სასუმაროშა მინმურს ოსური
სასუმაროშა მინმურს ოსური
გოფაჩილ თუმათ. მიკათანთალუ
კიდირეფი დო უკახლე შური
ქეკატუ ბოშიქ. ხონარქ ვაქალუ...
ემახნარაფალ სისქვამაშ თუდო
მეუკვაზუანს ტან დო კუჩხისუ...
გურქ ოგურეშე გეშალ, გართუ დო
ყამა ქალეგუ ბოშიქ ორჩხესუ...
ჟირფა გოძიცინ. თოლით ფუჩონი
ართიანიშ, დო კილე - კილესი...
ჸუჯის მუდგარენ ქელაფუჩინუ
ბოშიქ ოსურს დო ჟი ეკილესი...
კარეფს მართაფუს, ონჯანს დო კილანს
ლილ-დამორჩილიშ მასქურ-მორია,
ვუჯინექ სერიშ გურსაჭო ფინალს.
ლობის მილვორეთ მა დო ბორია...