საშაროთ ობირალი
უდალე დო უჯიმალე
კოს ჯა უჯგუ ცხოტილი...
მუ მოღე რე თე სოფელს
ხვალე გილაცოდილი?..
ჩქიმი მინჯე მითინ ვარე
- მის დინაფუქ, სონური...
თე ქუდი ვარა ქაგმოთუდას -
ნაბადია შონური...
აშო ჩელა,
იშო ბუსკა,
თქვანი მენდი მიღუ ვარა,
ცოდაშ ბოგას გევკირუქუ,
მუ ვიბირა,
მუ ვინგარა...
გურიქ იშენთ ვამშკურონდან,
გიძე გემიზუნა შარა,
ვადივრთით და
ჯინჯიღულაშ
ჩილამურით დომინგარა...
ჩილამურით ეშა მაფუ
ჭიჭე კულა ოლური...
ჯვეშ მუკმოქუნს,
ჯვეშ მუმოძუ,
ჯვეშ გუმოთუ შონური.