მისით მარგალეფ ვაუჸორსჷნ!
არძო ქიანაშ კათას
მოკო თენა უჩქუდას,
მანგო ოკო ქოფთქუათ
მითინს თექ ვეწყინას.
მარგალეფქ არძო კათას უწორუ დო
ღორონთს ქიგუდვეს კარე,
უკულ უჯგუში გაკეთეს დო
ქიგიოდვეს თის ოხვამე.
მუჟამს მარგალეფს მიჸუნდეს
მარდუქი, ნამუ დო კარდუ
შხვეფ ბოროცალო გილეშეს
მითინ თეში ფიქრის ვარდუ.
ნიტე ამდღა მუ ოკონა?
არძო მარგალს, მუს ამარდუ?
გაჭყორდეს მუნჯალაქ დო
ბრელს ნინაქ გამწარდუ.
ბრელი შურო ვაფიქრენს
თენა გვალო თეში ვარე,
ამდარ დღაშა მოფრთითინი
ღორონთიში ჭყოლოფარე.
უღორონთეფს ქუგოძირით
მუჭო ინჯამ კარი ცაში ,
განშე ჯინა ქიდიჭყითი
გემნირთინეთ, ართო ფაში
მუსხანირე ოცადუნა
მარგალ ვარდას თე ქიანას,
ართიანს ხუს არზენა დო
ვანარღენა თეშო ფარას.
მუთუნ თენეფს ვეიშალენა
მუდგა თინა იღვარკალან,
ჭიჭე ტვინიშ მენდულეფ
მუჭო მერიებუნა ჭკუაშ გვალას.
ბრელი შხვაში იმენდით,
ლალუნს დო ყვაყვალანს,
მარა თინა ვაუჩქუნა
უკმელა ვარუ ბჟალარას.
დიო სორეთ ანწ გელუნა
ეგებ უკულ ქიმეხვადათ
მარგალეფ მუ გაფუდეს.
ჭარუა კითხირ ქუდგოგურეთ,
გოინჯითი ცაში კარი
ბრელი ფულირი ქუგოძირით.
კოდი უღუდუ თისი „ხარი“
თქვა მუთუნქ ვეშკოოთეს,
იფრელს თქვანო მეხუშანთ...
ართიანს ოცადუთუ
კუჩხი აშო გეითუღათ
არძაშა ღორონთიშ მინაჩემუ
გოკონა ართის უღუდას...
ვეშერსუდეს გორწყედითი
ვაგომრთეს მუთუნქია,
ღორონთს ქოფთხით მუში სქუა,
ქუმორთ ხვამელ ქრისტექია.
ვართ ქრისტე იჩინითი,
ვართ თიში ნარაგადა,
გოლგოთაშა კირიბ გეშიჸონით
ზიტყვათ ითამ ქრისტე გწანა,
ეში რეთი მაზაკვალი,
მალას ფულირ გეითორჩქინდუ
მეიდინუნა შარა – კვალი.
2001 წანა. ხარება. 25 მელახ.