ნერჩი
ჩვარჩვალერჷ ტყაცალო ჸოთანს,
ძეკვენეფჷ ნახუა ოდაშჷ,
მიდეღეს კვიკვალი ოდა,
ქიჸუნეს სისმარეფჷ ცოდაშჷ.
გილაშუნდჷ უჩხონჩხე მუმა,
დოღურჷ დო ქიდიტუ ვალი,
ბორიას აბარჭყუ ხუმა, _
მიოგდას ჩხოროფა ჭვალი.
ჭვემასუ ეთურე ნოსა,
გონწერე ჸოროფათ მერკე,
მინარე ბორჯეფი ქორსა,
იხირგინჷ ვედრასუ ხერკე.
ჯარგვალსუ ბერჯღელანს ცირა,
შქირენს დო ვეპალუ მინჯე,
ჩხვიჩხვშორო იკვენწელჷ ჩილა,
შოფერსუ უძახნა: ქინჭე!
დოხუეს, მიდეღეს ჸუდე,
ვედიტეს ბონი დო ღულა,
მაჭირხოლს გეკურღვეს ბუდე,
ვეშმოურს ოფურკეს ნპულა.
ბაღანეფს გეკორდუნს ნანა,
გეირზამუ ქიანა ჸვერე,
ომბოლშოთ ქუმოურს ჩხანა,
ქიანა დიდათუ გერე!