བཀྲ་ཤིས་མཛེས་ལྡན་ཆེན་པོའི་རྒྱུད
༄༡
༢༠༨
བོད་སྐད་དུ
བཀྲ་ཤིས་མཛེས་ལྡན་ཆེན་པོའི་རྒྱུད
དཔལ་ནམ་མཁའ་མེད་པ་ཆེན་པོའི་རྒྱུད་ཅེས་བྱ་བ
བཅོམ་ལྡན་འདས་རིག་པ་རང་སྣང་ཉིད་དང
ཐོག་མའི་མགོན་པོ་འོད་དཔག་མེད་ལ་ཕྱག་འཚལ་ལོ
སར་བ་དྷར་རྒྱ་ཨ
འདི་སྐད་བདག་གིས་བསྟན་པའི་དུས་གཅིག་ན
རིག་པ་ཡེ་ཤེས་ཀྱི་སྣང་བ་ཆེན་པོར་རང་སྣང་བའི་དུས་ན
༢༠༩
སྣང་བ་ཆེན་པོའི་ངོ་བོ་སྐུ་དང་བཅས་པ
སྣང་བའི་རང་བཞིན་མ་འགགས་པ་ནས
རིག་པའི་སྐུ་རྣམ་པར་དག་པ་ཆེན་པོ་ཉིད་དོ
ཨེ་མ་ཧོ
རིག་པའི་ཡེ་ཤེས་ཆེན་པོ་ཡུལ་མེད་པ་སྣང་བའི་ཀློང་ནས
ངོ་བོ་རིག་པ་ངའི་ཡེ་ཤེས་སོ
ངས་རིག་པ་ཉིད་ཀྱི་དོན་བསྟན་ཏོ
ཡངས་པ་ཀུན་གྱི་བདག་ཉིད
སྣང་བ་ཆེན་པོའི་སྣང་ཐབས་ནི་རང་སྤངས་པའོ
དེས་སྨྲས་ཤིང་རང་སྣང་གི་གཞལ་ཡས་ཁང་དང་བཅས་པའོ
༢༡༠
རང་གི་འོད་ཀྱི་ཡུལ་དང་བཅས་པའོ
ཐོག་མ་མེད་པའི་ཐུགས་རྗེ་དང་བཅས་པའོ
འདི་སྐད་བདག་གིས་ཐོས་པའི་དུས་གཅིག་ན
རྟོགས་པའི་སངས་རྒྱས་མ་བྱུང
མ་རྟོགས་པའི་སེམས་ཅན་མ་བྱུང་བའི་སྔོན་རོལ་ན
རིག་པ་རང་བྱུང་གི་ཡེ་ཤེས་ཉིད་གཞི་ལས་མ་གཡོས་ཏེ
རྐྱེན་མེད་པའི་སྣང་བ་གསུམ་དང་ཐབས་ཅིག་ཏུ་བཞུགས་སོ
དེ་ནས་ཡང་རིག་པའི་ཡེ་ཤེས་མ་ཉིད་ཀྱིས
རང་རང་གི་འདུག་ཚུལ་གྱི་གནས་ལུགས་འདི་གསུངས་སོ
ཀྱེ་སྣང་བ་ཆེན་པོ་ཡངས་པའི་ཀློང་དེ་ནི
མ་གཡོས་པ་ཆོས་ཀྱི་སྐུ་ཆེན་པོ་ལས
མ་འཁྲུལ་པའི་སངས་རྒྱས་ཆེན་པོར་བཞུགས་སོ
ངོ་བོའི་སྐུ་མ་འགགས་པར་གནས་ཏེ
ངོ་བོ་མི་འགྱུར
ཐབས་གསང་བ་མ་གཡོས་མི་གཡོ་མ་བསྐྱོད་པ
སྣང་བ་ཐམས་ཅད་དུས་གཅིག་ལ་རྫོགས་པ
ཡེ་ཤེས་ཐམས་ཅད་སྐད་ཅིག་ལ་རྫོགས་པ
སྐུ་ཐམས་ཅད་སྨིན་པར་གནས་པ
འོད་ཀྱི་སྣང་བ་ཐམས་ཅད་མ་བསྒྲིབས་པར་གསལ་བ
གནས་ལུགས་ཀྱི་སྣང་བ་ལ
སྣང་བ་ཐབས་ཀྱིས་མ་བསྒྲིབས་པ
༢༡༡
ངོ་བོ་རང་བཞིན་ཐུགས་རྗེ་གསུམ
རྒྱ་མ་ཆད་པར་ཡོངས་སུ་རྫོགས་པ་ཆེན་པོ
ངོ་བོའི་གནས་ལུགས་ཆེན་པོ་དེ་ཡང
སྐུ་ལྟར་གནས་པ་ལ
ཁ་མིག་རྣ་བར་དོད་པ་ནི་ཅི་ཡང་མི་བཞུགས
སྟོང་པ་ལྟར་གནས་པ་ལ
བེམ་སྟོང་ལྟར་ཅང་མི་བཞུགས
འོད་ལྔ་ལྟར་སྣང་བ་ཆེན་པོ་ལ
ཁ་དོག་ཏུ་ཕྱེ་བ་ནི་ཅང་མི་བཞུགས
རྒྱ་མ་ཆད་པ་ལྟར་སྣང་བ་ལ
འབྲེལ་པ་ལྟར་ཅང་མི་བཞུགས
མཐའ་དབུས་མེད་པ་ལྟར་སྣང་བ
ཕྱོགས་སུ་དམིགས་པ་ནི་ཅང་མི་བཞུགས
ཆ་བགོས་པ་ལྟར་སྣང་བ་ལ
རིས་སུ་ཕྱེ་བ་ནི་ཅང་མི་བཞུགས
རྒྱར་མ་འགགས་པ་ལྟར་རྒྱང་ཞགས་སུ་རིག་པ
སྣང་ཞིང་དཔངས་མཐོ་བ་ལ
སྟེང་འོག་ཏུ་སྣང་བ་ནི་གང་ཡང་མེད་དོ
རང་བཞིན་གྱིས་སྣང་བ་ནི་ཡངས་པ་ལྟར་སྣང་བ་ལ་ཕྱོགས་ལྷུང་མེད་པ
༢༡༢
གསལ་བ་ལྟར་སྣང་བ་ལ་དངོས་པོ་མེད་པ
མཐིང་ག་ལྟར་སྣང་བ་ལ་ཆ་མ་ཕྱེ་བ
དཀར་བ་ལྟར་སྣང་བ་ལ་རིགས་མི་འཛིན་པ
སེར་པོ་ལྟར་སྣང་བ་ལ་ཡོན་ཏན་རྫོགས་པ
དམར་བ་ལྟར་སྣང་བ་ལ་གོ་མ་འགགས་པ
ལྗང་གུ་ལྟར་སྣང་བ་ལ་མ་བཙལ་བར་གྲུབ་པ
