გიმაძირუ
გიმაძირუ, გებდირთი დო სოდგარენი მიფში,
მევუსვანდი ქვერსემ წყარმალს გორქიულო ხოპეფს.
გურს, მინ ხიოლ მიმაგამუდ, მინ მაძგვიტუდ ლიფში,
აკან-აკან, მიკართაფუს მიკმუვანთხუდ ძგოპეფს...
მეფრთინ, სქირპიც ქეკუვოკირ ჩქიმი შურიშ ნიში.
ელმათანდუდ თინერ სქვამას, დახე შური გობტე.
ინჭაწკუმა ეკივალუდ, ჸოროფა მიღ მიში.
ათე ბორჯიქ ვეგეთუას, გედღამუშას ნოტე
-მაქ დო ხათე გომიძიცე, სქანიჸურე იმნჭე,
გოხუტოლუდ, ახნარებულს, მიჩქუდ გებრიგითინ,
მარა ხათე გეგშმაკურცხინ, დუდშა ხელეფ იმნჭე,
ვართ ნიშ ეკორდ ჩქიმ სარხოს დო ვართ მიძიცანდ მითინ...