არსიმეფ ჩინურ სიგუთჷეშე

1. ხემონჭე-ნიში რე, კათა ხოლო-წყარმალუ: შეულებუ გილეyონასჷნ დო შეულებუ დანდუას ქოთი (კათური).

2. დიდ წყარმალუ უხონარეთ მინაარუ, ჭკვერ ადამიერ დღას ვეუკინანს ხონარს (კათური)

3. დანებაფაშ ჩილათა, გომორძგუაშ წოხლე, ირო უმოს მენჯელ რე (კათური).

4. ჯამუ ადამიერი, შურს ირო თუნა რე, უჯამურეშ შური ხოლო ირო მარიალენს (კონფუცი).

5. ორდა, სითუნჷე ქაგირზინე, აფუნი ქომურს დო პეულეფ მუშით გიფაჩუნა (კათური).

5. იცხოვრე, სიმშვიდე შეინარჩუნე. გაზაფხული მოვა და ყვავილები თავისით გაიშლებიან (ხალხური).

6. ჩქი, ათაშ მორჩილო მიჩქუნა თელარაშენჷდა, მუ შემილებუნა მიჩქუდან ღურაშენ? (კონფუცი).

7. ფარათ ბჟაამიშ yიდირ შილებე, მარა ვართ ხოლო ბორჯიში (კათური).

8. ჯამუ ადამიერი, უჩქუ მუ, მუშ უმოსობაშ გურჷშენჷნ, ირო დუდჷს ათმურიდუანს მერინაფას (კონფუცი).

9. ჯგირ ორინჯი დღას ვაღირუ ეფი, თინა მუთ ეფჷ ღირუ, დღას ვარე ჯგირი (კათური).

10. კათა ინჭუაფუ სიხვამარდეშა დო დიდებუაშა. ვართ მაართანიშ დო ვართ მაჟიაშ მეჭირინაფაქ ვემიხუჯუ კანონიშურ რზათიდა, ჟირხოლო ოკო გიჭყოლიდუათჷნ (კონფუცი).

11. მოთხილაფირო რდათ დორხველ არსიმეფწკუმა: თინეფ-ქიმინუაშ გოჭყაფეფ რენა (ლაო-ძი).

12. მუთ მოთმოხვადუ, ირო ბორჯიშე მოთმოხვადუ (კათური).

13. ქათიფარკალე დო ეკირთიდა, თენა თის ვაშანენს, ნამდა ღულა რზათ მეურქჷნ (კათური).

14. გამა, ნამუსით გორუნქჷნ-სქანსიე. მარა, თიშ გორუა ეფჷ ვარე (კონფუცი).

15. ვაგაშქურნას გაწყანაფაშა, გოშქურუდას გაკინებაშა (კათური).

16. ვარაგადუათ, თენა სითჷნჩეს უჯგუშობაშა ვადოთირანსჷდა (კათური).

17. მენჯელს ბირკულიშ გინოლახუა შეულებუ, ჭკვერს-ნთელ რზაში (კათური).

18. მერზეობუა 1 000 ლი-სი, ართ ნაბიჯგუთ იჭყაფუ (კათური).

19. ხულა, სოდეთ იძიცანან, თი დოხორეშე უმოს ფაღურიე, ნამუს გოფიღვინაფილეფ რენა (კათური).

20. ნიფთეფს ირო სინთიერ ხასლაშე მიკაჯინ. თეცალ ხასლა ვაუღუნდა-თინა თეიშახ წიმინდე, სონდარო ვაგორწკინუნსჷნ (კათური).

21. თინა, ნამუ კილჷშენ გეგოწურუანსჷნ, ირო ნტერ ვარე, თინა ხოლო, ნამუ სქან ადამიერობაშენ რაგადანსჷნ, ირო აიარ ვარე (კათური).

22. თიშა ვაგოშქურუდას, ნამდა მუთუნ ვაიჩქუ-გოშქურუდას თიშა, ნამდა ვაგურაფულენქჷნ (კათური).

23. დუმაგურაფალ ხვალე კარს გინჯანს-რზა ხვალექ ოკო გილე (კათური).

24. აიარ კილიშ გალე ვარე. კილიშ გორუას ქოდიჭყანქჷდა-აიარიშ გალე ქოდოსქიდუქი (კათური).

25. მისით გოჭითინაფა ქეშულებუნდა, თის უჩა გურჷ ვაღვენუ (კათური).

26. უჯგუშიე ართ დღა ადამიერ ორდენ, ვანდარო 1000 დღა, მიდგაშიენ ორო (კათური).

27. ადამიერჷქ, ნამუქ გოლაშ გინოდგუმა შილებუნ, თით დიჭყუ, ნამდა ართ აკანჷშე მაჟიაშა, ჭიჭე ქუალეფს გინმოზინდუნდუ (კათური).

გინმათანგალი გიორგი (ტუღუში) სახოკია