გოსოფურ ახალ ქიანას
გოსოფურ ახალ ქიანას ვუჯინექ.
იჸუაფუნო თე ქიანა დო ვარ
დიო ხოლო ვა მარაგადე.
მარა თე მოძირაფაქ ჩქიმ თოლც
გორჩქინდჷ.
ეგება-და ასე ბჭარინ თენა ხოლო,
შურო ვა მაფ ჭარილ დო
ართ გაგინძორებულ მუმალიში
გინოთირუა რე-და..
მუჭო თიმწკჷმა?
ვა მოხვალამენი თინა ირო დინორე
მოხვადუკონ თიშ წირეს.
დო ბორჯეფი ფუჩხაშორო ცენა.
ჩქი ღურელით ვორდით, თელით დო გათელებულით.
ირფელ ათაქ რე,
ირფელ ათაქ ვეჸუაფ
დო ირფელ,
თინაშა ინჭუაფ მუთ ვა რდუნი.
ჩქი მუთუნ ვეგმაძირუნა,
ირფელც ვორწყეთ.
ჭვემა შჷნც გოჭყოლადას,
გოშინაშ ძაფეფით.
მელენ ქიანა ბორჯიშ ართი მუკოტებულ
ნოწილ რე.
ლჷლ ზიტყვას სახეთ ვორექ მიკორდილი,
მუჭოთ ფუთქური ნოჯიხურიშ კიდას.
დუს ეუკინ დო ქოძირი,
ჩქიმ ნანოქურას ირიათონ რე ქვანთირო
გეხვილირი.
ასე ვა მიჭარ-და, უკულ იშენით ბჭარუ.
ასე ვავორექ-და უკულ იშენით იპიქ,
უკულ ქიპიქ-და ასე ვავორექ.
ვარ-და ართბორჯულო ვორექ თენეფ ირფელი.
ალამო დო ემერ-ამარი.