მარგალც აფუ ორსხებელი
ოშქაბანეთ ცაშჲ ქართასუ
მიშვორექ დო მორწყე ბრელი.
ამდღა ხოლო ნანაშ ნინა
მარგალც აფუ ორსხებელი.
ბჟა თუთას დო თუთა ბჟასუ
მუკულუანცჷ ეშ მალასუ.
ცოდაშჲ კითხირჲ იჸუაფუ
მარგალქ ჸათაშჲ გეშალასუ.
კინ ოსქვანა ართიანცუ
ბჟა თუთას დო თუთა ბჟასუ,
დიო მასქურ მიფერუანც,
მირგილუანც ფურე ჸვასუ.
კინ გილახე მაფშალია,
მოქუჩუჩელ ლერსიშ ჸასუ.
ოშქაბანეთ ცაშჲ ქართასუ
მიშვორექ დო მორწყე ბრელი.
ამდღა ხოლო ნანაშ ნინა,
მარგალც აფუ ორსხებელი.