მურიცხეფიშ წინგი
მურიცხეფიშ წინგი
ჩქინ მოულაშა დოუჭარჷნა.
ცაშ ეკონია სენას ნოგორუენა, მარა ვაძირესჷნ,
ოშქაშე სენას დოუჩუალუნა.
ჩქი ქომობრთით დო მიბგორეთ თე წინგი, მარა
რინაშ კათელი ქაწომიდვეს მანგიორო,
თენა იგურეთია მიწის.
მურიცხეფიშ წინგი შხვადო, ხეაჩილათირო
ქოდოდვეს,
ისჷთ მითინ ვამრაგადჷნა, გაგწიჸოთით ხეშე რინაშ წინგი,
აქ ირფელ ტყურა ჭარუნიან.
ათეშე გარღვინჯებულ კათას ღორებულო მიმოჩქუნა
დუდი.
ჭვემაშ გინაჭარა ხო ვარდჷ თენა ილასუკონ,
მურიცხეფიშ წინგი რდჷ,
ჩქი რინაშ კათელი ქაშამტყურეს.
მურიცხეფიშ წინგი მაფუნა არძას ოგორალ დო ოკითხე,
თექ დინობჭარუთ არძა,
ჩქინ ერჩქინა, ჩქინ რდუალა, ღურა.
ირფელ თექ იძირე,
ტყურა ვარე მუთუნ, ირფელ თახმი რე.
მარა ხეაჩილათირო ქოდოდვეს
დო უჯინე მაკითხირალეფც.