ათე ასა-გასა
ათე ასა-გასა, თე ჩქიმ შურიშ ჭურა
აგოთანას ბჟაშ ჩხორიას გიაპონუ.
უკულ ჟილენ ორთაშ მარდის გილაფშურა,
მიკმალ-მუკმალს ჩქიმდე ხვამა აწაბონუ...
მიკონჯამილ ოსინთეშე მასქურს მინი
ალახვილირს ცოდაცალო ხვალე გალე
მინვაპეჯა, ვურაგადუქ - აშო მინილ,
ასე თე გურს სქან ხუტოლი გვალო მალე!..
ჩქიმი გური, თე ვარვალა სუპერნოვა
ვენინტირე მუშ აკანს დო ეშმასოფუნს,
ვულკანშორო დინიგორგოთ ზისხერ-ლავა.
ჩქიმ ღორონთი ჸოროფა რე, ეშმაკ სო პუნს!..
თუთაშ მეტ რე თირელ მაფუ თოლოწონდე,
გობზიორი ჩქიმ კომფორტიშ ზონა შქაშა!
ათაშ იბრდუქ, ათაშ ოკო ხოლო ფჩხონდე,
ათაშ ოკო ეფუბრინე ჟილე, ცაშა!..