თენა მა ვარუ, გური კარკაცანს
მუჟამს ჟვერამი მინდორს მუკურქუნი,
ჟვერი ჩქიჩქცალო იბირს, მახარენს...
ბორია, ქიმიღი ატამაში პირი,
ბორია, ფურცელეფ ქუგმოშაყარე.
დო, მუჭოთ ხანგა, დო მუჭოთ ხანგა,
თუმაგობანძღილი დოლო კარკაცანს,
ჯალეფქ გეინწყეს ხიჭუმაჭუეფი
დო ხეკვარჩხასუ ქუგმორღვეს არძა.
დო... მა გეფხანგი...თენა მა ვარუ,
გური კარკაცანს, გური კარკაცანს...
დო სი შარასუ მუჟამს განკურქუნ,
ფურცელეფ ქუგმორღვი ხემანგას არძა.