პოეტიშ ეკონია ობირეში
ქუმორთ ღურუ, ქუმორთ ჭარა,
მიდეჯუმეთ ჩქიმი შური,
თარაშ ნებათ, ათე შარა
მუ ხანი რე, გუვასური.
ორაგადეთ ჟინცაქ მიწუ,
თინა ორე ჩქიმი მინჯე,
ეთის ირო იბმაჟირანდჲ,
მუჭოთ ჩიტი მაფურინჯე.
ხვალე ვარდეფ დომინგარა,
ცირა, ანწი მევულ ჟინე,
ღურუ, ვადომზარა ვარა,
ათე რინა ვადმათმინე.
მარდი, მუჭოთ დიხას ბჸონი,
ღორონთ, მოძირ რინა ათე,
ღურუ, მალას მიდამჸონი
დო ნოთელი ქჷგმოქვანთე.