ყურდგელეფი დო გორდეფი
ართო დიშაყარეს ყურდგელეფქ დო მუნეფიში სამონწყალო რინაში გურშენი ქიდიჭყეს თვალუა; ირფელი ჩქინი ზისხირც შუნც, ირფელი ჩქი მობთხოზჷნა: კოჩეფი, ჯოღორეფი, მაფურინჯეფი დო ნორტყეფი; ართი წუნც მოსვანჯა ვამიღუნა, ირო შქურნაფილო დო წვალებურო მეურც ჩქინი დღალეფი; ათეჯგუა რინას ქოუჯგ დუდი დიფშქვიდუათ დო გავათუათ ირფელინი.
ათენა ქოთქვის დო ირულეს ტონბაშა. ტონბაში ძგას გორდეფი ეკოხედეს. ქოძირეს ყურდგელეფინი, აშქურნეს დო წყარც ქენოცის.
-აჰა, ჩქინდე უმოსი უბედურეფი ხოლო ქოჸოფენა, ჩქინდა ხოლო ნოშქურუე მიდგარენეფც, თინეფც ვაუჸვილჷნა დუდი დო ჩქი მუშენი იპილათია, - თქუეს ყურდგელეფქ დო დირთეს უკახალე.