ბორჯჲ მიღვენკჷ, ბორო კეღუ
ბორჯჲ მიღვენკჷ, ბორო კეღუ,
ჩილამურით მარჩქალენს,
თოლიშჲ ონწეს უთხინუანს
ჩქიმჲ ზჷსხჷრიშჲ ნარჩქვანჷს...
ჩქიმჲ ბორდიშის ღანკჲ ვაუღუ,
ძიცათ პილჷ შურიშ დღას,
წყარკაკია მითიკეკჷ
ჩქიმი ოდაბადეშჲ ტყას.
ბურბუცალო სერჲ მეუღუ
უოჭმარე ოჭიშის,
უჩა თირი გილეგვერგუ
აფუნიში მოჭიშის...
იღირწკინჷ რინიშჲ კარი,
მის უჩქ, მუჟანს კილანანი...
ჰე, ჯოღორი, ლალი, ლალი,
ვაგუტუა სერიშ მალჷ...
ჩქიმჲ ონწესჷ შხვა ინჯირუ
ჩქიმდე უჯგუში დო სქვამი..
ბორწყექ ღურუქჳ ხე გაკწომიღ,
ქჷმოზოჯჲ დო ქჷმმახვამი