ლუკა. დ.16; ხ. 19-31
XVIII. ართი მითინეე კოჩი დინდარი ორდჷ დო მიკიმიიქუნანდჷ პორფირსჷ დო ბისონსჷ, დო ირი დღასჲ განათებულო ხიარულენდჷ. თაშჷთი ართი ჩიჩიე კოჩი ორდჷ ჯოხოდჷ ლაზარე, ნამუთი ჯანჷდჷ თისი ჭიშქარი კარსჷ დო გეჯეჯერი დო ირცუუდჷ, დო გური აფუდუ დორძღულედჷკო ნი თი დინდარიში ტაბაკიშე გილნაცჷმა ფუჩხათჷ დო ჯოღორეფითი მიიშესჷ დო მუში წყუნაფირენსჲ ლოტკჷნდესჷ. დოღურუ თი ჩიჩიეექჷ დო მეჸონაფირქჲ იჸუუ ანგელოზეფიშე აბრამიში კართეეშა დოღურუ თი დინდარქჷთი დო თიქჷ დიინთხორჷ; დო ჯოჯოხეთისჲ წვალებასჲ ორდჷ ნი, ეიჭინჷ თოლითჷ დო ქოძირჷ შორიშე აბრაამი დო ლაზარე თიში კართეესჲ. დო მიოძახჷ დო თქუუ: "მუმა აბრამი, შემიბრალი დო ქომააჩქვი ლაზარე, ნამუდა ქეგეუწაწუასჲ მუში კითიშ წვანჯი წყარსჷ დო გომირგილუასჷ ჩქიმი ნინა, თეშენი ნამუდა იბცხორცხებუქჲ თე ნინა დაჩხირითჲ". მარა აბრაამქჲ თისჲ უწუუ: "სქუა, ქიგიიში ნი, ნამუდა სქანი ირფელი ჯგირი სქანი შურიდგჷმასჲ მიისური, მუჭოთი ლაზარექჲ უბადო ნი, დო ასეე თაქი თენარე ინუგეშებუ დო სი ქიიცხორცხებუქი. დო თე ირფელიში გალე, ჩქინი დო თქვანი შქასჲ დიდი ნწკვარამი დოდვალირი რე, თაში ნამუდა მითინსჲ ოკორდასი ათაურე თქვანდა მეულა ნი, ვა შეულებუნა, დო თენეერო ვარჷთი თეურე ჩქინი წკალა ვა მაართენა". თი წკჷმა უწუუ თიქჲ: "გოვერდჷქჲ სი, მუმა, მიდააჩქვი თინა მუა ჩქიმიში ჸუდეშა, თეშენი ნამუდა მა პჸუნსჲ ხუთი ჯიმალეფი დო თიქჲ ქაარჩქინასჷ თინეფსჲ, ნამუდა თინექჲ ვარა ვა მორთანჷ თე ოწვალებუუ არდგილიშა". აბრაამქჲ უწუუ: "მოსე დო წინასწარმეტყველეფი ჸუნა დო თინეფიში დეეჯერა ნი". არა იქჲ უწუუ: " ვარჷ, მუმა აბრაამი, თინეფიშა მითინქჲ ღურელეფიშე გათელებურქჲ ქიმერთასი, შიინანენა". აბრაამქ უწუუ: "მოსეშისჷ დო წინაწამეტყველეფიშისჲ ვა გეეგონუანანჷ და , ვარჷთი ღურელეფიშე მითინქჲ გეეთელასი, თიშისჷთი ვა დეეჯერენა თინეფი".