སྣང་བ་ལྔ་ཉིད་དུ་གནས་པ་ལ་ཁ་དོག་མི་འཛིན་པ་ཆེན་པོ
ཟླུམ་པ་ལ་དབྱིབས་མེད་པ
མ་འགགས་པ་ལ་རྐྱེན་མེད་པ
ཁྱབ་པ་མེད་པ་ལ་རང་གདངས་ཆེན་པོ
རང་གསལ་བ་ལ་ཕྱི་ནང་དང་བཅས་པ
རྩོལ་བསྒྲུབ་མེད་པ་ལ་བབ་ཀྱིས་བསྒྲུབ་པའོ
ཐུགས་རྗེའི་སྣང་བ་ནི་སྟོང་པ་ལྟར་ཡེ་ཤེས་དེ་སྣང་བ་ལ
གསལ་བ་ལ་མ་འགགས་པ
སྤྲོས་པ་མེད་པ་ལ་སྤྲོས་པ་ཆེན་པོ
རང་བཞིན་མ་འགགས་པ་ལ་སྣ་ཚོགས་མ་ངེས་པ་ཆེན་པོ
གསལ་བ་ལ་མུན་པ་མེད་པ
མ་འགགས་པས་མེད་པ་ཆེན་པོ
བབ་ཀྱིས་སྟོང་པ་ལ་ཀུན་ཏུ་འཆར་བ་ཆེན་པོ
མ་འདྲེས་པ་ལ་ཡོངས་སུ་སྣང་བ་ཆེན་པོ
༢༡༣
ཀུན་ལ་ཁྱབ་པ་ལ་གཅིག་ཏུ་འདུས་པ་ཆེན་པོ
རྫོགས་པ་ལ་གཅིག་ཏུ་སྣང་བ་ཆེན་པོ
ཐུགས་རྗེ་གོ་མ་འགགས་པར་བཞུགས་སོ
ཆོས་ཀྱི་སྐུའི་སྣང་བ་མི་འགྱུར་བ་ལ
འཁྲུལ་པའི་སྣང་བ་ཡུལ་ལྟར་སྣང་བའི་དུས་ཡོངས་སུ་མ་ངེས་ཏེ
གཞི་ལས་འཁྲུལ་པའི་གོ་བྱུང་སྟེ
ངོ་བོ་མི་འགྱུར་བ་ལས
རང་བཞིན་མ་འགགས་པར་གསལ་བ་སྟེ
ཐུགས་རྗེ་མ་ངེས་པ་ལས
མ་རིག་པ་ལྟར་སྣང་བ་བྱུང་སྟེ
དེ་ལྟར་འཁྲུལ་པའི་ཡུལ་ཙམ་མོ
གསང་བའི་སྔགས་ལ་ཡེ་ནས་གནས་པའི་མཚན་གཞི་མཚོན་པའོ
ཞེས་བཀྲ་ཤིས་མཛེས་ལྡན་ཆེན་པོའི་རྒྱུད་ལས
གཞི་གནས་ལུགས་ཀྱི་ལེའུ་སྟེ་དང་པོའོ
༄༢
དེ་ནས་ཡང་རིག་པའི་སྣང་བ་ཉིད་ཀྱིས
རང་གིས་འཁྲུལ་ཚུལ་སྣང་བ་འདི་གསུངས་སོ
ངའི་རྩལ་ལས་གཞི་མི་འགྱུར་བ་ལས
རང་བཞིན་མ་འགགས་པར་ཤར་ནས
༢༡༤
ཐུགས་རྗེ་མ་ངེས་པ་ལས་མ་རིག་པ་རང་བྱུང་སྟེ
དཔེར་ན་ནམ་མཁའ་ལ་སྤྲིན་ཡང་དག་པར་ཡོད་པ་མ་ཡིན་ཏེ
གློ་བུར་དུ་སྤྲིན་བྱུང་བ་དང་འདྲ་བར
གཞི་ལ་མ་རིག་པ་ཡོད་པ་ཅང་མ་ཡིན་ཏེ
ཐུགས་རྗེ་ལྟར་ཤར་བ་ལས་མ་རིག་པ་བྱུང་སྟེ
གཞི་ལ་ལྷུན་གྲུབ་ཀྱི་གནས་ལུགས་ཞེས་བྱ་བ་ཆགས་སོ
དེ་ཡང་མ་ངེས་པའི་སྣང་བ་ཆེན་པོ་ཞིག་ཏུ་གནས་སོ
དེ་ཡང་འཆར་ལུགས་རྣམ་པ་བརྒྱད་དང་ལྡན་པ་རིན་པོ་ཆེ་གའུའི་གནས་ལུགས་ཞེས་བྱ་སྟེ
འདོད་ཡོན་གྱི་གོ་མ་འགགས་པའོ
མ་གྲུབ་པའི་གྲུབ་པ་ཆེན་པོར་གནས་པ
ཐུགས་རྗེ་ལྟར་འཆར་བའི་གོ་མ་འགགས་པ
འོད་ལྟར་འཆར་བའི་སྣང་བ་མ་འགགས་པ
ཡེ་ཤེས་ལྟར་འཆར་བའི་ལོངས་སྤྱོད་མ་འགགས་པ
སྐུ་ལྟར་འཆར་བའི་ངོ་བོ་མ་འགགས་པ
གཉིས་མེད་ལྟར་འཆར་བའི་ལྟ་བ་མ་ངེས་པ
མཐའ་གྲོལ་ལྟར་འཆར་བའི་ཐབས་མ་འགགས་པའོ
དག་པ་ཡེ་ཤེས་ཀྱི་འཇུག་སྒོ་མཐར་ཕྱིན་པ
མ་དག་པ་ལྟར་འཆར་བའི་སྒོ་ཐུགས་རྗེ་མ་འགགས་པ
འདོད་དོན་ནོར་བུ་རིན་པོ་ཆེ་ལྟ་བུ་སྟེ
༢༡༥
དེ་ལྟ་བུའི་སྣང་བ་ངའི་སྐུ་མ་ཆགས་ཏེ
ནང་གཞོན་ནུ་བུམ་པ་སྐུ་ཞེས་བྱ་བ་རྒྱ་རལ་ཏེ
ཕྱི་ལྷུན་གྲུབ་ཀྱི་གནས་ལུགས་སུ་གནས་སོ
དུས་དེ་ཙམ་ན་ངའི་སྣ་བབ་ཕྱིར་རལ་ཏེ
སང་མ་སེང་མ
ཤག་མ་ཤིག་མ
ཁྲལ་མ་ཁྲོལ་མ
ཡང་མ་ཡེང་མ
འགུལ་བ་འཕྲིག་པ
སྣ་ཚོགས་སུ་འཕྲོ་བ་བྱུང་ངོ
དེ་ནས་ལྷུན་གྲུབ་ཀྱི་གནས་ལུགས་ཆེན་པོ་ཆགས་སོ
