ნასყიდობის წიგნი უცნობი პირის მიერ მიცემული სარკინის მონასტრის წინამძღვრისათვის

ქართული სიგელ-გუჯრები

საბუთის აღწერილობა

დედანი: დაკარგულია.

პირი: Ad-1ბ (XIII ს. II ნახ.)

საბუთის შინაარსი

...თეთრსა რა ანგარიში უნდა: კაბარჭითა გარდაუწყე. უკანისა საფასე ემცირებოდა და კიდევე მოგუეშალნის. მივეცით ერთი ჯორი პალარ-კურტამითა, ერთი ცხენი სამასად, ერთი უნაგირი ხუთასად ყუელას მჯობი, ერთი ლაგამი მარგალიტისა ძირით...

მივეცით და მივუბედნიერეთ სარკინისა წინამძღუარსა...

[მოწმეები]: ნიჩბელი, კორინთელი, ვახტანგ ბივრიტელი

საბუთის დათარიღება

1892 წელს თედო ჟორდანია საბუთს 909-941 წლებით ათარიღებს. მას საბუთი ერთ მთლიანი საბუთის ასლად მიაჩნია და დათარიღების საფუძველია მასში მოხსენიებული აფხაზეთისა და კახეთის მეფეების ზეობის წლები.
ი. დოლიძეს მიაჩნია, რომ ასეთი ზუსტი დათარიღების საფუძველს საბუთი არ იძლევა და ის უნდა დათარიღდეს XIII ს. ბოლოთი, რადგან მიქელ სურამელის მამა ბეგა იხსენება ამ საუკუნის ბოლომდე.
კორპუსიც საბუთს XIII ს. ბოლოთი ათარიღებს და საფუძვლად მიაჩნიათ, რომ ბეგა სურამელი საბუთის შედგენის დროისათვის ცოცხალი აღარ ჩანს.
1991 წ. პირთა ლექსიკონის I ტომში (გვ.544) უცნობი პირის მიერ სარკინის მონასტრის წინამძღვრისათვის მიცემული ნასყიდობის წიგნი Ad-1ბ დათარიღებულია XII-XIII სს.-ით.

პუბლიკაცია

1892 - თედო ჟორდანია - ქრონიკები - წ. I - გვ.87-88
- 909-941 წწ. - სინოდ. კანტორის გუჯარი № 67.
1896 - თედო ჟორდანია - შიომღვიმის საბუთები - გვ.1-3
- 890-913 წწ. - სინოდ. კანტორის გუჯარი № 67.
1965 - ქართული სამართლის ძეგლები - ტომი II - № 1, № 2
- № 1 - IX ს. - ნასყიდობის დაწერილი ფავნელისა შიომღვიმისადმი
- № 2 - 893-918 წწ. - ბეგრის დადების დაწერილი შიომღვიმისა
1984 - ქართული ისტორიული საბუთების კორპუსი - ტომი I - N 1
- IX ს. II ნახ. - დაწერილი ფავნელისა მღვიმისადმი