მარგალი კოჩი ვორექ
მარგალი კოჩი ვორექ,
მარგალო ერჩქინელი.
დარინალო დიხა მაფუ
გორილი დო მერჩქინელი.
ჩქინი ჯვეშეფს ვუმარდუქი
მარგალობა დომტესინი,
ბრელი ზისხერ დაბესი დო
ნინა ვამდინუესინი.
ვართი რჯულსუ უღალატეს,
კუნთხუ ვეგმითირესინი.
ჯვეშო კოლხეთს უძახუდეს,
ამდღარ დღაშა ქომორთენი.
ტერქი ბრელი მისოფესი,
აანდაშა ბჭყვიდესენი,
ჯა დო ქუას ვეტალენდეს,
დიხას ასწორენდესენი.
ბრელი ჭირსი გოურძით დო
ამდღარ დღაშა ქიმოფრთითი,
მარგალ, მარგალურს იჩიებ,
მუში ამბე არიკითი.