒྱ་གྲམ་བཅིངས
ཤིང་སྣ་དང་ཆུ་སྣ་དང་མེ་སྣ་དང་ས་སྣ
རིགས་མི་མཐུན་པའི་ཁ་རླངས་ལ
དེ་ཀུན་བསྲེས་ལ་ངར་ཟན་དང
བསྲེས་ལ་གཟུགས་ནི་ཁྲུ་གང་བྱ
དབང་པོ་ལྔ་ལ་ཡི་གེ་ནི
༢༡༠
རྒྱ་ཤོག་ལ་བྲིས་ཏེ་ཁོལ་གཏུམ་གཞུག
དེས་ནི་འབྱུང་བ་ཉམས་པ་གསོ
གལ་ཏེ་གདོན་གྱིས་བཟུང་བ་ན
ངར་ཟན་སྐྱེས་བུའི་ལོ་སོང་ཚད
ཁ་དོག་ཉིད་ནི་བསྒྱུར་བྱས་ལ
རང་གི་དྲི་མ་གོས་དུམ་དང
དེ་བཞིན་འབྱུང་བའི་རྫད་རྣམས་ཀྱང
ཟན་དང་བསྲེས་ནས་གཟུགས་སུའོ
བལ་ཚོན་དར་དང་སྒྲོ་རྣམས་ཀྱིས
གཟུགས་དེ་རྣམས་ནི་བརྒྱན་བྱས་ལ
དེ་རྣམས་དང་ནི་མཐུན་པ་ཡི
གཏོར་མ་དག་ཀྱང་དེ་བཞིན་ནོ
གཟུགས་དེའི་ཐ་མར་ངར་གླུད་ནི
རྣལ་འབྱོར་ལོ་གྲངས་ཙམ་གྱིས་བསྐོར
བྱིན་གྱིས་བརླབས་ལ་ཚིག་འདི་བརྗོད
ཁྱེར་ཅིག་ཁྱེར་ཅིག་སྟོབས་ལྡན་རྣམས
སྲེད་དང་ཆགས་དང་ཞེན་པ་རྣམས
དྲན་དང་གཟུང་དང་བསམ་དང་རེག
གློད་དང་ཞི་དང་གྲོལ་བར་མཛོད
ཚིག་ནི་དེ་ཀུན་ལན་གསུམ་བརྗོད
དེ་ནས་ཆུ་བོའི་གཞུང་ལ་བསྐྱལ
འཆི་བ་ལས་ནི་བཟློག་པ་ལ
ཐེ་ཚོམ་མེད་དོ་ན་ར་ཀན
མི་རྟོག་ཐུབ་པས་ཡང་གསོལ་བ
ཀྱེ་ཀྱེ་སྟོན་པ་རྡོ་རྗེ་སེམས
༢༡༡
འཆི་བཟློག་པ་དེ་ལྟར་ན
སྐྱེས་བུ་འབྱུང་བའི་སྟོབས་ཟད་ནས
གལ་ཏེ་འཆི་བ་ཉིད་ཀྱི་ཚེ
ཏིང་ངེ་འཛིན་གྱི་བར་དོ་ལ
ཡེ་ཤེས་གསལ་ནི་ཇི་ལྟར་གདབ
ཆོས་ཉིད་དག་གི་བར་དོ་ལ
ཡེ་ཤེས་ངོས་ནི་ཇི་ལྟར་གཟུང
འཆི་གའི་སྣང་བ་ཅི་ལྟ་བུ
དེ་ཚེ་ཐབས་ནི་ཅི་ལྟར་གཟུང
འདི་ལ་བདག་ནི་ཐེ་ཚོམ་པས
སྟོན་པས་དོན་ཉིད་འདི་གསུངས་ཤིག
དེ་ནས་སྟོན་པས་བཀའ་སྩལ་པ
མི་རྟོག་ཐུབ་པ་ཡང་ཉོན་ཅིག
གལ་ཏེ་ཚེ་ཡི་དུས་ཟད་ན
སྐྱེས་བུ་ཤི་བ་ཞེས་བྱར་འགྱུར
གཟུགས་ཀྱི་ཕུང་པོ་རྡོས་པ་ཅན
ཐོག་མ་འབྱུང་བས་བསྐྱེད་པའི་ཕྱིར
ཐ་མ་ཡང་ནི་འབྱུང་བས་འཇིག
ལུས་ཀྱི་འབྱུང་བ་ལྔ་རྣམས་ནི
ནང་མི་མཐུན་པའི་རྐྱེན་གྱིས་ནི
ཚེ་ཡི་འདུ་བྱེད་གང་བྱས་པ
གློ་བུར་རྐྱེན་གྱིས་ཤི་བའོ
འབྱུང་བ་རང་ལ་རང་ཐིམ་ནས
སྐྱེས་བུ་ཚེ་ཡི་དུས་ཚོད་ཟད
འཆི་བའི་དུས་ལ་བབ་ཅེས་བྱ
དེ་ཡང་བསྟན་པ་འདི་ལྟར་ཡིན
སྐྱེས་བུའི་ལུས་ལ་ནད་བཏབ་ན
རྟགས་འདི་སུ་ལ་བྱུང་བ་དེ
ཤི་བའི་དུས་ནི་བཏབ་པ་ཡིན
ས་ནི་ས་ལ་ཐིམ་པ་དང
༢༡༢
དེ་བཞིན་ཆུ་དང་མེ་དང་རླུང
སོ་སོར་རང་ལ་ཐིམ་པ་ནི
སྐྱེས་བུའི་ལུས་ལ་འདི་ལྟར་རོ
ས་ནི་རང་ལ་རང་ཐིམ་པས
ལུས་ནི་ལྗི་ཞིང་ས་མི་ཐེག
ལངས་དང་འགྲོ་བའི་སྟོབས་ཀུན་ཟད
ཆུ་ནི་ཆུ་ལ་ཐིམ་པའི་ཚེ
ཁ་ཆུ་སྣ་ཆུ་འཛག་པར་བྱེད
དེ་བཞིན་མེ་ལ་མེ་ཐིམ་པས
ཁ་སྣ་དག་ནི་རབ་དུ་བསྐམ
ལུས་ཀྱི་མཐའ་ནས་དྲོད་རྣམས་འཆོར
དེ་བཞིན་རླུང་ལ་རླུང་ཐིམ་པས
དབུགས་ནི་ངར་ངར་ཡན་ལག་འཕྲ
མིག་ཀྱང་གྱེན་ལ་ལོག་པར་འོང
རྟགས་འདི་སུ་ལ་བྱུང་བ་དེ
འདི་ལ་མི་གནས་ཕ་རོལ་དུ
ངེས་པ་དུ་ནི་འགྲོ་བས་ན
དེ་ཚེ་བླ་མའི་གདམས་ངག་རྣམས
རང་གིས་རྒྱུད་ལ་འདྲིས་པར་བྱ
དོན་འདི་རྣམས་ཀྱིས་གསལ་ཡང་གདབ
དེ་ཚེ་སྐྱེས་བུ་སྐལ་ལྡན་དེ
སྣང་བ་ཉིད་ནི་རང་གསལ་ན
མི་གནས་ཤིས་པ་རང་སོ་ཞེས
རླུང་བཞི་རིམ་གྱིས་ཞི་ནས་ཀྱང
རླུང་ཆེན་དག་གིས་བསྐྱོད་པའི་ཚེ
ཡུལ་དང་གནས་ལ་འཇུག་པ་དང
