რინა''
მუვახიოლჷქ რინას -შქაბანია ომურიცხეს
მიშაფულირ მერქაშ რიალს...
ტორონჯი დო ტინტილაშე
გვალო ჭკუას ვოდინუა.
...
მოჰამუ ფიშქალჲ პეულეფშე
გჷშნახორცქა ფურკით შუმილი
ფსკალეფიში ზჷმოთი დო ბგჷნაფულე
თინეფს მუთი გურც ენაგუმინნა;
ნოტე სქანი ჯღარი თოლეფიში
ნერჩის დჷმოლანდაფუას
ჩქიმ წკუმონტილ მაჟირუ დო
უკული ქირქეს ქენმოქოსენი,
შურს ვაფქალ, გიფუჩუა.
....
ალ-დაჩხირი გჷგორზჷდ დო
ისხვარსხვალჷდი ზჷნთხჷჯგუა,
გოთართალერჲ ძუძუეფს
მოკოდ კირიბი გერდჷკო, მარა,
სისმარს ებჸუნაფუქუ დო,
უკმელას უქვანთუა.
ეჸ! ქელმასიმუ ჟიშე
გუმოზოჯილეფიში ხონარქ,
დო ნახონებუ ჩხე ფურცელს
ჩილამურს ვოწისუა.