ნინა გიჩქდას მუსხი რდას
გურს ჸოროფაშ ბორქომჲ გუნწყუმჷ,
ხეს მიკინებ ოკილარჲ!
მარგალს მარგალჲ ვაუჸორს-და
თინა ორე ოჸვილარჲ!
მა სკან გურშენ ბხანდულენქ დო
სი ნტერს ოძიცინუანქ,
ნინას ფოკვას მუნმოდვანქ დო
წყარსჷ ოზიზინუანქ!
ჯვეშეფქ ათაშ დოიჩინეს -
ნინა გიჩქდას, მუსხი რდას,
მუშიშ ხამუშ მიმაგამალჲ
სკუა, მითინს ვაურდას!
ასე გერექ, ოღვიზინა,
გა”ტო”ებულ გილოურქ
ჭარა ბორჯი ქუმურსუნ -
თიწკმა ქომწი – სოლე ურქ?!
ზუგდიდი. 07.01.2010