მაჸალე ცირაში ალბომი
გიძღვნენთ მა ათე ვარდენც
მაჸალურო გოსაშინეთ;
გეგნოფაჩჷნთ, ქაშაჯინეთ,
ხათე ხოლო ქიგგაშინეთ.
თე ნაჭარას ქოძირჷნთი
წეკითხენდათ, გიძიცანდათ,
თქვანი სქვამი თოლი დო წარც
ხეირიანო გინაშქვანდათ.
ეთი ბორჯის სოდგა ვორდე
მუდგა დაფიქრებულონი,
მათი ტანი ქომიგინანც,
იჸით ხიოლებურონი.
დო ფიქრეფი მუდგაფერი
მიღუდასი, გჷმაფანტუ
დო ეთი დროს თქვანი სახე
მა წოხოლე დიმახანტუ.