სონეტი ლანდაფას
ოლი მაფუ ქართიშა, ქეწმაზადუ ეკიქუ,
ხრეშილი რე კირდე დო ქუალეფიშ კირცხი რე,
ვამიჩქ მუჭო ეკოფრთე, მუნერ შარა იბცხირე,
სეტელია ტკილეფქუ ქუმუცალო ეკიქუ.
შხვა აკანშა გინიბლი, სანდალ მიდეღ ლეკიქუ,
წყარი მიზიმოთუ დო ართო ტკუცი ქირცხი რე,
ჟვერდიამუს! ფუთქურშა მუჭო ვემიბირძღინე,
რობუშ ქვინჯის ქენოცუ ვითშა ეკნახეკიქუ.
“მიკირთია უკახლე” , იჟღილინუ ბორია,
“ერსქემეფსუ ვათხოზა, სქანი ფენდა ზესქვი რე,
ღუმურგილ დო ლებია უგემურო ნკორია.
ვარა არძა წყურგილი უჭყანეთუ მესქირუ,
თიშ სარკესუ უჯინი, დუდი თექი გორია!”
ჰოდო, ჯვეში ხესქერქუ კინი ქიმიხესქერუ.