སྐུ་དང་ཡེ་ཤེས་འཇུག་ལུགས་བསྟན
ལུས་གནད་དག་ལ་འཇུག་ལུགས་ནི
གྲོང་འཕོ་གྲོང་འཇུག་གདམས་པ་སྟེ
རྣམ་ཤེས་རླུང་ཞོན་རླུང་ལ་སྦྱང
དེ་ཡང་གོང་དུ་འབྱོངས་པ་གཅེས
༢༡༣
རིག་པ་སྡུད་དང་འཕང་བ་གཅེས
དེ་ཡང་ཧིག་གིས་འཕང་བའོ
དེ་ཉིད་བླ་མའི་ཞལ་ལ་ཐུག
སྐུ་དང་ཡེ་ཤེས་འཇུག་ལུགས་ནི
རིག་པ་འདི་ལྟར་གཏད་པར་བྱ
ཕུང་པོ་སེང་གེའི་ཉལ་ལུགས་ཀྱིས
རིག་པ་ཉིད་ནི་མིག་ལ་གཏད
ཡུད་ཙམ་བར་སྣང་ལམ་དུ་བྱ
དབྱིངས་དང་རིག་པ་མ་འགྱུར་ན
མི་དེ་བར་དོ་མེད་པར་ནི
སངས་རྒྱས་ས་ལ་ཐེ་ཚོམ་མེད
ཤི་བའི་དབུགས་ཀྱང་དལ་བར་འགྱུར
གལ་ཏེ་དབྱིངས་རིག་མི་གསལ་ན
ཆོས་ཉིད་བདེ་བའི་བར་མ་དོར
རིག་པའི་སྣང་བ་གཟུང་བའི་ཕྱིར
སྔར་བསྟན་འོད་རྣམས་ཡིད་ལ་བྱ
དེས་ནི་བདེ་བའི་སྣང་བ་ཐོབ
གལ་ཏེ་དེ་དག་མི་གསལ་ན
རང་གི་བླ་མ་གནས་ས་ན
གོང་གི་གདམས་པ་གསལ་ཡང་གདབ
བླ་མ་མེད་ན་རྡོ་རྗེའི་སྤུན
ཤེས་པ་གསལ་ཡང་གདབ་པར་བྱ
གལ་ཏེ་གཞན་གྱི་དོན་བྱེད་ན
དེ་ཉིད་ཐུགས་རྗེས་གཟུང་བའི་ཕྱིར
སྒོ་གསུམ་དག་ནི་སྒོ་སྤྲད་དེ
དབུགས་ནི་བསྟུན་ཏེ་རྔུབ་དང་འཕང
༢༡༤
ཡི་གེ་འབྲུ་གསུམ་གཞུག་པ་ནི
ལུས་དང་དག་ཡིད་སྟོབས་སྐྱེད་ཕྱིར
དབུགས་དང་བཅས་ཏེ་མཁས་པས་བྱ
དེ་ལྟར་ཡང་དང་ཡང་བྱས་ན
དེ་ཡི་སྣང་བ་འདི་ལྟ་བུ
གལ་ཏེ་ལས་ཀྱི་སྟོབས་རྙེད་ནས
གདམས་པ་དག་ནི་གདབ་པར་བྱ
འོན་ཏེ་ཤེས་པ་གསལ་གྱུར་ན
དགོངས་པ་ཉིད་ལ་མཉམ་པར་བཞག
དབང་པོའི་སྒོ་རྣམས་རང་གྲུབ་ན
མིག་གིས་དེ་ཉིད་བལྟ་རུ་གཞུག
མཉམ་པར་གནས་པའི་སེམས་བྱུང་ན
མི་རྟོག་ལྡན་པའི་ཏིང་འཛིན་བསྒོམ
ཕྱི་ཡི་སྣང་བ་འདི་ལྟ་བུ
གལ་ཏེ་དོན་ནི་གྱེན་ཡལ་ནས
དབུགས་ཆེན་འབྱིན་པར་བྱེད་པ་ཡིན
མིག་ནི་མི་གསལ་རབ་རིབ་ན
ངན་སོང་གནས་རྣམས་དག་ཏུ་སྐྱེ
ལག་པ་དག་ནི་གཡས་གཡོ་བ་ན
མི་དེ་ལྷ་ཡི་གནས་ནའོ
ཁ་ན་ཚིག་ནི་འཆོལ་བ་ན
ལྷ་མིན་གནས་སུ་དེ་བཞིན་སྐྱེས
རྐང་པ་གཡོན་པ་ས་ལ་བརྡེག
དེ་ནི་དམྱལ་བའི་གནས་སུའོ
ལུས་ཀྱི་མདོག་ནི་སེར་བཀྲག་མེད
འདི་ནི་ཡི་དྭགས་གནས་སུའོ
ཁ་ནས་སེམས་ཅན་སྐད་བཞིན་འདོན
༢༡༥
དེ་ནི་བྱོལ་སོང་གནས་སུའོ
ཡང་ན་ཁ་ལྐུགས་སོ་འཐམ་ན
དེ་བཞིན་བྱོལ་སོང་སྐྱེ་ངེས་སོ
ཚིག་གསལ་དྲན་པ་མ་ཉམས་ན
དེ་ནི་མི་ཡི་གནས་སུའོ
ཕྱི་ཡི་རྟགས་ནི་དེ་དག་དང
ནང་གི་རྟགས་ནི་འདི་དག་སྦྱར
སྤྱི་བོར་དྲོད་རྣམས་འདུས་པ་ན
དེ་ནི་ལྷ་ཡི་གནས་སུའོ
དེ་བཞིན་རྐང་མཐིལ་དྲོད་འདུས་ན
དེ་ནི་དམྱལ་བའི་གནས་སུའོ
མཆན་ཁུང་གཡས་སུ་དྲོད་འདུས་ན
དེ་ནི་ལྷ་མིན་གནས་སུའོ
དེ་བཞིན་ཁར་ནི་དྲོད་འདུས་ན
མི་དེ་ཡི་དྭགས་གནས་སུ་སྐྱེ
དེ་བཞིན་མཚན་མར་དྲོད་འདུས་ན
དེ་ནི་བྱོལ་སོང་སྐྱེ་གནས་སོ
མིག་ཏུ་དྲོད་རྣམས་འདུས་པ་ན
མི་ཡི་གནས་སུ་སྐྱེ་བ་ཡིན
དེ་ལྟར་རྟགས་དང་སུ་ལྡན་ན
འདི་ན་ངེས་པ་ཁོ་ནའོ
དེ་དག་རྗེས་སུ་གཟུང་བའི་ཕྱིར
གནས་ནི་རིམ་པར་དྲང་བའི་ཕྱིར
ཡི་གེ་ཨ་ཡི་སྦྱོར་བ་ཡིས
དབུགས་དང་དེ་ཡི་གྲངས་དང་སྦྱར
གལ་ཏེ་དེ་བར་མ་ཤི་ན
སྤྱི་བོར་ཁ་གཏད་དབུགས་ཀྱིས་ནི
ཤེས་པ་ལུས་ཀྱི་དཀྱིལ་དུ་ཡང
༢༡༦
ཨ་ནི་དམིགས་ཏེ་བསྡུ་བར་བྱ