དེའི་ཡེ་ཤེས་ཀྱི་གོ་མ་འགགས་པ་ལས་ལོངས་སྤྱོད་རྫོགས་པའི་སྐུའི་སྣང་ལུགས་ཆགས་སོ
ཡོན་ཏན་གྱི་གོ་མ་འགགས་པ་ལས་རང་བཞིན་སྤྲུལ་སྐུའི་སྣང་ལུགས་སྲིད་དོ
དེའི་ཐུགས་རྗེ་གོ་མ་འགགས་པ་ལས་མ་དག་པའི་སྣང་ལུགས་བྱུང་ངོ
དེ་ལས་སྣང་བའི་འཁྲུལ་ཚུལ་དུ་མར་ཆགས་ཏེ
འཁོར་བ་གྲུབ་པོ
དེ་ཡང་གནས་ལུགས་ཆེན་པོ་གཅིག་ལ
སྣང་ལུགས་བཞི་ལྟར་སྣང་སྟེ
སྐུའི་རོལ་པ་སྣ་ཚོགས་སུ་ཤར་ནས
སེམས་ཅན་ཐུན་མོང་གི་ལས་ལྟར་སྣང་བའོ
དེ་ཡང་རྐྱེན་བཞིའི་འཁྲུལ་ཏེ
ཐ་མ་ཡང་རྐྱེན་བཞི་ལ་ཐུག་གོ
རྒྱུ་དམིགས་པ་ཅན་དུ་འཛིན་པའི་རྐྱེན་ལས
༢༡༦
འབྲས་བུ་སྣ་ཚོགས་ཀྱི་རྒྱུར་འཁྲུལ
བདག་པོ་ཡུལ་ཅན་དུ་འཛིན་པའི་རྐྱེན་ལས
མིང་སྣ་ཚོགས་སུ་འཁྲུལ
དམིགས་པ་བློ་ཅན་དུ་འཛིན་པའི་རྐྱེན་ལས
འབྲས་བུ་ཐུག་པ་མེད་པར་འཁྲུལ་ལོ
དེ་མ་ཐག་པ་འཛིན་པ་ཅན་གྱི་རྐྱེན་ལས
སྣང་བ་སྣ་ཚོགས་སུ་འཁྲུལ་ལོ
དེ་ནི་གསང་སྔགས་གཞིའི་འཁྲུལ་ལུགས་ཆེན་པོའོ
དེ་ཡང་སྣང་ཐབས་ལ་མ་རིག་པའི་རྐྱེན
རང་ཀ་མ་དང་བཅས་ཏེ་སྣང་ངོ
མ་རིག་པ་དེ་ཡང་རྩ་བའི་ཉོན་མོངས་པ་ལྔ་དང་བཅས་ཏེ
རྟོག་ཚོགས་དུ་མ་སྡུད་པའོ
རྐྱེན་སྟོང་ཕྲག་དུ་མ་དང་བཅས་པ་སྣང་ཚུལ་དུ་མ་དང་བཅས་པ་སྣང་ཚུལ་གྱིས་འབྱམས་པའོ
དེ་ཡང་ལྷུན་གྲུབ་རིན་པོ་ཆེའི་གའུའི་གནས་ལུགས་ལས
སྣང་བ་མ་འགགས་པ་ལས
གཞི་མ་འགྱུར་བར་སྣང་བ་འགྱུར་ཏེ
ཡུལ་དུ་མའི་རྗེས་སུ་འབྲངས་ཏེ་ཐམས་ཅད་ལ་རྟོག་པའོ
ཆོས་ཀྱི་སྐུའི་སྣང་བ་མ་འགྱུར་ཀྱང
འཁྲུལ་པའི་སྣང་བ་ལ་འགྱུར་འགྱུར་ལྟར་བྱུང་ངོ
རྡོ་རྗེ་སེམས་དཔའ་འཁྲུལ་པ་མི་མངའ་ཡང
སེམས་ཅན་ལ་འཁྲུལ་པའི་ཚུལ་བསྟན་པའོ
ཐ་མ་རང་གི་སྣང་བ་རང་རྐྱེན་གྱིས་གཞི་ལས་ལྡོག་པའོ
༢༡༧
གཉིས་སུ་མེད་པའི་སྣང་བ་རང་ཤར་བར་མ་ཤེས་ཏེ
འཁྲུལ་པ་ལ་བདག་པོར་བཟུང་བས་བདག་པོའི་རྐྱེན
རང་རིག་པའི་འབྲས་བུ་རང་ཤར་བར་མ་ཤེས་རྒྱུ་ཉིད་ལྟོས་པ་ཅན་བཟུང་བ་རྒྱུའི་རྐྱེན་ནོ
ཡུལ་དང་ཤེས་པ་སྟོང་པར་ནི་མ་ཤེས
དམིགས་པ་ལ་ཡུལ་དུ་བཟུང་བས
དམིགས་པ་རང་ངོའི་རྐྱེན
དུས་ལ་ལྟོས་ནས་འོད་རང་བྱུང་པར་མ་ཤེས
དེ་མ་ཡིན་པ་ལ་དེར་འཛིན་པའི་ཤེས་པ་བྱུང་བས་མཚུངས་པ་དེ་མ་ཐག་པའི་རྐྱེན་ནོ
ཞེས་བཀྲ་ཤིས་མཛེས་ལྡན་ཆེན་པོའི་རྒྱུད་ལས
གཞི་ལ་འཁྲུལ་པ་བྱུང་ཚུལ་བསྟན་པའི་ལེའུ་སྟེ་གཉིས་པའོ
༄༣
དེ་ནས་ཡང་སྣང་པ་དམ་པའི་འཁོར་ལ
རིག་པ་ཆོས་འབྱུང་སྐུས་བཀའ་སྩལ་པ
ཀྱེ་སྣང་བ་དམ་པའི་རིག་པ་ཡོངས་སུ་སྣང་བའི་འཁོར་རྣམས་ཉོན་ཅིག
གཞི་སྣང་བ་ཆེན་པོའི་རིག་པ་ཆོས་ཀྱི་སྐུའི་སྣང་བ་ནི
གནས་ལུགས་ཆེན་པོ་དང་འབྲེལ་པ་སྟེ
༢༡༨
དེ་ཡང་གནས་ལུགས་ཆེན་པོ་གཅིག་ལ
སྣང་ལུགས་བཞིར་འཆར་བ་འདི་ལྟ་སྟེ
རིག་པ་དང་ཆོས་ཉིད་ཀྱི་གནས་ལུགས་ནི
མེ་ལོང་གི་དཀྱིལ་འཁོར་ལྟར་གནས་པས
མ་རིག་པའི་རྐྱེན་གྱིས་མ་བསྒྲིབས་པ
ཀ་དག་ཆེན་པོ་ཞེས་བྱ་སྟེ
