ნამუ საათი რე?
ასე, რაგად ვაკო, გვალო გვიანი რე,
გურსუ წუხებაქუ სერი გათანუ თეშ...
ვამოსვანჯუანსუ იშენ ნწარე ნარღი ...
ნამუ საათი რე? ნამუ საათი რე?
თელი დამორჩილი დუსუ ქუნმოთანუ.
ქიმებრთი ოსინთეშა, სერი ვაგოთირე,
ასე ხვალე სუმი რდასუნ შილებენო?_
ნამუ საათი რე, ნამუ საათი რე?
სუმიში ქიშილებე რდასუნ ნასუმორი,
მარა გიჯინექინ, იშენ წკურუმი რე,
მავითოსუმა ზარ რკიანს სადგურიშე-
ნამუ საათი რე, ნამუ საათირე?
ფირქით გოფორელე რუმე აბარწა დო
სერიში მეურემეს ვემეჩ დასანტირე ,
ნერვეფმოფაჩილო რეკუნს ტელეფონი_
ნამუ საათი რე? ნამუ საათი რე?
ღორონთ, მუჭო იყუ, ჭვემა მეზისხირე
ითამ უგუთებუ კუპრიშ ღვარალი რე,
ვაგოთანდუნო სერ , გურიშასარიე?-
ნამუ საათი რე? ნამუ საათი რე?
რდუ შარლ ბოდლერი:,,ნწარე დო სასვება,
შუმაშ საათი რე,ღვინიშ საათი რე!“
თაში გიგამანდუ ,მუჟამს კითხენდინი-
ნამუ საათი რე?