დიანთილებს მოკო გიწუათ
1. ბოშიქ ძღაბი გეგნიჸუნუ
დო ქარინუ ჸუდეშ კარც,
ძღაბი აშო ვეითმურცუ,
მაშინას მითინგარც.
2. მეძობელებქ ქუდოციუ
თოლიშ გოვალაფა ხანც,
-გეითოზოჯი მუჭყუდუ აშო,
მუ ვამორწონც ჩქინი განც?
3. მოულა სქან ნება რდ დო,
იშო ულაშ მუ გიწუა,
ამდღარ უკული სი რექ, ბაბა
ჩქიმი მანგარალ ოსურსკუა,
ართიანც ოსკვანთ გვალო
ცირა, სი დო ჩქიმი სკუა -
4.ათაში უწუ მუანთილქ,
განწყუმაფუ ძღაბის წარი,
დიანთილქ სენი ქუდახუ დო,
ფართოთ განჯ ჸუდეშ კარი.
5. -აშო სკუა, გამნოზოჯი,
სკანი გოლუაფირი.
ნანა, მუშმაჯგირა რექ
ზისნახე, ელუაფირი.
6. გემნიძიცე ჩქიმ ჸუდეშა,
გური დუ¯ვილათ ნტერცია,
სქანი ჯინა მიბაღუნა
გვალო ირფელქ მეციას.
7. სქან თოლეფი მურიცხის გ,
სქან გოძიცა ბჟასია,
ართიანც ქიმუვა¯უნათ,
ვავოწყინუათ დღასია.
8. დუდშე გვალო ჯგირო რდეს,
ეკუჭკომუნდეს ართიანც შურც,
მარა უკულ ჭიე-ჭიეთ
ქეთაკათ დიანთილც გურც.
9. ნოსაქ გალენ საქვარებც
შუროთი ვემკაჯინუ,
მაჸალებც აშუდოხოდუ დო,
ფიცხი ხოლო ვემნართინუ.
10. ართი დღას მეძობელ ოსურქ
დიანთილც ღობერც ქუმადირთ,
-მუჭო რყუნც, ჭაჭუ, ნოსა,
ქომწი, მუჭო გუმგოდირთ?
11. -დითა, ვიშო, ვამიწუა,
უჩა ჭირი ვაგმოშინა,
თიში ხეს, სი ღურელი,
გოჯოგელი მაფუ რინა.
12. ორტვინც თენა ვემკაჯინე,
¯ვანას შურო მუშა თქუა,
ვაქოსნც, ვანახუნც,
ვაშ ქომონჯი, ვართი სკუა.
13. - ვიშო, ვიშო, მურე მიწინ,
ოსურ, თეცალს ვაგნი?
-ებჭყორდი, ნორა, სი ვაიჩქ,
მურე მულამჩვაგნი.
14. სოთინ ვამძირ, ძღაბი, თაში
ირო კოფეს ქოშუნდეს,
უკულ მთელ დღას ართიანც,
ჭირქებს ინუჯინედეს.
15. ჩქიმი სკუას, ბორო სკუას
ქუწი თიში საჸალე,
მაჟია დღას ჩქიმ ნოსაქ,
`გორია სქანი მაჸალე.~
16. მუ ვამიწუ, მუ ვაბშკიდუ,
წენწყარი ხოლო ვაფრჩხნც ანწე,
იშო მეულ, ირფელს მივოტე,
ძღაბწკმა ოკო ქიმლუაკვანწე.
17. ნოსა ხოლო ეთიმ დღას
მა¯ალექ ქიძირუ,
დო თიცალო თიში რინა,
მანგარო გიკვირუ.
18. ძღაბი, მუშმაჯგირათ ოფექ,
ვარდის ქოგქ გაჯინალო,
დიანთილი თიცალი რჸუნცუ,
გილუანც ძღაბიცალო.
19. -იშო, დია, ჩქიმ დიანთილც
ირო საქვარი უჭირც,
ჩქიმო ხეში მონწყუალა,
მუთუნო ვაუღირც.
20. ჩხვინდით დიხას ვამთხორნქნი,
გომიჯოგუ თეშ გურშენი,
ირ დღას უნწყუნც მუში სკუას,
ირ სერც ბჩხუპენთ თეშ გურშენი.
21. სტუმარი ქუმმაკათუნი,
აკოწკურუნც წარცია,
ქუმორჩქინას, აფხანაგეფი
ვაჸუნდუო დღასია.
22. მუშ საჸალე ქიგეგონ
ნოსაქ, გინოზარებას,
თი წუთის გეაბუნუ,
ვარე რჩქვანელი ცალებას.
23. - ვავა! მუს რე იბრჩქილექნ,
მი რე გიმოძახანცნი?
სქან საჸალეს ასე ფთქუა
საქმე თაშ რე, რახანცნი.
24. სტუმარი ვაგაძირუაფუ,
სი წუნწკი დო ხემეჭვილი,
ჸუდეს ირფელ რწკინნცნი
რენო სქანი მიკონწყილი?
25. - სი ოჭიშიშ მატახალი,
ასე მა, მა ირფელს ფთქუა,
საყვარლებშა გილაკვანწა,
ქომონჯი იშო, ვარშ სკუა.
26. - დიდუ, მურე მომგონნი,
ირო ტყურას თქუანქ, ვარი?
ჭკუდი გემნომღალდას,
სქანი ინასვანჯაფალი...
27. თქვანით ქიმეხვადთ ანწი,
მუ ამბექი ი¯უ თექ,
მის მიქ თუმა გაპუტორ,
მის მოხვად მიში ხექ...
28. ათეცალი ამბეშ უკულ,
დიანთილებც მოკო გიწუათ,
მუდგარენიშ დოგურაფა,
ქგაიბედათ ჩქიმ ჭკუათ.
29. ნოსას ქუმოი¯უნანანი,
ვადიჭყათ წონება,
ხეთე თინა ვეკითხათ _
გოჯინა დო ქონება?
30. ქონება ბრელ დიხას,
ქვიშაცალო მულასორგ,
მარა თექ გუმნარდი ძღაბი,
ჩქინცალ კოც მუთას ორგ.
31. მეჯინელო ჩეჯა ხოლო,
ზისნახე რე, გასაკვირი.
მარა ვერგ მასალათ,
ვატიბუანც თიშ დაჩხირი.
32. ღორონთქ არძოს გაშორეს
ათეცალო ართო რინა,
ჯგირ ნოსაში ვაგორათ,
ვართ ქონება, ვართ გოჯინა.
33. თქვა უნჩაში ხომ ზოჯნთ,
ბრელ მუდგარენ გიძირნა,
მიაშქვით ახალეფი,
მუნეფიშ დუც ქოძირნა.
34. შურ დო გურით მეხვარით,
მეჩით თინებც ანწი შარა,
ხომ ვაგკონა სირჩინუეს
გიღუდანი წუხილ-ნგარა.