ნოტე დიდხანც ქიპიდე
უგინარო გოთანედჷ
მაფშალიეფი ქიბირდეს,
ბჟას პიჯი გუბონუდჷ,
ჟიშე სქვამას ქიჯინედჷ.
ბაღჲს ვარდის გუპირუდჷ,
ანთასჲ ფერო ქიძირედჷ,
ბორია ჸვანას ქიფაცურჷდ
ქოჩორც რცხონნდ სიმინდემც.
ფსუაფაჩილი ტორონჯეფი
ცაში კორკონტიშა ქიჯინედ,
ჩქიმი ნამთინი ვემშაკათდ,
წორო-წორო იძირედ.
ამდღარი დღაში მახვამალო
ნოტე დიდხანც ქიპიდენჲ
სი მუჩი ძალა რინაშ ბოლოს
ჩქიმობურო ქიბიბრენი.