მოგოთანეს
გოთანაში მენჭა ჟამც
რიუ-რაჸუქ ქირაჸუ,
გოღა ჭვენდ, მარა თაქ
ამდღა ნირსიქ გირაჸუ.
დეწკონდინ დო გიხოწ ცაქ
ბჟაქი სინთე მირაჸუ,
შხვაშ ოსურც ალუჯანნი
არტე - ჸუჩა გირაჸუ.
ყარულც მუში ოლაგეს
ურცხო ბაშლაყ ქუდოხვად,
უკოჩეთ ვამართედნ
ქომონჯ თეს ქიმეხვად.
ოსურქ ქუას ქიგედირთ
ჭარკანტია დათანუ,
ინწრა-წენწყარც აკათუნ
ქომონჯქ სერი გათანუ.
ოსურიში მუორე რე:
ქომონჯ ვარგ დო მუ ქიმნას?
ორგნ თიში დიდ მასარც
ოშ წანას ეუდგინდას!
თბილისი, 29 დეკემბერი 2014 წ