ქიმკომმარდილუ ჭარაქ
ქიმკომმარდილუ ჭარაქ,
სქან ჰამო ხუმაქ მასიმ,
ნანირძებ ჯინა ელარდგ
გურს თოფწამალო კასილ.
სერს აწნაჯუმეფ ჭუაქ
ჟორსეშ ოსარეთ გინმართ,
ნერჩგითოსოფილ სისმარს
კინ უსქანობას იმგარდ.
...დო ხამ ქიგემსვენ ასე
ართ ჭვეთ ზისხირი ვაურს,
წარეფგერხინილ ჯინათ
ტან მახუაფ დო ვაბლურს.
სქან შურ ქენომმბარ, ვორწყექ,
რინაგოჸინილ რსხეულს,
ქომხუტოლუა გურშა
დო უკულ ჸუჩა მეულ.