ཡང་དག་པའི་སངས་རྒྱས་མ་བྱུང
མ་དག་པའི་སེམས་ཅན་མ་བྱུང་བའི་གནས
རིག་པ་མ་གཡོས་པའི་ཡེ་གདངས་ཆེན་པོ་ཞེས་བྱའོ
དེ་ལ་བརྗོད་དུ་མེད་དོ
དཔག་ཏུ་མེད་དོ
དམིགས་སུ་མེད་དོ
གཞལ་དུ་མེད་དོ
བརྩིར་མེད་དོ
གང་གིས་ཀྱང་གཏན་ལ་མི་ཕེབས་སོ
མཚོན་དུ་མེད་དོ
ཤེས་པའི་ཡུལ་དུ་བྱར་མེད་དོ
དེས་ནི་འཁོར་བ་མི་མཐོང
འཁོར་བས་དེ་ཉིད་མི་མཐོང་ངོ
དེས་ནི་ཆོས་མི་སྤྱོད་དོ
ཆོས་ཀྱིས་དེའི་དོན་མི་རྟོགས་སོ
༢༡༩
དེ་ནི་འཁོར་བ་མིན་ནོ
མྱ་ངན་ལས་འདས་པ་མིན་ནོ
གཞི་མིན་ནོ
སྣང་བ་མིན་ནོ
མུན་པ་མིན་ནོ
ལམ་མ་ཡིན་ནོ
བགྲོད་པ་མེད་དོ
མི་བགྲོད་པ་མེད་དོ
འབྲས་བུ་མ་ཡིན་ནོ
སྤངས་པ་མ་ཡིན་ནོ
ཐོབ་པ་མ་ཡིན་ནོ
དེ་ནི་རྟིག་པའི་དབྱིངས་ཆེན་པོ་ཞེས་བྱའོ
དེ་ལས་ལྷུན་གྲུབ་རིན་པོ་ཆེའི་སྣང་ལུགས་བྱུང་སྟེ
དེ་ནི་སངས་རྒྱས་པས་ཆོས་ཐམས་ཅད་འབྱུང་བའི་གཞི་ཞེས་བྱའོ
དེ་ལས་ནི་སངས་རྒྱས་བྱུང་ངོ
སེམས་ཅན་བྱུང་ངོ
ཡེ་ཤེས་བྱུང་ངོ
འོད་བྱུང་ངོ
རིག་པ་བྱུང་ངོ
མ་རིག་པ་བྱུང་ངོ
ལས་ཐམས་ཅད་བྱུང་ངོ
ཐུགས་རྗེ་བྱུང་ངོ
ཡོད་པ་ལྟར་སྣང་བ་བྱུང་ངོ
དེ་ལ་ནི་ངོ་བོ་ཡོད་དོ
རང་བཞིན་ལྟར་སྣང་བ་ཡོད་དོ
ཐུགས་རྗེ་ལྟར་སྣང་བ་ཡོད་དོ
༢༢༠
རྩལ་ཡོད་དོ
སྣང་བ་ཡོད་དོ
སེམས་ཡོད་དོ
ཡིད་ཡོད་དོ
འཁྲུལ་པ་ཡོད་དོ
མ་འཁྲུལ་པ་ཡོད་དོ
ཐམས་ཅད་འབྱུང་བ་ཆེན་པོའོ
དེ་ནི་སངས་རྒྱས་དང
སེམས་ཅན་གྱི་དབྱིངས་ཆེན་པོ་ཞེས་བྱའོ
དེ་ལས་ལོངས་སྐུའི་སྣང་ལུགས་བྱུང་སྟེ
དེ་ནི་ལམ་མངོན་པར་སྣང་བའི་གཞི་ཞེས་བྱའོ
དེ་ཡང་གསལ་བ
དྲོ་བ
བསིལ་བ
ཡངས་པ
གཡོ་བའི་བདག་ཉིད་འཛིན་པ
སྐུ་ལྔ་དང་ལྡན་པ
ཡེ་ཤེས་ལྔ་དང་ལྡན་པ
རིགས་ལྔ་དང་ལྡན་པ
ཁ་དོག་ལྔ་དང་ལྡན་པ
འོད་ལྔ་དང
ཡབ་ལྔ་དང
ཡུམ་ལྔ་དང
གཟུགས་ལྔ་དང
སྒྲ་ལྔ་དང
དྲི་ལྔ་དང
རོ་ལྔ་དང
རེག་བྱ་ལྔ་དང
ཆོས་ལྔ་དང
སྣང་བ་ལྔ་དང
གཙོ་བོ་ལྔ་དང
འཁོར་ལྔ་དང་ལྡན་པའོ
དེ་ཡང་མཚན་བཟང་པོ་སུམ་ཅུ་རྩ་གཉིས་དང་ལྡན་པ
དཔེ་བྱད་བཟང་པོ་བརྒྱད་ཅུ་དང་ལྡན་པ
སྤངས་པའི་ཆོས་དྲུག་དང་ལྡན་པའོ
དེ་ནི་ལོངས་སྐུའི་སྣང་ལུགས་དེ་དང་དེ་ལས་བྱུང་བའི་འབྲེལ་པའོ
དེའི་སྣང་བ་ལས་རང་བཞིན་སྤྲུལ་པ་སྐུའི་སྣང་བ་དང
༢༢༡
འགྲོ་བ་འདུལ་བ་སྤྲུལ་པ་སྐུའི་སྣང་ལུགས་དང
མ་དག་པ་སྤྲུལ་པ་སྐུའི་སྣང་ལུགས་ཆགས་སོ
དེ་ཡང་རང་བཞིན་སྤྲུལ་པའི་སྐུ་ནི
ངོ་བོ་ལྷུན་གྲུབ་ལས་ཤར་བའོ
རང་བཞིན་སྤྲུལ་པའི་སྐུ་དེའི་སྣང་ལུགས་ནི
ལོངས་སྤྱོད་མི་ཟད་པ
འཁོར་མི་ཟད་པ
ཡོན་ཏན་ཟད་མི་ཤེས་པ
སྟོབས་ཟད་མི་ཤེས་པ
རྩལ་ཟད་མི་ཤེས་པ
ཆོ་འཕྲུལ་ཟད་མི་ཤེས་པ
ཚེའི་ཚད་གྲངས་མེད་པ
ནད་ཀྱི་སྡུག་བསྔལ་ཐམས་ཅད་དང་བྲལ་བ
གཞལ་ཡས་ཁང་བསམ་གྱིས་མི་ཁྱབ་པ
ཆོས་བསམ་གྱིས་མི་ཁྱབ་པ་སྒྲོགས་པའོ་
དེ་ནི་རང་བཞིན་སྤྲུལ་པ་སྐུའི་སྣང་ལུགས་ཞེས་བྱའོ
དེ་ལས་འགྲོ་བ་འདུལ་བའི་སྤྲུལ་པའི་སྐུ་བྱུང་ངོ
