ლოთი დო ღეჯი
(მოიადა)
ჩხოუქ ღეჯი ქოძირუ, დოუჭყ შეცოდილაფა;
–აქ მუს ორთჷქ. მუთ გოკო ტყურათ დღაში დინაფა!
ვორწყექ სინჩხე გაწუხენც, რინა გორჯოგაფუნი,
მეუ ლეტას მირგილე, მემიჩქ, უჯგუშ გაფუნი!
–სქემყ, მარა ონტყოლუ არდგილ ვარე სოთინი,
მუ ბქიმინე ვამიჩქჷ, ა, მუჭო რე გობრთინი.
ნჩჷრეს ლოთი ოპატრონ, სახე უგჷ თხოლოშა,
თინა ქინინჯირუნი, მის მიართე ხოლოშა!
* * *
მუჟამც ონტკათ ლოთკოჩი წაურცჷ, გეგნიჸალებუ,
ეთხიებუ ჸუდეს დო ღეჯეფც ემაჸალებუ.