სიმღერა (გიორგი ლეონიძე)
| სიმღერა ავტორი: გიორგი ლეონიძე |
ჩაჰქრა სხივი...
ქარი ჰხვივის...
დაცემულა ფურცელი!
ირმის ყვირილს,
გულის ტკივილს,
მოდი და გაუძელი!
მზის ღადღადს
და მთვარის ქათქათს,
მთების ლაპლაპს ვუცქერი,
საქართველოს სილამაზეს,
მოდი და გაუძელი!
გულის ძგერა,
ჩანგის ჟღერა,
მე სამშობლოს ვუძღვენი!
მარად მისით ვიხარო,
მასთან დავრჩე უცვლელი;
საქართველოს სიყვარულს,
მოდი და გაუძელი!