დიხას გივორექ
დიხას გივორექ დო ჟი ცას ბგინაფულე.
კვარაკუნჩხაშფერო შური გაკობღაფუ...
ხიოლ გუნარგილა, მუჭო გეგშაფურე,
ჩქიმ ხეთ აკნარღვეფი, კინ მა გაკომგაფუ.
მიდგას ვენვოჯინე, ჩქიმ დუდს ფჩინებულე,
თე გურს ვოჸუნუა, დიდაშ ხვამაშორო.
ვა მიჩქ ეზმა ხიოლს სოლე ფთვინებულე,
პეულს ფშურანდი დო იშენ ვამაშურუ...
ამარ მაჭირხოლი სინას გილახე დო
ჭირხოლს ქეკატუა თქუანქ, უჯგუშ შური...
დოლოს აშვოხექ დო ფირქეფს გილაფხენდუ...
ითამ, გურს მირდუნსო ძგვიტაფ, ოდგიშური?..
ჩქიმი მუკი-მუკი ხვალე ჸოროფა რე,
ჭყანიშ სინთელე დო შურიშ ეფურინი,
დიხათ იშხუნებუ ათაქ, უჸოფარე.
მუნერ ჰამო მაფუ ჟინცაშ ეთორინი!..
მიდგას ვენვოჯინე, ჩქიმ დუდს ფჩინებულე,
ჭიჭე პოზიტივს დო ძიცას ვოჸუნუა.
ინეფქ გირღიმინან, ქურშა გილებუნე! -
ჸუმურს ლექინ აფნო ბულიშ გეჸონუა?!.