მა ათაქ ასე
მა ათაქ ასე, სი სო რექ ხოლო,
მა იბრქე შურც დო იბჩუა ფსუას.
კინ რინა გონწყუნც მუშ მინასქუას.
ჰამო დღას ვა რე გიჩქუდას თხოლო.
მა ათაქ ასე, სი სო რექ ხოლო?!
წკონდა რე ცა დო დიხა რე ლამე,
შხვა შარა ვა რე, ვაწიბკინენი.
მის უჩქუ მუზმა თაქ ვორექ წანერი,
ნამ ბორჯეფც გოუნჯი ჸუდეშ კარ კილერი.
წკონდა რე ცა დო დიხა რე ლამე,
უგუშინ რინა მაფუნო თირელი?!
სი გოკონ ჭარი, სი გოკონ ძღაბი,
მეუღ აგაგას მუნაფაშ ჯაბი.
მა დიხას ფოსვის სოდგარენ ვუტენქ.
მი გეგენც თესუ, მუს მიკვაჭაბი...
ჩქიმ რინაშ იშო ბრელ მიღუ ჸუდე,
თუთა რდას გოკონ მურიცხიშ ძღაბი.