དེ་ཉིད་ཤི་བར་གྱུར་པའི་ཚེ
ཟག་པ་བཅས་པའི་ཕུང་པོ་ལ
བུམ་པ་སྤྱི་བོར་བཞག་ནས་ནི
ཡི་གེ་ཨ་ཡི་འབྲུ་ཉིད་དང
ཡེ་ཤེས་ཆུ་རྒྱུན་གྱིས་སྦྱངས་ནས
དམྱལ་བའི་གནས་རྣམས་སྟོངས་ནས་ནི
དེ་ཡང་རྟག་ཏུ་དེ་བཞིན་ནོ
ཡི་དྭགས་རྟགས་དང་ལྡན་པ་ལ
ཡི་གེ་བྷྱ་ཡི་སྦྱོར་བ་ཡིས
དབུགས་དང་བཅས་ཏེ་གྲངས་ནི་བདུན
ལྕེ་ཡི་སྟེང་དུ་བྷྱ་བཞག་སྟེ
ཤེས་པའི་ངོ་བོ་དེ་ཡིས་སྡུད
དེ་བཞིན་བུམ་པའི་ཁ་ཡི་སྟེང
ཡེ་ཤེས་ཆུ་རྒྱུན་གྱིས་བཀྲུས་ནས
ཡི་དྭགས་གནས་རྣམས་སྟོངས་ནས་ནི
མི་དེ་ཡང་ནི་དེ་ལྟར་རོ
བྱོལ་སོང་རྟགས་དང་སུ་ལྡན་པ
ཡི་གེ་རྒྱ་ཡི་སྦྱོར་བ་ཡིས
འདིས་ནི་གནས་རྣམས་སྦྱང་བར་བྱ
དབུགས་དང་བཅས་ཏེ་ལན་གྲངས་དགུ
མཚན་མར་རྒྱ་ཡིས་བཏབ་ནས་ནི
ཤེས་པ་རྣམས་ནི་སྟོང་པ་ཡིས
ཡང་ཡང་རླུང་དང་བཅས་ཏེ་འཕང
དེ་བཞིན་བུམ་པ་མཚན་མའི་སྟེང
ཡེ་ཤེས་ཆུ་རྒྱུན་གྱིས་བཀྲུས་ནས
བྱོལ་སོང་གནས་རྣམས་སྟོངས་ནས་ནི
མི་དེ་ཡང་ནི་དེ་ལྟར་རོ
གང་ཞིག་ལྷ་ཡི་རྟགས་བྱུང་ན
༢༡༧
ཡི་གེར་ཏམ་གྱི་སྦྱོར་བ་ཡིས
དབུགས་དང་བཅས་ཏེ་གྲངས་ནི་ཡང
བཅུ་གཅིག་ལྡན་པས་ཤེས་པ་སྦྱངས
སྤྱི་བོར་ཡི་གེ་ཏམ་བཞག་སྟེ
ཤེས་པ་ཟག་མེད་མིག་ཏུ་དྲངས
དེ་བཞིན་བུམ་པ་སྤྱི་བོའི་སྟེང
ཡེ་ཤེས་ཆུ་རྒྱན་གྱིས་སྦྱངས་ན
ལྷ་ཡི་གནས་རྣམས་སྟོངས་ནས་ནི
དེས་ནི་མི་ཡི་སྐྱེ་གནས་ཐོབ
ལྷ་མིན་རྟགས་དང་སུ་ལྡན་པ
ཡི་གེ་ཀམ་གྱི་སྦྱོར་བ་ཡིས
དབུགས་དང་བཅས་ཏེ་ཉི་ཤུའི་གྲངས
མཆན་ཁུང་ཉིད་ནི་གཡས་སུ་ཡང
ཡི་གེ་ཀེམ་ནི་མཁས་པས་བཞག
ཤེས་པ་མཉམ་པ་ཆེན་པོར་སྤྲོ
དེ་བཞིན་བུམ་པ་མཆན་ཁུང་སྟེ
ཡེ་ཤེས་ཆུ་རྒྱུན་གྱིས་བཀྲུས་ན
ལྷ་མིན་གནས་རྣམས་སྟོངས་ནས་ནི
དེ་ཡང་མི་ཡི་སྐྱེ་གནས་ཐོབ
དེ་ལྟར་རྗེས་སུ་བཟུང་བ་ཡིས
རིམ་པས་གནས་ནས་འཕོས་ནས་ནི
རིམ་པས་ཚེ་ཚད་ཉུང་གྱུར་ནས
མི་ཡི་གནས་ནི་བདེ་བ་རྙེད
དེ་ལྟར་ཆོ་ག་ལྡན་པའི་ཚེ
མི་དེ་དབུགས་དང་མ་བྲལ་ན
ཡི་གེ་དབུགས་དང་བཅས་པ་ཡིས
ཐེ་ཚོམ་མེད་པར་གནས་རྣམས་སྦྱངས
༢༡༨
གལ་ཏེ་དབུགས་དང་བྲལ་བ་ན
ཕུང་པོའི་གནས་སུ་བུམ་པ་ཡི
ཡེ་ཤེས་ཆུ་རྒྱུན་གྱིས་སྦྱངས་ན
དེ་ཡང་ཐེ་ཚོམ་མི་ཟའོ
གལ་ཏེ་ཕུང་པོ་མེད་པ་ན
འདི་ཉིད་ཤི་ནས་ཞག་གྲངས་ནི
ཉི་ཤུ་རྟ་གཅིག་བར་དུ་ཡང
བཏུན་པའི་ཚེ་ན་ཆོ་ག་འབད
དམིགས་པའི་ཏིང་འཛིན་ལྡན་པ་གཅེས
ཡང་ན་བདུན་ཕྲག་བདུན་དུ་བྱ
དེ་ཚེ་དེ་ལ་ལམ་ཡང་བསྟན
ཆོས་ནི་སྣ་ཚོགས་བཤད་པར་བྱ
དེ་ལྟར་ཆོ་ག་སུ་ལྡན་པ
འདི་ཉིད་ལ་ཡང་ཐེ་ཚོམ་མེད
ངེས་པར་འབྲས་བུ་ཐོབ་པའོ
མི་རྟོག་ཐུབ་པ་ཡང་ཉོན་ཅིག
དེ་ལྟར་གོང་དུ་བསྟན་པ་རྣམས
ཐ་མལ་རྣམས་ཀྱི་འཆི་ལུགས་ཏེ
རྣལ་འབྱོར་པ་ནི་འདི་ལྟར་བརྟགས
ཐ་མའི་དབང་པོ་ཐ་མ་ན
སྲིད་པ་བར་དོར་འཕྲོ་མཐུད་དེ
དཔེར་ན་རྐང་ཆག་ཝ་བཞིན་ནོ
དེ་བཞིན་དབང་པོ་འབྲིང་པོ་རྣམས
རི་དྭགས་ལྟ་བུའི་འཆི་ལུགས་ནི
རྣལ་འབྱོར་པ་ཡི་འཆི་ལུགས་སོ
དེ་བཞིན་སེང་གེ་ལྟ་བུ་དང
གང་ཞིག་སྤྲང་པོ་ལྟ་བུ་དང
དེ་བཞིན་བུ་ཆུང་ལྟར་ཤི་བ
རྣལ་འབྱོར་འབྲིང་གི་གིས་ཡིན
༢༡༩
གང་ཞིག་མཁའ་འགྲོའི་འཆི་ལུགས་དང
དེ་བཞིན་རིག་འཛིན་འཆི་ལུགས་དང