དེ་ཡང་སྣ་ཚོགས་སྣང་བ་ལ་སྣ་ཚོགས་ཀྱི་དོན་ཤེས་པའོ
སྣང་ཡང་རྗེས་སུ་མ་ཆད་པའོ
སྣང་ཡང་རྗེས་སུ་མི་ཞེན་པ
མིག་རྣམ་པར་དག་པ་མངའ་བ
སྟན་རྣམ་པར་དག་པ་མངའ་བ
ཤངས་རྣམ་པར་དག་ཕ་མངའ་བ
ལྗགས་རྣམ་པར་དག་པ་མངའ་བ
སྐུ་རྣམ་པར་དག་པ་མངའ་བ
གསུང་རྣམ་པར་དག་པ་མངའ་བ
ཐུགས་རྣམ་པར་དག་པ་མངའ་བ
ཐུགས་རྗེའི་མཛད་པ་སྣ་ཚོགས་སྟོན་པ
༢༢༢
ཡེ་ཤེས་ཁྱད་པར་ཅན་མངའ་བ
མཁྱེན་པ་མ་འགགས་པ་ཀུན་ཏུ་སྣང་བའོ
དེ་ནི་འགྲོ་བ་འདུལ་བའི་སྤྲུལ་པའི་སྐུའོ
དེ་ལས་མ་དག་པའི་འཇིག་རྟེན་གྱི་ཁམས་ཆགས་སོ
དེ་ཡང་འདི་ལྟར་སྣང་བ་ཆེན་པོ་སྟེ
ཕྱི་སྣོད་འབྱུང་བ་ལྔའི་དཀྱིལ་འཁོར་ཆགས་པ་ལས
ས་དང
ཆུ་དང
མེ་དང
རླུང་དང
འབྱུང་བ་ཆེན་པོ་ནམ་མཁའ་སྲིད་དོ
དེ་ལ་འཛིན་པའི་བསམ་པ་བརྗོད་ཀྱིས་མི་ལངས་པ་དང
འདོད་ཆགས་དང
ཞེ་སྡང་དང
གཏི་མུག་དང
ང་རྒྱལ་དང
ཕྲག་དོག་དང
ཁོང་ཁྲོ་དང་དྲུག་གོ
དེ་ལ་འགྲོ་བ་རིགས་དྲུག་སྐྱེ་བ་བྱུང་ངོ
ཕྲག་དོག་ལས་མི་རུ་ཆགས་སོ
ཁོང་ཁྲོ་ལས་ལྷ་རུ་ཆགས་སོ
ང་རྒྱལ་ལས་ལྷ་མ་ཡིན་ཆགས་སོ
འདོད་ཆགས་ལས་ཡི་དགས་སུ་ཆགས་སོ
གཏི་མུག་ལས་བྱོལ་སོང་དུ་ཆགས་སོ
ཞེ་སྡང་ལས་དམྱལ་བར་ཆགས་སོ
དེ་བཞིན་དུ་རིགས་དྲུག་གིས་སྣང་བ་ཆགས་སོ
དེ་ནི་འཁོར་བའི་གནས་སོ
དེ་ཡང་གནས་ལུགས་ཆེན་པོ་གཅིག་ལ་སྣང་ལུགས་ཆེན་པོ་བཞི་ལྟར་བྱུང་ངོ
གནས་ལུགས་བཞི་ལས་སྣང་ཐབས་བཞི་ལྟར་ཤར་རོ
༢༢༣
དེ་ནས་མ་བྱས་པའི་སྣང་བའི་འཁོར་གྱིས
མ་བསྐྱོད་པའི་རིག་པ་ལ་ཞུས་པ
ཀྱེ་སྣང་བའི་ཐབས་རྣམས་གསུང་དུ་གསོལ
ཞེས་ཞུས་སོ
བཀའ་སྩལ་པ
སྣང་ཐབས་ཆེན་པོ་བཞི་ནི
ལྷུན་གྲུབ་ལས་སྣ་ཚོགས་སུ་སྣང་བའོ
ལོངས་སྐུ་ལ་ཁ་མིག་རྣ་བ་ཅན་འོད་ཀྱི་རང་བཞིན་སྒྱུ་མའི་སྐུར་གནས་པའོ
སྤྲུལ་སྐུ་ལ་གཟུགས་ལྟར་སྣང་བའོ
སེམས་ཅན་ལ་སྣང་བ་ཐ་དད་དུ་སྣང་བའོ
དེ་ཡང་སེམས་ཅན་ལ་སྣང་བ་སྣང་ཐབས་ཀྱིས་བསྒྲིབས་པའོ
ཞེས་བཀྲ་ཤིས་མཛེས་ལྡན་དཔལ་ནམ་མཁའ་མེད་པའི་རྒྱུད་ལས
གནས་ལུགས་དང་སྣང་ལུགས་བསྟན་པའི་ལེའུ་སྟེ་གསུམ་པའོ
༄༤
དེ་ནས་ཡང་བཅོམ་ལྡན་འདས་རིག་པ་ཆོས་སྐུ་ཆེན་པོ་ལ
སྣང་བ་ཡུམ་གྱི་སྐུས་འདི་སྐད་ཅེས་གསོལ་ཏོ
ཀྱེ་མ་རིག་པའི་ཡེ་ཤེས་སྐུ
མཐར་ཐུག་ལྟ་བ་གསུང་དུ་གསོལ
ཞེས་ཞུས་སོ
ཡང་རིག་པ་ཆོས་འབྱུང་ཤེས་རབ་ཀྱིས་དཀའ་སྩལ་པ
ཀྱེ་མ་ཉོན་ཅིག་ཡང་དག་གསང་བའི་ཡུམ
དོན་གྱི་ཐུགས་རྗེ་ཆེན་པོ་རྣམས
ཡང་དག་སངས་རྒྱས་མཐར་ཐུག་དང
དགོངས་པའི་དོན་ལ་མཐར་ཐུག་དང
༢༢༤
ཡང་དག་ལྟ་བའི་མཐར་ཐུག་དང
མཚན་མ་ཚིག་གི་མཐར་ཐུག་གོ
ཨེ་མ་ཧོ
ཡང་དག་མཐར་ཐུག་ངས་བཤད་ཀྱིས
སྣང་བ་དམ་པའི་འཁོར་རྣམས་ཉོན
སངས་རྒྱས་དགོངས་པ་མཐར་ཐུག་ནི
རིག་པའི་བཞག་ཐབས་ཉིད་ལ་ཐུག
དགོངས་པའི་དོན་ལ་མཐར་ཐུག་ནི
དབྱིངས་ཀྱི་སྒྲོན་མ་ཉིད་ལ་ཐུག
ཡང་དག་ལྟ་བའི་མཐར་ཐུག་ནི
ལུ་གུ་རྒྱུད་ཀྱི་སྐུ་ལ་ཐུག
