გვანჯი ჩიქონავს
"გვანჯი ჩიქოვანი გოხოლუნა
მოლენ ჯვეში თავადსქუა,
ასე ბჭარუნქ გვანჯიში ლერსის
არძო სიმართესუ ბთქუა,
პირველაში ეჸუნელო
ირო ნოღვე ბრძენიში ჭკუა,
ჭიჭობაშე სახელოვან
ორე ალერსიში სქუა.
კოჩიშ გეშა გაჭირება
მითას მოხვად ათეჯგუა,
ხეთ ბჭარუნქ, ნინათ ბრთქუა,
იშენ დუდიქ ვამაჩუა,
გედიშ გეშა გაჭირება
მითას უძირ ათეჯგუა,
ორდუ გიდიშ საიმედო,
მუშ ხეში ნარდი, მუშ დასქუა.
მუჭო იმენდი უღუდუნი,
თექით თეში გემარჯუა.
გიდ ჯანუდუ ალექსწკმა,
თეში რუსეფქ ქიმერთუა.
კოჩი ქაღურუნ ქიჩინ დო
უკოხოლე ქოსხაპუა.
-მუ გოკონა ჩქიმიწკმა?-
გიდიქ თენა დიძახუა.
თინა ობაღ ოცქვაფალო,
გვანჯიქ თიწკმა მეხვადუა.
გიდიშ ცხენ დო იარაღი
გიდიში მტერს ვეიშატუა.
ოჸოთესუ დიდი ძალა,
მარა მუთაქ მოხვადუა.
. . .
მა ღორონს თის ფთხულე,
გვანჯი ჯგუაქ ერჩქინდას,
თენა არძო თაშ ვარენდა,
მუში გურსუთ გეფიქრას.
მაჭარალს, კოჩქ ვენდურა,
ცოდაქ ვემგეკითხას.
მაჭარალი მი ვორექი,
მოკო თაქი გავამხილე.
მიჭარუნ დო ხოლო ბჭარუ,
უჯგუში აზრი გიმაშინე,
მისით მა თეს ვუმჭარქნი,
თიშ იღბალი ათაშირე.
თუდო ხეს ოჭარანსნ
ჭითანავა დავითირე."