რექვიემი
ჩქიმ ლერსეფი, ჩქიმ ჩიტეფი აშო მორთით ხოლოშა,
დუდი ქათიტყობინეთ ჯაშ ფურცელიში ოროშა,
აკა სქვამას ქომბირით ჷ მარგალური ნინაშა
,,ვავორდენი ქომისხუნუ უსქანეთ რინაშა,,
ჩქიმ ლერსეფი, სქუალეფი, მუმაკჷნით ხოლოშა,
ხვალე ვადომიტუათ - ქიმმაზარით ბოლოშა.
ოდო შური ინომდგჷნი თქვან ჸოროფათ ვორექჷ
ღურაშ უკული - კალკანეშა ვარა ქჷმომგორეთ,
ართო ქჷდაფურინითჷ სასაფლაში ხოლოს,
სხაპითჷ დო იბირითჷ ამწვანებულ დოლოს...
ჩქიმ ლექსეფი, ჩქიმ ჩიტეფი ოსხუნურეფი შურიშა
გოძიცელო მინილით მარგალეფიში გურიშა.
......
ახალობა მელე სქჷდ გურცუ მონტოუ გენია,
გვალას მალას ეკიბლენქჷ ვემომიძჷ ბრელია,
აშო მუთა დჷმართინე, აბა ჯგჷრო ორდათჷ
ჩქიმ ლექსეფი ჩქიმ ჩიტეფი დიხას ვადომჸოთათჷ!