མཚན་མ་ཚིག་གི་མཐར་ཐུག་ནི
རང་ཤར་ཆེན་པོའི་རྒྱུད་ལ་ཐུག
རྒྱུད་རྣམས་ཀུན་གྱི་མཐར་ཐུག་ནི
སེང་གེ་རྩལ་རྫོགས་ཆེན་པོ་དང
ཡི་གེ་མེད་པའི་རྒྱུད་ལ་ཐུག
ལུང་རྣམས་ཀུན་གྱི་མཐར་ཐུག་ནི
བདུད་རྩི་ཐལ་སྦྱོར་ལུང་ཆེན་དང
གསང་བ་དབང་རྫོགས་ལུང་ལ་ཐུབ
ཡང་གསང་ཐུགས་ཀྱི་དཀྱིལ་འཁོར་ནས
ནོར་བུ་དྲི་མ་མེད་པའི་སྐུ
ཡང་དག་མཐར་ཐུག་རྫོགས་པའོ
ཀྱེ་མ་སྣང་མཛད་ཡུལ་གྱི་རྟོག་མེད་ནས
གསང་སྔགས་བདག་པོ་ཨ་ལི་ཀ
ཆོས་ཀྱི་སྒྲ་ནི་གཉིས་མེད་པས
སེམས་ཅན་བློ་ལ་བསམ་མི་ཁྱབ
གསང་སྔགས་ངེས་དོན་བསྡུས་པ་ནི
གསང་བ་བཅུ་བདུན་ཉིད་དུ་བསྟན
ལྟ་བ་གསང་རྫོགས་ཆེན་པོ་ལས
༢༢༥
གཉིས་མེད་དག་པའི་མཁའ་ཀློང་ལ
ཡང་དག་གཏེར་ཆེན་འདི་གསུངས་པས
ཆོས་ཀྱི་སྐུ་དང་མཉམ་པར་སྦྱོར
གསང་བ་རིག་པའི་སྐུར་བསྟན་པས
ཀ་དག་ཉིད་དང་ལྷན་ཅིག་སྦྱོར
སངས་རྒྱས་ཉིད་ཀྱི་ལྟ་སྟངས་ནི
ཅོག་བཞག་བཞི་དང་ལྷན་ཅིག་སྦྱོར
ཡང་གསང་ཐུགས་ཀྱི་མེ་ལོང་ནི
སྒྲོན་མ་ཉིད་དང་ལྷན་ཅིག་སྦྱོར
སངས་རྒྱས་སྐུ་ཡི་རྒྱན་ཉིད་དང
ཆེན་པོ་ལྔ་དང་ལྷན་ཅིག་སྦྱོར
རང་བཞིན་ཉིད་ཀྱི་དབྱིངས་ཉིད་ལ
རྟོག་པའི་རྒྱལ་པོ་བསམ་མི་ཁྱབ
སྐུ་གསུམ་གསང་སྔགས་ཨ་ཉིད་ལས
ཆོས་སྐུའི་ཐིག་ལེ་ཉག་གཅིག་ལ
བྱ་བྱེད་མེད་པའི་སྐུ་ཉིད་ལས
མཛེས་པའི་དཀྱིལ་འཁོར་བསམ་མི་ཁྱབ
སངས་རྒྱས་ཀུན་གྱི་མེས་ཆེན་པོ
སྐུ་དང་ཡེ་ཤེས་འགག་མེད་པས
མཚོན་པའི་ཡི་གེ་ཚིག་ལས་འདས
རིག་པའི་སྐུ་ལ་གཉིས་མེད་དོ
སེམས་ཅན་བློ་ལ་བསམ་ཡས་ཤིང
དགོངས་པ་ཉག་གཅིག་རང་སངས་པས
བསམ་པའི་ཡུལ་ལ་སྔར་སྣང་ཞིང
ཐོག་མའི་མགོན་པོ་འོད་དཔག་མེད
ཞིང་ཁམས་དག་པས་སྐུ་གསུམ་གསལ
མགོན་པོ་དྲི་མེད་དག་པ་ལས
༢༢༦
འོད་སྣང་དག་པའི་ཁ་དོག་གསལ
སྐུ་ཡི་སྣང་བ་ཆེན་པོ་ནི
རང་བཞིན་སྣང་བ་མ་འགགས་པའོ
གསང་སྔགས་བྱུང་ཚོར་མ་འགགས་པས
མགོན་པོ་རྡོ་རྗེ་འོད་དཔག་མེད
ཐོག་མའི་ལུས་ཀྱི་སྣང་བ་ལས
འཁྲུལ་པའ་པའི་སྣང་བ་བསམ་ལས་འདས
དཀྱིལ་འཁོར་ཆོས་ཉིད་བསམ་ཡས་ལས
འདུ་འཕྲོའི་སྤྱོད་པ་བསམ་ཡས་སོ
དེ་ནས་ཡང་སྣང་བའི་འཁོར་འབྱུང་བའི་ཡུམ་དང་བཅས་པས
འདི་སྐད་ཅེས་གསོལ་ཏོ
ཀྱེ་མ་གསད་བ་རིག་པའི་མངའ་བདག་ཆེན་པོ
བདག་ཅག་སྣང་བ་དམ་པའི་རིགས་རྣམས་ལ
ཡང་དག་པའི་ཡེ་ཤེས་གསང་བ་དམ་པ་རྣམས་གསུངས་ཤིག
ཡང་བཀའ་སྩལ་པ
རིག་པའི་སྣང་བ་ཆེན་པོ་འདི་ལ
དོགས་བཅས་ན་མི་མཐོང་ངོ
སྤང་ཐོབ་བཅས་ན་མི་མཐོང་ངོ
ཡིད་དུ་བཟུང་ན་མི་མཐོང་ངོ
དེའི་ཕྱིར་ན་ཡང་དག་པའི་ཆོས་ཉིད་ལ
རྩོལ་བསྒྲུབ་ཀྱིས་མཐའ་དང་བྲལ་བར་བསྟན་པའོ
ཞེས་བཀྲ་ཤིས་མཛེས་ལྡན་ཆེན་པོ
དཔལ་ནམ་མཁའ་མེད་པའི་རྒྱུད་ཆེན་པོ་ལས
མཐའ་གསང་བའི་ལེའུ་སྟེ་བཞི་པའོ
༄༥
དེ་ནས་ཡང་རིག་པའི་སྣང་བ་དམ་པ་ཉིད
མ་བཞུགས་པའི་གདན་ལས་བཞེངས་ནས
༢༢༧
རང་གི་སྣང་བ་ཆེན་པོ་འདི་སྨྲས་སོ
ཀྱེ་སྣང་བ་ཆེན་པོ་འདུས་པའི་ཁོར་རྣམས་ཉོན་ཅིག
