ტყაშმაფა დო ოჩოკოჩი
წყარს ეკოხე ტყაშმაფა დო
მუშ მანწარა აფუ რინა,
მიგვარგვალუ ინგირწყარი,
ჯა დო გვალაშ მითნარგინა.
ინგირპიჯის მიკინგარსჷნ
ტყაშმაფა რე ჩელაია,
მოტყობუნს ოჩოკოჩი,
ფრიმულოჩერჩელაია.
ირული, ვეგიახაბარკა დო
ვეგიანთხა ნახაფულს,
სი სარალო, ეთიმწკუმა
ძირუნქ ჩხე-ჩხე ჩილამურს!..
მიფიორუ ტყაშმაფა დო
სო იტყობუნ, მის უჩქ თინა,
ოჩოკოჩის ვეგიაჭიშუ,
მუშ მანწარა აფუ რინა!..
თე ჸოროფა მუ ჸოფე დო
მუნერი ჸოფე, ოკო რჩქინა...
მიგვარგვალუ ინგირწყარი,
ჯა დო გვალაშ მითნარგინა...