იოანე პავლე II-შ გუმნათქუელეფი

- ძნელიენო რომიშ პაპობა? ძნელიე, მარა შიოლებერი.

- ბჟა გეგენია რე დო თუთა რგილუ, მარა თინეფ აიწორო თეჯგუარეფ ოსაჭირუნა ადამიერეფს.

- რინა კოჩიშ ვალიე ღორონთიშ წოხლე, ვალი, ნამუთ ოკო დართინუე ბორჯიშე დო ოსქვებურონ.

-ჸოროფა გურხვეთ ერიგებუნა სოხარტეფს დო იშაგორილო-ღვალიერეფს.

-რელიგია ვარე პოლიტიკა. მორო პოლიტიკა ანდაშოთ რელიგიათ გინორთე...დო თენა ძალამ ოშქურანჯიე.

- ვარე მოხუჯურ ღორონთჷს ქოთხუე თიშე უმოსი, მუშ ქიმინუა ხოლო დუდო შეილებუნ.

- ღორონთჷ ქო, ალობას ქემერჩანს, მარა სი ხოლო ნუ მეჩირთუქუ.

- მესქეთ გეხვალახე დორხველ სინდისწკილა. ჩილათა ხოლო ნარკებუ ივაფუ დო თიშ გურჷშენ წუხება ხოლო.

- ამანა ირო უმოსობაშ არსიმა მუჭო რე.

- სიბორუე ხოლო ღორონთიერ ნიჭიე, ოღონდას თიშ ბონას გუმოჩამა დო ვარდა შხვაშა მეჩამა ოკო შეილებუდასი.

- დუდშულობა შანენს ვართ თიშ ქიმინუას, მუთ მეგეკორნებუნ, ინა ვარ ნებას ქიმინე სქან საღალე. დუდშულობას ვაუღუ ღანკჷდა, თინა ვაჩინებულენს ადამიერიშ შურჷშა გეთანჯილ ზნეშიერ კალონს დო ვაურჩქილე სინდისიშ ხონარსჷდა, იმწკილა თინა საოშოს დო კოჩიშობას აწმუდირთუ.

- მენცარუა ოხვარუ რელიგიას მეჩილათუეფჷშე დო რცუმოწამეობაშე გუმოხამება-შხაფას, რელიგია ოხვარუ მენცარუას ხექ განწყას დო ალობაქ ქემიაჩას მეკაპუობაშ დო თიშე მეგორაფილ ამანაშ აბსოლუტურობაშ პრეტენზიაშე. ათაშ გინმოჸუნა თინეფს ართიან უმოს ნაკა აკარენჷშა, სოდეთ შიოლებერიე თინეფიშ-ართმაჟიაშ გამანგარება-გამენჯელება.

- მელენდღა ჭუმან ვარი, ამდღარჷშე იჭყაფუ.

- მონკა ლეხ იოანე პავლე მაჟიაშა მალეხინეს გურ გუმანგარებუ გურიშ ოპერაციაშ წოხლე-შურჷქ ვეგეტოტანი, თენა ძალამ ეფ ოპერაცია რენია. ეფი მიშოთი?-ხვეჩეს უკითხირუ, რჩინუს.

გინამარგალუ გიორგი სახოკიაქ