ཡང་དག་རྫོགས་པའི་སངས་རྒྱས་ཀྱི་ཡེ་ཤེས་ལ
གསལ་འགྲིབ་མེད་པར་ཟུང་ཞིག
སངས་རྒྱས་ཀྱི་སྐུ་ལ་ཆེ་ཆུང་མེད་པར་ཟུང་ཞིག
སངས་རྒྱས་ཀྱི་གསུང་ལ་བདེན་རྫུན་མེད་པར་ཟུང་ཞིག
སངས་རྒྱས་ཀྱི་ཐུགས་ལ་རྟོག་པ་མེད་ཅིང་དྲན་བྱེད་མེད་པར་ཟུང་ཞིག
ཀྱེ་རང་བཞིན་གྱི་སྣང་བ་བསམ་གྱིས་མི་ཁྱབ་སྟེ
ཆོས་ཀྱི་སྐུའི་སྣང་བ་ལ་བསྒྲུབ་ཏུ་མེད་དོ
ལོངས་སྐུའི་ཡེ་ཤེས་ལ་དཔག་ཏུ་མེད་དོ
སྤྲུལ་སྐུའི་ཤེས་རབ་ལ་བརྗོད་དུ་མེད་དོ
དེའི་ཕྱིར་སྐུ་གསུམ་ངང་ལ་རྫོགས་པའི་འབྲས་བུ་ཞེས་བྱ་འོ
ཨེ་མ་ཧོ
རྡོ་རྗེ་སེམས་དཔའ་ཉིད་ལ་གསལ་འགྲིབ་མེད་ཀྱང
སེམས་ཅན་ལ་འཁྲུལ་ལུགས་བསམ་གྱིས་མི་ཁྱབ་སྟེ
རིག་པ་ཉིད་ལ་འཁྲུལ་པ་ངང་གིས་ཡོད་པ་མ་ཡིན་ནོ
འཁྲུལ་པ་མེད་ཀྱང་འཁྲུལ་བྱེད་མ་འགགས་པས
འཁྲུལ་པ་ལྟར་སྣང་བའོ
གསང་བའི་དོན་ལ་ཆོས་མེད་ཀྱང
སེམས་ཅན་གྱི་བློ་ལ་ཆོས་ལྟར་སྣང་བའོ
རིག་པའི་ཡེ་ཤེས་ཉིད་ལ་འཁྲུལ་རྟོག་དུ་མར་སྣང་བས་ཆོས་ལ་སྤྱོད་ཅིང་ཆོས་ལྟར་སྣང་བའོ
༢༢༨
ཡང་དག་པའི་ཆོས་ཀྱི་སྐུའི་སྣང་བ་ཉིད་ལས་མ་གཡོས་བཞིན་དུ
ཆོས་ཀྱི་སྐུའི་ཡེ་ཤེས་ཀྱི་སྣང་བ་རྣམས
མཐའ་མ་འགགས་པའི་སྤྱོད་ཡུལ་དུ་མར་སྣང་བའོ
ཡང་དག་པའི་ཆོས་ཀྱི་སྐུ་བསམ་པ་ལས་འདས་ཀྱང
སེམས་ཅན་བློའི་དྲི་མ་བསམ་པ་དང་བཅས་པས
བསམ་པ་རང་ཀ་མར་སྤྱོད་ཅིང
བསམ་པའི་རྗེས་སུ་འབྲང་བའོ
ཡང་དག་པའི་སྐུ་བསམ་པའི་དངོས་པོས་སྟོད་སྟེ
བྱ་བྱེད་ཀྱི་འཁྲུལ་པ་རང་དག་པའོ
རིག་པའི་སྐུ་ཉིད་སེམས་ཅན་ལ་རང་ཆས་ཏེ
འབྱུང་བཞི་ཀུན་ལ་གནས་བས་ཀུན་ཏུ་སྤྱོད་དོ
ཀུན་ཏུ་སྣང་ཞིང་ཀུན་ལ་གསལ་ཆ་མ་འགགས་པའོ
ཀུན་ལ་མང་པོར་འཆར་ཞིང
ད་ལྟར་དུ་འདུ་འབྲལ་མེད་པའོ
འོད་ཁྱིམ་གྱི་ཚུལ་དུ་འཆར་ཞིང་སྣང་བ་མ་འགགས་པའོ
ཀྱེ་མ་གསང་སྔགས་ཀྱི་མཐའ་རང་གི་རིག་པའི་སྐུ་རྣམ་པར་དག་པའོ
ཆོས་ཐམས་ཅད་ཀྱི་མཐའ་ནི་མི་སྤྱོད་པའི་སྤྱོད་པ་ཆེན་པོ་ལ་ཐུག་གོ
བལྟ་བ་ཐམས་ཅན་ཀྱི་མཐའ་ནི
ལྟ་རུ་མེད་པའི་སྣང་བ་རྒྱས་འདེབས་ཆེན་པོ་ལ་ཐུག་གོ
དགོངས་པ་ཐམས་ཅད་ཀྱི་མཐའ་ནི
བསྒོམ་དུ་མེད་པའི་རང་སྣང་ཆེན་པོ་ལ་ཐུག་གོ
༢༢༩
སྤྱོད་པ་ཐམས་ཅད་ཀྱི་མཐའ་ནི
མ་བཅོས་ཤིང་བྱ་བྱེད་དང་བྲལ་བ་ལ་ཐུག་གོ
སྐུ་ཐམས་ཅད་ཀྱི་མཐའ་ནི
ལུ་གུ་རྒྱུད་ལ་ཐུག་གོ
སྣང་བ་ཐམས་ཅད་ཀྱི་མཐའ་ནི
ཡུལ་མེད་པའི་གདངས་ཆེན་པོ་ལ་ཐུག་གོ
དམ་ཚིག་ཐམས་ཅད་ཀྱི་མཐའ་ནི
བསྲུང་དུ་མེད་པའི་བསྲུང་མཚམས་ཆེན་པོ་ལ་ཐུག་གོ
ཕྲིན་ལས་ཐམས་ཅད་ཀྱི་མཐའ་ནི
བསྒྲུབ་ཏུ་མེད་པའི་གྲུབ་པ་ཆེན་པོ་ལ་ཐུག་གོ
ཕྱག་རྒྱ་ཐམས་ཅད་ཀྱི་མཐའ་ནི་མ་བསྒྱུར་བར་ཡེ་ནས་རྫོགས་པ་ལ་ཐུག་གོ
དཀྱིལ་འཁོར་ཐམས་ཅད་ཀྱི་མཐའ་ནི་རྩ་བ་དབྱིངས་ཀྱི་སྒྲོན་མ་ལ་ཐུག་གོ
ཡིག་འབྲུ་ཐམས་ཅན་ཀྱི་མཐའ་ནི
མ་བསྐྱེད་པའི་རང་བྱུང་ཆེན་པོ་ལ་ཐུག་གོ
ལྷའི་སྐུ་ཐམས་ཅད་ཀྱི་མཐའ་ནི
