ღურუში სონეტი
გუგაძიცინე, თე ღურუქ სო გიმოჭიშუა,
გვალო შხვა შარათ მიბშია დო მუკმორთინუა,
მარაგუანი თი წუთისი ეკმორთინუა,
ვებრძოლიკოვან ვართ მაშუა იშ ოჭიშქია.
ვარა იშენი მუთუნქია ვამაჭიშუან?
ქიგებღურია, ბოლო ეშალს ვეშმართინუა,
თაქ თიშნერია ვარენია აშ მართინუანი,
იშო-აშოთი მიქით ულა ოჭიშუუა.
ვაი, ახავაი! ვარა მუშა მა გობრჩქინდია,
ვარა თექი დო ვარა თაქი მუ მოკოდუა,
ჩქინი დუდით დო ართიანით ვაწამითია.
იბწვალითია, ჩხვინდით დიხა ბხიხონითია,
თაქით ჩქინჯგურა ანთასქია ქუდობხვადუა,
- ირფელს არზია ნოღვენია, ქუგობხვადია.