མེ་དཔུང་ལྟ་བུ་རང་ཟད་དང
མི་སྣང་ནམ་མཁའ་ཁུ་རླངས་དང
འདི་ཀུན་འབྱུང་བ་རང་ཟད་པར
མི་སྣང་མི་ལེན་འདི་ལྟ་བུ
རྣལ་འབྱོར་རབ་ཀྱི་སྤྱོད་ལུལ་ཏ
འདི་ལ་གོམས་པས་རང་ཤུགས་རྙེད
ཤི་ཁར་འདི་དག་ཤེས་པ་ཡིས
ལུས་སེམས་འཕོ་བའི་མཚན་ཉིད་ཤེས
འདི་ལྟར་གནས་པའི་རྣལ་འབྱོར་ལ
འཆི་བ་བརྟགས་དང་མི་བརྟག་མེད
དེ་བཞིན་འཇིགས་པ་ཀུན་བྲལ་ཏེ
ལུས་ཀྱི་ཞེན་པའི་མཐའ་དང་བྲལ
ལྟ་བ་ཉིད་དང་སྒོམ་པས་ཀྱང
རྣལ་འབྱོར་ལྡན་ལ་ཕན་གནོད་བྲལ
ཕན་བྲལ་གནོད་པའི་འབྲས་མེད་པས
འདི་ལ་གནས་པའི་ཡུལ་ཡང་མེད
རྒྱུ་དང་འབྲས་བུའི་རྣམ་སྨིན་བྲལ
དེ་ཕྱིར་འདི་ལ་གོམས་པ་མཆོག
རང་ཤར་རང་གྲོལ་སྐྱེ་མེད་ཀློང
དུས་མ་འགྱུར་བར་སྣང་བ་འགྱུར
ལྷུན་གྲུབ་ཀ་དག་ཀློང་དུ་ཐིམ
རེ་དོགས་གཉིས་ཀྱི་མཐའ་དང་བྲལ
རྒྱུ་འབྲས་གཉིས་ཀྱི་མཐའ་ཟད་ནས
དབྱིངས་རིག་གཉིས་མེད་ཀ་དག་ཀློང
དེ་ཕྱིར་འདི་དག་རྟོགས་པས་ཆོག
༢༢༠
བྱར་མེད་ལྷུན་རྫོགས་ཆེན་པོའོ
ཞེས་ཉི་ཟླ་ཁ་སྦྱོར་གསང་བའི་རྒྱུད་ལས་འཆི་ཀ་མའི་བར་དོ་བསྟན་པའི་ལེའུ་སྟེ་གསུམ་པའོ
༄༤
དེ་ནས་མི་རྟོག་ཐུབ་པས་ཡང་གསོལ་པ
ཀྱེ་མ་སྟོན་པ་རྡོ་རྗེ་སེམས
འཆི་ཀའི་བར་དོ་དེ་ལྟར་ན
ཆོས་ཉིད་བར་དོ་ཅི་ལྟར་ལགས
དོན་འདི་བདག་ལ་བཀའ་སྩོལ་ཅིག
དེ་ནས་བཅོམ་ལྡན་འདས་ཀྱིས་མི་སྣང་བ་རབ་ཏུ་འབྱེད་པའི་ཏིང་ངེ་འཛིན་ལས་བཞེངས་ནས་བཀའ་སྩལ་པ
ཀྱེ་མ་མི་རྟོག་ཐུབ་པ་ཆེན་པོ་ཉོན་ཅིག
དེ་ལྟར་ཚེའི་འདུ་བྱེད་བྱས་པ་ཐམས་ཅད་ལ་ཆོས་ཉིད་ཀྱི་བར་མ་དོ་ཞེས་བྱ་བ
འདི་ལྟར་སྣང་བ་འདི་ནུབ་སྟེ
ཕུང་པོ་མེད་ཅིང་ཟག་བཅས་བྲལ
སྣང་བ་ཐམས་ཅད་བདེ་བའི་ཞིང
རང་སྣང་དག་པའི་སྐུར་སྣང་སྟེ
ཆོས་ཉིད་ཞིང་ཁམས་སྣང་བ་ལ
རང་སྣང་དག་པའི་སྐུར་སྣང་སྟེ
འདི་ལ་ཐེ་ཚོམ་སུས་ཟ་བ
རྒྱལ་བ་རྣམས་ཀྱི་སྐུ་ལ་བསྒྲིབ
ཅེས་གསུངས་སོ
ཡང་གསོལ་བ
ཀྱེ་བཅོམ་ལྡན་འདས་དེ་ལྟ་བུའི་སྣང་བ་དེ་རང་ཅི་ལྟ་བུ་བདག་ལ་གསུང་དང
ཡང་བཀའ་སྩལ་པ
ཀྱེ་མི་རྟོག་ཐུབ་པ་ཆེན་པོ་ཁྱོད་ཉོན་ཅིག
༢༢༡
རང་བཞིན་དག་པའི་སྣང་བ་འདི་ལྟ་སྟེ
སྐྱེས་བུ་རྣམས་ཀྱི་རྣམ་པར་ཤེས་པ་འོད་གསལ་ལ་ཐིམ་པ་ཞེས་བྱ་སྟེ
དབུགས་ཕི་ནང་གི་འགྲུལ་ཐག་ཆད་མ་ཐག་ཏུ
རང་གི་དབང་པོ་རྣམས་ཀྱི་ཆ་ལས་དངོས་པོར་སྣང་བ་ནི་མེད་དེ
ཡོད་སྙམ་པའི་ཤེས་པ་ནི་འབྱུང་ངོ
རྡོས་བཅས་ཀྱི་ལུས་ནི་མི་སྣང་སྟེ
འོད་ཀྱི་ལུས་སུ་སྣང་བའོ
དེའི་ཚེ་དབང་པོའི་སྤྱོད་ཡུལ་དུ་གྱུར་ཚད་ཙམ་འོད་ཟེར་ལྔའི་དཀྱིལ་འཁོར་དུ་སྣང་བའོ
དེ་ཡང་སྣང་བ་དེ་དག་ནི་ཕྱི་ནས་བལྟས་ན་ནང་གསལ་བ
ནང་ནས་བལྟས་ན་ཕྱི་གསལ་བ
ཕྱི་ནང་མེད་པ་ཀུན་ཏུ་ཟང་ཐལ་བ
ལྟེམ་བཞིན་པ
མེར་བཞིན་པ
མནན་ན་ནེ་མ་སྙམ་པ
བཏེག་ན་འཕར་བསྙམ་པ
ཤིན་ཏུ་ཡིད་འཕྲོག་པ
ཁ་དོག་གསལ་བ་ལ
སོ་སོར་མ་འདྲེས་པར་རང་གསལ་བ
ཆ་མཉམ་པ་ལ་གསལ་བའི་ཆ་མ་འགགས་པ
ཡང་དག་པར་བལྟས་ན་ཤིན་ཏུ་ཕྲ་བ་དང
འགྱུ་བ་དང
འགུལ་བ་ལྟ་བུ་དང
འཕྲིགས་པ་ལྟ་བུ་དང
རབ་ཏུ་འཚེར་བ་ལས་ལྷུན་བརྗིད་པའི
ཤིན་ཏུ་རྒྱ་ཆེ་ལ་དཔག་པའམ་དམིགས་སུ་མ་ཚུད་པ
འཕང་མཐོལ་རྩེ་མོ་ཡངས་པ་ཞེས་བྱ་སྟེ
༢༢༢
