საიმა
საიმა“, ზისნახე, სი ჩქიმ ნიშის დუკვანწე მუჟამს,
უკულ ნიშჷ ჩქიმ მენჩურუნდჷ უმოს ცხორცხალო,
წყარიშ ჩქორჩქოლს ალმასიმედ მა ნანაშ ბიარა,
შორშე გოლეფ მიძირედეს ტყუპ დალეფცალო.
ელმასიმედჷ „კალევალა*, მა ირდიხაშე,
უბირდუნჷ ნარღით რკინაშ ტიტანს ახირებულსჷ,
დო შოლირ სილა წყარპიჯის მენწყილო რიტმის,
მოჭყუდუცალო ქანქალანდუ მეწამურ ფონსჷ.
ნაშუმა ჩხანა ოჸოთანდუ თუდო ისარეფს,
ტომბას მენჭაფილ ორზანდენს უკულნე შხვეფს,
ცაშე ღირაკილ ხილით ეფშა მონკა ჯაშორო,
ბარჩხალა ჩხანას ონირზუდეს პირველ მურიცხეფ.
ეკიბლ დიხაშა, ჩე ხოლაფირ, თუმა კიროკილქ,
ვაფშჷ იფხვამანდჷ, მუჟამსინ დო ვარდა მუზმაშა,
თოლუნჭაფ საიმა მოფუშკანდ მალჷ ლავაშორო,
წყარშე ედგინელ ჩე ნირსეფ მენჭუდეს ცაშა.
სექტემბერი, 2018 ვაშინგტონი