გურ გუგაჩოლუ
გურ გუგაჩოლუ, გამწოიტირხუ ნგარა
ჸუჩა მიმალუს, თოლ ქუმოიოლ საცოდებაშან -
კათა გილეფაფ, გეგნუკილუნა შარა,
მიდგარენ შქაბანს გილასვანჯუ დო ვაუღ რინაშ შან...
ფოტა გინაქუნს, აკაბუცხა რე გვალო,
იბკითხინ, მიწის, დედიბ რენია, ღურელ გილაძუნ.
ტვინს ქოხეკუნა, მუშენ ვეგლენწყუ გვალა!
თეშ ძირაფა დო, დახე შურ გობტე, გურქ გინიძანძუნ...
მის უჩქ, მუ ხიოლ, მუნერ ჰამო მეჸუნდ მოთაშა
შარას გინმიშუნ, გორქიულო დო ცალ ხეს ბიგამონ...
დუდს ვემკოჭვებდას მუშ მოთალეფს ბებიშ დორთაშა!
თოლს ზისხირ მანტუდ ეთი ოსურსით, ბკითხ დო მიგამუნ...