ნირზი
თიშჲ ღვარაფჲ დინახალე ინიგორგოთ
დაჩხირჲ მოლუაფირჲ ოწონდეს.
დამონკებენა შქირენით გაქანდარებულჲ მუნაფეფჲ
ართო ჭიმოშილი, ჭიფე შარათი,
ჯამუ კოჩი გეჸუნც მუშ დათებუ რინას.
თე ოორუეშა, დო ვეშა, ღურუშჲ ოფირჩა გეუდვალუნა ოწმახო.
პეულეფჲ თაქ პეულენა, ვათხიუნა დიხას,
მარა კაკლარჲ დო ზვაია იშენჲ მოლუაფ ირფელც.
გილაზირზინუნა მოხანდე სქალეფჲ.
ირ აკანც მუდგარენჲ ტყობუ ოშქურანჯი,
გოხოლუას წყარმალუ შუმინუნც,
თაქიე აფუნი, კოდმე-ტკილც დო ფურიალეს,
აწაძირე საფულა.
ლენიშფერო გონათუნა მორჩე ჸვილეფი
ძარწუფაშფერი დიხა იძანძჷ,
მუ შვანც უბადო კოჩი გილენეველუ მუშ ნობიჯგის დო
გეშის გითმიტენცჷ ირიათონონჲ.
ჯამუ კოც უმოღე, დო უსქე ქიანას დოურინ.
შურუბადო გვერი თაქიე ხვიარელი, მოზიმილჲ
თვინიერებას გიმირჩქინანს გამაღეთ.
სო რე ჩეჟიერება, მართალ რინა სო რე,
კინე გოვირვილერი, უდამურც გითმიოსქიდ ირფელი,
სოდეთ მელახ-მელახო აბორჯებული ნჯილოეფი
გილაგაგანა ამდღა დო ამსერინი.
თიშჲ ღვარაფჲ დინახალე ინიგორგოთ
დაჩხირჲ მოლუაფირჲ ოწონდეს.
დამონკებენა შქირენით გაქანდარებული მუნაფეფჲ.