དཀྱིལ་འཁོར་ཐམས་ཅད་ཀྱི་འབྱུང་གནས་སུ་བཞུགས་པའོ
དེ་ཡང་ཁ་དོག་ནི་ལྔ་སྟེ
དཀར་པོ་རང་ས་ནགས་ལ་བ་ལ་ཟེར་འཕྲོ་བ་དང
དེ་བཞིན་དུ་སེར་པོ་རང་ས་ན་གསལ་བ་ལ་ཟེར་འཕྲོ་བ་དང
དམར་པོ་རང་ས་ནགས་ལ་བ་ལ་ཟེར་འཕྲོ་བ་དང
ལྗང་གུ་ཉིད་རང་ས་ན་གསལ་བ་ལ་ཟེར་འཕྲོ་བ་དང
དེ་བཞིན་དུ་མཐིང་ག་ཉིད་རང་ས་ན་གསལ་བ་ལ་ཟེར་འཕྲོ་བ་སྟེ
དེ་དག་རེག་ལ་མ་འབྱར་བར་སོ་སོར་ཁ་དོག་རང་གསལ་བ་དང
ཤིན་ཏུ་ལྷུན་སྡུག་པར་གནས་སོ
དེ་ལན་སྐྱེས་བུའི་འོད་གསལ་དེ་ཟུང་འཇུག་ལ་ཐིམ་པ་ཞེས་བྱ་སྟེ
ཡང་སྣང་བ་དེ་དག་སྐུའི་རྣམ་པར་རང་ཤར་ཏེ
སྐུ་དེ་དག་ཀྱང་མི་ཆེ་བ
མི་ཆུང་བ
ཆ་མཉམ་པ
རྒྱན་དང
ཁ་དོག་དང
བཞུགས་ཚུལ་དང
གདན་ཁྲི་དང
ཕྱག་རྒྱ་དང་བཅས་ཏེ
སྐུ་དེ་དག་ཀྱང་ལྔ་ལྔའི་གཟུགས་ཀྱིས་ཁྱབ་པ
ལྔ་ཚན་རེ་རེ་ལ་འོད་ཀྱི་མུ་ཁྱུད་དང་བཅས་པ
ཡབ་ཀྱི་ཆ་འཛིན་པའི་རིགས་དང
ཡུམ་གྱི་ཆ་འཛིན་པའི་རིགས་དང
སེམས་དཔའ་དང
སེམས་མ་དང
དཀྱིལ་འཁོར་ཐམས་ཅད་གཅིག་ལ་རྫོགས་པར་གནས་སོ
དེའི་ཚེ་རང་གི་སྙིང་ག་ནས་འོད་ཤིན་ཏུ་ཕྲ་བ་ཞིག་འཆར་ཏེ
དེ་སྐུ་ཐམས་ཅད་ཀྱི་ཐུགས་ཀར་འབྲེལ་ཏེ་འཆར་རོ
༢༢༣
དེ་ལ་རང་གིས་ཤེས་པ་ཟིན་ཏེ
མི་རྟོག་པའི་བསམ་གཏན་ལ་རང་བཞིན་གྱིས་གནས་སོ
དེ་ནི་རིག་པ་འོད་ལ་འཇུག་པ་ཞེས་བྱ་སྟེ
སྣང་བ་དེ་ཀུན་ཀྱང་རབ་ཏུ་འཕྲིགས་པར་མངོན་པར་འགྱུར་ཏེ
སྙིང་གའི་ཟེར་ཐག་དེ་ལ་ཡང
ཐིག་ལེ་ཕྲ་མོ་གྲངས་མེད་པ་འཆར་རོ
དེ་ནས་ཡང་རང་གི་སྙིང་ག་ནས་འོད་ཀྱི་ཟེར་ཐག་ཚོན་སྐུད་བསྒྲིལ་བ་ཙམ་ཞིག་འཆར་ཏེ
དེ་ནས་སྐུ་དེ་ཐམས་ཅད་རང་གི་ལུས་ལ་ཐིམ་པ་སྙམ་བྱེད་པའི་སྣང་བ་འཆར་ཏེ
དེ་ནི་འོད་རིག་པ་ལ་ཚུར་འཇུག་པ་ཞེས་བྱའོ
དེའི་ཚེ་སྐྱེས་བུ་རྣམས་ཀྱིས་ཡིད་ཆེས་པ་མ་པང་བུ་འཇུག་པ་ལྟ་བུའི་ཐབས་མཆོག་ཏུ་དྲན་པར་བྱའོ
ཡང་རང་གི་སྙིང་ག་ནས་འོད་ཀྱི་ཐག་པ་ཤིན་ཏུ་ཕྲ་བ་ཞིག་འཆར་ཏེ
དེའི་སྟེང་གི་རྣམ་མཁའ་ལ་གྱེན་དུ་ཟུག་པར་སྣང་ངོ
དེ་ལ་རང་གི་མིག་གིས་མ་ཡེངས་པར་བལྟས་པས
སྣང་བ་དེ་དག་མ་འདྲེས་པར
ཤིན་ཏུ་རྒྱ་ཆེ་བར་འཆར་ཏེ
དེ་ཡང་དང་པོ་མཐིང་གའི་སྣམ་བུའི་སྟེང་དུ་ཐིག་ལེ་ཟེར་དང་ལྡན་པ་མེ་ལོང་ཁ་སྦུབ་པ་ཙམ་ཤིན་ཏུ་གསལ་ལ་འཆོར་བ
དེ་ལ་ཡང་རང་བཞིན་གྱི་ཐིག་ལེ་ལྔ་ལྔས་བརྒྱན་པའོ
༢༢༤
ཡང་དེའི་སྟེང་དུ་དཀར་པོའི་སྣམ་པུའི་སྟེང་དུ་ཐིག་ལེ་ཤིན་ཏུ་གསལ་བ་གོང་དང་འདྲ་བ་འཆར་རོ
སེར་པོའི་སྣམ་བུའི་སྟེང་དུ
ཡང་ཐིག་ལེ་གོང་དང་འདྲ་བར་འཆར་རོ
དེའི་སྟེང་དུ་ཡང་དམར་པོའི་སྣམ་བུའི་སྟེང་དུ
ཐིག་ལེ་གོང་མ་ལྟར་འཆར་རོ
དེའི་སྟེང་དུ་འོང་ཟླུམ་པོ་ཤིན་ཏུ་གསལ་བ་ཞིག་གདུགས་ལྟར་འཆར་རོ
དེ་དག་ཀྱང་ཡེ་ཤེས་ལྔའི་སྣང་བ་སྟེ
བྱ་བ་གྲུབ་པའི་ཡེ་ཤེས་ཀྱི་རྩལ་མ་རྫོགས་པས་མི་སྣང་ངོ
དེ་ནི་ཡེ་ཤེས་བཞི་སྦྱོར་གྱི་སྣང་བ་ཞེས་བྱ་སྟེ
རྡོ་རྗེ་སེམས་དཔའ་ཁོང་སེང་གི་ལམ་ཞེས་བྱའོ
དེའི་ཚེ་མི་འགྱུར་བ་གསེར་གྱི་ཐུར་མ་ལྟ་བུའི་ཐབས་མཆོག་ཏུ་དྲན་པར་བྱའོ
དེ་ནས་རང་གི་ཤེས་པ་སྟེང་གི་འོད་ལ་ཐིམ་པས་ཤར་ལུགས་བརྒྱད་ཉམས་སུ་མྱོང་བའོ
དེའི་ཚེ་གོང་གི་ལོངས་སྐུ་ཁྲོ་བོའི་སྣང་བ་རྣམས་ཀྱང་མཐོང་བར་འགྱུར་རོ
