უჩა სერი
ლექციად ამუსერი,
ჯგირ მუთუნი, სათოყუჯო,
მარა გური ვეგემიძჷ,-
ვავორექჷ ჩქიმი ხუჯო,
მუ რე მარულუაფუნი,
ბრალი რენი ქიაჩიში,
შქარა შარას მივოტე
რჩქილა ტოტომიანციში.
ტრამვაის გევდოხოდი,
ქუვორაჸე მოკო რული,
ვერაში ჟინშე დიკოხონი
აკაწუნცუ გალებრული.
ზუმბული-ქუაში სამკითხველოში
კარქ დობხვადუ გონჯამილქ,
წიგნემქითჷ ქჷმაშუუ,
სმიტი-მენგერი დო მილქ.
კინი მოლაბრთი ტრამვაით,
ქმოვრთი ჩქიმი ბინაშა,
მარა თეში ქუვორექ
ღურა მისხუნ რინაშა,
ქდოფხოდი, ქიმლემშუმე
ართი ჭირქა ჩაი ფალო,
ქიდიმჯირი, ქუდმარულუ
დუდი მინაკვათაცალო.
ვამიჩქ ბლურდუ მუსხი ხანც
მუ ქიჸიდ ვარა ბორჯი,
მიდგენი კარც ქიძახჷდ,
გამწუოლი ვემაბორჯი.
"მი რექ მაქჷ" დოუძახი,
ყოფედ კოპიტა დო დურუ,
თურმე თედო ჭყოლირი რე,
წვალებურო თექი ღურუ.
მიწის: "ტყვია კილეს უღუ,
ოშქურანჯი მუთა ოჭ...
მარა სიტყვა ენეფიში
შურო გურცუ ვაკმონჭ.
ტყვიაქ ფედოს ქჷმოხვად,
ფედოქ თენა გეგნიღასი,
იცალი ბედი ვამიჩქუნო
ჩქინსჷ ვაჭარაფუ დღასი...
ავტორის შენიშვნა:(ეს ლექსი ვრცელი იყო, მაგრამ დაიკარგა და მხოლოდ ამისი აღდგენა შევძელი).