სონეტი ბუტუტიას
ეთექჷ დინუ ბუტუტია, მუჟამჷ ფსუა ქაჩანუნი,
მუჟამჷ დიხას ქიდიტენს დო ჟინცას გორუნს დოხორესუ,
მუჟამჷ ჸვერეთჷ მიახიოლჷ მურიცხეფიშჷ ნოჸორეფსუ,
მორო მითინს ფსუაშჷ უმშოთ უღურალა ვაჭარუნი.
ბუტუტია დინაფილჷ რე ოდაბადეს ვაჯანუდა,
ულირჷ დღაში გოჯოგაფა ვამუჸუნანს წოხოლენსუ,
ინას ფსუა მეუჸოთანს მონტერე დო მოხოლესუ,
მორო სინთე ვადარზინე ფსუათჷ ვეგლეხვარჩალუდა.
ვემიდინე სოვრეთინი გურცუ მუდგა ვეპალუნი,
ტყვია ზეპეს ბაჩაჩიას, მუჟამს ართშა გენალუნი,
მინშა ჯვარიშჷ გეჭკადუა ულიებუ ხვამა დღა რე.
ეგებჷ გვალო გეღორონთი ფსუალეფქუ ეფალუნი?!
მაფურინჯე, ბუტუტია, ღურა მუში მამარდა რე,
რინაშჷ ნება ქორდასჷნი, ქიანა მუში მაფართა რე.