ཡངས་པ་ཉིད་ལ་རང་བྱུང་བ་ལ་ཐུག་གོ
ཆོས་སྐུའི་མཐའ་ནི་བསམ་པ་མེད་ཅིང་རང་རྫོགས་པ་ལ་ཐུག་གོ
ལོངས་སྐུའི་མཐའ་ནི
རང་གི་སྣང་བའི་ཕྱོགས་སད་པ་ལ་ཐུག་གོ
སྤྲུལ་སྐུའི་མཐའ་ནི་ཐུགས་རྗེའི་གོ་མ་འགགས་པ་ལ་ཐུག་གོ
ཀྱེ་མ་སྐྱེ་ཤི་མེད་པར་སྲོག་འཛིན་པར་འདོད་ན
མི་འགྱུར་བ་རྡོ་རྗེའི་སྐུ་ལོངས་ཤིག
འགག་པ་མེད་པར་རང་གྲོལ་བར་འདོད་ན
༢༣༠
རང་སྨང་ཆོས་ཉིད་ཀྱི་ཡུལ་ལ་ལྟོས་ཤིག
སྐྱེ་འགྲི་བ་མེད་པའི་དགོངས་པ་ལ་གནས་པར་འདོད་ན
དབྱིངས་རྣམ་པར་དག་པའི་སྒྲོན་མ་ལ་ལྟོས་ཤིག
རྡོ་རྗེ་སེམས་དཔའི་སྐུ་ལ་བལྟ་བར་འདོད་ན
རིག་པ་ལུ་གུ་རྒྱུད་ཀྱི་སྐུ་ཟུང་ཞིག
ཡངས་པ་སྣང་བ་ཀུན་ཏུ་འཆར་ཞིང་ཀུན་ལ་སྣང་བའོ
གསང་བའི་ཡེ་ཤེས་ཀུན་ཏུ་སྣང་བ་ལ་མཁས་པ
ཆོས་ཀྱི་སྐུའི་ངོ་བོ་ཟང་ཐལ
ལོངས་སྐུའི་ངོ་བོ་གསལ་དངས
སྤྲུལ་སྐུའི་ངོ་བོ་མངོན་པར་སྣང་བ
ངོ་བོ་ཉིད་ཀྱི་སྐུ་རང་བྱུང་བ
སངས་རྒྱས་ཀུན་གྱི་རྡོ་རྗེ་དྲིལ་བུ་སྐུའི་ངོ་བོ་དང་བཅས་པ་རང་གིས་སྣང་བ
གླུའི་ཚིག་དང་བཅས་པ་འདི་གསུངས་སོ
དེ་ཡང་ཐབས་ཀྱི་སྣང་བ་དུས་གཅིག་ལ་རྫོགས་པས
ཡང་དག་པར་རྫོགས་པའི་སངས་རྒྱས་རྫོགས་པ་ཆེན་པོ་འདིར
རིག་པ་མངོན་སུམ་ལ་གཟིགས་པའོ
ཐིག་ལེ་ཉག་གཅིག་ཆོས་ཀྱི་སྐུའི་ངང་ལས་མ་གཡོས་ཤིང
དེའི་སྣང་བ་ལས་ཀུན་གསལ་ལོ
ཐུགས་རྗེས་ཐམས་ཅད་འཛིན་ཅིང
དབྱིངས་སུ་འཛིན་པར་བྱེད་པའོ
སངས་རྒྱས་ཀྱི་འོད་ཟེར་གྱིས་འགོར་བ་ཕལ་པ་བརྒྱལ་ཏེ
སྣང་མི་ནུས་པའོ
༢༣༡
ཨེ་མ་ཧོ
སྔོན་བྱུང་གི་དུས་ན་སངས་རྒྱས་འདོ་སྲུངས་ཆེན་པོ་ཞེས་བྱ་བ་ཞིག་ལ་སྣང་བ་ཆེན་པོ་བརྒྱ་སྟོང་དང་ལྡན་པའི་མཆོད་རྟེན
ཤིན་ཏུ་བརྩེགས་ལེགས་ལ་གསལ་བ
མཐོ་བ་ལ་སྲིད་པའི་རྩེ་མོར་སླེབ་པ་ལ
རྒྱ་སྟོང་གསུམ་འཇིག་རྟེན་གྱི་སྐྱེ་འགྲོ་ཡོངས་ལ་ཁྱབ་པ
རྩ་བ་ནི་ན་རག་ཆེན་པོའི་དམྱལ་བའི་ཁམས་ལ་ཐུག་པ
ཆུང་བའི་ཚད་ནི་ཏིལ་འབྲུ་བརྒྱར་བསྒོས་པའི་ཚད་ཙམ
ཡངས་པའི་མཐའ་ནི
ནམ་མཁས་གང་དུ་ཁྱབ་པ་ཙམ
གསལ་བའི་ཚད་ནི་ཉི་ཟླ་སྤྲིན་གྱིས་མ་བསྒྲིབས་པ་ལྟ་བུ
ཐོགས་པ་མེད་པ་རླུང་ལྟ་བུ་གཅིག་ཡོད་པས
དེ་ལ་ཐམས་ཅད་ཀྱིས་མཆོད་འོས་སུ་མཐོང་སྟེ
ལས་སྣ་ཚོགས་ཀྱིས་སྒོ་ནས་མཆོད་པ་ཆེར་བྱས་པས
གང་ལ་ཡང་དངོས་གྲུབ་མ་བྱུང་སྟེ
དེའི་ཚེ་རང་སྣང་གི་བུ་མོ་དང
གསལ་བར་རང་སྣང་གི་ཁྱེའུ་གཉིས་འདུས་ནས
མཆོད་པའི་ལས་གཅིག་གིས་སྐད་ཅིག་མ་ལ་སངས་རྒྱས་སོ
ཞེས་བཀྲ་ཤིས་མཛེས་ལྡན་དཔལ་ནམ་མཁའ་མེད་པའི་རྒྱུད་ཆེན་པོ་ལས
དབང་པོ་ཀུན་སང་གི་འཁྲུལ་གཞི་བསྟན་པའི་ལེའུ་སྟེ་ལྔ་པའོ
བཀྲ་ཤིས་མཛེས་ལྡན་དཔལ་ནམ་མཁའ་མེད་པའི་རྒྱུད་ཀྱི་རྒྱལ་པོ་རྫོགས་སོ
༢༣༢
ཟབ་རྒྱ
སྤས་རྒྱ
གཏད་རྒྱ
དཔལ་སྔགས་སྲུང་གི་རྒྱལ་མོ་ཨེ་ཀ་ཙ་ཏིས་སྲུངས་ཤིག
རྒྱ་རྒྱ་རྒྱ
འགྲེལ་པ་སྒྲོན་མ་འདུས་པ་བྱ་བ་ཡོད་དེ
བཀྲ་ཤིས་མཛེས་ལྡན་ཉིད་ལམ་བུ་དགུ
དགེའོ་དགེའོ་དགེའོ་