გეფრჩქინექ უჩხონჩხე
გატყარებე ჩქიმი ჸუდე,
ინჭირიას გოუფალუ,
ლაკაციაშჷ ნოჸელეფჷ,
ჟინბორიას დოურქალუ.
კაკლარიშჷ კიბირეფჷ,
ღანდას მითოვარკალანს,
ხუმლა-ხუმლა ნოჸელეფს,
კოპა მიკოხარკალანს.
სო რე ფურკი გიროხილი,
მინდორც ნოხო დორჩაფილი,
კარჷ თოლსერო ღირწკინუნს,
ჸუჯიშჷ ჯინშა გონჯამილი.
ვამაპალუ შურო გური,
გურჷ ეფშა რე ღალეფით,
გილეცხვაბარჷ დიაჩქიმჷ,
მოპურახილჷ ვალეფით.
ფუფჷ, უჩხონჩხე გეფრჩქინექ,
ზისხირჷ სო რე ჯვეშეფიში,
თურმე თუდო მინოპვექ,
მა მიჩქუდუ ეშე მიფში.
დოცჷმილ რე ფურცელეფი,
ითამჷ დემეფს გოუხვალუ,
გატყარებე ჩქიმი ჸუდე,
ინჭირიას გოუფალუ.