ლილუ ვორექ
ცხოტილი რე ირჲ ჩქიმჲ შურიშჲ აკანი,
კარაკანო გაკოროცხე ჭყოლეფი.
ჩქიმჲ მოხვარას ვა ზალამენს აკანი -
ლილუ ვორექ, ონწეშ ეშნაჸონეფი.
აკიონჯუ. გეკოლაფე ჭარკანი.
შარა გემიძჷ ოჟინოთე ოლეფი...
ქუდუჩინი ღორონც ჩქიმი ნარკვანი,
ვანე, ჟინცას გობთირუათ როლეფი.
ჭიი-ჭიეთ აკმიფშაფუ ღოლეფი,
არსხას ისოფჷ შური - ნაკირაკანი.
გონქირაფე ჩილამურამჲ თოლეფი.
წიმოტებულჲ იკვანწჷ ჩქიმი არკვანი...