ཤར་ལུགས་བརྒྱད་གང་ཞེན
ཐུགས་རྗེ་ལྟར་ཤར་བས་འཁོར་འདས་རྒྱ་མ་ཆད
འོད་ལྟར་ཤར་བས་སྣང་བ་ཐམས་ཅད་ནང་ན་གསལ
སྐུ་ལྟར་ཤར་བས་ཤེས་པའི་ཁ་ཕྱིར་མ་ཤོར
ཡེ་ཤེས་ལྟར་ཤར་བས་སྣང་བ་ཐམས་ཅད་ཟང་ཐལ
གཉིས་མེད་ལྟར་ཤར་བས་རང་གི་ཤེས་པ་རྩེ་གཅིག་ཏུ་གནས
༢༢༥
མཐའ་གྲོལ་ལྟར་ཤར་བས་མཐའ་གང་ལ་ཡང་མི་གནས
མ་དག་པ་འཁོར་བའི་སྒོ་ལྟར་ཤར་བས་སྲིད་པའི་བྱུང་ཁུངས་མ་འགགས
དག་པ་ཡེ་ཤེས་ཀྱི་སྒོ་ལྟར་ཤར་བས་ཆོས་ཉིད་མ་བུ་འབྲེལ་བའོ
དེའི་ཚེ་ཕྱིར་མི་ལྡོག་པ་དཔག་ཆེན་གྱི་མདའ་ལྟ་བུའི་ཐབས་མཆོག་ཏུ་དྲན་པར་བྱའོ
དེ་ལྟར་ཤར་བའི་ཚེ་རིགས་ཀྱི་བུ་དེ་ལ་མངོན་པར་ཤེས་པ་དྲུག་འཆར་ཏེ
སྔོན་གྱི་སྐྱེ་གནས་ཤེས་པ་དང
འཆི་འཕོ་བ་དང
སྐྱེ་བ་ཤེས་པ་དང
ཕ་རོལ་གྱི་སེམས་ཤེས་པ་དང
སྣང་བ་ལྐོག་ཏུ་གྱུར་པ་ཐམས་ཅད་ཤེས་པ་དང
རིགས་དྲུག་གི་གནས་མཐོང་ཞིང་ཤེས་པ་དང
དབང་པོ་རྣམ་པར་དག་པའི་མངོན་པར་ཤེས་པ་དང་དྲུག་འཆར་རོ
དེའི་ཚེ་རྗེས་སུ་དྲན་པ་དྲུག་ཀྱང་འཆར་ཏེ
ལྷ་རྗེས་སུ་དྲན་པས་དེ་ཉིད་དུ་ཡིད་མ་ལྷའི་ཞལ་མཐོང་བ་དང
ལམ་རྗེས་སུ་དྲན་པས་བར་མ་དོའི་ཆོས་ཉིད་ལ་དབང་བསྒྱུར་བ་དང
སྐྱེ་གནས་རྗེས་སུ་དྲན་པས་དབང་པོ་ཐ་མ་རྣམས་རང་བཞིན་སྤྲུལ་པ་སྐུའི་ཞིང་ཁམས་སུ་དབུགས་འབྱིན་པ་དང
བསམ་གཏན་རྗེས་སུ་དྲན་པས་ཞག་ལྔར་བསམ་གཏན་ལ་གནས་པ་དང
བླ་མའི་གདམས་ངག་རྗེས་སུ་དྲན་པས་རང་གི་སྣང་བ་རྣམས་དང་གཉིས་སུ་མེད་པར་སྤྱོད་པ་དང
༢༢༦
བལྟ་བ་རྗེས་སུ་དྲན་པས་སྔར་འདྲིས་པའི་མི་དང་ཕྱིས་ཕྲད་པ་ཙམ་གྱིས་ངོ་ཤེས་པའོ
དེའི་ཚེ་མི་བརྗེད་པའི་གཟུངས་རྣམས་ཀྱང་རང་གི་རྒྱུད་ལ་སྐྱེ་སྟེ
སྔོན་གྱི་ཆོས་རྣམས་ཐམས་ཅད་ལ་རྒྱུད་ལ་དུས་གཅིག་ཏུ་འཆར་རོ
དེ་བཞིན་དུ་སྔར་མ་མཐོང་བའི་ཆོས་རྣམས་ཀྱང་འཆར་བས་ན་ཆོས་ཉིད་ཀྱི་བར་དོ་ཞེས་བྱའོ
རྒྱུན་གྱི་ཏིང་ངེ་འཛིན་རྒྱུད་ལ་རང་བཞིན་གྱིས་འཆར་བས་རྣམ་པར་རྟོག་པ་ངན་པ་ཅི་ཡང་མི་སྐྱེའོ
དབང་པོ་ཉི་ཤུ་རྩ་གཅིག་གི་བྱེ་བྲག་ཏུ་བརྟན་པ་ཐོབ་པ་ཡང་ཡོད་དོ
དེར་རང་གི་ཤེས་པ་མ་ཚུད་ཅིང
སྔར་བླ་མའི་ལུང་མེད་པ་རྣམས་ནི
སྣང་བ་དེ་ལ་བྲེད་པ་དང
སྡངས་པ་དང
སྡུག་པ་དང
འཇིགས་པ་དང
འདུ་ཤེས་ཤོར་བ་ལ་སོགས་ཏེ
ཡང་འཁོར་བའི་ཉེ་བར་ལེན་པའི་ཁ་ལེན་ཏེ
ཡང་དབང་པོ་ཉི་ཤུ་རྩ་གཅིག་གིས་བྱེ་བྲག་ཏུ་འཁྲུལ་པ་ཡང་ཡོད་དོ
དེ་ལྟར་དབང་པོ་གསུམ་ནི
རབ་ཀྱིས་སྐད་ཅིག་མ་གསུམ་ལ་གྲོལ་བར་འགྱུར་རོ
འབྲིང་གིས་ཞག་ལྔ་ན་བརྟན་པ་ཐོབ་པ་ཡང་ཡོད་དོ
སྐད་ཅིག་མ་ཉི་ཤུ་རྩ་གཅིག་ན་བརྟན་པ་ཐོབ་པ་ཡང་ཡིན་ནོ
༢༢༧
ཐ་མ་རྣམས་ནི་རང་བཞིན་སྤྲུལ་པ་སྐུའི་ཞིང་ཁམས་རྣམས་སུ་དབུགས་ཕྱུང་ནས
བར་དོ་མེད་པར་སངས་རྒྱས་པ་ཡིན་ནོ
དེ་ནས་མི་རྟོག་ཐུབ་པས་ཡང་འདི་སྐད་ཅེས་གསོལ་ཏོ
ཀྱེ་བཅོམ་ལྡན་འདས་དེ་དག་གི་དུས་དང་ཐབས་ཇི་ལྟ་བུ་ལགས
བདག་ལ་བསྟན་དུ་གསོལ
སྟོན་པས་བཀའ་སྩལ་པ
ཀྱེ་མི་རྟོག་ཐུབ་པ་ཁྱོད་ཉོན་ཅིག
འདི་ཡི་དུས་ནི་གསུམ་སྟེ
འཇུག་པའི་དུས་དང
གྲོལ་བའི་དུས་དང
མཐར་ཕྱིན་པའི་དུས་སོ
འཇུག་པའི་དུས་ནི་གཉིས་ཡིན་ཏེ
