ტომბა სირჩქალა
ტომბა სირჩქალა ინოჯან ჩქიმ ინოხ ასე
წოხლენ კორპუსშე იძირე ნოთე
ერზამილ ჩქიმ შურცალო
ვერწემ ბოხოხო გიმორთჷ ჟინცაშ მუნაფა
მათუალო გიმონწყილი დო
მივოჯინექ ჰეერს გოჸინილ
ორთვალს გიმაფურინე ტორონჯეფიშ კადრის...
ბაღუჯაშ ჯითაჯინც ბაღირეფ გილაკიკონუნა
ჩქიმ შურშე ეშარღვაფილ მარდუალ სარძღოს
მანქანეფიშ უმუჭყვიდუ ყარაფის
ჩქიჩქუეფცალო სხარსხალით გილათხოზუნა
ეკი-დიკი ჯაშ ფერუან ფალეფ დო
გამწას ბგინაფულე ედომუშამობას
უგუნჭაფუ ოფირჩაწკუმა
ირფელ შურდგუმილ დო შურუდგუმწკუმა
მუთ ქორენ...
29 გერგობათუთა 2015