შიო ტორონჯ
შიო ტორონჯ, ქოფურინი,
გინილ ინგირი დო ღალი
გალერებსი ქიგნაძახი:
ვორექ, ოჩამჩირეში მალი.
ქიგიჯინი ჩქიმი ყუდეს,
ქოძირ, ქიგედგნდო ვარი,
ჭვილი რენდა, დომიფული,
ვაგენგმობა დუღა წყარი.
ჭყოლი გურსუ ქუა გემძუ,
ლოდი, ჩილამურით რჩხილი,
ვარე გინოდგუდგილირე,
ჩქიმი კილეშ ნახანდილი.
ჩქიმ ტორომჯი, ქუმოფურინ,
ქოთქვი, ქოთქვი, მუ ძირინი.
მიჩქ, ოლააფე ვარე
სი მუსუთ გინაჯინი.
მენდი ოკო ვადინუე,
თოლსი მომთხოზ ჩილამური,
ჩქინ ტერეფიშ გაძიცალო,
ვედიბჩიჩუათი გური.