རིག་པ་འོད་ལ་ཕར་འཇུག་པ་དང
འོད་རིག་པ་ལ་ཚུར་འཇུག་པའོ
གྲོལ་བ་ནི་གསུམ་སྟེ
རིག་པ་ཉིད་རྐྱེན་རྣམས་དང་བྲལ་བས་འབྱུང་བ་ལས་གྲོལ་བ་དང
རིག་པ་ལ་དྲི་མ་མེད་པས་ཉོན་མོངས་པ་ལས་གྲོལ་བ་དང
རིག་པ་ཉིད་མཐའ་གང་དུ་ཡང་མ་ལྷུངས་པས་ཕྱི་ནང་གི་ཆོས་ལས་གྲོལ་བའོ
མཐར་ཕྱིན་པ་ནི
རིག་པ་ཉིད་ཆོས་ཐམས་ཅད་ཀྱི་སྣང་བ་དུས་གཅིག་ལ་གྲོལ་བར་བསྟན་པའོ
ཐབས་ནི་གཉིས་ཏེ
སྔོན་རོལ་གྱི་གདམས་པའི་གནད་དང
འདི་དུས་ཀྱི་རིག་པ་རྣོ་བརྟུལ་གྱི་ཁྱད་དོ
མི་རྟོག་ཐུབ་པས་ཡང་གསོལ་བ
ཀྱེ་ཀྱེ་བཅོམ་ལྡན་རྡོ་རྗེ་འཆང
ཆོས་ཉིད་བར་དོ་དེ་ལྟར་ན
༢༢༨
སྲིད་པའི་བར་དོ་ཇི་ལྟར་ལགས
འདི་དག་བདག་ལ་ལེགས་པར་གསུང
ཆོས་ཉིད་གནས་པའི་བར་མ་དོར
གང་གི་ཤེས་པ་མ་ཚུད་ན
འཁོར་བའི་ལམ་ནི་ཇི་ལྟ་བུ
འདི་ཀུན་བདག་ལ་གསུང་བར་ཞུ
དེ་ནས་སྟོན་པས་བཀའ་སྩལ་པ
ཀྱེ་མ་མི་རྟོག་ཐུབ་པ་ཉོན
ངས་བསྟན་ཁྱོད་ཀྱིས་ལེགས་པར་ཟུང
འདི་ཉིད་ལུང་དང་མི་ལྡན་པའི
སེམས་ཅན་ཀུན་གྱི་འཇུག་པའི་ས
སྲིད་པའི་བར་དོ་ཞེས་བྱ་བ
འཁོར་བའི་གནས་ཀྱི་ལམ་སྒོ་ནི
དཔེར་ན་ཟོ་ཆུན་བཞིན་དུ་འཁོར
ཤ་ཁྲག་རང་གའི་ལུས་བྲལ་ནས
སྒྱུ་མ་ཡིད་ཀྱི་གཟུགས་ཅན་ནོ
རྡོས་དང་བྲལ་བས་མིང་གཉིས་སོ
སྔ་མའི་ཤེས་པའི་སྣང་བ་འགགས
ཕྱི་མ་ཉིད་ནི་མ་བྱུང་བར
རིགས་ཅན་གང་དུ་མ་ངེས་པར
གང་ནུབ་གང་སྣང་དེ་སྐབས་ན
སྐད་ཅིག་གནས་པས་བར་མ་དོ
ཕྱིས་ནི་གང་སྐྱེའི་ཆ་བྱད་འཛིན
ཕྱིས་འབྱུང་ཆ་བྱད་ཡོངས་བཟུང་ནས
རིགས་དྲུག་སོ་སོའི་སྣང་ཆར་འགྱུར
འདོད་པ་ཁམས་ཀྱི་ཕྱི་སྣོད་དང
བཅུད་ནི་རང་གིས་རིག་ཅིང་གསལ
རང་གར་སྐྱེ་བའི་སྣོད་བཅུད་ཀྱང
༢༢༩
དེ་ཉིད་དུས་ན་གསལ་བའོ
འདོད་ལྡན་སྣོད་བཅུད་གསལ་བར་སྣང
དབང་རྫུ་འཕྲུལ་པོའི་ཡན་ལག་ཡོངས་རྫོགས་པས
དངོས་པོ་ཀུན་ལ་ཐོགས་མེད་ཅིང
རི་བྲག་རྣམས་ལ་ཐོགས་མེད་འཇུག
གཞན་ལས་ཚེ་ནི་ཞག་བདུན་འགྱུར
ཞག་ནི་བདུན་ཕྲག་བདུན་གྱིས་ནི
དེ་ཡི་ཚེ་ཡི་ཚད་ཡིན་ནོ
ལྷ་དང་མི་ནི་ཁ་དོག་དཀར
ལྷ་མ་ཡིན་དང་བྱོལ་སོང་སེར
ཡི་དགས་འོད་ནི་དུ་བ་འདྲ
དམྱལ་བ་སྡོང་དུ་མ་ལྟ་བུའམ
ཡང་ན་བལ་ནག་གཡེངས་པ་འདྲ
བྱོལ་སོང་ཡང་ན་ཁྲག་བརྩེས་འདྲ
ལྷ་མིན་ཁ་ཆར་འབབ་པ་བཞིན
དེ་ཚེ་ཁ་ནི་འདི་ལྟ་སྟེ
ལྷ་དང་མི་ནི་གྱེན་ལ་བལྟ
ལྷ་མིན་བྱོལ་སོང་དེ་བཞིན་འཕྲེད
ཡི་དྭགས་དམྱལ་བ་ཐུར་དུ་བལྟ
འདི་དག་དག་ཟོད་སྐྱེ་བའི་དབང
སྲིད་པའི་བར་དོའི་ལས་རྣམས་ནི
སོག་དང་མི་སོག་ལྟས་འདིའོ
རྣམ་པར་སྨིན་པའི་བག་ཆགས་མེད
བང་མའི་དབང་གིས་རྒྱུ་མཐུན་པའི
བག་ཆགས་རྣམས་ནི་འདིར་སོག་གོ
དེ་ཚེ་ཤེས་པའི་ལྟས་འདིའོ
གང་ཞིག་ལས་ནི་དག་པ་ཡི
ཤེས་པ་ཉིད་ནི་གསལ་བ་ཡིན
དེ་བཞིན་མ་དག་པ་མི་གསལ
༢༣༠
དེ་ཀུན་དགེ་སྡིག་ལས་ལས་བྱུང
དེ་ཉིད་མིང་གི་རྣམ་གྲངས་ནི
འདི་དག་རྣམས་སུ་རིག་པར་བྱ
མིང་བཞི་འདུས་པའི་བདག་ཉིད་ཅན
སྲིད་པའི་གཟུགས་དང
སྒྱུ་ལུས་དྲི་ཟ་ཉེ་བར་འཁོར
སྲིད་པའི་བར་དོ་ཕུང་མཚམས་སྦྱོར
གཟུགས་མེད་དབང་པོ་ཀུན་ལྡན་པས
ཐོགས་པ་མེད་པར་ཀུན་ལ་འཇུག
དེ་ལྟར་བར་མའི་ལུས་ཀྱི་ཚད
བྱིས་པ་ལོ་བརྒྱད་ལོན་པའམ
ལོ་བཅུ་ལོན་པའི་ལུས་ཆད་དུ
