მა დო ბჟა ართიანშო
მა დო ბჟა ართიანშო ვორეთ გორჩქინელი.
მუჭო გეკლაჩხანდუ დო ირფელ
ისინთორებ ჩქიმ დინოხ...
მა ვურაგადუქ, სქან გოლვაფირ მაქ დო
ინა ძიცაშე ღვაინონტკვალირ,
მუშ ჩხორიეფს გინმომისვანს ჟიშე.
პკარკაცანთ ჟირხოლო.
ბტიბუქ თინერო, ოფუტეს ბების ვახუტოლუქინ,
თიმწკუმა ბგინაფულენქ ათაშ...
გურქ ხოლო გინმართ ბჟათ,
გურქ ხოლო გენგმანწყ ბჟათ,
ვორწყექ ბედინერ რე კიდირს ინმაგვაგუნ
დო ჸოროფაშ ფოტონეფო ეშმამცენს აშო.
ზისხირ-ჩხორიეფ პეულეფს მუთმოღაზუნა ოფირჩას
დო იბძახუქ- ღორონთქ დოხვამუას კოჩიშობა!
ღორონთქ დოხვამუას დიადიახა!..
ასა-გასა დო შურ მაბურძღინ თენერ შვანს თინერო,
სტუდენტობაბორჯის ზუგდიდშე ქართშა მიმალუს,
დუდშახეათოდვალირს მაღოლედ ათაშ,
ხეს გოფაფჩუნდი დო ზისხირ
პოპორო გიოლუდ უკულ ჯერღვეფშან...