მითინ სოთინ ქინგაარც
მითინ სოთინ ქინგაარც თე ქიანას ასე-და,
მითინ უზეკოთ ქინგაარც თე ქიანას ასე-და -
ჩქიმ გურშენ ინგაარც.
მითინ ასე სოთინ ქიძიცაანც სერითჷ-და -
მითინ უზეკოთ ქიძიცაანც სერითჷ-და-
ჩქიმ გეშა იძიცაანც.
მითინ ასე სოთინ ქოგილურც თე ქიანასჷ-და,
მითინ უზეკოთ ქომეურც თე ქიანაშე-და,
თინა ჩქიმდა მოურც.
მითინ ასე სოდგარენ ქოღურუ თე ქიანასჷ-და,
მითინ უზეკოთ ქოღურუ თე ქიანასჷ-და,
თინა მა მიჯინე.