རྨི་ལམ་ལྟ་བུའི་གཟུགས་སུ་གནས
སྐྱེ་བཞི་གནས་ཉིད་ནི་རྣམ་བཞི་ལས
བརྫུས་ནས་སེས་པ་ཉིད་དུ་སྟེ
ལྷ་དང་དམྱལ་བ་བར་མ་དོ
འདི་ཀུན་བརྫུས་པ་ལས་སྐྱེའོ
སྤྱོད་པ་ཉིད་ནི་འདི་ལྟ་བུ
སྔར་ཞེན་ལས་ལ་སྤྲོ་བ་སྟེ
དེ་ཡི་རྗེས་སུ་ཞུགས་ནས་ནི
དེ་སྤྱོད་ཡིད་ཀྱི་རྗེས་སུ་འཛིན
དེ་ཉིད་འོད་ཀྱི་ཚད་རྣམས་ནི
སྔར་ཞེན་བག་ཆགས་བག་ཆུང་བ
འདི་ཡི་འོད་ནི་དཔག་ཚད་ཕྱེད
ཁ་དོག་དཀར་པོ་ལྷང་ལྷང་པོ
འདི་ནི་ལྷ་མིའི་སྐྱེ་གནས་སོ
བག་ཆགས་ཅན་ལ་གསལ་མི་སྣང
གང་གི་ལས་ནི་བཟང་ངན་གྱིས
༢༣༡
བཟང་བ་དགེ་དང་ཡིད་འོང་འཕྲད
ངན་པས་སེམས་ཅན་བག་ཆགས་ཅན
ཡིད་དུ་མི་འོང་མངལ་དུ་འཇུག
ཕྱི་མའི་ལུས་དང་འབྲེལ་བར་ནི
རང་ཤུགས་ཞེ་སྡང་སྐྱེ་བའི་རྒྱུ
དེ་བཞིན་འདོད་ཆགས་རྐྱེན་གྱིས་ནི
ཕྱི་མ་ལ་ནི་སྣང་བའི་ཚུལ
ཁམས་ནི་རྣམ་པ་གསུམ་དང་ནས
མིང་བཞིའི་ཕུང་པོ་མ་འགགས་ཏེ
ཕྱི་མ་མ་བླངས་བར་མ་སྲིད
མིང་བཞི་འདུས་པའི་ཕུང་པོ་ལས
ཤ་ཁྲག་གཟུགས་ནི་མི་སྣང་བས
གཟུགས་ནི་མེད་པའི་ཁམས་སུའོ
ཕྱི་མའི་ལུས་དང་ཉེ་བའི་ཚེ
ལྷ་ཁང་ངམ་ནི་ཡང་ཐོག་གམ
ཁང་བུ་དག་ནི་བརྩེགས་པར་མཐོང
མགལ་མེའམ་ནི་ཆར་པའམ
དེ་བཞིན་གྲང་བ་ནམ་རྨུགས་པ
སྐྱེ་བོ་འདུས་པའི་ཅ་ཅོ་དང
ངན་སོང་རྣམས་ནི་སྤྱིལ་པོའམ
ཕུགས་རྡུགས་གྲོག་པོ་སྟོང་པར་མཐོང
འདི་དག་མངལ་དུ་ཚུད་པའི་ལྟས
འགྲོ་བར་འདོད་ཀྱང་རྒྱས་འཐུམས་ཏེ
ཐོགས་པ་ཉིད་དང་བཅས་པའོ
དཔེར་ན་རྩྭས་ནི་མེ་འཛིན་དང
དེ་བཞིན་འདམ་གྱིས་རྫས་འཛིན་དང
མཁའ་འགྲོ་འདོད་པའི་དབང་གིས་ནི
༢༣༢
ས་ཁུང་བྲུས་པའི་རྙིས་འཛིན་ལྟར
དབང་མེད་ཆགས་པའི་རྙིས་འཛིན་ནོ
ཐུབ་པ་ཉིད་ཀྱིས་ཡང་གསོལ་པ
ཀྱེ་ཀྱེ་སྟོན་པ་རྡོ་རྗེ་སེམས
འདི་གདམས་པ་འདི་མཐོང་དབང་པོ་ཐ་མ་ལ
བར་མ་དོ་ཉིད་སྣང་འགྱུར་རམ
འོན་ཏེ་མི་སྣང་བའམ་ཅི
སྟོན་པས་གསུངས་པ་དེ་སྣང་སྟེ
རང་གར་འཛིན་པའི་བག་ཆགས་ཟད
རང་བཞིན་སྤྲུལ་པར་དབུགས་ཕྱུང་སྟེ
བར་དོ་མེད་པར་སངས་རྒྱས་རྙེད
འདི་ཉིད་མ་མཐོང་སེམས་ཅན་ནི
དེ་ནས་མངལ་གྱི་སྒོར་ཚུད་ནས
ཕ་དང་མ་ཡི་རྒྱུ་རྐྱེན་ལས
མེར་མེར་པོ་དང་ནུར་ནུར་པོ
ལྟར་ལྟར་པོ་དང་གོར་གོར་པོ
མཁྲད་འགྱུར་ཉིད་དང་ཉ་ལྟ་བུ
རུས་སྦལ་བཞིན་དང་སྦལ་བ་བཞིན
དེ་བཞིན་ཞག་ནི་བདུན་ཕྲག་བདུན
ལྟེ་བ་ལས་ནི་ལུས་རྣམས་བསྐྱེད
ཟླ་དགུ་དེ་བཞིན་ངོ་བཅུ་ན
ལུས་རྫོགས་མ་ཡིས་མངལ་ནས་ཐོན
དེ་ལྟར་གཟུགས་རྩོད་ནི་ཐ་དད་དུ
༢༣༣
འཁོར་བ་ཉིད་ནས་འཁོར་བའོ
མི་འཁོར་ཡེ་ཤེས་འདི་ལྟ་སྟེ
ནམ་མཁའ་ལམ་དུ་སུ་བྱེད་པ
འདི་ལ་རྣལ་འབྱོར་རྫོགས་པའོ
ཞེས་ཉི་ཟླ་ཁ་སྦྱོར་གསང་བ་ཆེན་པོའི་རྒྱུད་ལས་ཆོས་ཉིད་ཀྱི་བར་དོ་དང་སྲིད་པའི་བར་དོ་བསྟན་པའི་ལེའུ་སྟེ་བཞི་པའོ
དེ་ནས་འཁོར་དེ་རྣམས་ཐམས་ཅད་ཀྱིས
སྐྱེ་བ་མེད་པའི་ཆོས་ཉིད་ཐོབ་སྟེ
རྗེས་སུ་ཡི་རང་ངོ
ཉི་ཟླ་ཁ་སྦྱོར་གསང་བ་ཆེན་པོའི་རྒྱུད་ཅེས་བྱ་བ
སྐྱེ་གཉིས་དག་པར་བྱེད་པ་རྫོགས་སོ
ཉི་ཟླ་ཁ་སྦྱོར་གསང་བའི་རྒྱུད་ཆེན་པོ་ལ་འགྲེལ་པ་རིན་ཆེན་གསེར་ཕྲེང་བྱ་བ་ཡོད
ཉི་ཟླ་ཁ་སྦྱོར་ཉིད་ལམ་བུ་དྲུབ
དགེའོ
དགེའོ
དགེའོ