თედოში ყვარია
თედოქ სოდგარენი ყვარია ოჭოფჷ, ჸუდეშა ქიმიჸუნ დო ღობილც ქიმთახუნუ.
- მუშენი მითახუნე, ბაბუ, ყვარია ღობილც, ცოდა ვარენო?
- უწუ მოთაქ.
- თქუანა, ყვარია სუმოში წანას გარზჷნია, ამარ მითომხე ასე
ღობილშა, სოთინი ვანტინე ანწი დო ქობძირე ოკო, მართალი რენო დო ვარ, თე ნარაგადი.
- ქო მარა, სი ქჷგარზქო, ბაბუ, სუმოში წანას? – კითხ მოთაქ.
თედოქ ეჸონდ. ჭიჭე შვანც შურუქალუო გერდ დო ფირქენდ. უკული, გეითიჸუნ ღობილშე ყვარია დო ქაფურინუ.